影片
港铁东涌站 B 出口, 步行约1分钟
继续阅读
营业时间
星期一至五
11:00 - 20:00
星期六至日
11:00 - 20:30
公众假期
11:00 - 20:30
以上资料只供参考，请与餐厅确认详情
介绍COVA？有无再普通啲？是咁的，佢嘅蛋糕就食过(芒果蛋糕好正！)，但佢嘅正餐就真系未食过，又唔知系咪好耐未食过正宗西餐，呢餐真系坚好食。入到去餐厅里面，好似置身法国咁，扮欧洲旅行mode启动。加上高贵典雅装潢，我哋呢啲粗手粗脚嘅市井平民当堂斯文哂呀。叫咗套餐，首先出场系面包同汤。面包又香又软绵绵又热。克力架同芝士条香脆。蘑菇忌廉汤，又系好香好creamy，高水准之作。主菜之中，黑松露杂菌宽蛋面好味到唔停得口，黑松露同宽面配合得天衣无鏠。近年好多𩠌菜都钟意加黑松露，但其实好多都唔夹，特别系中菜，连虾饺烧卖都加，完全将其他食材原本嘅鲜味盖过，甚至有作呕感觉，为高贵而高贵，no good。呢个就唔同，黑松露将宽面同杂菌嘅味道层次大幅提升。杂菌juicy到爆汁！另一个海虾灯笼椒酱扁意粉都好食，扁意粉滑溜，个酱又几清新，刚刚好，唔会over。但好戏在后头，开心果同咖啡gelato雪糕先系戏肉，特别系开心果雪糕，哗，开心果味道好香浓，滑到一个点！COVA可唔可以推出一箱开心果雪糕外卖返屋企架，正到爆炸！仲有咖啡又系好好饮，店员介绍咗一轮，大致系mocha做base，上面系expresso定latte之类(佢讲得好详细，但我剩系俾咖啡香味吸引住！)。总结，一个字，正！最后要嘉许一位女待应，服务态度殷勤，笑答满面，令我怀疑自己系咪系香港食饭。
继续阅读
疫情开始缓和，堂食开始放宽，有返心情行街。东涌outlet特卖场一向都系我行街嘅好地方，又唔会有太多人好迫嘅感觉，所以都几舒服。而我最钟意行街攰的时候就去呢一间餐厅， 食个下午茶☕️食返件蛋糕。其实我觉得店里面嘅服务员真系好辛苦，一啲都唔够人手，根本忙过不停，无可分身，难道是因为疫情所以减少人手?虽然真系做过唔停，慢左少少，但系见佢哋嘅服务质素都可以维持，都是有有礼貌的。虽然好耐都未有杯水出现，但系我见到佢哋咁忙，我唯有等一等啦， 都见到佢哋真系好忙。点左Mango DomeCova招牌蛋糕 果然名不虚传芒果好甜，蛋糕有啲湿润，口感软绵绵的、有适量cream喺中间，唔会觉得好腻𠮶种感觉。真心 好食😋👌🏻咖啡就个样OK唔错的，口味我觉得就一般啦！
继续阅读
平时食开铜锣湾果间, 但铜锣湾店而家D服务差左好多. 家住东涌, COVA 竟然开左间系东荟城, 最钟意食佢个芒果蛋糕, 星期六中午同屋企人行过见到佢个 set lunch 好抵食㖞, 百几蚊有前菜, 汤, 意粉同咖啡/茶. 前菜系 Parma Ham with Melon, 块 ham 都好大块架, 蜜瓜好甜. 汤可以加钱转龙虾汤, 唔加钱就系忌廉蘑菇汤, 真系食到一粒粒菇. 主菜可以拣意粉或饭, 我地三个人, 叫左 mushroom risotto, carbonara, and crabmeat potato linguine. 睇落唔算大碟, 但食落原来份量都不少的, 好够饱. 不过如果饮蘑菇汤就唔好点 mushroom risotto 喇, 因为系一样味的. 个 carbonara 意粉好食但都几腻. Crabmeat potato linguine 的 pesto sauce 又系好油腻. 我地三个食完 lunch 都滞左成个下昼. 另外值得一赞既系服务, 由门口带位到坐低成餐饭服务都非常好, 有礼貌又专业, 大赞.
继续阅读