Cocoon (已結業)

觀塘工廈又有新餐廳，我係附近返工所以覺得幾方便，又多間食堂選擇。環境好少女，座位寬敞，適合傾偈飯聚。Main course 跟是日沙律的，哩到既菜式都幾精緻，適合打卡。同友人分別揀咗呢兩個main course, 味道都唔錯脆煙肉芝士卡邦尼意粉 ($98)慢煎果園雞配薯菜（$148）另外呢度都主打串燒燒物，試咗呢幾樣都幾惹味燒肥鱔串（$68）燒秋葵（$18）燒扇具(1隻）（$38）燒牛舌（$38）煉奶燒脆皮年糕（6塊）（ $34）飲品方便要推介下沙冰，因為佢真係用新鮮生果榨汁，夏天飲絕對係透心涼，而且唔甜好襟飲藍莓乳酸沙冰（$58）蜜桃乳酸沙冰（$58）

Cocoon位於觀塘工業區 在觀塘地鐵站出口附近。店員非常有禮貌地介紹餐牌上的食物。慢煮果園雞配薯菜 $148用上慢煮的烹調方式去慢煎半隻雞 肉質鮮嫩滑 忍不住大啖的吃下去， 非常Juicy! 紅酒汁混了蕃茄醬汁配上少少忌廉融為一體。酸酸甜甜非常開胃！下層鋪滿了薯蓉和蔬菜。薯蓉很香很滑！而且充滿薯仔粒，亦不會太結身，食落不會太膩。燒翠玉瓜 $14 不乾 每一啖都非常爆汁！推介🤤燒牛舌 $38牛舌燒得好好，每一啖都非常爆汁，是爽口的牛舌！推介燒扇貝一隻 $38濃烈的蒜蓉充斥着粉絲，非常掛汁。扇貝肉質肥美，滿滿的蛋白質。推介凍檸茶巨型杯裝着非常多的凍檸茶，茶膽非常香。檸檬好香濃🤤。店內有位置可以容納八人以上，方便朋友聚餐。

🔸自家手打雞肉漢堡配黑松露醬薯條 $128🔸蒜蓉牛油黑豚梅頭扒配薯菜 $88🔸串燒 $14起-收工唔想煮飯就同男朋友近近哋嘅餐廳食晚飯，見依間未食過就試吓啦。餐廳有西餐又有串燒，可以一次過滿足兩個願望呢。手打雞肉漢堡係香煎雞扒，配大量新鮮蔬菜，係超豐富厚身嘅burger🍔 黑豚梅扒煎得剛剛好，咬落厚肉而且夠juicy，配超幼滑薯蓉。套餐都有跟沙律同飲品。另外再叫咗幾款串燒食物，燒原條茄子同金菇都超多蒜蓉，勁正！

係觀塘搵到間新開的樓上Cafe🤤🤍環境舒適，柔和微黃燈光令人好放鬆~ 晚餐選擇非常豐富，有意粉，扒類，漢堡，串燒✨小店由幾位年青人主理，熱忱有活力，推薦咗不少食物比我地。✪ 慢煎果園雞配薯菜 ⌫ 💲148以慢煎的方式烹調，所以要等待一陣先上枱。雞肉保持了鮮嫩多汁的口感！雞上髀同下髀都好好味。搭配上奶滑的薯菜，充滿牛油香。✪ 脆煙肉芝士卡邦尼意粉 ⌫ 💲88這道意粉有豐富的口感和味道。扁意粉上沾滿濃郁的醬汁，香濃的芝士味同蛋香。煙肉煎得香脆。✪ 燒肥鱔串 ⌫ 💲68燒肥鱔逼出的油脂好香。鱔肉超嫩滑，好鮮美。✪ 燒牛舌 ⌫ 💲38牛舌厚切，燒得外脆內軟，有著嫩滑口感和獨特的風味。✪ 煉奶燒脆皮年糕 ⌫ 💲34係我最愛！煉奶的濃郁與脆皮年糕的酥脆完美結合，帶來甜蜜的享受。✪ 燒扇貝 ⌫ 💲16扇貝加上粉絲同大量蒜蓉一齊燒，味道好香。扇貝口感彈牙，蒜蓉好提味。✪ 汁燒菜心苗 ⌫ 💲16菜心多汁唔苦澀，好爽口。【 Cocoon 】📌觀塘開源道54號豐利中心1樓104室

今日去觀塘工業區拎嘢，咁岩見到有間cafe，門口樸素，感覺不錯，一於試試。內裏以木系為主，燈光柔和，吊燈、梳化、牆上裝飾等裝潢都很簡約，感覺好舒適。設有數張四人枱和一張長枱，座位都算唔少。有小食、主菜和飲品選擇，最驚喜是竟然有串燒，正！主菜送沙律和飲品，特別飲品就另加錢。是日沙律有雞蛋、清爽嘅青瓜和少少沙津菜，配甘香嘅胡麻醬，好fresh!主菜就要了推介的慢煎果園雞配薯菜（$148），熱辣辣上枱，仲擺得好靚，賣相好得！雞腿煎已金黃，皮脆肉嫩，仲存有肉汁，配上蒜香汁，好夾！蔬菜就有輕燒過嘅粟米，飽滿多汁，還有爽嫩的菜心和一些車厘茄，健康有益。飲品就要了杯百香果檸檬梳打（+$28），冰涼透心，酸酸咪咪，好開胃，夏日之選！難得cafe 有串燒，當然要試下。串燒選擇好元化，要了燒扇貝（$38/隻），肉厚肥大，鮮嫩彈牙，加咗大量蒜蓉，充滿蒜香，正！燒肥鱔串（$68/串）燒得香口滋味！鱔肉保持鮮嫩彈口，啖啖魚油，魚皮肥美，的確係肥鱔，喜歡！燒牛舌（$38/串）烹調入味，有點香辣，但不失牛香。燒得岩岩好，邊位焦香，肉質腍嫩，推介之選。

同拍檔短聚開會，話想試吓新嘢，所以揀咗依度。下午1:30去到，可能時間關係，所以冇咩人內部環境唔錯，坐得幾舒服😎叫咗個「自家製手打雞肉漢堡配黑松露薯條」加多杯凍檸樂，啲薯條香脆，黑松露醬好香🤤個包都係脆面嘅，手打雞肉漢堡有肉汁唔乾，蔬菜同醬料配搭份量都剛剛好🥴算係同區暫時食過最啱口味嘅😎拍檔們叫咗雞肉沙律同埋豬肉配薯菜都一樣唔錯，不過唔記得影返張相🤡價錢百零蚊，雖然以觀塘區來講係貴啲，但係間唔中一次半次🥳完全可以接受。

觀塘開源道一帶嘅工廠大廈，樓上舖不時有新隱世小店加入呢間Cafe剛剛開業，已經有唔少人介紹有意粉、漢堡包之餘，仲有日式串燒，值得一試😋每個Set均附送沙律同熱飲自家手打雞肉漢堡配黑松露醬薯條 $128漢堡好厚身，中間夾住生菜、酸瓜、蕃茄手打雞肉都好厚，口感爽口，配芥末醬好滋味😋粗薯條即叫即炸，外脆內軟，撒上海苔粉除咗剩返茄醬之外仲有黑松露醬，比較新鮮👍🏻香草蕃茄雞柳配天使麵 $78天使麵軟硬度適中，非常掛汁~香草蕃茄醬酸酸甜甜，調味適中雞柳嫩滑，確實唔錯🫶🏻Cafe仲有串燒，即叫即燒菜心加入七味粉，非常香口扇貝加咗大量蒜蓉同粉絲🤣啖啖都食到香蒜嘅味道鱔好厚肉，燒至皮脆內嫩，加上冇乜細骨，推介🤤脆皮年糕比較特別，喺一般串燒店好難食到外脆內軟，淋上煉奶甜甜地，口感好似麻糬又幾好味！牛肋條，牛舌正常水準發揮，唔會乾爭爭keep到Juicy口感！Cocoon 觀塘開源道54號豐利中心1樓104室

觀塘工廈真係愈黎愈多高質又抵食既餐廳，就好似呢間新開張既西餐餐廳，幾位年青人管理既食物製作一D都唔馬虎，座位舒服光線充足，西餐價錢唔算特別貴，CP值爆晒燈。餐廳有小食/主餐/串燒，選擇上都真係唔少可以揀，而且仲有素食餐可以揀，可以同時迎合唔同口味既人。紅酒牛肋條燴意粉 $88今次叫左個紅酒牛肋條燴意粉，套餐係有包沙律菜同一杯熱飲，不過專員另外加左$8叫左杯凍手搖咖啡。沙律菜有1/4隻蛋，沙律食落係爽脆新鮮既。凍咖啡好夠大杯，味道上未至於特別香但唔澀而且帶住陣陣既果香，所以就算+$8都絕對抵飲。紅酒牛肋條燴意粉份量都幾大，意粉煮得岩岩好，夠煙韌。牛肋條既量亦都唔少，大概有6條左右，肉質煮到好軟稔，而且成個紅酒同蕃茄既味道燴晒入去，基本底味夠香而且醬汁味道適中唔會太酸。不過如果再多少少醬汁就更好，咁樣就唔怕個意粉愈食愈淡。總結:小店製作夠認真，選擇夠多，西餐既價錢唔算貴，份量交足功課，味道上符合大眾口味，期待有更多特色既菜式推出可以係同區拼出。

香草蕃茄雞柳天使麵😎天使麵係義大利麵中最細既麵，口感細緻柔軟，索埋香草蕃茄醬汁，啖啖都好鮮甜，開胃😋烤雞脆煙肉凱撒沙律配蒜蓉包😀大大份爽脆既沙律菜 香濃芝士同沙律醬，清新美味~ 簡單又飽肚。蒜蓉包仲食到原粒蒜頭，非常惹味蒜蓉牛油黑豚梅頭扒配薯菜😉黑豚梅頭扒肉質鮮嫰，夠腍唔韌，豬香濃郁，肥瘦岩岩好。最中意就係佢一大份既薯蓉~燒虎皮尖椒😆 燒到表皮微焦起皺，整體口感軟嫩，食埋D籽就更香辣鹽燒多春魚 4條😋魚肉清甜鮮美嫩滑唔鞋口， 表面金黃酥脆，魚骨酥香，滿滿既魚籽，味道夠哂鮮美！ 一咬就Feel到細細既魚籽係口入面爆發

最近聽到朋友介紹呢間新開嘅cafe，佢嘅串燒好好食，於是就襯放假試一試。估唔到野食好有驚喜，加上cafe嘅簡約風，好岩打卡。今次我地坐卡位，座位都好闊落，更重要呢間cafe嘅歌單係廣東歌，每一首都好好聽，同朋友黎吹水食野都好推薦呢個地方。1.自家雞肉配明太子醬串燒真係即叫即燒，雞肉食得出好juicy肉質軟嫩，肉上有好香嘅明太子醬。加上汁鹹鹹地但撈勻左雞蛋就岩岩好，點汁食係非常match，鹹中帶甜。估唔到淨係點一串都配左原隻蛋黃拌汁，製作非常認真！2.金菇肥牛卷串肥牛非常之高質，肉味好重，而透過燒嘅方式金菇可以索左啲肉汁，所以金菇係好juicy好爽口，一啖一舊好好味，呢個金菇肥牛卷係大推！3.黑松露醬薯條佢哋係波浪紋薯條，份量係好多，包括左茄汁同埋黑松露醬。要讚一讚薯條一炸好就上，所以食落口都熱辣辣，薯條上面平均灑上了充滿海鮮風味的紫菜碎，令薯條更加香口！加埋醬嘅黑松露比例都好多，每點醬都有好濃嘅黑松露香味，醬嘅份量唔會太少，食到最尾都有醬剩！4.蒜蓉牛油黑豚梅頭扒配薯菜前菜係芝麻醬豆腐加沙律，豆腐好滑加埋適量芝麻醬，好易入口。而主菜賣相好靚，味道方面，蒜香好濃，梅頭肉質好幼嫩，食落口啲

朋友話新開左間隱世西餐，但又有串燒食，就黎個fusion晚餐~🔹安格斯牛仔骨配薯菜🔹 熱辣辣牛仔骨，加脆卜卜扭紋薯條，驚喜係中間嘅配菜係bb菜心！🔹香草蕃茄雞柳配天使麵🔹一上台就聞到好大陣芝士味，加上少少酸味味嘅蕃茄醬，同半煎炸雞柳好好食喎~🔹炸海苔魷魚🔹絕對係食到停唔到口，紫菜味好突出，魷魚又唔韌，配埋蛋黃醬，掂！🔹蒜燒原條茄子加粉絲🔹燒到好鬼靚，之前食過出面好多，但未試過配粉絲，同埋佢啲味粉好特別，唔再局限於蒜蓉牛油~🔹燒牛舌🔹好啱我個人口味，外脆內軟，加埋啲辣粉，好滋味！🔹香水檸茶、香水檸蜜🔹第一次飲香水檸檬茶同檸蜜，感覺好fresh~

觀塘新開嘅餐廳 主打西式料理見新開 一於試吓佢😬環境唔錯 裝修簡約 坐位闊落今次食中午叫左個carbonara 同 蒜蓉牛油黑豚梅頭扒拼薯菜Carbonara 出色芝士味濃 蘑菇有香煎過 睇得出好有心思另一道係蒜蓉牛油黑豚梅頭扒拼薯菜梅頭扒冇用鬆肉粉 食落保留到豬扒嘅肉質同肉汁 加上係黑豚 味道更上一層樓 跟餐仲有個小沙律 上面唔係麵包粒 而係雞軟骨 絶對有驚喜👍🏿估唔到試第一次就咁高質 響觀塘呢個美食沙漠 係綠州一樣嘅存在期待下次

蒜蓉牛油黑豚梅頭扒配薯菜$88上枱賣相一流，梅頭扒口感一啲都唔鞋，質感好似西冷牛扒咁，簡單用蒜蓉牛油調味，已經好好食，仲好重肉味跟餐沙律煙鴨胸沙律新鮮，做開胃菜至佳燒娃娃菜望落去賣相錯，香料充足夠惹味，另外燒得濕潤不乾柴，仍然保持娃娃菜的水份，唔會好朝。金菇肥牛卷串既叫即燒，熱辣辣好味道，勁好中意食金菇既我，一見到金菇肥牛卷串，就即刻叫，牛肉肥肥地油脂豐富，金菇入口爽爽地好新鮮，加埋香辣美味嘅調味，到推介燒肥鱔串汁燒白鱔肉質油膩，油脂燒得很香，鱔肉入口彈牙。燒牛肋條串(2串）牛肋條吃起來不油膩又過癮，咬落口有咬勁些，調味岩岩好，唔會好咸食到牛肉本身既肉味。自家雞肉配明太子醬特別推介呢度自家制既雞肉棒，配埋獨家調配嘅明太子醬，調味不會太咸小小帶甜雞肉肉質軟䅮含軟骨有咬口，重點是日本蛋黃好高質香，沾埋一齊食，令人回味。

平時係觀塘收工後想搵個地方食個晚飯又唔洗同人迫嘅係一件幾唔容易嘅事。搵吓搵吓又俾我搵到間新嘢，咁就同朋友仔去試吓啦。點知。。意外地有驚喜喎，唔洗同人迫之餘，啲嘢食都幾好味喎。所以膽粗粗咁岀咗我人生嘅第一個post