影片
今日嘅天气真系超热，所以我们谂著买啲冻嘢饮吓，行过旺角豉油街见到呢间「Come Buy」卖台式饮品店，他们今期推出嘅芭乐系列，啱晒妈咪嘅心意，因妈咪最钟意芭乐，所以我们就决定买嚟饮！我们买咗芭乐柠檬绿同草莓奶茶！点知一饮第一啖就觉得中伏，芭乐柠檬绿系完全无芭乐嘅味道，祇有好淡嘅柠檬味！草莓奶茶嘅草莓系草莓果酱嚟，味道超级甜，有甜到腻嘅感觉，奶味同茶味亦相当淡，所以祇系饮到甜到漏嘅草莓酱味！谂唔到呢两杯特饮出嚟嘅效果可以咁差，真系令我们觉得极之失望！
继续阅读
我忍不住怒吼！9/6 晚上10:45去买黑糖珍珠奶茶，收银小姐话：「我地唔够珍珠呀，搭d椰果俾你啦好吗？」我话：「你唔够货，咁不如平d卖俾我」收银小姐：「我地价格系规定左，唔改得」我话：「好合理！规定咗就唔改得。咁点解你地份量可以随便改既？我唔驶加椰果喇，你照落单啦，少珍珠就少珍珠，无问题」收银：「咁收你$2x（唔出声当你大杯就梗嫁喇）」我话：「我要中杯得喇」跟住收银同负责冲调既先生沟通一番之后竟然话：「哦！唔好意思小姐！我地净返最后一杯珍珠是大杯装！」（言下之意系想赚多你几蚊叫你买大杯，咁佢就唔驶浪费左你买中杯之后净返又唔够一杯既珍珠！）我说：「你净返大杯份量既珍珠关我咩事？我叫中杯㖞」去到呢一步，作为街坊，多年帮衬，我只能说，几好既小店，请左猪一般既店员真系倒米！如果同我讲野既系老板，我会觉得你系赚多一两蚊，但你失左个客，亦失左营商既品格！
继续阅读
之前试过comebuy个百香果3q都觉得几好所以又来饮啦~呢个系无糖嘅茉莉绿茶~茶味几香浓，尤其系有好明显嘅茉莉香味！通常冻饮味道会淡d 但系呢个无，唔错！ Rating: 8/10
继续阅读
放工行开街见有d颈喝，见到呢间店有台式饮品卖，突然挑起条根好想饮珍珠奶茶o系7仔同佢之间，选择左帮衬佢！点知。。。。5分钟之后我就坚后悔。。。试左佢地个双Q奶茶，即系珍珠+粉条奶茶。店员话无晒红茶，要转绿茶。。。哦。。。好啦！见到杯茶o既一刻。。。咦？白成咁？有一刻怀疑佢走左茶。。。饮2啖试下先。。。um。。。隐约有好淡o既茶味o既。。。真系唔觉得自己饮紧奶茶再食埋佢d珍珠同粉条，又系无味o既。。。同食紧粉团无分别！唉。。。早知去7仔好过！
继续阅读
吃著两块烧饼在旺角街头行来行去，吃完又到口渴的时候，于是到就近的饮品店买台茶。香港有众多台茶品牌，但个人始终较喜欢COME BUY，自从屯门的分店无声消失后，我都好耐无饮过其出品了。三十几度在街头等吃，不辛苦就呃人的，但看到这几条街正正充斥一众扫街的市民，令本来好旺的旺角更加热闹，果然扫街的活动是不分时地人以及...天气。吃过烧饼所以不想食差不多口感的珍珠，见到有仙草奶茶就要它啦~向店员表明要"走糖少冰"，她惊讶问我"要走糖?"，我肯定答是﹗人数众多都差不多等了十分钟先有得饮，大杯装和中杯装相差四元个人觉得大杯抵饮好多，呵...奶茶依旧无变，是过往尝过的味道，奶味不浓而且有微微的茶香，不加糖是因为奶茶本来是带点甜的。至于仙草即是凉粉，份量很多呢，相信先用糖水煮过，没有任何苦涩味外更是甜甜的。在如此天气热的情况下少冰绝对够冰足全杯。以前屯门有分店又不见自己经常走去买野饮，到人家走了才觉得可惜。人呢，对人对事永远都是这样。
继续阅读