影片
电话号码
39052256
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
有关奖赏计划
真心推介！超高质Pizza餐厅惊喜体验第一次写食评，因为好食同好感谢😂喺呢间Pizza餐厅食饭真是一个意外惊喜！佢哋嘅Pizza有脆皮同传统饼底可以拣，我选咗传统饼底，送到嚟真是一个大惊喜，芝士超多，质感浓郁，食得出材料系高质同用心制作。主菜我哋试咗中式鸡丁意粉，味道好惹味，份量亦够，食完真是一个满足！饮品方面，汽水系免费逐杯添饮，仲有一位戴眼镜叔叔店员好亲切，成日主动帮我哋添饮，服务真系好细心。我𠮶杯青瓜特饮好正好fresh，但就冇得走冰，希望可以set返。因为帮朋友庆生，我哋临时加咗个牛油蛋糕，点知质素完全超出预期！蛋糕好似啱啱焗好咁，口感浓郁又唔会太甜，仲配咗一球好似软雪糕咁嘅雪糕，味道好顺滑，蛋糕系热，雪糕系冻，冰火两重天嘅口感，系一个好完美嘅甜品。餐厅原本无蜡烛，店员特登出去揾咗支蜡烛返嚟，帮我哋整生日惊喜，真是一个好贴心,实在好感谢！Walk in 四个人叫咗个四人餐，埋单只系$717,价钱真系好亲民，食物同服务质素仲咁高，真系好难得,绝对会再返嚟，下次会试埋佢啲牛扒。推介俾钟意pizza,西餐嘅朋友！
继续阅读
今日中午同朋友去咗California Pizza Kitchen（CPK）食饭，试咗个四人套餐，整体来讲几满意，份量够晒饱，味道都唔错！ 头盘叫咗个**墨西哥风味鸡肉烤饼**，饼皮脆脆哋，入面嘅鸡肉微辣，加埋芝士同酱汁，好开胃！**烧烤鸡肉沙律**就正常发挥，菜够新鲜，酱汁唔会太咸，不过如果可以多啲面包粒就更好啦～ 主菜方面，**香味肉酱意大利粉**好浓郁，肉酱够多，意粉煮得啱啱好；**蒜香忌廉汁鸡肉阔面**就Creamy得嚟唔腻，鸡肉嫩滑，蒜香味突出，我个人最钟意呢个！**烤蒜鸡肉薄饼**就正常Pizza水准，菠萝加鸡肉嘅组合永远唔会出错。另外加咗个**薯条**，脆卜卜，点白汁食好正！ 总括来讲，CPK嘅食物质素稳定，四人套餐够抵食，适合一班朋友聚餐，一定会再来帮衬！
继续阅读
可能系全MegaBox最好食嘅餐厅，店长店员服务态度超好，食物质素好好食，每次揸车过嚟MegaBox永远就系因为呢度冇嘢食，所以唔过嚟，而家食过呢间觉得每次过嚟就食佢啦！我唔识打食评，只系有感而发俾呢间餐厅感动到上黎写两句一定会再食，嘢饮又有得添饮，价钱又唔贵，可惜而家经济唔好真系比较少人出街食饭，点漏咗一个餐，店长即时帮我哋搞，感受到真系有服务，下次过嚟会买会员coupon，值得推介pizza 都好好食🤤
继续阅读
作为CPK既粉丝，一知道Megabox分店重开，当然第一时间去试吓啦！满心期待！点知 。。。。先来杯mocktail已货不对版 。叫左杯Sparkling Berry-Lemon，无berry无lemon。。。同餐牌上图示完全系2回事 。。。店长都好好人，换过杯岩既俾我哋，原来水吧整错左 。。。不过个样仲系差好远 。之后就系我最期待既薄脆pizza，响我记忆中系全世界最好食既pizza. 点知梗到切唔到，更咬唔开 ，石头咁 。。。味道更加唔系以前果种味 。最后叫左个餐牌影出来好似好靓既鸡肉菠菜面 。一上菜就知lai 野，食落更加完全唔系果回事 。。。啲鸡又硬又鞋似煲汤渣，面身无味 。成碟面冇摆盘，似系将青黄椒同鸡捞匀咗就完咁 。从前美味的CPK已成历史，以后唔会再帮衬 。
继续阅读
我哋一家本身好钟意食呢一间餐厅，因为佢哋嘅沙律真系好好味！今次去到MegaBox见到佢哋开咗新店，就即刻入去试吓啦。新店环境阔落，就算一家大细嚟食都冇问题。另外佢哋有儿童餐，而且所有儿童餐具仲经过消毒，家长就可以安心带小朋友过嚟食今次我地叫咗：牛油果酱配墨西哥粟米脆片好香脆，连埋牛油果酱食好夹烧烤鸡肉沙律呢个系我地既all time favorite! 鸡肉惹味但唔辣，小朋友都可以食，而且佢有唔同蔬菜，食落健康之余口感仲唔错👍🏼加州特色牛油果烤鸡肉薄饼一场黎到一定要叫佢地既薄饼，因为佢地用特制火山石炉即叫即焗，确保每个Pizza都香脆安格斯香蒜烩饭有惊喜！安格斯牛味浓又唔会过熟，饭粒软硬度好好，加埋佢个调味真系好夹呢间虽然摆单唔算好平，但系真心好味，质素保持到，可以继续帮衬
继续阅读