影片
呢间cafe类似私房菜嘅形式，枱与枱之间有一段距离。我哋去到餐厅门口，要先㩒门钟，店员开门后，叫我哋换拖鞋。入座后店员会先询问我哋本身系咪食素、唔食得D咩 (例如蛋、奶、五辛)。跟住佢会根据你嘅素别，介绍返餐牌上可以食嘅菜式。店员话含有五辛嘅主食有3款，其中日式咖喱杂菜饭因为本身朝早准备酱汁时已加入洋葱，所以走唔到，而蕃茄扁意粉就可以走洋葱。店员着重同顾客嘅交流。佢系上菜时会讲解菜式嘅独特之处同食法，走嘅时候亦会问我哋对菜式嘅意见。佢仲话知道香港素食选择唔多，所以餐牌上嘅菜式久唔久会转，希望比素食人士更多选择。因为人手问题，食物制作需时。如果赶时间嘅话，可以提前1日落单，预留时间比店员准备食物。烧汁日本豆腐串 (三串) $48豆腐串用上日本冻豆腐黎煎，外皮香脆，入面好滑。啱入口时有食红烧豆腐嘅感觉，慢慢渗出日本酱油嘅甜味。日本烧饭团(两个)配沙律菜(日本蛋使用) $93烧饭团嘅饭粒粒分明，因为外皮脆口，有食薯饼嘅感觉。店员话沙律菜系每日朝早先去买，所以几新鲜、爽脆，捞埋千岛酱黎食味道啱啱好。三骰丼 (牛油果、蕃茄、鸡脾菇) $108叫做三骰丼系因为三种食材(牛油果、蕃茄同鸡脾菇)都切到好似骰仔咁。食材嘅调味唔错，丼饭嘅旁边附上豉油同wasabi调味。个人觉得份量偏细，而且饭底偏淋，做唔到日本米烟韧同粒粒分明嘅效果，如果可以做到烧饭团嘅口感就更好。
继续阅读
无意发现小店，入到门口需要换上拖鞋，地方唔算大，整体简洁舒服。枱只有几张及两位店主，食物是即叫即做，所以一定要book位，适合2-4人。沙律食材新鲜，推介汁烧豆腐串。价钱中等，食物份量不多，适合女士；男士可能会唔够饱。
继续阅读
朋友介绍，入面既位置都系随住booking而改变，所以上黎之前，记得要先book位。同埋佢系慢煮，同埋啲嘢食好新鲜，所以要预好充足嘅时间先黎食～入到去就闻到好香嘅黑松露同埋咖啡味，成间餐厅墙身都系projector投射既山水，好大自然几个人，叫左三道菜share，野食需时，倾住计等。人手唔够，半个钟之后终于上咗碟菜，虽然上菜上得好慢但系啲嘢食真系好好食，牛油果花都整到好有心机，睇得出刀工，芥末蛋酱好特别，啲材料都好新鲜然后仲叫咗个Pizza，4小件，个底就烘得好脆，因为素食餐厅，无肉，有啲蕃茄同埋芝士。最后叫咗佢个特色食物：三骰饭。佢有牛油果蕃茄同埋烧汁鸡髀菇，全部都切到一粒粒细细粒，侍应仲好细心咁样讲解可以点样食，成餐饭都好舒服。仲有买豉油同埋Wasabi，好日式嘅感觉。之后仲叫咗个烧饭团，烧到脆脆地好得意。有好多味素所以都好香。
继续阅读
book mark 左呢间cafe 一阵子，前几日终于有机会同老公试试。。一入去店员有礼貌咁叫我地换换拖鞋。。有一刻吓左一吓～好彩只袜见得人🤫🤣店入面环境好舒服、简洁，可能换左拖鞋既关系，觉得有"家既感觉"🤣上菜方面，唔expect系快餐，所以时间acceptable~ size 就比预期中细左dd, 不过够饱。 尤其欣赏店员每道菜都会细心讲解其特点、材料甚至系食法，有种去左私房菜既感觉。🥰走既时候店员同我地倾左一阵，仲送我地出门。。加分👏🏻👏🏻以开左4个月左右既cafe 黎讲做得好好💪🏻💪🏻加油啊！💪🏻💪🏻🤔🤔唯一不足就系价钱唔算平。。（我地食左两个main,两杯饮品，两个蛋糕，承惠$400)所以唔可以密密食。。不过以一间尽可能坚持用原材料做食物既cafe 黎讲都唔错的❤️有机会会再黎！😊👍🏻特别推介： 朱古力二重奏蛋糕！ 我同老公跟足店员讲解：含住啖蛋糕一阵先食。。啖蛋糕（连饼底）真系溶左！好amazing😱😱期待佢既朱古力辣椒蛋糕
继续阅读
认识Just_inBakery，一切从一页纸嘅烹厨理念开始⋯简单，零添加，突显食材本质原味⋯就静静地坐落于Crazy Monkey Cafe内。还境舒适，空间感十足，带住点禅味。Basque Burnt芝士蛋糕+Piccolo latte咖啡，少少奶更能突出咖啡豆香，系我每次不二之选。其他食材亦迎合蛋奶素人对食得健康嘅要求，mocktail很有创意。就系欣赏两位年青人对自己嘅理念，坚持落实嘅认真态度😊
继续阅读