影片
相关文章
在南丰纱厂其实离离去去都系𠮶几间餐厅未食过呢间 所以今次就嚟试吓宠物系餐厅入面或者外面都可以坐 无特别分开食物都系一般cafe嘅选择拣咗个百几蚊嘅all day breakfast 香港食依D其实都系咁上下 唔好预会好好味就系一般般另外嗌杯玫瑰咖啡 热嘅$47 另一杯焦糖咖啡 涷嘅$50不过两杯嘢等得有少少耐 差不多食完个all day breakfast先嚟总括嚟讲 Normal~!
继续阅读
今日18:45去到想叫野食，收钱男员工态度极度唔耐烦话19:00 last order, 跟住话要帮后面收钱先就唔理我⋯全程态度都好似去左九记咁⋯唔耐烦，恶劣，敷衍⋯本来都谂住叫多啲野可以方便车，但问佢几样野都话「无」， 无尾音架，就系「无」！饮品就系得番啡，其他咩都「无」⋯老细其实系咪以为依家经济仲好好？咁想收工不如唔好做啦⋯大把餐厅Deserve继续经营但经济太差无办法经营落去⋯你地真系觉得自己仲deserve?如果想受气就去呢间所谓’ cozy’ 啦下次就真系无谓受呢啲赶收工员工气。
继续阅读
早期已开始帮衬，以前觉得啲人态度唔错，气氛唔错；但一路睇住佢每况愈下。依家职员劲冇礼貌，成日挂住自己倾偈。咖啡水平极唔稳定。其实食物水平一般，收呢个价钱，就应该做好啲服务。老板安排人落嚟做神秘顾客，自己感受吓啦～
继续阅读
等左40分钟先有得食，上到嚟食个汤浸意大利饭，强烈建议大家lunch hour冇两个钟嘅都唔好嚟 讲返食物质素： 罐头蟹肉淋上面，加几粒南瓜粒就系， 虽然12:55落单，1:35有得食，都可以15分钟内食晒， 各位如果胃口细嘅都可以一试中途追过单，侍应回覆：今日好多单，已经帮你提醒咗厨房出咗先。 但系当时餐厅目测只有六成满，如果咁嘅客量都处理唔到，其实无谓咁多张枱。同埋喺落单嘅时候可以提醒吓食客等待时间会较长，试问各位打工仔边有时间等餐等40分钟。
继续阅读
同狗狗、狗狗爸爸到南丰纱厂逛「开唔开心果市集」，本来谂住喺Fleur食晏，但经过呢间餐厅，见到有宠物餐，决定转场。餐厅有啲嘢几好：（1）狗狗可入餐厅里面坐；（2）有优惠，登记成为会员可-$10，惠顾满$100可获赠免费饮品（$42或以下，余额可补差价），而两个优惠唔可以同时享用。安格斯汉堡（$138）：造型奇特，成把餐刀插住个包，代替一般餐厅用的竹签，打卡几得意。不过，特别唔等于出色。以$138主菜嚟讲，佢的配菜少得可怜，只有一堆浅黄色（唔系金黄色）的薯条，汉堡冇摆盘（除咗插住把刀），此外再冇其他沙律/配菜。我见汉堡里面的芝士溶得几靓，试咗一啖，好咸，而佢实在太溶，浸湿埋个包。狗狗爸爸食咗啖汉堡，话overcooked，外面好干，冇肉汁，而个包同薯条都好咸。狗狗爸爸期后揭开个包逐层食，唔睇唔知，汉堡入面的菜已经霉咗，真系好唔掂~蓝莓沙冰（优惠后+$8）：原价$50，细杯，零presentation；胜在冇加糖，但佢的蓝莓味淡，饮唔出系蓝莓，估计采用的蓝莓品质麻麻蕃茄芝士法包（$68）：几细件，少贵，但算好食，蕃茄都好新鲜红菜头牛肉饼（$58）：狗狗的食物；侍应话肉饼系冷藏货，而餐厅会翻热。送上嚟时，肉饼都热，要摊一阵，我哋用叉笃散佢，凉少少先俾狗狗食；狗狗食得几滋味几后悔拣呢间餐厅，好试唔试，觉得佢冇用心做，食材质素偏低。餐厅的侍应较laid back，可能冇收加一，所以亦冇乜服务，斟水、拎餐具系自助，不过食物会由侍应送上。而家香港的食肆已经唔系好做得住，呢间餐厅水准低，就算有优惠，吸引力都唔高，始终宠物主人嚟得南丰纱厂都预咗使钱，餐厅呢种质素，应该好快被淘汰~
继续阅读