影片
开饭介绍
品牌由土生土长的秘鲁大厨主理，以秘鲁传统食谱为基础，炮制当地的国民级美食烤鸡，及一系街头小食，部分食材更从秘鲁空运到港。
继续阅读
营业时间
今日营业
11:45 - 22:00
星期一至日
11:45 - 22:00
以上资料只供参考，请与餐厅确认详情
有关奖赏计划
之前逛日月星街，已经留意到呢间秘鲁餐厅，今次过开海，一于试吓。午市套餐有餐汤、主食、饮品。是日餐汤系蘑菇汤，有蘑菇味，唔太creamy，事头婆饮到有少少轻微酸味，唔知系啲菇将近变坏定系佢真系落咗啲酸味调味料（用餐当日之后整天没有异状）。饮品可选汽水或柠茶，或加钱要咖啡/Chicha Morada。汽水会用金属饮管。招牌秘鲁烤鸡［半只］（$160）可选两款配菜，有四款可拣：杂菜沙律、烤蕃薯、薯条、蒜香饭，拣咗薯条及蒜香饭。份量比预期中及餐牌相片多。巨量薯条，粗薯条，够热又脆；蒜香饭有调过味，香葱炸蒜洒面，味道可以；半只烤鸡分开上下身两件，调味香料味浓，外皮烤得几香，但不是脆皮𠮶只，鸡肉嫩身，髀位滑，胸位还可以唔太嚡，黄辣椒酱带酸唔辣，点鸡肉食提升味道层次。秘鲁特色牛肉馅饼（$150）可选一款配菜，拣咗烤蕃薯。烤蕃薯有三件（一件半个），稍稍烤焗过，颇香，软身，劲甜；牛肉馅饼有两大件，好似一个加大码嘅角仔，外皮十分松化脆口，牛肉馅料好浓味，除咗免治牛肉碎，里面仲混和咗洋葱粒及烚鸡蛋。馅饼淋上阿根廷青酱，酸酸甜甜辣辣，中和浓味馅料。店内装修有异国风情，空间不算太大但唔会太局促。除咗室内座位及吧枱位，另外仲有室外座位。
继续阅读
湾仔月街嘅 ChullsChick 主打正宗秘鲁菜，招牌秘鲁烤鸡远近驰名。趁午餐时间想试新口味，点咗 秘鲁烤鸡，配薯条同沙律，以下系试食感受。环境：南美风情，轻松随性ChullsChick 店面细巧，门口秘鲁风壁画抢眼，店内木枱配彩色装饰，挂上羊驼公仔同国旗，满满南美街头 vibe。中午人流适中，揾到位靠窗，坐喺户外枱望街景，气氛 chill 又啱打卡。座位略密集，空间感稍弱，但整体干净舒适，适合快闪午餐。食物：烤鸡香料浓，嫩滑惹味秘鲁烤鸡系招牌，四分一只烤得金黄薄脆，香草同微辣嘅秘鲁香料入晒味，鸡肉嫩滑多汁，唔干柴，配青酱（似 chimichurri）酸辣开胃，咬一口好满足！网上食客赞香料调味正，今日试食真心唔错，份量啱一个人午餐。薯条脆口但普通，沙律新鲜却偏少。钟意浓味烤肉嘅朋友，呢道菜系必试！下次想试 Ceviche 或 Lomo Saltado！
继续阅读
平时食厌西餐，日本菜，泰国菜。今次经过门口见到系秘鲁餐厅，有新鲜感up! 入到去餐厅见到每台都叫咗招牌秘鲁烤鸡，所以系必点菜式✨餐厅室内气氛很好，天花板贴满了彩纸充满了节日气氛。墙壁和装饰都摆放了有很多代表秘鲁的草泥马公仔，非常可爱。至于食物方面，相当有惊喜，原本以为价钱贵份量少，点知完全食唔晒🤣仲可以打包添极力推荐半只烤鸡配甜番薯同蒜香饭，半只烧鸡份量充足，甜番薯的蜜汁味平衡烤肉的味道，另外烟鸭胸芫荽饭都非常出色。
继续阅读
见到pair草泥马守门口，先知原来系秘鲁国宝，占全球总数70%😂 失敬！店内布置佢都系主角，仲有售毛公仔$888/只坐低叫咗杯白酒，被menu的秘鲁特色烤炉拼盘所吸引，店员捧烤炉上枱真系大大份沙律菜同酸菜cover住开边烤肠我钟意脆肠，所以觉得佢淋咗D最like系牛扒，外面焦香内里粉红而且调味好正，多多香、少少辣唔通系秘鲁特制嘅？轮到烧鸡，我中伏太多，战战兢兢试脾先肉少嫩、皮好香，放心咗食到鸡胸都可以，唔算鞋，收货！如果计份量，薯条之多变咗做主角😂不过一边饮酒倾计一边食薯条其实系唔会嫌多嘅就系咁，KO咗我哋呢个late dinner!
继续阅读
赞-烧鸡系唔错 皮入味 肉够滑 香肠烧得皮脆 炸饺子唔油腻 馅料够丰富 酱汁开胃 呢两样都做得几好-好多羊驼摆设 好得意弹-第一次系餐厅见到有职员瞓觉 不过间嘢又真系好无客 星期五都静到咁-腌鱼生啲鱼肉有啲干
继续阅读