29
0
0
港铁长沙湾站 C2 出口, 步行约9分钟 继续阅读
电话号码
56265438
营业时间
今日营业
11:00 - 22:00
星期一至日
11:00 - 22:00
付款方式
AlipayHK 现金
食记 (30)
哩排成日去长沙湾做野,都会俾Cosy吸引住,因为成日都好多人,所以无食到😩😩今日决定点都要食到您😍😍餐厅装修系走简约风既,入到去真系做到一种令人放松舒适既感觉🤩🤩而餐厅系食越南野既,选择都唔少喔😜😜我地嗌左咖哩炸牛腩金边粉😍😍听説好多人都会嗌哩嗰食😛😛炸牛腩用左薄薄既一浸炸粉,牛腩半肥瘦,食落去好香口,而咖哩唔会好辣,最紧要香😚😚金边粉既香料好足,做到正宗越南粉既味道❤️火车头汤河又系必嗌☺️牛丸有惊喜,够弹牙而且牛味好重,真系好出色;牛腩好够淋,牛味浓郁,牛肉片上枱既时候慢慢由红变熟,牛既肉香就喺口腔度浮哂出黎,抵赞😊❤️海南鸡好嫩滑,唔会油腻,鸡味好重,加埋佢既特式酱汁同海南鸡好夹,好适合海南鸡爱好者😊😊❤️另外加左个蒜香油菜,蒜既份量好足够,菜既蒜味好重,而且菜够新鲜!重要系跟餐黎加唔贵😝😝饮品我就一定系试越南咖啡,咖啡味好香浓,睇住佢慢慢咁滴落去好治疗呀,我唔锺意太甜,老板都好配合落少左炼奶,完全做到我心目中既味道😋😋😋 继续阅读
(以上食记乃用户个人意见 , 并不代表OpenRice之观点。)
等级4 2019-10-25
672 浏览
系香港食到好食既越南野好多时都要付出较贵既价值,今日经过长沙湾估唔到误打误撞去左间价钱最接近越南价既餐厅而且仲好正😍生牛肉金边粉有齐芽菜,香叶,青柠同洋葱做配料汤底香牛骨味得黎唔浊饮完都唔会口乾,金边粉十分足料面质弹牙又滑.生牛肉呈半生熟用底场浸熟後汤底加重左阵牛脂香味,肉质弹牙食落唔会靭.烧牛肉捞檬大家唔好好似我咁一开头望落以为烧牛肉会好乾,其实食落一d都唔乾之余仲好易咬开,好欣赏牛肉腌得够食落好香沙嗲味.捞檬加上青瓜红萝卜丝同炸蒜花生粒食落好清新爽脆,捞檬鱼露汁又唔会太咸.小食拼盘以$42呢个价钱呢份小食拼盘既质素真系无得输.牛油鸡翼炸得好松脆咬落脆卜卜而且内里鸡翼既肉好厚身而且内里鸡翼无雪藏味得黎仲好香腌得好够味.越式春卷网丝更脆唔油腻,内馅带芋头香.札肉米纸卷米纸卷皮薄带点烟靭感内里清新爽脆,沾上少少鱼露已经好够味.越南出名滴漏咖啡,咖啡饮落甘香带好香烘焙味而且饮落唔会酸,加上炼奶饮落更香滑浓郁,望住佢慢慢滴漏感觉好治癒. 继续阅读
(以上食记乃用户个人意见 , 并不代表OpenRice之观点。)
等级4 2019-10-03
659 浏览
个人几锺意支持一些自家形式嘅小店 长沙湾呢间Cosy 比人感觉非常温暖 非常有家的味道 小店主打越南风味食物 一於光顾表示支持餐厅以白色为主题 颜色简约明亮 俾人一种好乾净好舒服嘅感觉 店舖虽小 但胜在够温暖 墙上有窝心设计 可供食客手机充电小店只有一对夫妇在店舖打理 并没有聘请额外的员工 店内还有他们的女儿放学在做功课 好温馨既场面唷我还留意到夫妇会向每位食客询问食物质素如何 有什麽需要改善的地方 呢种精益求精嘅态度 真系令我好感动生牛肉汤粉$40 先尝尝汤底 汤底清澈不油腻 而且有好重嘅牛味生牛肉片在热汤中浸熟 所以肉质非常嫩滑 一点也不鞋口 肉味重 牛片脂肪平均细腻 有入口即溶嘅效果除咗粉之外 还加了洋葱条,芽菜及香葱 配菜嘅清甜爽脆是越南粉面嘅一大特色 味道相当正宗蕃茄虾头膏海鲜汤粉$50真材实料味道真实 用咗原个新鲜蕃茄去淆制汤底 味道酸甜而且开胃 仲有阵阵虾的鲜味 非常出色的一个汤底配料方面有青口 章鱼 海蚬 鲜虾 全部都系海鲜 鲜味十足另外单点咗两杯嘢饮 冻柠茶及冻柠蜜 味道不会太甜 整体食物质素相当高质 环境舒适 价钱亦相当便宜 是一家非常值得支持的小店 继续阅读
(以上食记乃用户个人意见 , 并不代表OpenRice之观点。)
苏屋邨附近新开左间主打特色越南/ 泰国菜餐厅COSY, 成个menu都系街坊价大部分只系50蚊楼下好抵食. >泰式船河 (HKD45)汤底味道鲜味, 大碗过喺泰国食嘅船面好多(人地系一碗一啖), 牛丸同牛肉够, 河粉完全唔油而且份量算多, li个价钱已包饮品架劲抵食!!好过自己煮.>香茅猪扒捞檬 (HKD42)我地无睇错吧! 碟捞檬会唔会咁大碟?超大把炸蒜, 萝卜, 青瓜丝, 九层塔, 自己按喜好加入鱼露後捞匀, 非常开胃, 厚郁的香茅猪扒煎得好脆, 每一口都超松软, 个人认为系必食之选👍🏻.>扎肉米纸卷两件 (+HKD10)咁大件米纸卷一啖系食唔哂嘅, 沾了点水嘅越南米纸包住捞檬嘅主角加埋西生菜同扎肉, 点鱼露食加多份juicy同味道. 最啱一人一件开心Share!>热柠水店家使用大size热杯, 实唔会唔够喉.>可乐Amazing罐装可乐竟然唔使加钱呢😍.>对墙嘅座位更贴心安装左叉电头👍🏻. 继续阅读
(以上食记乃用户个人意见 , 并不代表OpenRice之观点。)
星期五我个friend又喺长沙湾返工,所以可以一齐食晏😊。今次到我行去佢嗰边搵食,佢话同事讲起有间新开越南嘢,我哋又去试下先。位置近苏屋邨,地铁站出向上行10分钟到就到,唔难搵,因为只要行到尾再转左就系。下午一点去到坐满哂人,不过好彩有位,店舖好细,我估最多只可以坐廿人到,但好光猛好整洁,亦唔会话太逼👍,而且冷气充足,行完嚟真系有点热嘛。呢到有Lunch Menu,有五六款粉拣,捞檬同汤粉都有,包基本饮品,另外加$10可以有一款小食。我哋一人叫咗碗粉,加咗一样小食同一份三文治🥪。🐂生牛肉汤粉($45),唔记得叫走葱添,有好多配料洋葱、芽菜、薄荷叶等等,望落好吸引!汤头入味,唔浊,够热好饮,唔系味精,饮完唔会口渴。生牛肉份量都唔少,但要衬热渌熟佢,肥牛味道都唔错,食到牛肉味👍。碗粉份量就唔算大,不过都够饱。🦐🦑海鲜蕃茄虾头膏汤檬($55),朋友食呢个,我就试咗啖都ok,食到蕃茄味🍅。朋友赞食得出个汤唔系用茄膏开🙅🏻‍♀️🥫,佢落埋辣椒🌶️食,成个汤饮哂。海鲜份量唔孤寒,有两只青口同堆虾仔、鱿鱼仔同蚬仔,虽然大部份都比较细粒🙈。小食要咗香煎鱼饼(3件)(+$10),都几抵食。估唔到鱼饼都几辣,好似唔系出面啲汁,而系鱼饼本身,但好惹味🤤。另外大食嘅我哋仲嗌咗份🥖越式猪扒三文治($45),叫嘅时候一直幻想系公司三文治嘅样,但嚟到就发现系喎系越式法包先啱!佢个名有啲误导😂,一条法包仔潜艇切开咗三嚿,有好多馅,包括萝卜丝、蕃茄同生菜,但块🐷猪扒就细咗啲。本身见到法包就变咗无乜期待,因为惊会好硬,但一食就发现同我想像中完全相反,佢个包系脆到好似食紧生菜咁!好爽好正,个包配埋啲馅好好食😋,所以两三啖食完唔够喉。呢个强烈推介👍👍👍。最後饮品我哋各自都加咗$8转特饮,青柠薄荷梳打同咸柠檬七喜。前者系我叫嘅,好清新同解渴,唔会太甜,非常唔错😊。总括嚟讲,认真我无谂过呢间小店嘅食物质素咁好,用心制作,绝对唔会比大舖或连锁店逊色,其中生牛肉汤粉同越式猪扒三文治真系好出色😋,价钱亦都相宜。店员一脚踢但都好友善,餐厅环境细细,但有一份小清新🍃嘅感觉,其中可能系因为我隔离个蓝芽音响播紧啲流水声,真系好有feel。唯一有啲可惜系位置有点吊脚,但如果嚟开长沙滩呢头,真系可以试吓呢间小店🇻🇳👍。 继续阅读
(以上食记乃用户个人意见 , 并不代表OpenRice之观点。)