6
0
0
营业时间
今日营业
10:00 - 22:00
星期一至日
10:00 - 22:00
以上资料只供参考,请与餐厅确认详情
## 食评:饭后甜品雪糕饭后想食啲甜品,于是去咗之前试过嘅日本饼舖,买咗佢哋嘅雪糕。### 食物评价1. **奶油雪糕**: - 呢款奶油味雪糕好香,奶味浓郁,口感滑顺,食落去真系非常满足。2. **绿茶雪糕**: - 绿茶雪糕味道偏苦,但算够浓,对于钟意茶味嘅朋友嚟讲,非常好味,清新又解腻。### 价钱评价- 一共$35,对于呢两款雪糕嚟讲,性价比算高,值得一试!### 总体评价总结来讲,呢间日本饼舖嘅雪糕非常不错,特别适合饭后作为甜品,下次再试其他口味!
继续阅读
今年第二个圣诞蛋糕,第一个满足咗个仔嘅多啦A梦,第二个当然系满足吓大人啦😍😍😍唔知点解,白色圣诞系最吸引❤️❤️❤️所以拣咗呢个🎅圣诞什莓梳乎厘芝士蛋糕⛄️由于已经食咗圣诞大餐,所以14cm真系刚刚好😋呢个系海绵蛋糕加梳乎厘芝士,本身芝士控嘅仔仔食到停唔到口,上面有士多啤梨酱同杂莓,所以甜中带少少酸,味道清新,所以食饱饭食都会觉得好好食😋😋😋而且呢间蛋糕店嘅cream真系唔会好腻,适合怕甜嘅人食😍
继续阅读
生日蛋糕看似有好多选择,其实行晒成个青衣城,的确系好多Bakery shop,但主打生果嘅真系好少!通常庆祝生日都会食到好饱😂 所以蛋糕如果系好实净,真系会饱到傻仔咁🤧 中意chateraise嘅其中一个原因系因为佢啲士多啤梨好好食😂 同埋佢啲蛋糕比起其他舖头松软好多,好似食阵风咁😆 同埋啲忌廉好似系第二道食唔到咁😂 如果大家有食过佢个卷蛋,你大概就会明我讲咩😆 水果皇冠👑 $300,记得早几日订,唔好谂住1-2日就得😗 好味系好味,但卖相不太吸引
继续阅读
原来入嚟净系买个卷蛋同泡芙俾个仔做tea就算,十几蚊件,又平又抵食跟住弟弟望下望下,个姐姐又介绍我哋话呢个期间限定调皮鬼好食!因为佢主要系朱古力个鬼皮系好软熟嘅糯米糍跟住顶系cream,食完cream就有啲粒粒朱古力同朱古力布甸下面有个蛋糕垫底,系好食嘅,不过要$40/个,真系因为乖先奖个俾佢哋食我自己都唔舍得买🤣🤣🤣另外仲买咗朱古力泡芙!系哥哥最爱,佢系好似黑朱古力个种,唔系牛奶朱古力,加埋入面啲cream😇一咬落去,啖啖幸福嘅感觉佢仲有个Halloween 期间限定,系朱古力卷蛋,都好好食!好软熟嘅蛋糕,加好好味嘅cream!钟意食cream必试!
继续阅读
行过喱间蛋糕店,走左入去睇睇。d蛋糕款式好多,色彩缤纷,睇见都开心。我一向都唔太钟意食蛋糕,但都俾佢吸引住。原来唔止蛋糕,重有好多冷藏雪糕雪条一类嘅食品放左喺雪柜。墙上重有d精品介绍。可以同八达通付款,当然方便好多喇。原来重有d父亲节儿童画贴左喺度,确系几温馨㖞。大大个牌写住店内全部食品都系来自日本,唔怪之店内咁重视卖相喇,重充满东洋feel添。结果我都忍唔住买左个蛋糕返屋企食。个蛋糕外形都好吸引,上面放左好多日本水果。喱个蛋糕主要喺放左日本蜜瓜同士多啤梨。d日本蜜瓜真系好正,多汁,甜中又带清新味道,确系好好食。士多啤梨亦系生津可口。切开左发觉蛋糕甚有内涵,又唔太甜,制作同用料都好讲究。食落真系啖啖都令人回味,以我喱个平时唔太钟意食蛋糕嘅都即时转左呔。价钱系贵d,但新鲜由日本入口,水准又咁高,我觉得值啰。
继续阅读