影片
相关文章
在大屿山晚饭的另类选择 - 意大利菜！我在杂志见到介绍, 所以今晚不吃海鲜, 就来试试！6点几, 店内已坐了大半客人, 有些也是睇杂志介绍来的！送的面包暖暖的带香草味我们叫了油醋沙甸鱼, 对我来说有点酸, 但就十分开胃4重芝士薄饼（9吋）, 最多客人order, 芝士味不算太浓, 批底几松脆苹果酒够冰凉蚬肉意粉, 超级一般, 下次可以不叫！Risotto 也多人order, 样子也吸引, 下次一定要试哩个......如果大家不想食海鲜, 可以来梅窝试下食意大利菜 !
继续阅读
瘦身男女除夕就入左梅窝渡假，入去之前已经知道有意菜同海鲜为主，最后我地就决定宠幸呢间，主要系果种小岛餐厅嘅浪漫气氛，不过要挑剔就真系无海景（隔住小小阴公猪）。我地大乡里出城，第一次用橄榄油食多士，感觉新鲜清新。本身我地唔知点架，之后就问招呼我地果位外裔小妹妹（睇落真系好小），非常nice，笑容好sweeeeet。我地已经知道自己眼高手低，所以决定叫一个意大利饭，同PIZZA。因为瘦身女本身系个意大利饭控，瘦身女就点左呢个巴马芝士杂菌意大利饭，入面多到喊既芝士浓厚而不腻，杂菌事先切碎炒香，再混入个饭到，真系啖啖都好丰富。意大利饭可谓正宗过唔正宗，米饭6-7成熟，瘦身男真系大乡里食唔惯，暗暗叫苦。个妹妹一端个PIZZA出黎，感觉知不妙，因为真系好大个，原来瘦身女又贪心叫左HALF-HALF PIZZA比正常还要大架，我地叫左夏威夷风情同Meat lover，对比之下，夏威夷风情因为主要系芝士同薄肉片，味道平淡感觉普通，反而Meat lover啖啖肉，肉味突出左成个PIZZA，每一啖都系大满足。梅窝意菜呢个质素真系好好，意菜呢个价位，算系性价比高，除夕佳节，瘦身男同瘦身女系呢间世外桃源嘅离岛餐厅食饱饱迎接新一年，同2015讲byebye~~
继续阅读
好耐都无去大屿山，天阴阴凉凉地同男朋友去大佛行下，玩到四点经过巴士站有架车去梅窝，哗，真系自从小学廿年都无入过去，行咗一阵，梅窝咁多年都乜分别，但系经过冬菇亭见到一间新装修嘅餐厅，睇到个餐牌意大利餐厅咁搞笑，天气好焗见入面有冷气坐低咗先算我地见亲凯撒沙律都一定叫，一上枱，份量够㖞，我地食过好多Caesar , 呢个卖相唔算特别，但系味道唔系第一都系第二，食完想再叫多个跟住上生牛肉片，份量又系够，最紧要系啲火箭菜够FRESH!意大利饭系佢嘅favourite , 食落口就知咩级数㖞，我都食咗一啖咁大把，系真系几好食，唔识形容，佢就话系perfect 㖞食食下见到个鬼佬著住厨师袍出黎，几大年纪下，我谂系老细最后上我favourite - 扒！我自问食扒可以配得上达人呢个尊称，一上枱，咁整嘅？！有啲奇怪，既然嗌咗，费事complain 试下啰，𠵱？几正㖞，肉质老实讲麻麻，但系咁整法都系第一次见亦出奇地好味！呢间野都几得意，冬菇亭意大利菜，开到去梅窝，野食系好过香港区嘅意大利菜多多声，下次唔驶等廿年，廿日后可能带妈咪再黎过！
继续阅读
同Mr. PIG离开老地方，去到梅窝食个brunch, 好好享受假日的休闲心情.被como lake 的菜单吸引，决定试佢的pizza 同pasta.58蚊 车厘茄pizza 6inch饼底超薄身，不够脆，普通蕃茄酱味道，胜在车厘茄够juicy, 配搭的salad 够 fresh ，意大利黑醋去除口腔油腻感Mr. PIG 选择的香辣pasta, 外表好dry, 48蚊，果然好plain, 份量岩女仔胃口，但Mr. PIG 颇欣赏佢的香辣味，都好快食到见底! 是日餐汤: 意大利杂菜汤碗大大，汤却很小，很稀，平平无奇午餐有埋汤同咖啡，咖啡加8蚊有couppicino and latte and mocha 选，结果系咖啡机质素，无咩特别。。。止不了咖啡瘾
继续阅读
同男友庆祝生日，入咗银矿湾酒店住一晚，但酒店无咩选择，所以出返去揾食。见呢间食评唔错，所以就拣咗呢间。先送上面包。整体食物唔错。最开心系我“静鸡鸡”叫佢地帮忙预备爉烛，佢即回应：是否生日？比3分钟我安排。跟住就为我地送上蛋糕同齐齐唱生日歌。仲好识做即刻帮忙影合照，服务抵赞呀！
继续阅读