影片
呢间西餐厅真系唔明点解可以屹立不倒，好耐之前曾经喺度食过晚餐，又贵又唔好食，几年之后，发现都好似好多人喺度食早餐，所以俾多次机会佢，就濑嘢喇！叫咗个早餐：五香肉丁肠仔炒蛋出前一丁，热咖啡，热咖啡好快就送到枱面，但系……碗面成30分钟都唔到，叫咗几次，都未有侍应停低回应我，最后停低喇，同侍应讲，咖啡都冻晒，仲未有嘢食，先话再睇吓，嚟到，我唔知讲咩好，条肠㶶晒，炒蛋好腥，五香肉丁得3粒，啲面又未熟，加咗味粉，个汤都无乜味，总之两个字，难食。豪比佢、比钱走人
继续阅读
颂富商场三楼呢个位置有啲隐蔽人流比较少，但胜在等位唔使等太耐comma系喺最尾𠮶间，其实之前系有买过外卖，觉得好普通，所以冇咩印象，今晚谂唔到食咩，决定试吓堂食睇吓会唔会唔同，一系唔试，一试就试最贵个餐我哋嗌佐美国顶级安格斯西冷牛扒，七成熟，蒜茸汁，包括汤，餐包，饭/意粉/薯菜，我拣咗配薯菜，朋友㨂佐白饭一个餐承惠$228，果然，一分钱一分货😎超级好食，红汤够热，餐包都暖暖哋，特别要讲下个西冷牛扒非常之嫩，好易就切开，唔使用力，每一啖都满满肉汁，牛肉味浓，七成熟啱啱好，如果唔系太贵，我谂我会直接order多一块薯条香脆，成餐饭食得好满足，完全对得起价钱，有机会会再来多次
继续阅读
今日黎到颂富商场食茶记西餐，叫左一份长期做特价的西冷牛扒餐走汁。牛扒对比出面既茶记较薄，但肉质就比出面茶记好小小。另外附送餐包餐汤，环境亦算唔错，可以间唔时食下。
继续阅读
今日同屋企人去咗T town 商场食西餐厅，呢一间真系重点推介，因为里面食物选择好多，午餐都起码有20样拣，所以我觉得呢一间系好适合一家大细嚟食饭，然后呢一度嘅食物都系好经济实惠，因为佢系有三文治轻食，亦都有面类，或者想饱肚一点的，都会可以选择焗饭，炒饭等等，然后重点系佢嘅座位好舒服，好适合朋友可以一路聚会一路倾偈，然后侍应的服务都很好，有热情招待，有笑容，会好细心咁递上餐单，餐具等等，仲会细心问你食咩食物，然后上菜嘅时间都好快，所以我觉得呢一间系价廉物美嘅餐厅，而且空间好大，坐得好舒服，然后都系一间几有情调嘅餐厅，屋企人叫咗个猪扒焗饭，有猪扒够大块，酸甜度很够，然后叫咗杯热咖啡，佢冲得好好饮，所以我依家系非常之推介，嚟到天水围一定要来食！！！
继续阅读
叫完野食 足足等左40分钟都未整好 连杯野都未搞掂普通餐厅都咁耐 完全接受唔到叫个焗饭 同扒 边有可能咁耐 叫杯红豆杯 等左半粒钟同我讲冇极差 垃圾餐厅 咁大间餐厅都可以做到咁烂
继续阅读