港铁荃湾西站 D 出口, 步行约8分钟
继续阅读
营业时间
星期一至日
11:00 - 21:30
以上资料只供参考,请与餐厅确认详情
食家推介
之前经过见到个Manu 好似几抵食,所以就胆粗粗走去try try😂。佢整体黎讲都ok 嘅,正正常常。🙂唔可以话好好食,但又唔称得上难食,但如果加钱做set 餐我就觉得有啲唔太抵。
继续阅读
食得多西餐牛扒 港式扒房 唔知大家又有冇试过日式牛扒呢 呢间cowbean可以选择不同地方同牛部位 而且连重量都可以选择🤣200同300g之间我都系选择200g就够啦😛🥩纽西兰西冷牛扒💰86(+39配套餐) 💰96单点价西冷牛扒可以拣配烧汁 黑椒汁同蒜蓉汁 我就拣左烧汁 甜甜地又唔会辣 配牛扒都算唔错~配菜都有洋葱 羽衣甘蓝同粟米 系铁板上好香套餐可以四样之中拣三样 我就拣左沙律 酱油温泉蛋同埋饮品 都可以拣有白饭或者日式炸南瓜嘅主食或者餐汤 温泉蛋用酱油腌过真系几好味牛扒上面有好多蒜片 所以淋上烧汁系铁板上就几香 因为系西冷嘅关系所以有条又长又大嘅韧牛筋 牛肉好厚而且都算嫩 但系有另外一条圆形嘅牛筋系入面 所以食得嘅肉其实好少😢如果大家遇到呢个情况系可以同店员反映换嘅~试左屋企人嘅肉眼扒觉得好过西冷 不过注意呢度如果唔点套餐嘅话价钱系要加$10的!性价比来讲都算ok 因为真系好多配菜 但系牛扒来讲呢度质素未必系最好 想试下新野都可以试下 但系真系不推荐西冷啦😹📌 Cow Bean (荃湾广场) (荃湾)荃湾大坝街4-30号荃湾广场1楼128-130号舖
继续阅读
路过见到呢间嘢,好似都几多人食,同埋啲图都好似几靓,所以就打算试下,点知中伏。服务态度都算正正常常,问题出系块牛扒度。食个纽西兰西冷牛扒,块牛扒上黎已经知中伏,好细件之余仲要切到只手痛都冇切开。咁都算啦,摆入口,好似食咁中学20几蚊起跳果啲饭盒啲牛,好似咬咁皮带咁。硬食左成块牛扒胃即刻唔舒服。加个套餐39蚊一个细细地嘅饭同汤连杯嘢饮。两个人食埋单253蚊。讲真一句,我宁愿食中学饭盒都唔会再食呢间。真系俾钱买难受。
继续阅读
见到呢间cow bean好耐,一直都排长龙,见佢有个激安价牛排套餐,於是试下。黎到,个牛扒细到好似鹅肝咁,$78劲细旧,佢餐牌张相就成块铁板咁大,实物就系迷你尺寸,离谱!问返佢,佢先讲得150g,但我都系唔觉佢150g,anyway 试下好唔好食先。咬开,岩岩上台已经又乾又鞋,好差,难怪其他人食完都话佢不比茶记好,真系好差唔好睇佢好红好嫩咁,其实咬开已经系一丝丝好柴。朋友叫左个猪肉丼定食$58卖相还可以,都算多野食。试左一淡,个味系豉油糖洋葱煮猪肉嘅家庭料理,同屋企自己煮无乜分别。呢个还可以,无牛扒咁差咁搵笨!
继续阅读
朋友只猫猫病咗 要去诊所配药 所以唔小心又去咗荃湾😂因为诊所喺荃湾广场附近 配完药就入咗去行难得地见到只有两个人排队 我哋就加入咗一齐排队之前有几次经过都已经想试 但条龙真系太长 唔知要排到几时 所以次次都放弃 走咗去食第二间今次等左十分钟左右就入得喇🤩排队嘅位置有个大餐牌俾你望住 可以一边排一边谂定食咩 一坐低就可以即刻落单本身想要套餐组合B既龙虾汤 点知已经卖晒...最後我拣左澳洲肉眼200g +$39要套餐组合A 配薯条 汤 饮冻果茶本身唔知咩系冻果茶 但唔想饮汽水 所以先点呢个估唔到又几好饮喎 原来系用啲茶浸好多唔同种类嘅生果职员话每一次都有机会唔同味架只系等左一阵就有得食喇🤤薯条系岩岩炸起架 好脆好好味不过得一包茄汁唔够比我蘸😂块牛上面有劲多蒜头伴碟 个底又超多粟米唔会剩系食肉咁寡至於主角牛牛 好多汁好嫩 肥瘦适中 无筋200g比想像中大份 食哂成个餐真系包到上心口😋埋单每人百零蚊 食到咁大块牛 真系分分钟平过自己系屋企煎👍🏻👍🏻
继续阅读