Chatterbox Café (K11 Musea)

营业中

休息中

傳說中的文華海南雞飯終於試得到星期日六點呢個鐘數可以唔使排隊不過門口個侍應又要處理外賣order又要安排客人入座就入而搞左一陣黎到呢到就一定要食個海南雞飯啦加左十蚊定十幾蚊要個脾位一貫新加坡海南雞飯既組合個飯味道夠但偏乾身啲雞就都真係好嫩滑同食到雞味基本上唔點醬食都好好食福建炒麵唔係乾身既炒麵 但食得到鑊氣味 有驚喜招牌大蝦喇沙有三隻大大隻既蝦 個湯頭未飲就已經聞得到好香飲落蝦味同椰香味超夾炸豆腐今日幫我地帶位 落單到埋單都係同一個侍應我諗餐廳最應該加強應該係人手😅

K11 Musea入面既Chatterbox係我成日都會幫襯既，佢既海南雞飯真係好食今晴同媽媽同妹妹黎食，總共三個人，叫左三個主食加一個小食，總共$552.20，以係Musea入面既餐廳黎講，其實真係唔貴海南雞飯（$118+$10轉脾）👍🏻👍🏻👍🏻推介脾位嫩滑，呢$10真係好值得比雞既份量真係好充足大蝦喇沙 （$158）👍🏻👍🏻👍🏻推介有三份大蝦，一上菜已經聞到濃濃既蝦味，食完最後我連個湯都清埋海鮮福建炒麵 （$158）👍🏻👍🏻👍🏻推介有蝦同魷魚，呢個炒麵都有驚喜，屬濕炒麵類小食-炸豆腐（$58）炸豆腐就普通少少，上面既配菜係完全冇味

Chatterbox Café獲獎無數，已在已經開到來K11 Musea，愛吃星洲佳餚嘅我又點可以錯過！來到餐廳已開始有人等位，我們就先在旁邊的取票處先取號碼，等叫號。經過一輪等待，終於可以進店下單了。店中牆身以一幅植物及動物為主題的大型壁畫，中間再間以植物佈置分隔，地方闊絡，給人一種輕鬆寫意嘅心情。今期主打班蘭系列，我又點可以錯過！簡單而美味，幸福的一餐！凍班蘭牛奶咖啡斑蘭聚在牛奶咖啡底層，輕輕攪拌，那獨特的天然氛香，味道清新，散發著香醇幼滑的牛奶咖啡中，絕對是至高級嘅享受。招牌珍寶帶子喇沙來到時已香氣撲鼻，喇沙湯底非常濃厚，還見到浮浮沉沉的珍寶帶子，真係流哂口水！喇沙湯底香濃，還有大大粒鮮嫩帶子，配上豆卜、魚片、蛋等...真係不知不覺就成碗食哂。豬肉沙嗲 (6串)一串又一串，來到又點可以錯過串燒呀！一份有6串，串串燒至金黃色，豬肉肥瘦適中，咬落非常嫩身，再配上甜甜香香的沙嗲醬，真係無得頂。椰子雪糕新地新地上有足足3球椰子雪糕，每一球都是自家製，再鋪上菠蘿和亞答籽，非常吸引。自家製椰子雪糕散發著醇厚奶香，再跟藍莓爆珠感覺特別地爆開，充滿熱帶幸福風情。

之前係太古城食過chatterbox express覺得幾好味, 今日放假約左妹妹去tst行街食飯, 於是就帶左佢去k11嘅chatterbox cafe試下! 餐廳環境幾大, 座位寛闊, 坐得幾舒服!🌟四季柑汁味道酸酸甜甜, 大大杯解渴又開胃🌟文華海南雞飯🐔🍚小妹將海南雞升級做雞脾, 雞脾口感鮮嫩滑溜幾juicy, 配搭油飯一流, 小妹最中意附上嘅辣椒醬, 辣味由淺入深, 愈食愈滋味!🌟黑醬油炒鮮蝦蘿蔔糕炒蘿白糕份量非常足, 黑醬油甜甜地, 沾滿哂成粒一口蘿蔔糕, 非常惹味!🌟馬來特色香煎辣魚餅魚餅香香辣辣, 食落煙煙韌韌, 夾上麵包食落口感更豐富🌟鮮斑蘭蛋糕伴椰子雪糕🍰🥥🍦斑蘭味好香, 蛋糕口感軟綿有彈力, 椰子雪糕入面有椰絲, 食起上嚟好香椰子味, 淋上椰子糖漿, 味道更香甜味美!

位於尖沙咀的Chatterbox Café，是一間在1971年創立的的新加坡海南雞飯專門店。品牌多年來獲獎無數，平均每日售出700份招牌海南雞飯，深受當地人歡迎。 Chatterbox Café來了香港之後，人氣有增無減，每次經過餐廳，都大排長龍，非常誇張呀! 我曾經與朋友品嚐過這裡的菜式，覺得質素不錯，所以這次便帶媽媽來試一試啦。店家除了有招牌的文華海南雞飯，亦有各種星洲美食佳餚，例如:喇沙、炒貴刁、特色小食、甜品等等，我們也點了數款呢。 文華海南雞飯 $118 鎮店之寶的文華海南雞飯，下單後不用三分鐘就呈上，光速的速度，令人驚訝呀! 海南雞用50分鐘慢煮製成，肉質軟腍鮮味，加上醬汁後更加惹味。海南雞比首次品嚐時更加嫩滑和入味，味道不錯呀~ 招牌雞肉喇沙 $108相對於海南雞飯，我更愛味道濃厚的雞肉喇沙。喇沙散發著濃濃的椰香、奶香、咖喱香，令人忍不住馬上吃一口。湯頭濃郁芳香，惹味無比，如果麵條彈牙一點就更好。 鮮斑蘭蛋糕伴鮮果 +$58 期間限定的斑蘭蛋糕，當然要試試。蛋糕鬆軟可口，斑蘭味濃，味道也不錯呢。

K11 Musea將新加坡鼎鼎有名的文華酒店Chatterbox Cafe帶來香港，讓我們不用遠赴新加坡，都可以享用到星洲正統佳餚。Chatterbox Cafe皆使用進口食材，保留每道菜餚原始味道，Chatterbox Cafe叫人迷戀的地方就是各種南洋風味都吃到，餐牌內容幾乎涵蓋大家所熱愛的料理，不論海南雞飯，肉骨茶，喇沙，炒貴刁等通通都有。文華海南雞飯我們加10元升級做雞腿，海南雞附上兩片青瓜和蕃茄仔，很單純的海南雞飯。飯相信是泰國進口的香米，至於海南雞則嫩煮後去骨而成。海南雞飯配有自家製薑蓉，辣汁及黑豉油，建議大家先嚐海南雞原味，再嚐其他醬料風味作對比。軟嫩的雞腿肉淋上黑豉油，不會過於搶味，讓海南雞更加甘甜鮮美，薑蓉與海南雞好不對味，是不可缺少的元素，有著淡淡的薑味，辣汁則味道濃香，和海南雞十分合拍。雞肉口感鮮嫩，雞皮微彈不軟爛，海南雞有著自然的肉香，無敵涮嘴。油飯使用雞湯及其他香料一同烹煮，粒粒分明具彈性，嚼起來有點鹹香，這點還挺加分呢。雞湯就是濃而不油膩，又富蔬菜的清甜，不愧是海南雞飯專家，水準一流，讓人難忘。對新加坡美食有點認識都不會對喇沙感到陌生，吃招牌雞肉喇沙是指定動

呢間新加坡既海南雞飯專門店係新加坡食過好多次但香港店就一直都未試過,今次經過k11 musea見到突然又勾起去旅行既回憶就入去回憶下新加坡既味道.文華海南雞飯今次加左$10轉雞脾肉,令整體口感更滑溜.海南雞去骨後啖啖肉,肉質滑嫩再配上特製醬汁入口香甜惹味.另配上三款醬汁沾海南雞肉食令雞肉帶出三款不同層次感既口味.海南雞飯帶清香既雞香味及淡淡香茅味,入口唔會過油膩而且米粒分明口感相當好.馬來特色炸豆腐豆腐炸得乾身又香脆,豆腐上加上蔬菜絲配合一齊食充分減輕油膩感.豆腐香滑帶淡淡豆香,加上特色花生醬帶微微辣香味道更濃郁.黑醬油炒鮮蝦蘿蔔糕帶甜味又濃稠既黑醬油配上鮮蝦蘿蔔糕更能帶出蝦肉及蘿蔔自身既鮮甜味.蝦肉爽彈配上綿密既蘿蔔糕令口感無咁單調.蘿蔔糕好足料帶有一絲絲粗身白蘿蔔之餘質感又唔會過水汪汪及鬆散.荔枝刨冰配雪糕咁熱既天氣食返杯刨冰更清涼又清新口腔.味道香甜得黎又唔會過份甜膩.內裏黑色珠咬開係提子汁,帶出一陣酸酸甜甜口味刺激味蕾.整體作為飯後甜品都唔會覺得好膩.美綠恐龍香甜又充滿麥芽香,濃郁香甜.

雖然TEA TIME但都幾多人呀都等左15分鍾先有位吧位黎既不過唔想再等就照入座呀點左~招牌珍寶帶子喇沙有三大粒帶子口感正常呀湯底都幾濃郁呀又唔會太油膩呀麵質幾淋我鍾意呀~特色煎魚餅呢個質感係好淋身既同食開既魚餅好唔一樣我自己就麻麻地呀~青檸梳打少甜雖然叫左少甜都仲係偏甜咁同埋無咩青檸味呀有少少失望

之前已經自己黎食過招牌文華海南雞飯。今次結伴黎就可以試多啲佢其他野食。😋白胡椒肉骨茶配白飯。有5條一字排排骨。排骨入味冇雪藏味。肉質亦都唔會鞋。湯底味道似胡椒豬肚湯。仲有豆卜金菇等配料。除咗白飯仲有幾條再炸到脆哂嘅油炸鬼。吸湯食一流。👍招牌珍寶帶子喇沙。啲喇沙香到隔離枱叫都聞到。帶子有4粒煮到好嫩口。😋 配料有豆卜雞蛋魚片芽菜。配上米線掛湯都唔錯。湯底香濃見到有好多魚肉碎好足料。😊傳統甜蝦醬蔬果花生沙律。即係rojak。去malay旅行時好鍾意食。隨處喺街都有得賣。係好清涼爽口嘅一個沙律。🤤 食到沙律入面勁多料。有菠蘿青瓜蘋果番石榴炸豆卜油炸鬼花生乾蔥。甜得黎有少少鹹香味同清新味。有啲人可能覺得味道比較特別。鍾意食嘅人就會好鍾意。😎

唸起新加坡嘅美食辣椒炒蟹、喇沙、肉骨茶…令人垂涎三尺。疫情期間去唔到新加坡唸住可以系香港解下渴。招牌海南雞飯（雞油飯一碗，醬料三小碟辣椒、薑蓉、醬油，菜湯一碗）➕10蚊轉雞俾肉雞肉算嫩滑多汁，但無鮮甜味。可以將冰鮮雞整成新鮮雞咁，師傅廚藝了得，但係廚藝幾好都掩蓋唔到食物本身嘅質素。招牌大蝦喇沙新加坡喇沙出名好味，湯底咖喱味濃郁，還有濃郁嘅椰奶香氣。平嘅三十幾蚊就有一碗。好味到連湯都可以飲完。點菜時都唸好唔好叫大蝦，果然中招。大蝦有少少腥味，肉算爽口，應該有少少唔新鮮。哩個招牌喇沙湯底無椰香，連咖喱味都唔特出。面頭浮住好厚層油，連d麵線都變油膩。以後學乖d，唔係食海鮮嘅餐廳，唔好叫海鮮，次次都賴嘢。特色鹹蛋雞翼炸雞翼出面包鹹蛋粉。幾野味，但稍鹹。鹹蛋粉同我之前新加坡超級市場買嘅包裝鹹蛋粉一模一樣。斑斕咖啡就係普通冰咖啡一杯，喝唔出斑斕味…..最後，唯一要讚下嘅係短頭髮收銀機隔離嘅果位女職員，服務5🌟好醒目好nice，筷子跌落地，唔曬講即刻拿新嘅來，菜一上，唔曬叫，細碗即刻來，甜品上前，餐具又主動set好……笑容甜美🧡🧡🧡🧡🧡

已經第四次去 Chatterbox Cafe 了，試過午餐，下午茶，及晚餐的海南雞飯。放心，份量都是一樣的！因為下午茶只是貴$10而多杯飲品。Chatterbox Cafe 的海南雞飯真是嫩滑，但今次再食，仍然嫩滑但沒有雞味。今次加了$10要雞脾，不過好像受騙了，雞脾的肉是薄薄的，只是比雞皮厚少少。值得一讚是油飯還是好味的。今次點了另一招牌菜，大蝦喇沙。大蝦很大隻，但不太鮮味。喇沙湯底不是很辣，味道也不太濃，味道一般。不過食完之後當晚勁口渴，之前也食過海南雞飯沒有此情況，估計可能是喇沙出事了。

上星期到太古城吃完Chatterbox Express，實在令我回味，今日身在在尖沙咀，便專誠走到K11 Musea 的Chatterbox Café吃晚飯！本身都怕人多，但幸好當時只有三、四台等候。如想快一點可以坐酒吧枱，我都不介意反而覺得更自在舒服。《咖喱雞煲配白飯及香脆薄餅 $118》咖哩小辣並夠香濃！配上雞件同一些蔬菜、薯仔、秋葵和茄子，而且這裡的雞肉當然嫩滑，質素有保証！配搭炸得脆薄既薄餅脆片，口感有點像蝦片，蘸上沾咖哩惹味又脆口，飯拌咖哩更有減膩作用！《文華海南雞飯$108 》+$10 升級雞髀 選用以50分鐘慢煮而成的雞肉，入口鮮嫩滑溜，雞皮不含過多脂肪。大家更可以按個人喜好蘸取秘製的辣椒醬、黑醬油及薑蓉，淋於以雞湯及雞油烹煮成粒粒分明的香米飯之上。《馬來特色炸豆腐 $58》炸豆腐外脆內妖，完全沒有油膩感，而且花生醬很香，十分提味！《星洲彩色刨冰 $58》每次來到都沒有吃甜品，今次就試試這個看到就令人開心的七彩繽紛刨冰。有爆珠、涼粉、椰肉、紅豆、粟米，雖說驚喜不大，但倒有星加坡的感覺。

早兩天喺尖沙咀放工經過K11 musea ，見滂沱大雨，便在這裏食晚飯先返屋企，見到有間餐廳裝修非常別緻，餐牌招牌菜-海南雞飯非常吸引，於是便和同事一起入內吃晚飯。去骨文華海南雞 $118雖然不是雞髀肉，但係肉質卻非常嫩滑！怪不得稱為招牌菜！至於香炒河粉燴牛肉 $108，個汁濕濕地，又黑蚊蚊，以為好重豉油味，其實食落很有鑊氣，又唔會太咸，而且牛肉亦都很鮮味嫩滑。另外叫了一個小食，特色鹹蛋雞翼 $78有六隻。金黃香口，非常惹味！雞翼剛剛熟，肉質非常嫩。芒果菠蘿梳打 $38，酸酸甜甜透心涼，夏天特飲之選！荔枝沙冰雪糕 $58，味道非常清甜，下次可以encore！

What is a better way to celebrate 🇸🇬SG National Day than to indulge in some local delights! From the snacks section, the Salted Egg Chicken Wings was the obvious choice for me. There were 6 pieces which were very well fried and wasn’t too oily, I could easily finish 3 of them in one go. Each wing was lightly coated with the salted egg sauce. I particularly enjoyed it as the sauce had good balance, it was not too watery and at the same time not overwhelming. The highlight for me would be the Frie

K11 musea 係一間好好行嘅商場，除左購物，食嘢又有藝術品可以觀賞。云云餐廳中，呢間新加坡過江龍食物嘅水準都相當高。餐廳主打新加坡美食，海南雞飯，叻沙。餐廳裝修好有南洋風，座位寬敞，食飯吹水都好好坐。海南雞飯係必食的，加10蚊仲可以轉雞脾。海南雞真係好嫩滑，拍得住新加坡嘅水準。雞油飯望落去無乜色，但食落去估唔到好香，好好味，完全估佢唔到，呢碗飯真係一個驚喜。叻沙好好味，唔似香港其他叻沙只有椰奶。呢個除咗椰香外，仲要好香嘅香料味。叻沙入面嘅雞肉估唔到都係咁滑，呢碗叻沙真係超水準。咸蛋雞翼真的好邪惡。外脆的雞皮，鋪滿左邪惡嘅咸蛋蓉，真的超好味。最後見到有班蘭蛋糕嘅promotion, 加幾十蚊就有件班蘭蛋糕同椰子雪糕，班蘭蛋糕好鬆軟，好令人掛念，椰子雪糕超重椰子味，勁好味。