影片
我系酱油蟹嘅超级fans，所以买咗一只$280 XXL大嘅酱油蟹返屋企食。全日都超兴奋，为咗等呢一餐，点知成餐饭我讲得最多嘅一句系「好咸」🥲🥲即使有捞白饭，但都系有啲偏咸，曾经上网见过人系超推介，可能只系我唔好彩，只蟹咁啱腌耐咗…不过我就唔会再试，始终价钱唔平，下次都系正正经经去餐厅食好过😂唔好比张相吓亲，系我自己将佢拆件，原装系包得好靓仔，非常之吸引嘅。同埋佢系真心大只同埋多膏，如果冇咁咸，一定会好完美。
继续阅读
人太多， 买到好似唔使钱咁 ， 我今次目标系泡菜，不过要排好耐， 泡菜款式有好多， 计大中小size畀钱。推介辣萝卜丝、 辣鸡泡鱼另外又买咗芝士韩国饭卷， 价钱唔算平45蚊一条。会等冇咁多人嘅时候先会再去
继续阅读
之前开幕大排长龙，而家少啲人去行下。其实地方唔系好大，都几逼，有冻肉，泡菜，冻八爪鱼，酱油蟹等等好多韩式小食。但今日target系嚟买外卖，选择都唔多，有啲韩式便当，煎饼，汤，炒粉丝咁，有特价𠮶啲都几抵。买咗牛肋骨便当，好丰富，份量够两个人食。有几款泡菜，全部都好好味，又唔太辣，好开胃好钟意。牛肋骨其实无骨，好厚切，够惹味，仲有旧蛋卷同甜酸鸡，七十几蚊一个饭，但有咁多𩠌都值嘅。不过唯一唔好就唔系好够热，冬天都系想食热辣辣。薯仔煎饼，海鲜煎饼，粉太多好硬，海鲜饼味道唔错，但无一般喺街食点𠮶只酱好似争啲嘢咁，可惜都系冻啲。啲店员好似系韩国人都几好人，下次去食酱油蟹先
继续阅读