685
88
35
港铁香港站 C 出口, 步行约7分钟 继续阅读
电话号码
23512622
开饭介绍
餐厅装修采用酒吧格局,主打新派台式料理,以传统台湾菜作基础,加入不同国家的元素。餐厅菜单跟贴台湾当地潮流,不时提供新的菜肴。 继续阅读
营业时间
今日营业
12:00 - 16:30
18:00 - 21:00
星期一至四
12:00 - 16:30
18:00 - 21:00
星期五至六
12:00 - 16:30
18:00 - 21:30
星期日
12:00 - 16:30
18:00 - 21:00
付款方式
AlipayHK 支付宝 现金
座位数目
36
其他资料
网上订座
Wi-Fi
酒精饮料
自带酒水 详细介绍
切蛋糕费 详细介绍
电话订座
赏订座积分
外卖服务
加一服务费
当面支付
食记 (852)
今日同老妈子嚟中环行街,见到呢间Check-in Taipei,依家冇去台湾旅行,一於食下台湾菜,满足吓个胃先😆招牌牛肉面 ($108)- 呢个牛肉面果然系招牌菜,份量十足,面条粗身大条,烟韧有嚼劲;牛肉大大嚿,而且肉质鲜嫩,口感十足- 配料都好多元化手,有高质嘅溏心蛋、Q软嘅豆腐小砖、爽口嘅虫草花,口感层次好丰富☺️溏心蛋鲁肉饭 ($55)- 鲁肉饭一碗好足料,见到成个小山丘,软滑嘅溏心蛋,酸甜解腻嘅腌黄萝卜同埋劲多鲁肉好吸引啊,而且鲁肉劲入味好惹味,混合埋香软嘅白饭简直系一流🤤炸地瓜薯条 ($68)- 炸地瓜薯条系我最爱嘅小食之一,地瓜薯条橙橙嘅颜色已经好诱人,外脆内软,而且咸香嘅鸡酱更能地瓜嘅香甜,啖啖都好滋味😍金钻凤梨x土凤梨酥奶奶麻糬 ($85)- 奶奶麻糬系淡水嘅名物,见到呢个充满台湾特色嘅口味冇理由唔try try佢,奶奶麻糬果然奶味十足,夹落动L动L咁,玩味十足,而且香甜细滑,好满足啊😆经典珍珠奶茶 ($48)- 珍珠奶茶系台湾嘅signature饮品,食得台湾美食冇理由唔会一会佢😎,珍珠煮得好有水准,软熟得嚟又有嚼劲,而且甜度控制亦好得宜,唔会盖过奶茶嘅浓香,丝滑嘅奶茶配搭Q弹嘅珍珠简直系perfect match😍Check-in Taipei果然好正,一解乡愁得嚟,同时食得满足,捧住个肚仔走💓 继续阅读
(以上食记乃用户个人意见 , 并不代表OpenRice之观点。)
等级4 2021-06-21
1701 浏览
食过香港咁多间台湾菜餐厅,基本上心目中已经有第一小食、第一牛肉面、甚至系蛋饼第一,而今次介绍既呢间台湾菜,一直系Openrice上既评分好高,亦都有系朋友口中听到"想食中环个间好贵既台湾菜好耐",正正系我觉得蛋饼第一,而且系创意第一既台湾菜餐厅。依家喺中环苏豪区嘅人气台湾餐厅Check-In Taipei,系一间人气新派台菜,系2014年开业,一开始以酒吧餐厅形式为主,餐厅主打传统台湾主食、小食,常见嘅牛肉面、卤肉饭、蛋饼都有,但特别既系餐厅以台湾菜为基调,再加上流行食法,制作一道又一道创新Fusion菜式,所以话佢系正宗台湾菜,岩唔哂,至少蛋饼唔系,佢地蛋饼加咗好多Fusion元素,但香港少见嘅牛奶麻糬佢地都有,反而麻糬系正宗淡水做法,另外佢地都有提供唔同精致既鸡尾酒,当然都有非酒精既台式饮品,好似绿豆沙牛乳同绿豆沙豆浆。餐厅系上年重新装修示人,新店装修以文青风格为主,而且推出多款新既嘢食,好似仿照台北人气牛肉面林东芳而推出相同风格嘅牛肉面,仲有麻婆豆腐手工饺、明太子甜不辣、咸蛋黄芋泥乒乓球。而店舖嘅人气创意台式蛋饼都有新嘅口味,薯泥起司松露蛋饼同脏脏芋泥咸蛋黄蛋饼,有时有啲期间限定嘅蛋饼,好似粢饭蛋饼、泡菜起司豚肉蛋饼、明太子樱花蛋饼、冬荫公龙虾蛋饼、海胆蟹肉蛋饼、和牛炙烧蛋饼等等,可谓Fusion蛋饼既极致。原来我早已经过店铺几次,因为佢系中环长楼梯既中段位置,而且就系正中环地标大馆对面,但如果唔系门口经过餐厅,睇到佢门口既霓虹灯,睇落就唔太起眼突出。前後帮衬过两次呢间餐厅,第一次系星期五夜晚,大概七点几去到餐厅,已经座无虚席,前面有两个人等紧,排左冇耐後边都有人龙,因为想坐嗰晚啲嘅枱影相,所以吧枱有位俾咗後边两个人入先,之後总共等咗四个字,终於可以入座。而第二次系星期日晏昼一点几去到餐厅,反而完全唔驶等,去到时吧枱有位就直接入座。唔知系唔系中环区,所以餐厅座位唔算多,座位唔算好窄,唔会话坐得唔舒服。座位有分右手边既四人枱同左手边既吧枱,酒吧高枱座位都比较高,四人枱灯光较光亮而吧枱就较暗,共同点系枱都唔算大,如果叫好多野食,尤其系吧枱就会显得迫,不过坐吧枱好处就系可以睇住调酒师调酒。餐厅以酒吧为主题,加上好有特色嘅墙上装饰、海报、霓虹灯,餐厅门口有大大既灯牌写住「我爱台妹」,装潢有气氛之余好有香港特色,比起一啲以旧式台湾风格装修既餐厅好似灯笼卤味,佢系比较新式摩登、灯光有情调既设计,喺度影网红打卡相一啲都唔难,虽然餐厅空间不大,不过胜在极具设计感,环境够chill,难怪可以吸引到好多人帮衬,餐厅仲会播住比较出名嘅台湾歌,好似大家耳熟能详嘅五月天、FIR、张惠妹等等。但一间餐厅长期排长龙,净系打卡唔够,一於试吓佢嘅嘢食系咪令人客似云来嘅原因。-1️⃣ 手绘双色盐酥鸡 💰88(👅: 8/10)盐酥鸡上碟时卖相几靓,因为鸡既两边比两只唔同色既酱包围住,双色酱画到好似太极既图案咁。盐酥鸡数量唔算多唔多,但每件既大细就几大,好似食日式炸鸡咁,一个人食好吃力,两个人就岩岩好,鸡既表面炸粉唔会过多,脆浆唔算厚,表面唔算炸到劲脆,鸡虽然大块但鸡既肉质几嫩滑,肉汁有锁左系鸡既入面,算juicy,所以食落唔会话好乾身。盐酥鸡有提供两只酱,一只系松露蛋黄酱,另一只系柚子蛋黄酱,黑松露酱够香浓惹味,而柚子蛋黄酱食落酸甜清新,有小小消腻既作用。两只酱味道都唔错,不过个人锺意松露酱多啲,因为算系半个松露迷。酱汁配搭同大家食过既唔同,Fusion都摆左落酱汁入面而唔系盐酥鸡,都同一般夜市食到既盐酥鸡唔同,有小小似韩式炸鸡咁靠酱汁味道带惊喜比人,盐酥鸡虽然味道同口感未到超惊喜,算系几有诚意既盐酥鸡。-2️⃣ 咸蛋黄芋泥乒乓球 💰72(👅: 8/10)乒乓球咬落系软糯既外皮带小小脆口,内馅系芋泥夹杂住咸蛋黄,感觉餐厅好锺意将呢两种食材结合,因为蛋饼都系有芋泥加咸蛋黄,食粒食落系外脆内软。食落会有小小好似台湾夜市食到既地瓜球,只不过入面唔系地瓜泥。因为大小适中,食完唔会话觉得热气或者油腻。-3️⃣ 台式肉松榨菜蛋饼 💰68(👅: 8/10)呢度嘅蛋饼都系胀卜卜,比较大条啲,食落其实几饱肚,店员一早已经切好咗6份,方便进食,蛋饼入边有肉松榨菜,系好常见、好有台湾风味嘅蛋饼。榨菜份量适中,分布平均,食落味道酸酸开胃,口感够爽脆,肉松食落香酥棉密,至於蛋饼皮够厚,食落口感烟韧,完全见到只蛋系入边,呢度既蛋饼都用两只鸭蛋,比起普通鸡蛋明显蛋香味会重好多,闻落都香啲,食完即刻谂返起喺台湾食嘅蛋饼,完全系将台湾嘅味道还原喺香港到,好耐冇食过同台湾咁接近嘅蛋饼。总结系如果个刻净系想食蛋饼,冇话想食咩口味,我会拣呢个,虽然佢味道唔算好特别好惊喜,但因为佢价钱最平,而且可以食到好接近台湾原始嘅蛋饼味道。4️⃣ 薯泥起司松露蛋饼 💰78(👅: 8.5/10)锺意食呢道蛋饼嘅原因其中一个就系呢度既口味好创新。薯泥起司松露蛋饼卖相吸引,系蛋饼嘅尾部见到分量丰富嘅薯泥,而上面系餐厅好惯常用嘅松露酱,因为同上面介绍嘅盐酥鸡应该系同一只酱。相信大家一定未食过薯泥起司松露呢个口味,粟米配蛋饼系一个好常见嘅组合,但加上黑松露酱就系另一样嘢。薯泥食落口感绵密,而松露酱食落口感唔系水状,而系偏硬,两者结合食落系几香口,芝士会可以拉到丝,食落香口带咸香,蛋饼食落就好似台式肉松榨菜蛋饼,蛋饼嘅口感同味道都差唔多,会令你谂起台湾既蛋饼。呢个好似台湾嘅蛋饼,加上创新嘅味道,又呈现出另一种味道,松露酱同蛋饼相得益彰,将食材发挥得极致,蛋饼配上芝士同松露酱同薯泥一齐摆落口,无论味道上定口感上都好丰富,无法抗拒一啖接一啖嘅快感,不过因为有薯泥所以食落会比较济啲,同埋要趁热食芝士拉丝效果先会明显。-5️⃣ 脏脏芋泥咸蛋黄蛋饼 💰85(👅: 8.5/10)同餐厅其他三款蛋饼唔同嘅系,依一款蛋饼系甜既,而其他三款系太咸。点解食落系甜,因为佢入边有芋泥,相信大家都未食过甜嘅芋泥,我都未喺台湾食过,但芋泥蛋饼其实系台湾餐厅都常见,反而第一次食就系喺香港呢间餐厅,而比起台湾唔同嘅系,餐厅加入左咸蛋黄元素,令到蛋饼即刻有港式风味。蛋饼表面既系紫薯粉,提升左整碟既美感,入边嘅系芋泥,芋泥份量够多够厚,入口饱满,芋头味浓郁,食落甜腻,唔话食到香精味,系天然芋蓉眉味道,每啖都系满满既芋泥 ,无比幸福。黄金嘅咸蛋黄碎非常吸睛,布满左系蛋饼上面同入面,食落惹味而且邪恶,略嫌咸蛋黄味道唔够香同唔够起沙,咸蛋黄既咸同芋泥、紫薯粉嘅甜带来一咸一甜嘅冲击,视觉、味觉都为之一振,隔离仲有咸蛋碎同练奶,炼奶同芋泥味道几夹,外观上同味道上都做到点缀。我自己觉得依个蛋饼甜度适中,唔算过甜,如果好锺意食甜野嘅人会非常锺意,但甜嘅蛋饼就唔系个个都好习惯。-6️⃣ 火炙原条鳗鱼玉米蛋饼 💰148(👅: 9/10)四款蛋饼入边最令人惊喜嘅系呢个有9寸长既原条鳗鱼喺上面嘅蛋饼,完全系日式台式嘅fusion 蛋饼。除左主角既鳗鱼,鳗鱼上面系布满满满嘅芝士,系上碟嗰时店员会用火枪炙烧上面既芝士,令到芝士有温度,而且溶落鳗鱼同蛋饼入面,令到成碟变成金黄色带焦香。鳗鱼够厚身,长度同蛋饼一样,食落够肥美啖啖肉,唔会话好韧同有骨。半溶状态既芝士绝对将蛋饼昇华去到另一层次,拉丝程度足够。粟米粒够多,令整体多左粟米既鲜甜味。隔离仲会有木鱼碎做点缀,但净系鳗鱼蛋饼已经令人慾摆不能。鳗鱼、芝士、蛋饼同粟米既多重口感,齿颊留香,滋味无穷。-7️⃣ 招牌牛肉面 刀削面 💰108(👅: 8.5/10)牛肉面基本上系每次去台湾餐厅都会必点几样嘢食,餐厅有四款牛肉面选择,一於就试最招牌嘅牛肉面。呢度嘅牛肉面比较特别嘅系,佢哋仿照台湾一间非常人气牛肉面「林东芳」而而推出相同风格嘅牛肉面,可以系枱上面见到一樽辣牛油,系自家制研发,材料用上有60年历史既兆记肥牛纯牛脂肪同十五斤既既香料同辣椒,可以按自己口味加一至两羹入牛肉面汤底。呢碗牛肉面嘅配料同平时食到嘅会有少少唔同,除咗有牛肉之外,仲有虫草花脆脆、溏心蛋、百叶豆腐。牛肉面既汤底标榜系用五十公斤既牛骨慢熬十二个钟,当中更加无添加任何既味精。牛肉汤对比起我香港最锺意嘅牛肉面段纯贞,味道会比较咸一啲,但饮得出牛肉味非常浓郁,非常入味,饮完唔会话觉得好口渴,汤头睇落好清,唔会话好多油。而加咗辣牛油之後,汤底嘅热会令到牛油融入汤底,饮落汤底会多一种浓香,好似加左啲牛精华咁,令到汤底香味提升,层次感有提升到,辣牛油唔算辣,所以唔食得辣嘅人都可以试吓加。面底方面有得拣拉面或刀削面,两次食都系拣刀削面,刀削面入口滑溜食落烟韧,有嚼劲,以牛肉面黎讲呢种面质系几唔错,但面质唔会话好挂汤,夹起上黎其实几方便,可以好清楚一条一条咁夹起,唔会一夹就烂哂。牛肉方面系牛𦟌,有三大旧,但质素会有啲参齐,牛肉腍个时真系超腍,可以媲美我觉得香港牛肉最腍既段纯贞,但韧个时要用筷子将块肉系个口度扯开,会有啲唔想再咬再食既感觉,如果佢旧旧牛肉都做到腍身入口即溶,绝对系香港数一数二既牛肉面,但呢家牛肉系一个败笔。百页豆腐食落够嫰滑,但唔会好索汤好入味。成碗觉得最好食既系虫草花脆脆,虫草花经炸过黎,小小脆口带小小焦香,令整体味道同口感更加有层次。-8️⃣ 铁观音巴斯客起士蛋糕 💰75(👅: 9/10)主菜食到差唔多时候,可以话比店员知上甜品。蛋糕系同香港本地品牌hemma合作,系今年3月15日推出嘅台式甜品,讲到人气大热嘅巴克斯起司蛋糕,hemma绝对系香港既佼佼者。Hemma 系香港巴斯客起司蛋糕界既始祖之一,好多为人熟悉既人气咖啡店都热卖 Hemma既招牌巴斯客起司蛋糕。呢款芝士蛋糕系每日限量,再加上因为hemma系6月开始会暂别大家,所以芝士蛋糕绝对系期间限定,而且呢款铁观音口味就只有Check-In Taipei食到,连hemma官网都无得订。为左保持蛋糕既质素,店主一直坚持用好既材料,好似芝士蛋糕都系用日本鸡蛋、美国既creamcheese、丹麦既cream、法国既牛油、台湾、日本同意大利既面粉。蛋糕外表系深啡色嘅焦香外层,食落外层有焦香味,茶味好香浓,有好重既铁观音味,食落唔会太甜亦都唔会有苦涩味,呢度既巴斯客起司蛋糕过人之处莫过於蛋糕入面流心层能持久不凝固,睇落去系偏实净嘅芝士蛋糕,用叉刮落去见到系非常之滑,睇到蛋糕中间系芝士半软心状态,软心程度岩岩好,半熟口感,食落好creamy好绵滑细致,入口迅速溶化,无比满足。而且会食到蛋糕有唔少茶叶碎,所以会散发茶叶既烘焙香,茶味浓郁香醇,唔会完全食到铁观音食唔到芝士味,口腔充满铁观音茶味同芝士咸香,平冲得好好。单件既大小对我黎讲岩岩好,食多件可能我会觉得漏。而芝士蛋糕上面既反而系Check In Taipei特制既黑糖珍珠,珍珠咬落烟韧弹牙,黑糖食落甘甜,两者一齐食味道冇违和感,非常之夹,非常之有惊喜,甜思思既黑糖同浓郁既茶香撞上芝士流心,绝对系味觉、嗅觉同视觉既震撼体验,锺意芝士蛋糕或者茶控既人绝对会锺意,好似饮紧一杯好重茶味有芝士奶盖既铁观音加上黑糖珍珠,甚至可以一次过满足两个愿望添。我自己试过Hemma既四、五款口味既芝士蛋糕,最锺意就系呢种铁观音口味,要食就只可以黎Check In Taipei。食完果然Hemma出品既味道同卖相都可以保持一贯优秀既水准,难怪可以系众多网店中脱颖而出,系各社交平台受到大众热捧。-9️⃣ 金钻凤梨X土凤梨酥 奶奶麻糬 💰85(👅: 8.5/10)呢度既麻糬有原味花生、oreo同期间限定嘅凤梨味。凤梨味系同香港本地品牌同烘焙•爱丽斯合作,同样系今年3月15日推出嘅台式甜品。麻糬嘅食法系用筷子分开一份份,再沾上花生碎。麻糬其实唔系糯米糍,而系台湾淡水既名物。有啲麻糬系用糯米粉整,而呢个麻糬跟原祖配方,系用木薯粉整。可能因为用木薯粉整,麻糬咬落比想像中Q弹同软弹,食落唔会话黐牙,呢种唔算系汤圆个一种烟韧既麻糬,唔会好似一般麻糬咁较难咬开,滑溜轻盈,容易咀嚼,入口滑溜。平时大家食开嘅麻糬汤圆都系热嘅,但依个鲜奶麻糬食落系冻,会同大家想像中有唔同,好似食紧奶冻咁,食落去冰凉绵密滑身,水嫩嘅口感,有入口即溶既感觉。呢度既鲜奶麻糬系用日本4.3鲜牛奶,唔添加任何奶精,所以奶香味醇厚,而且系自然既奶味,所以食落一啲都唔腻,亦都唔会觉得好甜。呢个同原味牛奶麻糬嘅分别就系会多一够凤梨酥,烘焙•爱丽斯坚持用台湾金钻凤梨同土凤梨制作,每件凤梨酥都系人手制作。凤梨酥咬落外皮松化,入边嘅凤梨馅唔会过甜,甜度啱啱好,食落系酸甜带酥香。凤梨酥同麻糬味道上几夹,凤梨酥又可以整碎同麻糬一齐食。成碟嘅凤梨酥皮、花生碎同麻糬一齐食,口感丰富。如果未系台湾食过麻糬,或者食过都可以过一下口瘾,因为香港好小台湾菜餐厅有得食,食嘅过程都非常过瘾。-🔟 绿豆沙牛乳 💰55(👅: 8/10)呢杯牛乳喺Menu上有手指公,即系餐厅推介嘅饮品,其实系一杯加左牛奶既绿豆沙,喺台湾其实系好常见嘅嘢饮,但香港就比较少见,尤其喺呢个珍珠奶茶同黑糖奶当道嘅时代。绿豆沙入口唔系粒粒分明,而系磨到溶哂既嘅绿豆沙,入口顺滑,不过味道相对地比较淡,所以唔会话好甜,饮落唔腻,如果钟意食绿豆沙既人会几锺意。-1️⃣1️⃣ 鲜芭乐苦瓜汁💰58(👅: 7.5/10)见到个名可能已经有人唔锺意,因为苦瓜应该系十大最多人锺意食嘅嘢之一,但系台湾菜餐厅见到苦瓜汁饮实在少有,而且Menu上标榜系佢招牌,所以一试。苦瓜好多人都唔锺意,但芭乐就唔同,可以见到成杯嘢饮都系青色,但下边会有啲渐变色嘅红色。饮落芭乐同苦瓜出奇地夹,芭乐中和左小小苦瓜既苦,成杯嘢饮落清新,唔会觉得自己系饮紧人工嘅味,而系自然嘅味道,但我个人都系嫌佢苦左啲,唔系好岩自己口味,但如果饮开五青汁、苦瓜汁嘅人应该会好锺意,会比一般嘅苦瓜汁甜一啲,易入口一啲,唔想成日都饮珍珠奶茶嘅人,都可以一转口味,饮完对皮肤或者健康都会有正面嘅影响。-🌟价钱来讲算系比较贵少少嘅台湾菜,但佢嘅食物素质绝对衬得起个价钱,算系物有所值。蛋饼算系食过咁多间香港嘅台湾菜餐厅,最有创意亦都系最好食嘅一间,牛肉面虽然赢唔到我心目中嘅第一段纯贞牛肉面,但佢有条件可以屈居第二,其他嘅小食同饮品我觉得正常,但甜品再度比惊喜我,牛奶麻糬令我有返到台湾嘅感觉,而芝士蛋糕虽然唔系餐厅嘅出品,但呢个蛋糕令我颠覆对芝士蛋糕嘅认知,原来铁观音同芝士蛋糕可以咁夹,系我食过最特别、都系最好食嘅芝士蛋糕。环境来讲,我觉得佢似一个几有格调嘅酒吧,唔似主打好旧式怀旧风格装修既餐厅,好似小时光、灯笼卤味个类,而系同佢地餐厅食物风格一致,装修摩登既酒吧但食台湾菜,台湾菜得黎又系FUSION唔系完全正宗。服务来讲,侍应服务几体贴,用餐时不时会帮忙清理张枱,如果系热碟会提醒唔好触碰,而且唔会特别赶人走,八点几入座可以坐到十点,唔驶赶头赶命净系食饭,好适合饮吓嘢吹吓水好似酒吧咁chill下。Openrice网上订座服务呢家无左,但可以打电话预约,前後去过三次依间餐厅,一次系星期五夜晚,两次分别系周末嘅晏昼同夜晚,星期五夜晚放工时间会比较多人,但周末嘅晏昼同夜晚都唔使特别等,如果你冇对座位有要求,可以坐吧枱,更加可以快啲入座。当大家去唔到旅行嗰时,又想同朋友聚首一堂,怀念一下台湾嘅味道,唔驶睇请假攻略唔驶睇机票,去中环苏豪Check in,尝试一下新派嘅台湾菜,影张相打个卡留念,亦可有尽兴嘅一晚。-👅味道: 9/10🍴环境: 7/10💰消费: $100-300 (服务费:10%) 继续阅读
(以上食记乃用户个人意见 , 并不代表OpenRice之观点。)
等级4 2021-06-18
594 浏览
女朋友说近来发现了一间高质的台湾菜,说要带我去一嚐究竟,因而趁着今天晚上的空闲时间,我便随她到此一同晚膳。而由於近来天气酷热,在餐厅门外等待期间,职员贴心地为我们奉上小风扇作解热之用,服务着实值得一赞。餐厅位於中环的荷李活道,属於是山脚位置。到达时可率先看见门口右边有着我爱台妹的装饰字眼,而内进则可见是长方形厅,左边便是吧枱空间,整体风格均设计得富有台湾风味。手绘双色盐酥鸡盐酥鸡外观金黄大件,外层炸浆制得厚身香脆,内里肉质则鸡味浓郁,嫩滑带汁,再配搭上独特香浓的黑松露蛋黄酱,和甜酸清香的柚子蛋黄酱,整体更添滋味层次。卤肉玩台湾A菜台湾A菜亦即是本岛莴苣,咀嚼时是清脆爽口,鲜甜回甘。而师傅亦於顶层加入了瘦中带肥的卤肉作为点缀,味道咸香带甜,润而不腻。溏心蛋卤肉饭饭粒制得黏身,口感软糯香甜。而配料卤肉肉质有肥有瘦,咀嚼时软嫩香滑,带有油脂甘香。还有溏心蛋稠密致滑,蛋味出众。招牌牛肉面 刀削面牛肉汤底色泽深啡,味道富有药材香气。刀削面条宽阔厚身,食用时烟韧弹牙,嚼劲十足。配料豆腐细致软嫩,牛展柔韧鲜香,溏心蛋则绵密香浓。薯泥起司松露蛋饼此款菜式是餐厅的其中一款主打,师傅用上软糯的蛋饼,再包裹上香滑的薯泥和浓郁的芝士作内馅,并挤上松露酱调味,味道咸香带甜,层次丰富。铁观音巴斯克起士蛋糕蛋糕是用上铁观音制造而成的,食用时软绵松化,带有淡淡茶香,而内层用上芝士作为内馅,其味道浓郁即化,并呈现着流心效果。而顶层亦特意加入了黑糖珍珠作点缀,为整体口感加添柔韧香甜。OREO 奶奶麻糬此道甜品同样是餐厅的主打之一,食用时只需把中间的麻薯夹起,再沾点旁边的饼碎即可。麻薯入口黏度极高,湿润软糯,配上酥脆香甜的 Oreo 饼乾,口感层次十足。新鲜凤梨果肉梳打高身大杯的梳打饮用时富有菠萝香气,味道既酸亦甜,清新可口,非常合适夏天用作解暑开胃之用。周董周董一样是主打款式。酒师主要选用上毡酒、苹果、蜂蜜调制而成,然後再加入一层蛋白於酒面,并洒上了初菊花装饰,饮用时酒味恰到好处,有着浓郁的菊花气味,并同时缓缓渗出蜂蜜和苹果的味道。总结而言,餐厅装潢富有台湾风味,环境则舒适光猛。而菜肴卖相不但制得精美,味道更是出色可口,如此高质且深受年轻人欢迎的餐厅,绝对是属於必嚐的台湾菜。 继续阅读
(以上食记乃用户个人意见 , 并不代表OpenRice之观点。)
等级4 2021-06-10
1498 浏览
最近爱上台湾美食,Yan推介中环有一间人气台式料理味道不俗,大家放工一於去试下,6:30到去到,因为冇book位,但幸好有吧枱二人位,於是坐吧枱了,如果想来食记得book位呢。小小的店子,装潢似酒吧亦有台式风格,粉蓝色的墙,抢眼的霓虹灯,型格十足。餐牌,都几多选择呢。绿茶沙牛乳,$55,Yan的,卖相吸引。黑糖苦瓜汁绿茶,$55,又唔系想像中的苦,只是少许苦,有回甘,清新又冰凉,消暑恩物。脏脏芋泥咸蛋黄蛋饼,$85。面层有紫薯粉、咸蛋黄碎及炼奶,蛋饼香软,甜度适中,内馅有大量芋泥,味道香甜软滑,配咸蛋黄碎,咸咸甜甜有层次,美味又有创意。招牌牛肉面,$108,汤底牛味浓郁,带有药材味,微辣,炸虫草花脆脆增添口感及味道,面条烟韧入味,豆腐索汁,牛肉大件,口感松化又香口,几美味呢。奶奶麻糬(粒粒花生/黑芝麻),$75。冰凉的鲜奶麻糬,口感滑溜糯软,沾上大量花生碎更香甜美味。食物有水准,格价合理,坐得几舒服,气氛不俗,值得一去呢。 继续阅读
(以上食记乃用户个人意见 , 并不代表OpenRice之观点。)
之前食过Check in Taipei 觉得几好食,挂住台湾既我又飞黎食下先🥰🥰🥰 🤩糖心蛋卤肉饭🤩 呢个系cp值之选,细细碗但鲁肉都唔少鲁肉肥瘦匀称,送饭食一流😚😚😚  😝薯泥起司松露蛋饼😝  蛋饼真系唔系成日有机会食,呢个仲要系特配既材料,卖相都几令蛋饼包住口感绵密既薯泥,再配上芝士同松露酱,真系好丰富🥳🥳🥳  😚黑蒜牛肉面😚  呢个既黑蒜味都好出刀削面都挂到汤😝重点系配料都有好多,牛𦟌系大大旧咁,口感Q弹😚😚  🥳奶奶麻糬🥳 上次黎已经好想食麻糬但卖哂,今次终於食到呢个招牌菜中意食凤梨酥其实我中意食个饼皮,呢个就啱哂我,佢用上大量既饼皮配上麻糬黎食,第一次咁食麻糬,口感好滑🥰🥰  人均$185食台湾菜系少贵,但见佢环境咁令,食物卖相同设计都咁有特色,都系值得再试既😚😚😚    继续阅读
(以上食记乃用户个人意见 , 并不代表OpenRice之观点。)