影片
食家推介
从不写食评的，但这次忍不住了。我没有拍照，但希望少些人中伏。可这餐厅好评也不少，但为什么我吃完会这样反应，按理香港人的舌头是颇灵敏的。忙完一星期，星期六和太太、两位小朋友吃晚饭，价格正常，但竟然用这些食材招呼客人，非常令人失望，令我辜负了今天一家和我一起进餐的太太和女儿。凯撒沙律78元: 质素、份量正常All day breakfast108元: 非常业余，司华力肠似乎是用水煎，表面哑色，本身货色肉质似乎亦是最便宜的；沙律材是正常，但调味和基本的橄榄油似乎是没有，或者是非常非常少量；可幸炒蛋很好。儿童餐98元： 意粉不错、薯蓉、果汁正常；炸鸡块用最最下价（要用两个最字）的来货，我女儿吃时，我惊闻她问我这是甚么，她说根本不像肉，我见咬开的一面，心中一沉，为什么98元的餐，只有三件「麦乐鸡」size的「nugget」，都要选用比麦乐鸡差得多的食材，买食材的人，是非常非常吝啬的人。我很后悔请女儿吃比麦当奴更差的所谓鸡块。炸鱼薯条108元，另加20元餐汤、包和饮品：冻奶茶没问题、包尚可。薯条，没有太大期望，普普通通。餐汤说是薯蓉汤，名字应该已经预计到，是我笨，味道欠奉，就是薯蓉粉（其实应该大部份只是淀粉/粟粉）加水混出来。重点：重头戏来了，炸鱼卖相不错，是一条长鲶鱼柳切一半，变成两块。预了给平价的鲶鱼，不是青衣或者龙脷，对品种方面已经没有要求，但不切由自可，一切，里面是霉的，不是嫩滑，而是烂，一股微酸的气味，但我非常非常肚饿，用沙律酱掩盖难吃的味道，吃了一大半。已经是非常非常平价的鲶鱼，还要用这么不新鲜的食材，我和太太都闻到，难道厨师闻不到？108元的餐，也不是很贵，但这样对得起客人吗？我懦弱，见差不多要吃完回家，也没有和店员多说，回家第一件事是扣喉，想把刚才愚笨吃下的垃圾吐出来，但吐不成，从来没有这样的用餐经验，一星期非常期待和家人的外出晚饭，这样就浪费了，价钱不便宜也不昂贵，但就是满心后悔。店员非常有礼貌和好服务，但对不起，食材之差令我不得不发声。一家餐厅要削减经营成本，一定不可以在食材方面著手，除非是以平价为卖点。各位爱太太爱儿女的丈夫、爸爸，看过我的经验后，好好衡量。
继续阅读
呢度lunch几抵食， 环境同食物质素都唔错 呢层系4 楼， 附近都系家私店， 得一间食店，识得行入黎既人唔算太多之前lunch set好似可以加钱semi buffet咁拎沙律， 依家取消左我叫左个lunch set, 招牌蕃茄焗猪扒饭有汤，前菜， 包， 主食， 甜品， 5样呢， 好丰富正常既红青萝卜中汤， 不过点解唔系西汤既， 哈哈荔枝汁配蕃茄仔， 好清新， 甜甜酸酸， 好食香口够脆既蒜蓉包焗猪既猪扒厚切， 味道都几好， 唔会鞋口。 蕃茄汁味道同份量都几好， 如果配菜多d就更好。 个饭底系炒既有Movenpick, Haagen Dazs同自家制甜品选。 雪糕每个牌子都有几只味选， 加分位黎！ 我选左Movenpick既Panna Cotta Raspberry, 好味！呢度预返要加一既
继续阅读
老公整亲腰返工后嘅假期，竟然系带我去行街街，我哋去九龙湾搭接驳巴士先去国际展贸中心E-MAX行咗一阵，上到4楼时，发现一间可以带狗狗入去嘅Cafe，当然我哋就系比d狗狗相吸引咗入去啦！🐶🐶🐶原来星期五夜晚同星期六、日及公众假期全日都有BBQ的。🎉🎉🎉当日我哋平日下午5、6点到，所以先试吓佢哋健康之选嘅餐单。💪💪💪Cafe Wellcome x BBQ Place 地址：九龙湾展贸径1号国际展贸中心E-MAX 4楼421至425号舖芒果沙沙配蟹肉沙律 + 意大利包 + 精选水果 $82蟹肉沙律少少咸再加埋佢哋特制嘅芒果沙沙嘅甜能够中和返，真系谂都冇谂过咁好食，意大利包又做到外脆内软，简直一绝。👍👍👍碎蛋沙津配烤鸡胸肉 + 牛角稣 + 凯撒沙律 $82鸡胸肉一d都唔干同柴，有少少烧烤味，配埋碎蛋沙律食，恰到好处，特别提一提就系牛角酥，真系好酥嫁，食嘅时候要小心少少，如果唔系一定跌到成碟酥嫁。🤣🤣🤣磨菇忌廉汤蘑菇打碎，仲有不一嘅细粒，饮时可以增加口感，汤够creamy 。😋😋😋面包布甸🍮我一句都唔太钟意食嘅甜品，但我都食咗半个，因为佢焗得外脆内软，又唔会太甜，令到我对呢个甜品有少少改观。饮品方面，我哋只系饮咗无糖可乐冰底同冻斋啡，冇太大特别，所以唔多讲啦！😅😅😅
继续阅读
早几日食过九展𠮶间中菜馆嘅时候，见到枱上面有一个单张系介绍四楼嘅餐厅，望落去有空中花园，同埋系宠物友善餐厅，所以就第二日就去试吓。入到去见到装修都好舒服，座位都系好宽敞，行出去空中花园都系好宽敞，而且有冷风机，唔怕热亲，要赞赞餐厅唔会话有狗毛或者好污糟，鼻敏感嘅朋友都冇事。餐点方面，佢有唔同嘅选择我就拣咗个轻盈版嘅，不过都唔少嘢食㗎，又有餐汤餐包等等。餐汤系忌廉蘑菇汤，汤碗size。不过当中亦都可以见到好多嘅蘑菇碎喺入边，所以其实都好足料。味道同口感方面，汤嘅口感非常之顺滑，好易入口。调味亦都适中，唔会太咸，亦都唔会太淡。口感就有啲惊喜啦，淡淡都可以食到蘑菇碎，而且蘑菇嘅味道亦都好香好浓郁，味道值得一赞。餐包有唔同款，同时附上一碟牛油。值得讲吓嘅系餐包嘅温度，侍应俾我哋𠮶阵时热辣辣，甚至有啲辣手，令到夹上牛油嘅时候，牛油好快溶化喺包入边，食落暖入心。餐包口感亦都好软熟。健康之选套餐其实就系一个沙律，配一个三文治，而沙律、三文治嘅包、包入面嘅配料就可以自订。杂菜沙律（青瓜，粟米，车厘茄）杂菜沙律占咗成碟嘅一半，份量都好多㗎，除咗有沙律菜，当中亦都有青瓜丝、粟米、同车厘茄。以上嘅食材都非常之新鲜，沙律菜同青瓜丝亦都好鲜甜爽口，有refreshing 嘅口感同味道。可能都系沙律酱比较少嘅原因，令到成个沙律冇咁heavy。忌廉芝士酱配烟三文鱼就系成个三文鱼嘅馅，烟三文鱼有两大块，每块都有少少厚度，唔会薄过纸咁。烟三文鱼嘅味道方面，三文鱼嘅颜色呈现粉红色，味道鲜甜，口感烟韧。同时亦带着少少烟熏味。烟三文鱼上面仲有啲忌廉芝士酱，不过呢啲忌廉芝士酱味道较淡，口感滑溜，所以并唔会抢咗烟三文鱼嘅味道。意大利包作为成个三文治嘅包面同包底，其实都好大块，食完系真系有饱肚嘅感觉。味道同口感方面，意大利包比较甜同埋软熟，不过同时其实佢亦都有烤过，所以其实表面亦都有脆脆嘅口感，外脆内软，就咁食个包其实都好好食。我就叫咗芒果莎莎配蟹肉沙律嘅牛角酥，芒果嘅份量都好多而且每一粒芒果都系切到一粒粒所以好容易入口唔会话食落有筋，芒果嘅调味都好好唔会太酸亦都唔会太甜。佢哋嘅配菜除咗生菜之外，都有其他嘅蔬菜就唔会话好孤独一味，而佢嘅蟹肉沙律食落去都真系食得到蟹嘅味道，唔系话系全部蟹柳，食落去你会见到一丝丝嘅蟹肉，有海鲜嘅咸香味，除咗蟹肉同埋沙律酱之外亦都有其他嘅配料捞落去，例如青椒同埋红椒，食落去十分之爽口， 每一啖咬落去都觉得好丰富，唔会话有肥腻嘅感觉。牛角包系有轻轻咁样烤过所以亦都系有脆口嘅感觉。 佢嘅凯撒沙律上面嘅面包脆脆非常之脆口唔会话腍晒，而佢嘅烟肉同埋唔会话太咸，沙律酱嘅比例都啱啱好生菜亦都非常之新鲜，食落去觉得系十分之健康，唔会话觉得系过夜嘅感觉。甜品系面包布甸，都系以热辣辣嘅方式上枱，上面仲有面包，提子干同士多啤梨干做配料。大细就同蛋挞一样，唔会太多，唔会太少。面包值得一提，非常之香脆，同时上面都有好多旧。下面嘅布甸味道方面，蛋味浓郁，奶味香浓，口感软嫩。饮品都系叫咗冻柠茶同埋冻奶茶分量都系好足够，最后离开嘅时候见到小狗「朱古力」，十分之活泼，令我好想下次再可以嚟见下唔同嘅狗仔！
继续阅读
本来约左同事一齐食晏，点知佢要开会唔得闲，咁唯有自己食啦。一早决定左食Cafe Wellcome，原来佢除左半自助餐，仲多左个健康之选嘅午餐㖞，可以走饭食沙律，就试下佢先。ABC各选一，仲有甜品同餐茶，价钱都几亲民。附送的餐汤，是日系杂菜汤，几足料。拣左凯撒沙律+碎蛋沙律配烤鸡胸肉+松饼，卖相几吸引😋凯撒沙律用上罗马生菜，个沙律酱调味不错。鸡胸肉一啲都唔鞋口，入口软嫩仲有烤过嘅香味添。下层仲夹左香港少见嘅牛油生菜，好有诚意㖞。餐饮要左冻柠茶走甜，柠香唔涩又够冻。跟餐甜品可以选movenpick雪糕或店家自制蛋糕，拣左后者。是日系粟子慕丝蛋糕，软滑微甜很对胃呢😘原来餐厅有outside可坐，仲有宠物menu添呀。
继续阅读