影片
以上资料只供参考，请与餐厅确认详情
今日同屋企人行完街，谂起想试食喺旺角嘅一间西餐厅，呢间餐厅之前已经有朋友大力推介过，上网睇过都有唔少嘅正评，所以就走去食lunch。餐厅座位唔多，下午1:30去到，好彩刚好有位。我哋三个人食，点咗一份猪手、一份卷蛋、一份鸡翼、两碟扁意粉、一个龙虾汤同埋一杯热饮。第一份上嘅猪手，真系必食，但呢个猪手只系配角，主角系𠮶层啫喱同埋苹果，一试倾心。卷蛋上面只炸虾，外层炸得好脆，但系食落又唔觉热气，里面虾肉仲好爽口，卷蛋一切开里面啲蛋汁流出嚟，成个画面令人充满食欲。鸡翼配埋个酱汁好match好惹味。龙虾汤真系够浓，个texture 好结实。两碟意粉都系中上质素，喺出面其他西餐厅食嘅起码要超过$100嘅价钱，但呢度就唔需要，性价比好高。全程喺厨房旁边睇到老板好用心嘅去煮，连摆盘都好有要求，可以值得一去再去，因为Menu上仲有好多食品未有机会尝试，一定会再去。
继续阅读
-港式fusion有心小店-老板几有趣，几有心同新意，加咗好多港式元素同配搭，味道好而价钱贴地。餐厅细细，配搭坨地港色装修风格。。冬瓜西汤👍🏻几fresh，无冬瓜腥味。明太子流心玉子烧🤏🏻明太子比预期少，但流心蛋打卡friendly。炸云吞皮·油甘鱼他他👍🏻新鲜又好夹嘅组合。烧墨鱼须·龙虾汤虾酱意粉👍🏻虾酱加咗一层咸香嘅风味，意粉又好挂汁。安格斯牛肩胛·港式烧汁薯角👌🏻牛肉好食，薯角浸湿咗少少可惜。十胜红豆·自家制豆腐panna cotta🤏🏻有啲甜腻会有返嚟试下其他食物！
继续阅读
估唔到旺角有间隐世高质Fusion西餐厅🤩主打世一意粉，仲有一系列Fusion玩味嘅西餐菜式，店舖细细，得老板一个主力处理菜式，目测每枱客都系熟客仔，同大家有讲有笑，满满嘅人情味～🙌🍳流心火炙明太子酱·吉列大虎虾蛋卷｜💰$68一切开就有流心蛋酱，视觉效果💯玉子烧熟度刚好，滑溜得嚟富有蛋香🍤虎虾啖啖肉，炸衣薄脆唔油腻～🍝沙嗲烩安格斯牛肋阔条面｜💰$148新加坡风味撞意大利阔条面，味道出奇地夹，一上枱就超香喇沙风味，阔条面挂晒汁，辣度温和，配料非常丰富：菇、虾米、洋葱等等，牛肋条松化入味，数量亦超多！超好食～🐔沙姜脆皮烧鸡（半只）配薯角｜💰$168鸡皮烧到金黄透亮、好似玻璃咁薄脆，鸡肉超Juicy，连鸡胸都滑溜唔嚡口，表层嘅沙姜酱惹味，配料嘅薯角同样出色，外皮脆口、薯肉粉糯绵密，无论系烧鸡定薯角都份量十足，两个人Share啱啱好～💥
继续阅读
本来想去另一间旺角西餐厅食lunch，但超级多人，非常嘈而且又要搭枱...误打误撞嚟到附近呢间通菜街隐世小店，舖头只得十几个位。Daily Soup 冬瓜蓉汤 $20清新可口厨师绝招必是昆布活蚬扁意粉Linguine Vongole $138 第一次食昆布煮蚬，好有惊喜，味道恰到好处，而且一碟里面有成十几廿只蚬，粒粒胀卜卜，食到新鲜嘅海水味（不过有少少美中不足嘅系，有几只有少少沙， 可以再改善）下次一定要再试下其他嘢， 支持小店
继续阅读
今次同朋友嚟到旺角嘅 Chefs' Kitchen~餐厅位于通菜街，位置方便，装修简约得嚟带点现代感，坐得舒服，好适合同朋友一齐嚟食饭倾偈。餐厅主打日式料理同fusion菜，菜式创新得嚟又保留传统风味，今次试咗几款招牌菜，真系款款都有惊喜！流心明太子蛋卷 $64首先一定要介绍嘅就系佢哋嘅流心明太子蛋卷！蛋卷外层煎得金黄香脆，切开嘅时候真系有流心效果，明太子嘅咸香同蛋香完美融合，口感滑溜得嚟带点微辣，层次丰富，绝对系必试之选！食完之后仲有种意犹未尽嘅感觉，真系好想再encore！玫瑰露腊肠卡邦尼意粉 $118呢款个意粉绝对系fusion菜嘅代表作！黑毛猪肉质嫩滑，带有独特嘅油脂香气，配上浓郁嘅卡邦尼酱汁，每一啖都充满住芝士同蛋香。意粉煮得啱啱好，弹牙有咬口，酱汁挂满每条意粉，食落去真系好满足。黑毛猪嘅咸香同卡邦尼酱嘅浓郁完美结合，令人食到停唔到口！昆布活蚬扁意粉 $128如果你钟意海鲜，咁就一定要试吓 **昆布活蚬扁意粉**！活蚬新鲜饱满，蚬肉鲜甜多汁，配上昆布熬制嘅汤汁，带出淡淡嘅海洋风味。扁意粉吸收咗汤汁嘅精华，食落去鲜味十足，口感清爽得嚟又带点层次感，绝对系海鲜爱好者嘅必试之选！Hong Konger海鲜饭 $178呢款菜式充满住西班牙风情，用咗多种香料同食材炒制，味道丰富得嚟又唔会太腻。配料就有本土地道腊肠、蚬、蚝豉等，每一啖都充满住香料嘅香气同食材嘅鲜味，口感层次丰富，令人食到好开胃！油封鸭髀炖饭**鸭髀炖得软嫩入味，肉质松化，轻轻一撕就骨肉分离。炖饭吸收咗鸭肉嘅精华，饭粒饱满得嚟带点烟韧，味道浓郁得嚟又唔会太腻，每一啖都充满住鸭香同香料嘅香气，绝对系一道令人回味无穷嘅菜式！整体嚟讲，Chefs' Kitchen嘅食物质素非常高，菜式创新得嚟又保留传统风味，每一道菜都感受到师傅嘅用心。餐厅环境舒适，服务态度亦非常好，绝对系旺角区内一个值得推介嘅食肆。如果你钟意日式料理、fusion菜，或者想试吓新嘢，呢度绝对系一个好选择！
继续阅读