Casa Pennington (已結業)

今日是5月20日是一個特別日子，當然要搵一間高水準的西餐廳慶祝一下啦！餐廳主打生蠔點可以唔點幾款試下呢？仲有買一送一生蠔。生蠔右邊第一款南非味道比較淡，鮮甜肥美。右邊第三款Mermaid海水味重，又較creamy。右邊第五款Jolie Mauger蠔味濃郁又肥美又鮮味十足。將聖子肉撈埋沙律一起吃好fresh ,聖子肉爽彈鮮甜。磨菇湯用上大量磨菇打成蓉和粒粒的，磨菇味濃郁又夠結，配上鬆脆的法式蒜蓉包好美味。海膽蟹肉忌廉偏意粉將上面海膽撈埋一起更加香，蟹肉淡淡鮮甜，而且香濃意粉又有咬口。智利鱸魚煎到皮脆肉嫩，肉質肥美鮮甜，配菜薯蓉好creamy又有其他配菜。甜品梨批整好非常漂亮，畫左朵玫瑰花非常切合今晚的日子，梨批外層用上蘇皮焗到好脆里面嫩，蘇皮外層甜甜地梨又好甜。

拍拖紀念日，老夫老妻都想浪漫一下！唔想去酒店食buffet, 老公搵左呢間酒店餐廳Fine Dining 一下！餐廳昏暗燈光加上輕柔音樂，令人心情放鬆享受美食！呢間 Casa Pennington 出名係食生蠔！我同老公都好鐘意食生蠔，每次每人都可以食一打！可惜現正懷孕中，我無得食！老公話生蠔真係好新鮮，我知我睇到，無奈要忍口，好彩湯終於送上，係 #黑松露野菌湯！芳香的黑松露係我至愛，加上香脆蒜蓉包，絕配！另一款龍蝦湯都好出色，好有龍蝦鮮味！主菜點左呢間餐廳signature dish, #意大利鴨肝炒意粉！餐廳主管話我地識食，呢個係佢地餐廳咁多年黎的 #招牌菜式！講真呢，係老公佢鐘意食鴨肝，我其實就麻麻的！不過經餐廳主管一講，又抱住試一試的心態，點知一食就明白點解咁多年都仲能夠成為招牌菜！鴨肝好肥美，甘香油脂佈滿全碟意粉，意粉炒得好夠火喉，分量兩人share食剛剛好不會太油膩，宜家一路打字我一路都回味緊！大家一定要試！最後，我最期待的 #甜品，餐廳主管將甜品送上來時真係好大驚喜！原來碟上咁靚的圖案係出自佢手畫，佢話其實自己本身係個畫家黎！真係畫功了得！講返個甜品，其實我已經飽，唸住食

朋友推介我嚟呢度食生蠔，佢話高質又抵食喎。銅鑼灣酒店內嘅西餐廳，環境優雅，格調高。一坐低店員就送上一碟橄欖俾我地做小食，可以一邊食一邊慢慢討論食乜好，冇人催你！主打當然係生蠔，每日有六款唔同嘅蠔會做買一送一嘅優惠。 正價先係$68-78，買一送一真係仲平過超市。我地叫左三款買一送一優惠嘅生蠔，十二點鐘順時針數起：American Pacific 、Namibia 、Jolie mauger，我同朋友最欣賞頭兩款，鮮甜厚肉。 飲啖暖水再嚟其他美食！紐西藺托托蜆用左白酒、羅勒、蒜蓉、辣椒去煮，夠晒入味，加上托托蜆本身大隻新鮮，確係好好食。 澳洲M5和牛西冷睇顏色都知正啦，一入口啲油脂咇晒出嚟，內味香濃。 配搭左honey glazed 蔬菜，顏色亮麗。朱古力心太軟係我至愛甜品，可以畫公仔同寫字架，太可愛了吧！ 仲有雲呢拿雪糕同金寶粒，yummy！

放假同老公去了銅鑼灣行街拍拖，這間西餐廳在銅鑼灣的樓上店舖，午餐有輕食或全份選擇，價錢都是百多元起，在這區來說價錢超值。龍蝦濃湯有很香濃的烤蝦香味，味道鮮甜濃郁，而且十分幼滑，還配上烘至香脆的多士。紅蝦青蘋果沙律伴日式芥末醬紅蝦新鮮味道鮮甜，伴上酸酸甜甜的青蘋果肉及芥末汁，為紅蝦鮮味提升。煎芝士沙律芝士就十食得多，煎芝士真是第一次，芝士表面煎至微焦，質感煙韌有點奶香，加上酸甜黑醋，中和膩感。加拿大豬鞍扒配薯菜豬鞍煎至表面有焦香，中間充滿肉汁，豬肉味道濃郁，油份不多但肉質嫩腍，不似平時凍鮮豬無味無道，旁邊還伴有南瓜及蘆筍等蔬菜。忌廉汁挪威三文魚及魚子意大利飯意大利飯軟硬適中，而且十分creamy，每啖都可以食到魚子的咸鮮味道，跟忌廉汁配搭得一起十分和諧。Oreo千層蛋糕餐廳十分有心思，畫了幅玫瑰花的圖案，為甜品增添色彩，栩栩如生的玫瑰令人食慾大增，蛋糕不會太甜，食完都不覺膩。最後飲埋杯餐飲，享受了一個nice sunday。

佢係一間我好鍾意質素好而又抵食嘅oyster bar☺️無錯黎呢到個目的係想食生蠔的🤤每一日呢到都有唔同款嘅生蠔做優惠買一送一💲唔洗諗即刻三款各二送二先啦👅然後開左支Riesling慢慢嘆🥂呢到嘅staff service同態度都好好會逐一慢慢介紹每款有咩特別同推介呢到有咩出名好食👍聽完食完最愛都仍然係Gillardeau😛.但重點推介嘅真係個甜品🍰個Pear Tarte Tatin真心無敵🍐🥧熱辣辣新鮮整出黎🔥勁香甜又唔膩🤤然後個酥皮香脆得黎厚薄又岩岩好😍(同埋見到隔離枱慶祝生日畫碟d花好靚)而相比之下個心大軟就無乜特別🍮🍨

朋友仔生日，他最喜歡吃生蠔，我知道Casa Pennington的生蠔種類有很多，於是提早訂了位，還準備了一個小驚喜給他！我們點了3款生蠔，分別是南非和法國，由南非開始吃。Namibia來自南非，很受女生喜愛的味道，因為味道偏甜，肉色牛奶白，很飽滿！三款之中我的確最喜歡它！Ostra Regal來自法國，細緻品嚐會嚐到它結合了海水咸味和海鮮甜，餐廳經理不忘提醒帶子位很甜，要記得吃，肉質爽口！Fleur Des Eaux近年流行的法國水中花，咸甜味平衡，口感同樣是偏爽！生蠔一定要配白酒吧！我比較喜歡甜一點的，經理介紹了Tim Adams Riesling給我！充滿水果的香氣，口感清新，適合女士！龍蝦湯我點了龍蝦湯，深橙色的湯，龍蝦味非常濃厚！好鮮！蠔湯朋友點的蠔湯有一隻肥美的蠔，湯很creamy，每一口都充滿蠔味，不會有任何腥味！不得不說，餐廳的蒜蓉多士也很好吃，香脆，配湯一絕！帶子香草醬扁意粉有3大粒微微煎香，好厚肉的帶子，好鮮甜！配料有蘑菇、露筍，加上香草醬，味道更提升！澳洲羊架應該是經過慢煮，肉質好嫩滑，油脂好香，附有芥末醬和薄荷醬調味！還有很多新鮮的蔬菜做伴碟！心太軟這是我為他準

今日難得 #拋夫棄女，當然要食好啲，食蠔啲啦!經打探之下我搵到呢間隱世好餐廳！ 誇張左啲，其實係位於銅鑼灣鬧市。交通方便。只係門口唔起眼，真係熟客先識嚟！ 呢間環境好、食物好，服務更加好！ 經理超級細心又有型！仲好浪漫，會為每枱客人度身訂造一個浪漫回憶...係咩？次次有驚喜。自己去感受下啦！講返食物，呢度最出名就係 #新鮮生蠔，其實我喺香港好少食生蠔，好難搵到真正 《新鮮生蠔》，呢度啲生蠔鮮生味十足！喺香港少有食到咁原汁原味嘅生蠔！Namibia 極度肥美，非常鮮甜，完全冇腥味！Mermaid 海水味較濃，蠔味較濃，鮮味十足！因為實在太鮮甜，我一點醬汁都唔洗加！連檸檬汁都唔洗。原汁原味。問左佢地解可以比出面好食咁多！原來佢地有專業技術，開得好，冇殘留蠔殻，所以唔洗沖水。亦減低二次污染風險！講真，真係難得食到咁鮮甜嘅生蠔。閒日仲要買一送一，抵過自己訂啦！蝦同螺都非常大隻鮮甜。重點係：冇！雪！味！以為自己又去左日本...(閉上眼食都呃到自己㗎！）配埋呢款餐酒，啱晒我地女仔飲，甜甜地易入口。令人唔小心一口接一口...唔好醉呀⋯⋯我地叫左2款餐湯 招牌蠔湯同龍蝦湯。有驚喜！蠔湯蠔味好濃，好似成

路邊餐廳之多，令我們很多時都會忽略，那些樓上店的質素。這家小酒店就開了家餐廳Casa Pennington，棉質座椅與啡木色色調，令人有放鬆感。難得星期一佛誕沒有事做，就約了美女到訪，享受一個悠閒下午。$148套餐已包5 courses，兩道前菜，主菜，甜品，飲品，以食物質素跟餐廳的環境來說，不算貴。先來的是beetroot salad with raspberry vinegar，beetroot水份充足且非常甜，雖然我不太喜歡它獨有的草青味道，但帶酸的raspberry vinegar很好地去除了那味道，協調做得不錯。另外Scamorza cheese 以煙燻形式送上，所以雖然口感像mozzarella ，但味道卻濃郁得多。差點忘了它是沙律，所餐廳又加了炒露荀，所以口感既爽脆又清新，不會只有油膩感。平衡做得不錯。以紅蝦做成的Carpaccio還是第一次試，略帶蝦鮮卻不會肥膩，比豬肉Carpaccio輕怡得多，加上爽脆的青蘋果跟火箭菜，又一道開胃小品。龍蝦湯也是濃而不膩，龍蝦殻的澀香非常濃郁，超好吃！Norwegian salmon with creamy risotto，算是一個驚

有史以來最熱衷慶祝母親節就係今年喇，爸爸今年提早慶祝母親節， 更隆重地揀咗間十分有情調嘅餐廳， 就係位於銅鑼灣柏寧頓酒店3樓嘅casa pennington， 坐低之前我都好驚呢度唔會太 baby friendly， 點知一坐低， 經理就問我哋要唔要bb櫈啦、填色畫冊啦，同埋嬰兒餐具， 一早自備咗餐具嘅我突然間覺得好窩心， 經理仲問我小朋友要唔要一杯水， 然後佢用左膠杯斟咗半杯水， 我忍唔住讚佢細心到不得了， 做媽媽的一定會懂! ♡蒜蓉包♡ 首先上桌嘅就有蒜蓉包，可以畀小朋友食住先唔使等! 簡單啲個蒜蓉包 外面充滿牛油香十分鬆脆， 內層係軟軟嘅麵包， 我哋都不禁大讚如果咁簡單嘅食物能夠做到咁細緻呢間餐廳嘅廚師一定好用心。  ♡生蠔♡ 話說媽媽已經好耐冇食過生蠔， 呢度有買一送一優惠一定要試， 我哋今日就試咗美國嘅pacific 同埋法國嘅salute， 前者肥美香甜creamy， 後者爽口，富海水味但仍然鮮甜， 質素超高! ♡餐湯♡ 我哋試咗兩款湯， 分別係紅菜頭帶子湯， 以及 招牌蠔湯， 前者清新， 後者濃香， 一定要推介蠔湯， creamy口感來bl

2019.05.04 😊【CP值高 ● 驚喜酒店西餐廳】食在銅鑼灣來到周六假期難得清閒 睡到自然醒已接近中午時間倒不如跟情人到酒店來個高級行政午餐👫由於是假期 附近的寫字樓也休息就算是午飯時間 客人也只有小貓幾隻環境方面保留著古舊的裝潢佈局坐在窗邊的位置 享受著絲絲陽光滲入 悠閒舒適Executive Lunch - light $118 ; full $148🔸Starters:Soup Of The DayCream of Oyster +$38是日餐湯既不是蘑菇忌廉湯 也不是牛尾羅宋湯居然是紅菜頭湯 聽上去又驚又喜🍲驚的是本身小妹也不太喜好紅菜頭喜的當然是連餐湯都有心思 之後的菜色的確令人期待沒錯!紅菜頭湯的顏色都是紅紅的將紅菜頭打成蓉 加上忌廉花 味道卻跟想像中不一樣沒有生怕的草青味 又香又滑 居然想要續杯除了餐湯 小妹必須強烈推薦皇牌的「蠔湯」由多隻蠔打成 真材實料淺嚐一口已整個人醒過來 又香又濃郁😋蠔湯味道非常霸氣 仔細品嚐後驚覺似中式的蠔豉店員更表示晚餐的蠔湯更會跟上「原隻蠔」更加滿足Pan Fried Duck Foie Gras With Lime Sobert, B

朋友轉了新公司工作半個月，我還未跟她慶祝，今天我終於準時下班，可請她吃晚飯恭賀她。我特意帶她去Casa Pennington吃晚餐，因為她超愛吃生蠔，而這裡的生蠔款式多，百分百可以滿足她。看見一大盤生蠔海鮮拼盤，朋友雙眼馬上發亮。店員說剛開的兩隻的Arousa都是乸的，比公的更creamy，我們真是幸運，也許是朋友新工帶來的好運吧。絲滑的Arousa入口即化，陣陣奶香，令人回味無窮。來自法國的La Magnifica非常飽滿，肉質爽滑，鮮到不行，海味極為濃重，鹹鮮滿溢，猶如海浪衝擊口腔，朋友完全無法自拔的愛上。Black Pearl同樣腴滑，但與Arousa和La Magnifica有所不同，起初嚐到絲絲海水的鹹味，還有金屬味，但後段轉化為甘甜，十分美妙的滋味。我迫不及待嚐起肥嫩的Cherry Stone來，Cherry Stone緊爽鮮彈，瞬間撩撥起我對海鮮的那份激情，它毫不留給味蕾休息的餘力，其甜美度不亞於生蠔。香港吃到紐西蘭Scampi的餐廳不多，難得Casa Pennington有售，朋友當然不會錯過難逢的機會。小龍蝦肉晶瑩剔透，滑彈細緻，新鮮程度顯然而見，天然甜美滲透口中。大

今日同女朋友慶祝，由早食到晚都冇令佢失望，lunch揀左呢間好評甚多嘅餐廳。Casa Pennington位於隆堡柏寧頓酒店，一早訂左位，所以好快安排到位置，仲可以坐到窗邊，幫女朋友影相，最緊要夠光。如果週末來食午飯，真係十分建議訂位，呢度好多熟客，入座冇耐就全場滿座，都幾出乎我意料，但食完就明白，因為質素真係幾高，CP值高呢度午市分兩款套餐，1前菜1主菜價錢係118蚊起，2前菜1主菜價錢148蚊起。兩款都包左餐包、是日甜品同茶/啡，所以你明點解咁多人啦，價錢唔貴，招呼又幾好，最緊要食物都有水準前菜方面有6款，基本唔洗加錢可以揀凱撒沙律同餐湯，其他例如煎鴨肝、三文魚沙律等就要加38-58蚊去升級。而主菜都有5款，其中一款係當日廚師推介，店員入座後會同你介紹。我地點左兩份full set午餐，上菜時間因應你用餐速度，非常細心。首先上枱係餐包，我地好鐘意食啊，有蒜蓉香氣，包質微暖，外脆內軟另外我地兩個都揀左餐湯，今日係紅菜頭湯，所以顏色係紅紅地，陣味好香架，一D都唔貴，仲有少少口感，唔係完全杰撻撻。前菜方面先上左一份煎鴨肝多士，口感軟腍，而且好香。最正係塊多士，脆得來唔會界口。lime s

想不到銅鑼灣區也有一處寧靜而且令人放鬆的隱世餐廳，餐廳位於酒店中點地也不易找，還好我也是個銅鑼灣達人。到達餐廳後，已經有專人貼心帶位，早兩天才預訂想不到也可以安排窗口位置，可惜外面並没有太特別景色。講返食物，訂枱時已知餐廳主打生蠔，待應生亦誠意推介一個set，入面包10隻生蠔2隻螺和兩杯白酒，價錢合理。生蠔中有一款好像有點不太新鮮，其餘就普通，之後我們再order 2款這次就買一送一，其中一款美國生蠔American Pacific 感覺不錯值得一試。再來就點了個蜆肉意粉，這個是待應生推薦說清清淡淡，可是一入口第一個感覺就是好咸，老實說只適合重口味人仕再來亦是這餐廳比較出名的一道菜-黑毛豬鞍，可能有點期待所以就没什麼特別好吃的感覺，但整體來說都不錯，伴菜反而有驚喜。最後男友古古惑惑的一早預備好甜品tiramisu 碟上畫了漂亮立體的玫瑰花圖案加上令人心動嘅字句，心情立即好起來，蛋糕吃起來亦份外甜美。最後想特別讚一下服務，非常貼心，態度熱誠，重視客人意見，十分感謝有份招待過我們的人。

男友知道我鍾意食「蠔」又正值白色情人節所以就帶我嚟食「蠔」啲入到餐廳發覺枱數唔多但每張枱都好寬敞昏暗嘅燈光好浪漫好適合情侶一坐低就受到侍應Samuel好熱情嘅招待 談吐大方又風趣幽默 好識搞氣氛Samuel逐一介紹是日優惠生蠔買一送一嘅品種 口感 原產地因為男友唔算非常喜歡生蠔所以只點左2款creamy淺嘗右邊：Namibia (南非) $68 - 口感creamy 左邊：Mermaid (法國) $75 - 法國少數比較creamy既品種 海水味重 餘味鮮甜頭盤：Hokkaido Scallop Delights $198帶子兩食：調過味既生帶子tartare+輕微香煎帶子 主菜：Sea urchin and Crab meat Linguine $258 扮細食既我表示要同男友share餐廳好細心地 上菜時巳幫我地分左2碟上Cream sauce 夾雜鮮甜既蟹肉 香濃而不膩 海膽亦都好夾甜品：自家製Tiramisu $98本人no.1至愛甜品：層次分明 微微濕潤的口感+濃郁rum酒味不過如果口感再濕潤就完美（不過可能太濕潤會影響賣相）點甜品時Samuel問我地有無咩message

好耐無食過高級西餐廳 今晚黎到呢間出名生蠔menu嘅當然要試一試佢嘅蠔啦餐廳環境清靜 啲枱唔會痴得太近 適合情侶撐枱腳最鐘意食啲有口感嘅蠔 呢款法國嘅majestic就啱哂我 爽得嚟又鮮甜 仲買一送一非常抵食 忍唔住一人叫左一杯sauvignon blanc襯一襯佢帶子兩食有生有半熟生帶子好好食 口感好順滑溝左香草同埋橄欖油個味好清新煎帶子中間係半熟 非常突出到原材料嘅鮮甜我個蘑菇湯入面充滿細細粒既菇 好足料 個湯好有口感又濃郁豬鞍好厚切 煎得夠香唔會過熟 岩岩好 入面仲有啲粉嫩 唔會乾身食落口感鬆軟上甜品既時候好驚喜 因為伴碟嘅畫好靚! 經理仲話可以按主題配合番畫啲乜 真係岩哂黎慶祝既食客 值得一讚整體服務食物同環境都十分良好 可以encore