CHICKEN FACTORY (爹核士街)

营业中

休息中

今日係店內的自助機買了外賣，2個套餐，給錢然後等著拎返屋企食，等左30分鐘仲未出餐，就去問店員，點知…..回答係冇呢張單，跟住一句說話都冇講，店內職員就自我溝通，一啲都冇回覆人客，或者叫人客等幾耐，再就一句抱歉都冇，本人真係無言，完全唔知講乜好，再呆等左15分鐘，跟住就話有一個餐出左，另一個餐再等，等多幾分鐘先有，飲品就自取，點知又搵唔到。返到屋企，諗住有得食啦…點知….少左個飯…真係極差體驗！！

或者同大x樂差唔多價錢，但星期日西環周圍都係人，要搵位真係唔容易，第一次食Chicken Factory嘅下午茶，見到巨人雞髀海報都忍唔住走咗入去，一個餐$36起都幾抵食。烤焗巨人雞髀配粟米條＋低糖檸檬水 $36烤焗巨人雞髀配粟米條＋鮮製豆漿 $40雞髀size都算巨大，肉質嫩滑幾juicy，稱得上外脆內軟，但炸完出嚟都幾油淋淋，另外一隻雞髀夠熱辣辣一隻就微暖，呢兩點真係大打折扣，至於粟米就夠香甜，切開一條條好方便食，呢點係要讚嘅。二人共消費: $76

在西環辦完事，肚餓了，回程路上見到雞廠，在其他分店吃過雞廠的雞好味，二話不說就進去吃個下午茶。椒鹽雞翼三隻加碗仔翅$20，這個套餐超值！三隻雞翼炸得皮脆肉滑，一打開已經聞到孜然香，咬下脆皮口感，配合孜然和五香粉，吃得很惹味。碗仔翅用料足，蛋花、肉絲、木耳絲煮在湯裏，濃稠又爽口，味道調得十分好，本身湯味微咸，灑上胡椒、麻油、醋，拌勻後帶酸香味道，少少一碗，作為下午茶，吃著很滋味！套餐加$7可配飲品，點了蜜桃冰茶，非常香甜的蜜桃味，配茶底清新，吃完煎炸食物，喝一口非常舒適。一瓶膠樽的份量，值得加配。其他下午茶餐都非常超值，絕對是街坊福利！下次見到都一定再試其他食物。

外賣一份烤雞套餐應該跟一支飲品，自取時飲品沒有入袋俾客人，攞到回家先發現少咗支飲品烤雞味道可以的，烤薯都有牛油味道不是白烚，食物製作方面都有誠意的，而且價格相宜。

我驚OpenRice落order買一隻雞加其他小食，我在8:30前落order，我曾經問過幾點落order冇問題，店員同我講8:30落order還可以，當我9:15飛的士落嚟攞，佢話沒有雞，所以取消order，我有留電話為什麼不打電話通知我一聲，我仲要飛的士落嚟攞，用八達通過數，仲要話過多幾日先退返錢。。。。咁你哋應該一早截order啦！ 完全係唔合乎理由🤬🤬🤬🤬😡😡😡🤬🤬🤬😡😡😡😡

兩碟雞質素明顯差別很大，廚師未能保持水準。另外員工對顧客的提問欠缺耐性，未能解答之餘，更無禮貌，話客人「黐線」！建議在店舖內張貼顧客意見箱或展示直接負責人聯絡的方法，以即時跟進及改善服務質素！

在堅尼地城想食個快食晚餐，又唔想食茶餐廳同麥當勞，啱啱經過chicken factory , 其實都食過四五次外賣速遞，但其實佢哋d 雞都唔錯嘅，所以今次入去食堂食，佢哋地方都算寬躺，但又唔多座位，可能佢都係做外賣為主啦⋯⋯落單用類似麥當勞嗰d 售賣機落，跟住等叫Number取……今晚叫咗個我好鍾意食嘅海南雞飯同¼隻雞，其實味道都同外賣速遞相若，佢啲雞係得嘅滑嘅，其實佢哋性價比算好高，$50$60就攪掂一餐， 有drink 有湯有飯嘛😂⋯⋯食完就好似M記咁，自己掉垃圾擺番盤⋯⋯跟住走人😙

星期六4點半放完狗有小小肚餓，行過呢間Chicken Factory見室外可以坐咪諗住食個下午茶囉，但去到售票機所有下午茶都話賣哂，咁唯有食其他囉，點知部機又係唔work, 人手落order去😓✨🥢無骨海南雞飯+香茅雞油飯+紫菜豆腐雞湯$49: 雞都算滑；雞油飯香香的；湯就淡啲；整體唔錯✨🥢無骨沙姜雞+白飯+紫菜豆腐雞湯$49: 沙姜有點淡，味道跟我們中式的有點不一樣，不過ok嘅✨🍗重量級1/2大烤雞餐(半隻烤雞+牛肝菌汁+雞油飯+焗薯+可樂)$68: 烤雞算大隻足份量；反而牛肝菌汁好似唔係好夾；焗薯好味😋✨🥤洛神花冷泡茶：跟餐+$6，酸酸甜甜幾開胃，但其實係乜都話賣晒冇得揀🤷🏻‍♀️咁早好多嘢都話賣哂，個垃圾桶滿到瀉都冇人理，其實佢哋想唔想做生意㗎？

已經有唔少分店，每次經過都有烤雞香味👃🏻Openrice評語唔算好好，不過今日要食「快餐」所以去咗食Menu全部都係雞🐔除咗烤雞有海南雞、人蔘雞、雞湯飯等，款式五花八門▶️ 重量級烤雞餐(1/4 隻)(+$5) 轉雞胸肉，意外地大件同厚肉😮差唔多6cm厚，仲要冇乜骨食落完全唔乾唔鞋，雖然未至於鮮嫩多汁，但相當唔錯食到啖啖肉好滿足另外都有雞髀位，相對多油脂juicy少少，一樣好食🍗醬汁三選一，牛肝菌汁味道較淡，杰度啱啱好，完全蓋過雞肉另選兩款配菜，揀咗烤雜菜同焗薯烤雜菜係用咖喱粉醃咗嘅青豆、椰菜花、紅蘿蔔，健康得黎好夠味🫛焗薯烤得香口，外皮少脆口，灑上大量鹽同香草，好惹味🥔薯仔唔會過淋，係薯條嘅替代品，同時夠飽肚▶️ 御翠烏龍冷泡茶 跟餐飲品，用茶包，味道濃醇🍵▶️ 洛神花冷泡茶呢個味道超奇怪😖甜又甜唔晒，帶啲酸味有啲難飲，唔推介-相當有驚喜嘅快餐🤤個烤雞確實好食，同貴價少少嘅西餐有得揮最開心係有比手套，可以盡情咁用手食🙈配菜嘅調味都做得幾好堅尼地城呢間環境舒服，有室內外座位服務正常，大部份自助，食完之後自己還餐盤同清理枱面性價比超高，$50就食到一個餐，抵食之選，回頭率高👍🏻平日想食簡單啲平

7:30PM可以冇嗮雞真系有滴離譜咯入到個鋪面個地下又唔知灑咗啲咩湯系到，冇員工打算去處理。問個店員點解部自助落單機落唔到單系咪壞咗系咪冇嗮雞賣，距又好似你欠距錢梗惡，唔明點解冇嘢做都唔去搞下個衛生。之前去過其他區嘅店都幾好感受，黎間就真系唔知咩情況，連鎖店星期六冇嘢賣個店長點備貨架不如执左好过啦自家主打嘅產品都冇嗮凈系賣海南雞，叫咩冇Chicken Factory，不如叫海南雞專門店好過啦。離塞大譜

不知甚麼原因雞飯套餐,經常不接受Openrice落單, 要到門市購買, 食市質素唔錯, 外賣包裝用環保物料十分唔錯及維生乾淨. 所以多次購買, 有個低糖檸檬水好好飲只需加6元可添加. 亦有多人堂食, 只要食物有質素及維持合理價錢一定有生意, 不像隔離左右西餐廳, 一年半載就關門大吉

It’s my second time ordering Chicken Factory and the service really could use some improvement. Greetings from staff isn’t welcoming to begin with and to top it off an item was missing. Luckily it wasn’t any of the add-ons, but only the ‘Seaweed soup’ from the lunch set ($49). Food-wise: portion was reasonable, Hainan chicken, tender and the oily rice so-so. The chicken coconut with jujube soup (+$28) coconutty, but lacking in chicken taste.The handcrafted coffee (+$12, with milk and sugar alrea

大年三十晚，當家家戶戶都提早修路的時候， Chicken Factory竟然照常營業，實在令人感動。Chicken Factory嘅主打係烤雞，但令人意外嘅，係佢哋竟然有中式嘅雞飯賣。今次試吓挑戰佢哋嘅海南雞飯，唔知會唔會有佢哋西式烤雞嘅水準。$49既海南雞飯，以錢來講，冇咩好投訴，因為大部份海南雞專賣店，最平都要五六十元。佢哋嘅飯，好意外地係俾黃薑飯，初初以為呢個價錢只係可以食到白飯。雞嘅份量好多，但啲雞既texture有啲實同鞋，一來估計係雪雞，二來佢哋可以用焗爐整，抽乾晒水啦。佢哋嘅雞，係饌上薑蔥豉油，呢個亦都係「鬼佬餐廳」煮中式嘢嘅一個盲點，你喺坊間有幾可會見到豉油淋上面嘅海南雞飯？可能，佢地明知啲雞比較鞋，要搵醬汁搭救啦。佢哋嘅配上一個紫菜湯，感覺係好新鮮，亦都ok好飲既。整體來講，佢哋嘅海南雞，唔係正宗港式嘅煮法，有啲鞋，但份量多，唔難入口，飯有驚喜，湯正常。以$49嘅價錢來講，呢個海南雞飯，中規中矩，但下次 prefer 食返佢地既烤雞菜式。

是日清明節，拜完山和家人午膳，媽媽提議這間吃雞，太好了我不用選餐廳😌三個人就選了一個二人全雞餐再加一個1/4烤雞餐.粟米未有，後來忘了影相補回.我沒試過磨菇飯但我看到很快被清光了，焗薯非常好食，雜菜都好食，茶一個是翡翠烏龍一個是洛神花檸檬茶，兩個都不錯，感覺很健康.我主力吃這個，其實沒想過1/4烤雞都這麼大份，油飯卡路里很高但真的很好吃😂飯感覺實實的但很重油香味，我選了牛肝菌汁味道不錯，雞本身肉汁很夠不乾，肉亦不「鞋」，菜亦烤得很脆口不乾，整體很不錯，如果一個人食都夠了. 但1/4雞餐好像只有油飯和白飯選擇，如果可以選磨菇飯就更加好了.餐廳有位置可以洗手，亦有手套供應，1/4烤雞我覺得用刀义切也可以，全隻就可能用手套比較方便.

炸雞控表示堅尼地城又多一個連鎖炸雞選擇喇，除咗有kfx jollibxx ，仲有依間快餐店🤭岩哂貪快又貪平嘅我蘑菇飯配椒鹽雞粒性價比都不錯，雞粒就正常發揮，新鮮熱辣食都唔錯，亦都唔會好油，味道適中；而蘑菇飯都不錯，不過汁可以更多就好！🤭🤭葡汁雞皇焗飯都幾好味，味道偏濃，略帶微微辣都幾好味🤭而且汁同餸都不少 good good 😊檸檬洛神花冷泡茶都唔錯，偏酸微微甜的味道都幾開胃！！總整嚟講都會選擇再食的🤭 想試埋海南雞飯！！