影片
电话号码
22460055
营业时间
今日营业
11:00 - 23:00
星期一至日
11:00 - 23:00
公众假期
11:00 - 23:00
公众假期前夕
11:00 - 23:00
以上资料只供参考，请与餐厅确认详情
有关奖赏计划
相关文章
打完牌够钟食晚饭，唔想食大集团，行去海边睇吓就见到呢一间食印度同泰国料理嘅餐厅😳见到佢做紧特价，所以就入咗去食啦-餐厅有室内同室外嘅位置，我哋四个女仔怕烟味，所以拣咗坐室内，侍应都系外籍人士，全部都好Nice👍🏻🌟Grilled Beef Salad 烤牛肉沙律 $138牛肉烤到7成熟，切片后捞埋红葱头、南姜同芫荽等等，再淋上调制嘅酸辣汁。牛肉除咗头尾𠮶两嚿之外，中间唔会好韧，呢个熟成度我都几钟意，而且牛味好浓，份量都几多，不过啲蔬菜我就唔系好食到🤣完全系似烤牛肉多过似沙律 🌟Roti Canai 酥油薄饼 $38事关我哋呢枱有一个碳水控🤣所以叫咗三个薄饼🤣酥油薄饼外脆内酥，带啲甜味，就咁食都好食🥰🌟Naan 正宗烤饼 $38外脆内软，烟烟韧韧🌟Garlic naan 蒜蓉烤饼 $38面头搽满蒜蓉牛油，不过蒜味唔系好浓，呢款相对脆啲-三款烤饼蘸咖喱冇得弹，而且每一份都好大份，超正🥰🌟Phad Thai chicken 泰式鸡肉炒金边粉 $128镬气十足，金边粉弹牙唔黐埋一齐，卖相唔系红红地嘅颜色，不过味道对板，都系酸酸地，配料有鸡肉、青柠、辣椒粉同花生碎，可以根据喜好自己调配🌟Butter Chicken 牛油鸡咖喱 $148每次食亲印度嘢都会一定叫🤣🤣咖喱汁落足奶油同牛油，口感香浓而不辣，好适合配薄饼！鸡肉腌得入味，煮到好腍✨🌟飞天通菜 $98镬气爆棚嘅飞天炒通菜，用蒜片同辣椒爆炒，非常爽脆，而且都几大碟👍🏻🌟Tom Yum Soup 冬阴功汤 $0点解会系$0呢，就系因为餐厅做紧优惠啊，只要叫两个主食，就会送一个前菜-我哋拣咗炒金边粉同埋牛油鸡，于是就送咗前菜入面嘅冬阴功汤啦😍（虽然我都唔知点解佢系属于前菜🤣）-汤底用香茅、柠檬叶同南姜熬制，加咗草菇同大虾，酸酸辣辣嘅味道都系好Fit香港人嘅口味👍🏻好啱饮👍🏻
继续阅读
啤酒买一送一‼️食东南亚菜都可以又chill又有气氛🤗#青咖喱鸡 🌶️🍲🐥❣️青咖喱好香浓好惹味🤤可以拣鸡或牛～有椰香微微辣🌶️送饭或薄饼都岩～HKD148#油酥薄饼 ❣️油酥饼够酥脆～带少少微甜😌可以再松化啲😛HKD38#蒜蓉薄饼 🧄❣️Garlic Naan 每次食咖喱必点😌fafafoodie 好钟意外脆内软熟烟韧😍就咁食已经好好食😊点咖喱都好正呀HKD38#串烧沙嗲 🍢要左猪牛鸡各2串😗最钟意都系沙爹鸡😚沙爹烧得香口～香茅味几出～如果juicy啲就perfect😛HKD128#越式炸春卷 🫔春卷皮比平时既越式炸春卷多左种烟韧感😎入面包住好多猪肉～HKD98#芒果糯米饭 🥭❣️朋友仔劲钟意芒果糯米饭😙芒果香甜～糯米饭热辣辣又软熟👍🏻仲有3款糯米😌诚意之作🤤HKD88#啤酒 🍻❣️见到啤酒买一送一🤩忍唔住饮返杯😝本身想叫1664可惜卖晒～Asahi照杀‼️冰冻爽～HKD88 钟意呢度有chill chill感觉令人好放松～同场见播happy birthday 庆祝生日呢🥳加一服务费#chillilime#fafafoodie_将军澳
继续阅读
又再来海边食东南亚菜，Chilli Lime食过唔错，星期一至四有Weekdays 特别优惠，更抵食。买二个主菜免费送一个头盘，仲有Add on 优惠，真系好抵食。💞(主菜) 泰式香茅黑椒烧鸡 半只份量都唔少，食得出香茅薰香，烤得嫩滑惹味。💞(主菜) 菠萝海鲜炒饭融合了甜、酸、咸，新鲜菠萝的酸味能够平衡炒饭的油腻感。炒饭的米粒外焦内软，搭配菠萝的脆嫩与海鲜的弹性，让每一口都充满惊喜。💞(送头盘) 冬荫公汤 Prawn 虾系我食过最好饮嘅冬阴功汤，香料食材非常多，小辣，大头虾都好弹牙多虾膏。💞 Naan 烤饼（蒜蓉）必吃，点咖喱简直系绝配，今次冇点咖喱，净食Naan都好好食，食晒。💞 饮品点了Virgin Mojito, Yellow Sky，@$38真心唔错抵饮。💞大虾柚子沙律好清爽，酸酸甜甜，作为前菜开胃好合适。餐厅好有气氛，令人觉得休闲放松，有室内同埋室外位置，好chill，餐厅长备有蚊怕水，春夏天有蚊都唔怕。
继续阅读
朋友同时想食印度菜同泰国菜，将军澳南呢间餐厅真系啱晒，Chilli Lime 之前都食过几次，最近仲见到佢做紧啲promotion，Weekday食2款主菜送1个头盘，都几抵食啊Butter Chicken 牛油鸡咖喱 $138呢碟牛油鸡咖喱味道浓郁，咖喱酱汁带有番茄同牛油嘅香甜，微辣得嚟唔会太刺激，鸡肉份量都好多，煮得软嫩，吸晒酱汁嘅精华，食落好满足，酱料仲有阵奶香，稠身得啱啱好，叫埋烤饼一齐食好夹Naan (原味) $38原味烤饼外层微脆，内里软熟，撕开时有阵淡淡嘅面粉香，热辣辣，咬落去口感轻盈，搭咖喱或者单食都好正Naan (牛油) $38一上枱就有阵浓郁嘅牛油香，外皮烤得金黄，内层软腍，牛油渗入面团，食落好香口，带点油润嘅口感镬仔炒杂菜 $88镬仔炒杂菜味道清新，蔬菜炒得爽口，有椰花、芥兰、红萝卜同菇类，镬气十足Chicken Biryani 印度黄鸡饭 $128用上特色嘅棕红色瓦罐，好有印度风味，印度香米粒粒分明，浸透咗香料嘅味道，鸡肉亦烩得入味，肉质软嫩，咬落有汁，唔会干柴1664 Blanc $88（买一送一）1664 Blanc啤酒味道清爽，同东南亚菜式好夹，而且做紧买一送一嘅优惠，抵饮又够chill
继续阅读
将军澳南既餐厅其实都食过好几间，今次系印泰风。一样系海边，坐室外都有海风，环境几舒服。印泰菜加埋选择都好丰富。海鲜辣炒河粉 $148香料同海鲜都十足，够辣又惹味，河粉炒得干身入味。泰式青咖喱(牛肉) $148咖喱去到浓稠，但咖喱味绝对够，有香味又有辣味。重点系牛肉又多又大块，令青咖喱生色不少。蒜蓉烤饼 $38香脆又烟靭，蒜蓉味吸引又唔霸道，沾上青咖喱非常滋味。芒果糯米饭 $88三色糯米，微热又软熟，丰富嘅椰浆，芒果亦唔吝啬，几大碟抵食。香炸蟹肉粟米饼 $118香脆得邪恶，中间会食到蟹肉，食呢个粟米饼不能缺少泰式辣酱，成件事会差好远。
继续阅读