Cona Cona (已結業)

星期六打算食個早晚飯，天氣熱自然想歎冷氣，所以便決定去AEON，等位都有冷氣，食完都可以逛超市涼多一陣。誰知食完晚飯不夠飽，於是行超市時看有什麼填補餘下的胃口，行了麵包部、牛角包等，都睇唔啱，見到這家章魚燒，$26六粒，無論份量與價錢都好合我的需要。餐牌還有其他食品選擇如關東煮等，只是我係補返少少胃口，章魚燒又方便易食，便去買票。正在煮理中的章魚燒，我買完票後，店員本來想俾一盒已煮好的，我話不知放了多久，因我是即刻想食不是外賣，可否等新鮮整的，答案是可以，外賣都可要求要新鮮煮起的。好合理，不錯的服務👍章魚燒 $26六粒🆗每粒新鮮整好脹卜卜，好大粒下，賣相不俗，因剛煮好，實在好熱，尤其係裡面，小心辣親。等涼少少後，膨脹程度自然縮小了。章魚粒算大粒，味道🆗，一般水準，感覺上好像層皮欠缺了一點什麼，尤其每粒都有一小個位，不知是否貼近個pan，味道不是燶，同時有少少怪怪地的味道，完全不是難食，但又好像不及其他章魚燒的味道。個沙律醬又好像沒有平時食開的美味。總體來說，價錢和味道都可以接受，可以飽肚或口痕攝牙罅都得，又快又平，已算不錯。味道🆗。

吉之島行完街夠鍾食lunch, 見到關東煮想試下關東煮有分大份同細份, 我揀左35蚊大份關東煮同店舖既姐姐落好order後, 佢會俾呢個電子牌你 行去左邊收銀俾錢, thanksgiving有5%off之後就係附近行一陣, 5分鐘左右個電子牌會發光同震, 返去俾返個牌換個食物就okay la返到去見到關東煮已用保鮮紙包好份量真係好大份, 共有14件,除返開每件2.5都唔駛有蘿蔔4件, 原隻蛋一個, 黑薯粉糕2件,竹笛2件,什菜魚餅2件, 海帶2件, 芝士年糕袋1件我鍾意飲關東煮既湯, 我嫌唔夠喉, 所以食物都煮林哂,好入味, 如果加上辣醬仲正

一個人在逛康怡aeon style，尚未吃午餐的我在food court遊走一番，最後決定去cona cona買點簡單小食作午餐。再下單時看見店員在煎廣島燒，超足料，滿滿的一大份。這裡的關東煮蠻便宜豐富的，35元一大碗便有蘿蔔，蛋，黑薯粉糕，燒魚卷，雜菜魚餅，海帶及年糕袋七款小食。整體味道不俗，不過略嫌海帶味腥，雞蛋不入味。蘿蔔則煮得透徹軟腍，完全吃得到它吸收湯汁滋味。芋絲亦夠爽口，黑薯粉糕那彈牙的口感，以及濃香的美味深得我心。年糕袋內的年糕若可更煙韌就好了，有點過軟，但一口年糕袋一口湯也不差的。燒魚卷與雜菜魚餅挺有份量的，燒魚卷具彈性，雜菜魚餅亦具質感。另外我又點了一份板壓芝士章魚燒餅，看外表蠻不錯的，醬汁充足，不會乾巴巴的，外層被焦香的煎蛋包覆著。內裡的章魚燒壓得扁扁的，入口軟綿，吃到飽滿的章魚粒，唯獨吃不到芝士味。

一份章魚丸六粒再加半份炒麵先39蚊！首先講一講章魚丸嘅部份好大粒 入邊嘅章魚都好足料 上邊嘅醬汁配章魚丸都搭 另外炒麵部份上面仲有塊肉 炒麵亦都好入味 完全唔會淡 女仔來講食呢一份啱啱好 甚至可能會太多🙈

前排到太古康怡廣場行逛，經過一間日式料理店，見到我最喜歡的章魚燒，每次看到賣日式章魚燒的食店時，我都會駐足不前，因為實在太吸引，所以多數都會買來食的，那次當然亦不會例外。除了日式鰻魚之外，另一款令我愛不釋手的日式食物就是章魚燒，章魚燒最初是源於日本關西，用作料理的點心，做法是在生麵團中加入章魚，然後慢慢的燒烤成丸子，燒的過程中必需不斷的翻轉另一面以避免烤得過燶。章魚燒的醬汁有很多種，不同的食店都會配上其獨有的醬汁，但主要以日式醬汁，沙律醬和紫菜粉為主。這兒配的醬汁亦類近，當中包括有日式醬汁，沙律醬和木魚絲。章魚小丸子是新鮮烤成，熱辣辣的，日式醬汁甜甜的，沙律醬酸酸甜甜，再加上很香而且口感十足的木魚絲，真是令人食指大動，章魚小丸子大大粒，當中的餡料有生菜絲和章魚，咬落煙煙韌韌的，生菜絲減少了章魚燒的油膩感，突出了章魚的鮮味，加上醬汁的配搭，更令章魚燒的味道更突出，更有風味，每次食章魚燒都好像去了日本一樣，充滿和風的感覺，令人津津樂道。

康怡嗰度個超級市場裝修完成左兩三個月，而家係全新嘅形象。雖然整好後去過好多次，但係冇一次喺嗰度食。今日心血來潮想試一試佢嘅food court 。覺得佢最大嘅分別就係多咗自助點餐，就係可以用部自助售賣機禁下禁下，就可以買到自己想食嘅嘢。但係大前提嘅底下你係需要有張八達通係到啦。我行咗一個圈先決定到自己想食啲乜嘢，經過見到大阪燒同埋廣島燒喺度燒緊，又好似好靚仔，好大份甘，就食拒喇！係自助售賣機嗰度買完之後就會比左一個電子器你，等到電子戲震盪同埋叫你嗰陣時候，你嘅食物已經為你準備好啦。 嚟到喇，個樣好靚仔。一個都幾大份下，廣島燒嘅成份就係上下兩個薄身煎餅，再加中間夾住麵，芽菜，椰菜同埋仲有豬肉片。然後上面再來啲大阪燒嘅醬汁加埋沙律醬。食落去個味道完全係日本嘅風味，再加埋熱辣辣，好過以前好多。起碼叫做即叫即食，唔使成日買d凍嘅番去食，就算整熱番熱無甘好味嘅。。另外仲喺嗰度見到有咖啡同埋奶茶買＄13一杯，就膽粗粗試吓佢。有普通濃味咖啡同埋炭燒咖啡。我就試咗炭燒咖啡，個味道都幾香，有m記嘅感覺。自己仲可以加埋奶同埋糖配搭自己嘅口味，全自助嘅形式。

之前到Aeon Style朝聖之時，已被Cona Cona的章魚燒吸引，可惜當時人氣太盛，只有作罷。這次再訪，見人潮不多便試試吧！採自助模式，先取購買卡到收銀處付款，然後按電子呼叫器指示到櫃位提取，等了約十分鐘左右，不算太久。廣島燒($33)很大的一份廣島燒，用上麵粉、雞蛋、椰菜絲、日式拉麵、天婦羅脆碎、豚肉，完成後再加上甜醬油和沙律醬，材料豐富。配料叠得高高的，挾起時卻没有零碎散落。荷包蛋和餅皮是預製好的，口感較為硬實，拉麵算是彈牙，豚肉嫩嫩的，加上豐盈的醬汁，這廣島燒雖美味不足，但絶對是飽肚有餘。章魚燒($26)一客六顆，説真的比廣島燒更遜色一點。章魚燒欠缺外脆内軟的口感，內餡有紅薑、椰菜和一小顆章魚，吃吃還好，水準只屬一般而已。Cona Cona的章魚燒，當然是不及大阪地道章魚燒美味吧！不過就價格而言，絶對是便宜又飽肚，相信不難成為附近的上班族學生哥們的心頭所好的。

今日肥柑子餓鬼上身，係荃灣連食兩餐後，同柑太係太古康怡購物時，已經一直在喊肚餓，但柑太今天沒有甚麼食欲，於是柑子就自行到超市旁邊的Delica world買了大阪燒及章魚燒自行填肚。原本柑子是想試廣島燒的，因為廣島燒內以拉麵混入，可是店員告知柑子，原來廣島燒是有柑子最討厭的芽菜，而由於排隊的人龍太長，而店員又準備截單關係，沒有叫一客沒有芽菜的廣島燒，只好退而求其次，點大阪燒，另加一份章魚燒。等候期間不斷有人想排隊購買章魚燒及大阪燒，可是由於截龍關係，店員要不斷向顧客說明；而等了五分鐘拿了食物便到旁邊的收銀付款，然後找位子享用美食。章魚燒($26)很大粒，上面淋上明太子醬和紫菜，入口有紅生薑和天婦羅的粒粒增加層次感和提升味道，內裡粉漿非常惹味，而章魚粒很大粒，而且非常有咬口，味道恰到好處。大阪燒($29)大阪燒燒得剛好，沙津醬提升了味道層次，而面層的豬肉燒得剛好，入口非常香脆，味道香濃而且非常可口，燒餅內的椰菜令大阪燒吃起來不會覺得太膩。

$26六粒既章魚燒好似幾平，試下先。。尋日已經想買黎食，點知供不應求，整唔切，今日終於試到啦！Um.....如果鐘意食好稔既章魚燒應該會鐘意食。之前都食過佢地既廣島燒都ok ge,下次我應該會食番廣島燒。