影片
以上资料只供参考，请与餐厅确认详情
本人已经好耐冇去过卡拉ok 话说有个朋友生日 喺尖沙咀食饭冇嘢做谂住去唱下k 咁就拣咗呢间去唱 一上到去都觉得配套好麻麻 感觉同我小时候去卡拉ok系一样嘅 装修好旧 浸香薰味好似厕所味咁🤮 入到房间 啲房间残旧 没有灯光效果 wi-fi连线会断线😵💫 房间常常被监视 感觉不良好 每个服务员都系黑面💀 态度差到一个点🤢🤢短期内真系唔会再帮衬🙅🙅希望佢管理上真系有改善 真心希望呢个老品牌可以喺香港继续经营。
继续阅读
## 食评：K Lunch的美食体验星期日，我同老婆、家姐同姐夫去咗K Lunch。今次叫咗龙虾牛扒、薯条、两份咖喱牛腩筋饭，仲有沙姜鸡饭。### 食物评价**龙虾牛扒**：呢个组合唔算特别出色，龙虾肉质有啲嚡，牛扒味道不错，不过都有点过老。薯条很脆配搭茄汁一流，佢仲有提供牛骨龙汁点牛扒和龙虾，味道都算唔错。**咖喱牛筋腩饭**：呢个𩠌味道唔错，咖喱香浓，肉质都几嫩。牛腩筋有嚼劲，搭配白饭都几好食。**沙姜鸡**：鸡肉鲜嫩，汤底清甜，整体来讲都几满意。### 总结食物整体质素不错，尤其系其他两个𩠌，食完可以唱K，性价比非常高。虽然牛扒同龙虾唔算特别，但都系一个唔错嘅选择，下次再嚟！
继续阅读
星期六晚市K buffet，食物多元化，有炖汤，有羊架，有烧蚝，味道亦不错，环境整洁，顾客和侍应有礼貌，唯一系刺身师傅哥哥有性格有态度唔系好想做，所以都系唔好麻烦佢啦！
继续阅读
中午一点前嚟到，仲有 lunch K，$108起（另加一），唱到3点，包午餐加两杯无酒精饮品。斧头猪扒，蒜蓉汁，薯菜，餐汤，牛角包（$139）卖相唔错，质素亦唔差。首先餐包唔系hea嘢，系牛角包；餐汤系蘑菇忌廉汤，超多蘑菇片，忌廉汤亦creamy；斧头猪扒好大件兼且够厚身，煎得唔错，系肉质腍咗啲（松肉粉过多？），薯条够热够脆。青咖哩鸡饭（$120）青咖哩味道唔错，小辣，鸡系用鸡翼槌，有5旧，份量算多，白饭一大碗。真心觉得食物质素唔差，可能仲好过不少茶餐厅。至于K房，估唔到俩条友竟然俾咗间大房（可能因为晏去，啲细房中房已经派哂），有三个电视，两个panels，独立厕所，咪都有六个。房内环境感觉良好，无怪味，干净企理。最后，唱K最重要，当然系啲歌啦。虽然未至于新歌首首都有，亦有好多歌手都无（如华纳歌手：陈蕾、MC、洪嘉豪、Nancy...，其他如：Serrini、JC、周殷廷...），就算有，好多新歌都无，比较有啲可惜。最后埋单连加一$285，有嘢食，有嘢饮，玩咗两粒钟多啲啲，都系一个唔错嘅节目。
继续阅读
$99 klunch，学生仲要只系$89！本身对啲野食无咩期望🙈，但点知都好好食💕仲要service都好好，员工都好nice👍🏻👍🏻猪骨汤好香、味道啱啱好，猪软骨好腍、好大份💕乌冬质感都啱啱好、唔太腍唔太硬，仲要有只流心蛋🥹💕意外地好食!!! $99连唱k + 两杯野饮，真系抵！$148牛扒 连唱k野饮黎讲 系比想像中好食、大份，仲要有牛角包，真系好抵🥹佢个薯菜仲要好有诚意，系粗条真薯仔肉🥔都够脆，而且味道都啱啱好！
继续阅读