628
36
6
开饭介绍
由三位拥有超过15年丰富经验的西厨创立，坚持由世界各地精心挑选进口食材，以精致手艺打造酒店级西餐享受。提供的菜式十分多样，其中不少复杂的菜式，在坊间最少见。
继续阅读
营业时间
星期一至日
11:30 - 22:30
以上资料只供参考，请与餐厅确认详情
食家推介
今日食咗個lunch🍴, 雖然唔算話好好食。但我覺得佢有啲位做得唔錯😌😌🔺先講好簡單嘅嘢水, 無錯係一杯水因為佢係使用薄荷葉，重點係飲到薄荷味嘅，唔馬虎求其👍🏻👍🏻👍🏻🔺叫左個Deluxe Breakfast 🍳 表現正常水準，我就覺得啲粟米放得太多香草個人唔係咁鍾意。👍🏻👍🏻但要讚嘅係要鐵pan係暖嘅，係咁凍嘅天氣底下覺得服務好到位，食物唔會好容易凍🔺Lunch set B好食😋🔺兩個都有餐包沙律湯以及飲品⚠️沙律就一般，D菜食落有少少苦澀，唔知關唔關火箭菜事呢😜😜湯好飲👍🏻包好食👍🏻
继续阅读
「愉景新城」比較偏埋一角，所以，唔多嚟，不過，較早前同舊同學行山，終點晌荃灣，故此就順路嚟到「愉景新城」食晏。始終疫情持續緊，所以，都刻意揀避避人潮，唔晌啲放飯高峰時段嚟，亦揀啲地方闊落嘅餐廳，所以，選上「Chef's Stage Kitchen」。餐廳嘅環境除咗闊落，高樓底之外，一室木系，又有唔少植物作點綴，頗有一種農村餐廳嘅感覺。襯以柔和嘅燈光，半開放式嘅環境，又加上此時客人唔多，予人感覺更悠閒舒服。餐具、口罩袋、薄荷味清水已放晌枱上供客人使用。再睇睇午餐選擇，主要有兩個餐牌，一個喺全日早餐同漢堡，另一個喺啲主菜類，如意大利飯、長通粉、肉眼扒，兩者都會包餐湯、沙律、牛角包及餐飲，此外，亦有啲額外加配選項，如粗暮條、薯仔沙律；如想試埋自家製甜品，亦有正價減$20優惠。順帶一提，午市唔收服務費，又可以慳番多少少。餐飲方面，都喺基本嘅茶啡、檸茶、檸水……之類，不過，店家亦有提供多款特飲，如偽鴛鴦、熱拖肥薑鮮奶、特色花茶、竹炭曲奇熱鮮奶，均可以以優惠價轉配。由於枱上都放咗成本飲品餐牌，尾頁印有各式自家製甜品，所以，索性影埋出嚟俾大家參考。餐湯、沙律、牛角包 先喺一次過上晒餐湯、沙律、牛角包，我都幾鍾意咁樣，方便我一次過影相，又可以幾樣嘢輪流混合咁食。先分享個餐湯，喺椰菜花忌廉湯，有別於純白色，估計加入咗啲炒洋蔥去打，味道頗香，而且，非常滑溜；啲沙律菜新鮮爽脆好好食，仲加咗少少青蘋果、車厘茄、粟米粒，簡單以黑醋調味，味道醇厚；個牛角包就細細個嘅迷你版，但好酥香，伴湯一流。班尼迪蛋 $98小弟就想試試班尼迪蛋，平平哋之餘，班尼迪蛋喺好考師傅手勢，而每份班尼迪蛋有兩件水波蛋，仲配有火腿、英式鬆餅、荷蘭汁、香脆薯餅、田園沙律，砌出嚟都大大份，所以，非常有睇頭，賣相亮麗。實際上，水波蛋煮得啱啱好，一切開蛋黃慢慢咁流出嚟，蛋黃極之綿香，火腿亦唔喺茶記啲普通貨色，夾埋英式鬆餅一齊食，都幾正，加上酸酸哋嘅荷蘭汁，味道就更有層次；薯餅雖然睇得出都喺現成貨，但亦烘得好香脆，好有薯香。炭燒紐西蘭牛肉眼扒 $158舊同學喺食肉獸，所以，最感興趣喺呢一道肉眼扒，大大件肉眼扒炭燒過後，一道道坑紋，再加埋甘筍蓉、香煎薯仔、露筍，配燒汁，賣相同樣誘人吸引，未食都先興奮。要咗5乘熟，一落刀感覺到肉質非常軟腍，再睇睇，色澤嫩紅，卻沒有半點血水，燒得啱啱好；而簡單鹽、黑椒調味，齋食真喺食得到嗰份肉香，加上外層焦脆，內裡好腍滑，足見件扒本身極具質素。而伴菜亦有心思，唔喺一般嘅薯菜，甘筍蓉打得細滑，露筍又喺啲貴價嘢，真喺誠意十足。熱牛奶咖啡 +$18今回就無選拿鐵，改吓試試熱牛奶咖啡（Flat White），其實，牛奶系咖啡就好啱小弟口味，而杯咖啡幾醇香，又帶少少果仁香氣，如果，有埋拉花睇睇就更好啦。另外一提，杯咖啡仲伴有一小件意式脆餅（Shortbread），佢英文叫「bread」咋，其實佢喺曲奇嘅一類，既鬆脆，又好有杏仁香，伴咖啡一流。玫瑰抹茶鮮奶沙冰 +$38舊同學就貪得意，試試特色嘢，要咗玫瑰抹茶鮮奶沙冰，淡翠綠色嘅沙冰，唧咗大量忌廉做點綴，都幾靚仔。同學就話入口果然有玫瑰花香，又有啖啖抹茶嘅清幽味，最欣賞喺啲沙冰打得夠細緻，完全飲唔到碎冰粒，呢一點值得一讚。最後，埋單時，單據放晌個小煎鑊之上，再用粒煎雙蛋磁石攝住，非常得意。此外，原來，仲做緊午餐10送1，晌附近住嘅或返工嘅客人，都幾有吸引力。而且，離開時，先再留意到，仲有好多外賣折扣優惠添。今餐除咗食物具質素之外，更喺服務熨貼，不時幫忙收走用餐完畢嘅餐具，又會主動提供牙簽，詢問一下啲嘢啱唔啱食，而侍應又非常有禮貌，所以，我哋異口同聲話有機會都會再嚟！
继续阅读
Chef's Stage Kitchen (愉景新城) (荃灣)荃灣青山公路荃灣段398號愉景新城1樓1056D&1058號舖同表姐去左荃灣既IKEA 睇傢俬，行到teatime 見有點餓，於是去左隔離嘅 愉景新城去搵野食食，見到有間工業風既餐廳，仲有半開放式既設計，環境好舒適，一睇名原來就係chef’s Stage Kitchen ! 聽人講係好好味！但一直都冇試過！今日就入去試下啦😋😋🥰🥰我地入到去員工真係超nice同有禮貌！雖然已經係tea time 時間， 但由於我地好餓，所以我地就叫左2sets Tea set, 分別有ROYALE DELUXE BREAKFAST 星級早餐 $108整個breakfast 除左有standard既香脆薯餅,、茄汁焗豆、仲有一d都唔乾身但好有口感既煙肉同大塊火腿，仲有好新鮮既車厘茄同埋我好鍾意食既烤豬肉腸,仲有我表姐最鍾意食既香甜栗米粒 。特別想讚下佢既egg royale ，真係好味！煙三文魚配上半生熟蛋😋😋再加上包一齊食！真係好滋味呀！PAN-FRIED AUSTRALIAN RIB EYE SERVED WITH MIXED SALAD, SWEET POTATO FRIES & GRAVY SAUCE 香煎澳洲肉眼扒 配雜菜沙律,甜薯條及燒汁 $138 佢既肉眼牛扒 ,真係好高質！😍😍而且仲好大塊！依塊肉眼扒我地叫咗五成熟，佢肉質好淋好嫩滑, 唔會乾！而且好容易就切得開 ,唔多筋位,最重要係塊扒又大又厚仲要好多肉汁,真係啖啖肉仲好Juicy添🥰🥰😋😋🤪🤪。整體都好好味！肉味夠濃，真係就算唔點醬汁都冇問題！另外仲有伴菜同埋粗薯條，薯條仲炸得外脆內軟，點埋茄汁真係一流！😍仲有仲有！飲品方面，原來跟set叫奶茶、檸檬茶既飲品等等呢，仲可以無限添加嫁！！真係好抵食呀個tea!🥰🥰下次一定會再黎！
继续阅读
最近好少出街，Throw back返久遠嘅一餐🤣⋯當晚同BB仔一齊食飯，帶住BB揀餐廳都唔易，最好就family friendly👨👩👧，多數BB仔食物就要自己大。見到BB爸爸媽媽要照顧咗小朋友🤱🏻，甚至等佢瞓着咗先開始食飯，為人父母真係好偉大！我哋四位大人叫咗兩個二人餐，所以每個餐點都揀咗兩款㗎————————————————👅2人精選晚餐（$648/set）🔸沙律/餐湯🔸👉🏻 變咗蓉嘅羅宋湯，濃縮左蔬菜嘅味道👉🏻青瓜絲同沙拉菜🥗，撈埋酸甜醒胃嘅西柚、橙同蕃茄🔸頭盤🔸👍🏻法式生牛肉他他半鵪鶉蛋及法包：一直都好想試吓生肉，例如係韓國生肉或者日本馬肉刺身🙊，所以今次都係我第一次食生肉嘅初體驗。牛肉他他切到好細粒，軟軟地好綿滑，食中醃青辣椒會有啲辣。配住法包食就似搽醬，無反感無肚痛.👉🏻意大利風乾火腿伴蜜瓜：火腿正常，蜜瓜好甜，咁樣擺碟都幾靚🍽，不過要自己卷就煩啲🔸主菜🔸👉🏻燴美國牛肋肉寬蛋麵：牛肋肉燴到好軟爛🍝，意粉Okay啦👉🏻鮮藍蟹肉及蘆筍燴意大利飯配鮮蝦頭膏：蟹肉絲唔重蟹味🦀，意大利飯有鮮味👉🏻炭燒美國牛板腱扒拼香草牛油焗波士頓龍蝦尾：龍蝦望落好似好大嚿，其實舊肉劏開咗放上咗上個殼到，龍蝦肉薄左啲🦞。牛扒還好，Order七成都有啲生。薯菜可以揀薯條/薯蓉/焗薯👍🏻炭燒美國極黑豬扒拼香草牛油焗波士頓龍蝦尾：豬扒厚身多汁，鹽吊起肉味🧂，奶滑薯蓉好好味🔸飲品🔸👉🏻接木骨玫瑰花茶：清甜冰茶，都係加冰好飲啲。另外可以揀凍/熱嘅即磨咖啡/茶👅意大利芝士餅（$68）👍🏻好厚嘅芝士cream，應有嘅酒香同咖啡香都有，用蛋糕片代替傳統嘅手指餅———————————————— 🚩總結：正常水準嘅西餐廳🍴———————————————— 🌟注意：加一服務費————————————————📍 Chef's Stage Kitchen地址：荃灣青山公路荃灣段398號愉景新城1樓1056D&1058號舖.🗺地區：#bem荃灣📥分類：#bem西餐💰人均消費：#bem_201至400蚊
继续阅读
由於依加禁晚市堂食，唯有日頭搵好野食啦😚😚今日去開依頭行街，見到依間餐廳好有情調！！好啦。。。 一於入去試一試，填飽個肚先😋😋入到去坐，成間餐廳既感覺好有美式風格，座位半開放式排列，枱同枱之間唔會好迫，好chill既感覺！🍁🍁🍷🍷加埋就快新年，有d新年裝飾，中西合璧🧨🧨我知道依間平時晚上爆滿，基本上好難等到位！！我哋一坐低，侍應好細心講解今日有咩好食👍👍樣樣都好想食，都唔知食咩好！！😂😂最後，叫左lunch set青醬燴意大利飯🥒🥬同埋炭燒紐西蘭肉眼扒5成熟🥩🥩而野飲叫左偽鴛鴦（原味），依杯野佢參考左茶餐廳既concept去做出黎！哇😍😍有驚喜！！如果好鐘意朱古力🍫🍫既人士一定要飲下！！超濃郁🥤🥤，因為佢d冰係用咖啡去製成，唔會令冰溶後，朱古力味道變淡👍👍比專門咖啡連鎖店更好飲🤩lunch set 有餐湯（甘筍南瓜湯）、沙律🥗、牛角包🥐！！個湯好濃呀！！飲得出係新鮮打成😊😊終於上主菜啦！！勁期待😍😍依個青醬燴意大利飯，好好味👍食完一啖，會再想食！佢既味道好清新同好濃既cream, 芝士同蔬菜mix既味道,好有層次！！而肉眼扒望落去已經好吸引！！擺盤好精緻😘食落去好腍好濃既牛味🥩🥩佢配埋蘆筍同薯仔🥔， 可以解一解膩！！食完依兩個lunch set，好滿足！！
继续阅读