影片
港铁荃湾西站 B 出口, 步行约14分钟
继续阅读
开饭介绍
Chill Grill 是一间主打市区烧烤BBQ的店舖，客人可以在这里跟一大班朋友一起游玩场内设施，除了一般Party room的设备，亦可以唱k，玩PS4，麻雀玩乐，BBQ，务求总有适合你的娱乐，带给你难忘的体验。
继续阅读
以上资料只供参考，请与餐厅确认详情
早两天包场同同事带埋屋企人黎bbq庆祝埋生日，我地想早半小时到场布置下，场主好welcome唔洗另外收费，极之friendly。一开门见个场地好大，目测都过2000呎，我地个日大概20零个朋友系度都唔觉得逼，有人打牌，有人打机，有人督波，有位唱埋k都仲觉得松动。烧烤区度都好大好空旷，开完2个炉都仲有大把位走动。食物上安排都好净洁，入晒密实盒。(顺带一提个度有员工帮手开炉系唔另外加收开炉费/清洁费)总括，安排周到，回头率极高既一间party room
继续阅读
同朋友好耐无试过BBQ, 又唔想去郊外地方喂蚊同热到身水身汗, 于Book左Chill Grill Party Room 试下今日同朋友一行16人黎到荃湾呢间BBQ Party Room. 地点距离荃湾站有点远,建议由荃湾西或坐巴士到愉景新城/福来村下车步前往.上到去, 一入门口觉得眼前一亮, 室内空间非常大, 有得唱K,玩PS4,Switch,月光宝盒玩, 而且有两部大电视同一个Projector, 大家都唔驶争我地到齐之后就叫老板准备BBQ, 佢地会帮手放好食物同透炉, 基本上坐底就可以烧.. BBQ 嘅平台十分大, 望落有过千呎, 我地都几人都只系用到一半我地拣左海鲜套餐, D海鲜好新鲜, 份量大, 而且洗得好干净, 大家都赞不绝口! 可以睇得出老板真系好细心咁去准备.其他食物都好有水准, 特别系猪扒用埋葡汁鸡翼. 猪扒够Lum,好入味, 但又唔觉得咸; 鸡翼只葡汁好香,而且入味!总结Party Room地方够大, 有内厕, BBQ嘅空间也非常大, 唔会觉得迫。食物比想像中好好多, 大家都玩得开心满意!
继续阅读
30号果晚我同朋友上左呢间ChillGrill到开Xmas Party，上到去见到差唔多成2000呎令我地好hyper，仲要老板话岩岩开冇耐，所有野都好新净，玩都玩得舒服啲！ 因为我地唔多人，先12个，所以对我地黎讲空间感好够。装修唔花巧，够哂raw，老板虽然冇卖酒，但佢系爱酒之人，所以特登整个巨型bar枱比自己同啲朋友如果你系爱酒之人，可以带酒上去，坐系bar枱吹下水都唔错！咁大既party room，麻雀同boardgame呢啲基本野都有，比较小见系佢有张可以笃波又可以玩air hockey既枱，我见啲frd玩到好high 另外，唱K都系一个唔小得既环节，呢间party room个K机啲歌好齐，基本上同系深圳唱差唔多，比较正系佢用projector instead of 电视，我同啲女仔朋友由头唱到落尾重头戏就系佢个超大露台BBQ！可能老板主力都系接啲大party，所以我见佢有成4个BBQ炉，空间劲大就算多人都唔会觉得焗促。果个我地得12个人, 老板都开左两个炉比我地，呢个真系要赞下！除左炉够多，地方够大，仲有一样野我好impressive系，佢室内同室外连接住一个窗台，即系话，打开个较台，男仔可以系出面烧，烧完可以直接系窗台递入黎比女仔，女仔就可以坐系窗台里张高枱食野，对于我呢啲又懒又怕麻烦既吃货黎讲，简直就系冇得顶总括黎讲，一间新开既party room黎讲, 都真系冇咩挑剔。而且，老板好候生又好倾，我地走果时阵仲同我地一齐影大合照！希望下次同多啲frd再上去玩，打边炉都好唔错！
继续阅读
去过好多间party room 依间上到去有惊喜！应该有过千尺，地方好大好舒适（连厕所都好大），简约干净，有得唱k，打牌，BBQ，正常party room有嘅设备都有，重点个人特别中意张吧枱 同班friend可以自己买酒上去玩下调酒！🍸🍾🍹个老板好好人劲nice 仲同我地成班friend一齐玩😂老板仲请我哋食野！位置喺荃湾西地铁站，行过去大概10分钟，唔算好远，虽然唔系住果头，但如果成班friend想揾地方嘅话绝对可以一试，会再去！
继续阅读