影片
依家小西湾地舖多数系菜档肉档富景富怡附近真系无乜餐厅选择屋企系无饭家庭，所以一个礼拜总有一两次会买cluck cluck外卖最常嗌就系无骨海南鸡饭，$40连埋汤鸡肉算系好多，虽差少少鸡味但酱汁搭够个汤呢排进步咗，之前有一排真系好咸…佢哋嘅咖哩鸡饭、手撕鸡饭都好食
继续阅读
夜晚买左个咖喱牛腩饭 咸到癫 份量少都算 用纸盒系环保但系湿晒D纸 讲番个咖喱 又话辣 但一D辣都冇 好咸 牛腩细件但好彩都谂 买多左个春卷 冇乜特别 茶楼或唐记货式 expect佢有D特别 原来都系普通野仲有个汤 普通例汤试过一次就算 唔会再买
继续阅读
小西湾开左间好抢眼既舖头，系ig见到都几多人赞，一直都想试下，今晚晚餐买左佢既外卖。 🍴无骨海南鸡饭打开饭盒就有d失望，入面有青瓜、鸡翼、鸡翼尖同无骨鸡胸，可能系因为menu转左，我见其他人po既相会有大量腌红萝卜丝同菜。鸡肉质唔算鞋，但都唔系嫩滑，鸡肉本身冇咩味，要靠点酱汁，两款酱汁都ok，系泰式酸辣汁同甜酱油，饭系油饭，食到有香味既。配菜青瓜系肉眼就见到好干收晒水，好似系切好摆左系度风干左好耐咁。😣最差既系送既鸡汤，饮到有鸡味，但真系咸到一个点😣饮左一啖就放弃左。 🍴黄咖哩牛腩饭呢个咖喱饭相对比较好食，虽然咖哩有d咸，但都可以接受，牛腩份量多，亦煮得软腍有牛味，用料唔错，仲有炸薯仔粒配埋一齐食，略嫌咖哩汁唔够，唔会捞到白饭食。 可能系期望越大失望越大，系厨房失手落多左盐，定系我口味同其他人唔同🙈觉得仲有好大进步空间，认真希望呢间小店可以做得好。
继续阅读
难得今日早收工, 就周围行下睇下买咩食。经过一间黄色既铺头就望下佢既餐牌。有我喜欢既海南鸡饭, 价钱$38连埋汤, 见几抵就试下佢。我叫左海南鸡饭&黄咖哩牛腩饭, 仲有得优惠价加配小食, 就加左一份春卷。落完单企埋一边等, 都keep住有人去买, 听到好多人都叫海南鸡饭~等左5-10分钟左右就有得拎, 店员仲会主动问需唔需要餐具。外卖系用纸盒装, 感觉几好, 比起用胶盒环保一D。海南鸡饭D油饭够惹味, 就算冇鸡都可以就咁食哂D饭鸡肉够滑, 份量都几多, 个饭仲有几片青瓜可以清清油腻感。黄咖哩牛腩饭, 咖哩微辣, 牛腩好冧同埋入味。跟餐既汤应该系落左D鸡去煮, 淡淡既清鸡汤咁, 饮完唔会口干(平时其他店嘅味精汤会饮到口干)。加配既春卷香脆可口, 就算放左阵先食都冇冧到一定会再帮衬, 因为真心又平又好味。
继续阅读
食晏同同事食饭，去咗呢间喊外卖，唔知系午市多人定点嗌外卖嘅时候个收银已经态度唔系咁好， 之后个外卖等咗成半个钟，仲要攞完外卖返到公司发现个海南鸡饭比少咗个汤，重要啲食物比少左个汤。
继续阅读