影片
在西贡崇真堂下车,往九龙方向行,横过油麻浦街,向上行5-10秒就见到(正门在西贡公路)
继续阅读
营业时间
星期一至五: 11:30-23:30
星期六,日及公众假期前夕: 11:30-23:30
星期三休息
以上资料只供参考，请与餐厅确认详情
招牌菜
今日与女友往西贡Cozy Corner食英式下午茶，享受假期的幸福!由于小弟好耐无试过英式下午茶「大乡里出城」，依稀记得食的次序是先食上层，之后中间、最后食下层；而中间的松饼则先涂果酱，之后涂奶油，吃一口后再涂果酱及奶油，最后咖啡则杯耳向右，茶匙则放在45度角，希望今日食英式下午茶无失礼吧，讲番食物，上层的烟三文鱼，哈蜜瓜烟火腿和蜜瓜鹅肝都好甘香，中层的提子松饼和原味松饼，热辣辣好好味，下层的朱古力，天鹅曲奇饼和奶油饼味道不错，好好食的下午茶
继续阅读
自从第一次来过后就爱上这里的西班牙烧乳猪, 每次来都必吃。今次他选了一个我们未试过的小食calamari - 。个人来说觉得炸得颇厉害, 而且没甚味道。 每次来吃的西班牙烧乳猪的在水准之上, 今次就不达标了, 乳猪皮烧得太干硬, 乳猪肥肉太多, 而且肉韧, 奇怪突然水准下降了这么多, 希望是一时失手。 烧春鸡还算合格, 鸡肉嫩, 香草味清新。希望下次再来回复水准。
继续阅读
星期一妈咪生日，破例唔食中菜改试西餐，三代人啱啱好坐满一架七人车。有人做司机，当然去远啲都冇问题，朋友介绍过呢间餐厅，评语唔错，一于试吓。打电话去订位时，问可唔可以订埋生日蛋糕，职员话订蛋糕要预早一星期，我哋太迟，建议我哋叫个小甜品，佢哋可以喺碟上写字。但我觉得有生日蛋糕好啲，可能我够诚意，佢帮我问咗饼师，好快覆我冇问题星期一西贡比较静，当晚餐厅只有另外两枱客，我哋点咗6个主菜，另加法式洋葱汤&是日餐汤，同埋牛油果蟹肉沙律。最先上枱嘅系香蒜包，虽然有少少辣，但好香脆，两个姨甥女都抢住食。再嚟系洋葱汤，我冇饮，个样几得吓，多士上有烘到涨卜卜嘅芝士；餐汤系南瓜汤，好浓好香；牛油果蟹肉沙律好多蟹肉，酱汁甜甜酸酸，好开胃，如果牛油果再熟啲就perfect。主菜叫咗烧全鸡、肉眼扒、煎银鳕鱼、煎三文鱼、西班牙乳猪&焗羊鞍。先来两碟鱼，银鳕鱼油脂充足，点煮都好味；三文鱼有啲惊喜，鱼肉上铺咗一层我最爱嘅姜茸，酱汁系蜜糖芥辣，好特别。听讲西班牙乳猪系招牌菜，有啲期待，一上枱，两个小朋友已急不及待要食猪皮，转眼全碟扫光，我只食到少少肉&伴碟嘅沙律菜，下次要叫多一碟至得。肉眼扒好大件，肉质够淋，烧汁有好香松露味，好味！至于羊鞍就唔知得唔得，因为我唔食羊。等咗好耐至出场嘅烧全鸡，比想像中大只，侍应话最少要焗35分钟，所以要等耐啲。平时我好少食鸡胸，但今次切咗一块鸡胸食，竟然好嫩滑，仲有好香嘅香草味，有啲意外。食完主菜，轮到神秘蛋糕出场，我知系栗子夹心蛋糕，外形只喺电话形容畀我听，妈咪钟意玫瑰花，我估应该唔会出事啩。登登登櫈!!!一捧出来，见妈咪笑到见牙唔见眼，即刻放心晒，系三色玫瑰花呀，真系好靓。栗子蛋糕都好好味，唔太甜，啱我哋食，不过小朋友唔食栗子，问下次可唔可以改朱古力蛋糕，哈哈!一餐饭食咗两个几钟，环境舒适，食物有诚意，侍应好有礼貌，一家人过咗好开心嘅一晚。
继续阅读
J先生话庆祝拍拖六周年纪念, 决定入西贡食西餐庆祝我不想去我俩常到西餐厅, 上 OPEN RICE 寻找 - COZY CORNER气氛算浪漫的...可惜新来的服务员弄错了; 把我原先订了二人梳化位, 给予了别人当日餐厅已满座了! 结果被安排我俩座门口第一张四人枱!微暖的蒜蓉包J先生看完餐牌, 觉得前菜款式不太吸引...提议先点了两个主菜...加支酒!!MOSCATO D'ASTI $480甜甜的, 容易入口味道似雪碧 + 啤酒!服务员走来说牛扒12安士已沽清; 只有10安士, 14安士J先生话: 改14安士吧!烧西班牙乳猪配薯角及沙律 $268乳猪皮, 乳猪肉分开的乳猪皮够脆口, 乳猪肉腍! 可惜不够热薯角不够脆而腍了! 沙律醋酸甜适中!美国安格斯高级黑毛西冷牛扒 (14安士) 配松露, 松露烧汁, 芦笋 $378牛扒够香浓又有肉汁; 七成熟, 竟然有过多血水...没有松露香味 比利时酒香心太软 浓郁朱古力蛋糕, 配上流心朱古力主菜令我俩有点失望COZY CORNER 总结: 还可一试!
继续阅读
西贡我都成日蒲架,因有个好姐妹朋友住西贡.靓女朋友系COZY食个一次HIGH TEA话正,推介我来买曲奇.因系HOMEMADE的,无落防腐剂,值得支持这间小店.今天一支公入来去朋友屋企开P,顺便走来买两盒曲奇先,行入餐厅见装修好靓㖞,蓝和白色为主调,好舒服好RELAX呀.买左两盒曲奇,每盒88元,买左同家姐亚哥们一齐开心SHARE食.人人口味有D唔同,朱古力曲奇:家姐和亚哥话苦苦地好香好钟意,老爸话好苦呀,唔好食,自己朱古力狂迷,就觉得好正呀.伯爵茶曲奇:好有茶香呀,个个赞好,一件接一件系咁食.焦糖曲奇:大家觉得牛油味香浓,味道唔错.个饼罐家姐和老爸都喜欢,每人储番起一个,真系好似婆仔亚伯收起个罐当宝咁,嘻嘻,好鬼搅笑.因西贡靓女朋友极力推介我必食HIGH TEA,重讲到五星的环境,食物系五星酒店的水准,哈哈,有无咁夸张呀.但听到我流晒口水,咩都假揾番只脚一齐来HEA住HIGH TEA至实际,食得是福嘛.西贡系一个我好喜欢的地方,一个小小的地方,行吓海鲜街,买吓茶果,行吓街市,行吓中心位多间小店,睇吓有机菜等,一个小小地方咩嘢都有咁,超正.
继续阅读