影片
放饭时间成个商场人头涌涌 食野都变得有困难 系canteen比较少人 叫左个焗猪饭 um..真心唔太好食 相比起大家乐真系好有改变地方 但环境坐得舒服 快脆食完就算 不过不失啦
继续阅读
原来呢度食评咁差，但我今次体验又几好㖞。下午茶食个烧鸭濑粉先系$22，加配一杯热奶茶$6。由落单到攞食物，唔驶三分钟，真系神速啲野食系热的。 $22一个鸭濑，喺普通快餐店或茶餐厅系食唔到架，仲要咁大碗，今次啲鸭仲要好多肉，鸭皮烧得好香口，睇个卖相就知唔错啦! 当然都要睇彩数，唔同部位，都会有差别既~~ 而个奶茶，美心MX奶茶，边度饮都系有返咁上吓水准，茶香奶滑，比例又啱啱好!! 某大型连锁快餐店既鸭濑，本身都已经好细份，而家仲要推出迷你鸭濑，真系细无可细，仲要贵过美心
继续阅读
今日放假，中午落街食嘢医肚。因为原本想去个间茶餐厅无位，又唔想行咁远，所以去隔两个舖位嘅美心Can-teen。见到餐牌上面有个「MX去骨海南鸡」，跟油饭、冬瓜汤同柚子醋沙律，$49少少贵不过望落几吸引（个人肚饿个脑就运作唔到，完全忘记咗「图片只供参考」）。虽然有谂过$37食个烧味双拼饭可以悭十几蚊㖞！不过自己贪新鲜又谂住烧味饭无跟餐饮海南鸡饭有个汤噃～ 结果中伏。首先鸡无鸡味、油饭唔香已经预咗，见到d鸡碎湿湿已经扣分，最震撼系个柚子醋沙律⋯⋯ 呢堆咪系出去打边炉任食用嚟垫肥牛鸡件个堆耶菜？你咪以为加咗柚子醋我就唔认得你㖞！所谓沙律其实只系一堆生耶菜丝加汁，hea得你吖，我宁愿你俾几条白烚菜心好过。D耶菜咁生冷，饮啖冬瓜汤啦⋯⋯咦，乜同我去茶记食火腿汤通个汤一样味嘅，即系鸡粉水。$49唔系俾唔起，不过真系唔值啰！仲要加$9可以转鸡脾？No way!!一年多前系呢间 Can-teen食过出血水嘅切鸡之后，我已经好少嚟呢度食嘢。我谂我以后都唔会再帮趁佢。
继续阅读
焗猪柳饭，其实食得快餐店，再加上系食焗饭，本身都唔会有乜要求，点知道佢连最低限度：【热】都做唔到，啲饭只系微暖！同佢讲都唔会有用，佢未又系喺同一个焗位度攞过另一件比你。
继续阅读
自从旧年开始，间中都会嚟食吓车仔面餐，虽然味道一般，但胜在够平。今日嚟到，竟然冇咗车仔面餐，失望！咁只好叫碗烧鸭濑粉，到收银处落order，收银员木口木面无表情，都唔知听唔听到我要烧鸭濑，但又打咗张单出嚟㖞！之后去到烧味部，问个斩烧味师傅系咪呢处取面呀？ 问一次，冇反应，问第二次，又系木口木面，问第三次，只系手指指我去𠮶便排队，乜佢唔识讲咩？？？排队交order纸比个着套装嘅女经理时，态度不友善，一眼都唔会望吓d客人，又好大力咁排叠d食物盘，其他嘅侍应都一样，到取食物时多谢都唔讲一句，我觉得客人似行乞多d啰！以前车仔面部嘅侍应，态度都唔见得好好多，成日都系"哪口哪面"咁，真系真系好难受！讲番碗烧鸭濑粉($18/唔包饮品)，哗！d烧鸭使唔使斩到咁细粒呀？份量又少！虽然味道都0K，濑粉都OK多！食时中途出去拎酸梅酱，又系态度傲慢唔想做咁，究竟美心快餐点解今日会搞成咁架？？以前嘅美心出名好味，服务态度又唔错，但今时今日，比起大家乐就差得远啦！食完个人都好罄，下次味搅啦！
继续阅读