Cafe 123 食堂 (已結業)

原本諗住食華嫂，原來都冇為意到星期日佢哋唔開，出番嚟過對面Cafe123食個Tea算。下午茶餐都有10個選擇，見到有炸香蕉即刻興趣大增，咁就叫一個炸香蕉雞翼、豬扒蛋公仔麵同鹵水蛋雞翼麵食吓。食物大概等咗10分鐘，先嚟個豬扒蛋麵，豬扒都幾大塊不過有少少靭，係肥嗰Part先腍番啲。另外一個鹵水蛋同雞翼，鹵水做得好入味，但啲雞翼如果大隻啲仲正。炸香蕉最後先到，本身對個炸香蕉滿懷期待，點知都係有啲失望，因為嚟到時唔熱之餘，個漿做得比較差咗少少。其實Cafe123普通食個Tea都還可以嘅，但如果特登去就免喇~

山長水遠去到屏山，行過文物徑，祠堂等。行到肚餓起來，之後附近餐廳都排曬隊，咁岩見到有間cafe 123儘管試一試。豬手飯夠淋同入味；咖哩雞翼非常惹味，如果配上飯會比較好。西多士就一般;但黑松露既多士及波羅包係非常值得一試，包非常香及鬆軟。以屏山這地方，有這種特色茶餐廳，其實都值得一試。Ps.我望餐牌以為無套餐，望落都幾貴但原來包同麵可以加3蚊就可以轉餐，所以都可以試一試亦可以當支持小店。

原本想食老地方（大概大家都係咁開場），然後排到乜咁，因為唔鍾意排隊（從來），小町拉麵又休息，所以嚟左Cafe123，諗住都係茶餐廳野，叫左香茅豬趴飯同粟米班腩飯：香茅豬扒飯：完全無香茅味，豬肉係乸過粟米班腩飯：粟米汁好似水咁，係班腩剛炸都ok檸檬茶：去唔到一般茶餐廳水準，同KFC啲一樣整體：我覺得純碎係比大家去唔到自己想食果間既時候既安慰獎，Hmmm... 下次我應該會寧願出返出面食。另外順帶一提：白飯都好差、咪以為人地食唔出。

今日晏咗少少起身，重要適逢禮拜日，老地方門口已經企咗成十幾二十人，唯有試下隔離間黃咁咁啦，嗌咗個芙蓉反彈，略嫌乾柴咗啲，不過個味道都唔錯，夠哂鹹，叫做方便送飯咁囉，不過胖侶投訴個豉油係生抽兼無用糖煮過喎。

我今早去試屏山cafe123食物真係好好食 我同朋友試了 豬扒麵 咖哩鷄飯 黑松露炒蛋多士 真系好好食 咖哩鷄飯 咖哩汁真係整得好好多人去食有好多食物我都未試過下次再去食多次

屏山有好多臥虎藏龍 今次就輪到鄧達智開Cafe 我緊喺嚟試下 順便睇下可唔可以野生捕獲到發哥啦😂-原來兩點先開始下午茶 見到隔離枱個黑松露炒蛋牛角包個樣咁吸引 等我又跟嗌先LOL嚟到個賣相是吸引的大大份炒蛋連牛角包都擺唔哂 賣相是非常吸睛的再加埋黑松露醬嘅香氣撲鼻 真喺令人流哂口水 不過食落又唔喺真喺咁正正子黑松露味得個香字 入到口無乜味 但個炒蛋喺幾滑的反而個牛角包是最深得我心 因為焗得夠熱 所以咬落好鬆化 牛油味又慢慢滲出嚟-你話值唔值得山長水遠嚟食 坦白講 真喺唔多值 我都喺會建議你食屏山老地方個肉餅飯好過

每人400，菜單如下開胃涼菜 2樣元朗黃油凍烏頭鄧媽秘製神仙鴨屏山家傳炒雞飯南乳濃香蒸炒雞時令青蔬 2樣馳名肉餅豬軟骨家鄉長情炒長遠甜品前菜其中一樣竟然係蝦片烏頭係大，但黃油唔香12人鴨得半只炒雞冇南乳味，切得唔整齊炒長遠啲粉絲仲係有濕個飯係有焦，但係焦到全黑果隻，火喉over哂甜品係杞子桂花糕，好一般。桂花沉底，識做甜品的，都知點令桂花平均地分佈唯一可取係肉餅。但千里迢迢就係為左舊肉餅?400大元所謂私房菜，冇呀鄧生做宣傳，一次都太多連個厠所嘅衛生都麻麻，洗手液都冇

入元朗食咖喱飯，只識去巿中心的老牌店，街坊建議坐多程車，去屏山Café 123 食堂試吓咖喱雞翼撈麵。從未去過屏山，Google 大神話食堂就喺鄧氏祠堂附近，食完嘢可以行屏山文物徑，即係有得食又有得玩。搭車都好方便，九巴有 276 同 53，仲有港鐵接駁巴士 K65，全部都喺坑尾村站落，外牆黃黚黚的餐廳就喺站頭不遠處。除咗食咖喱雞翼撈麵，見午餐有南乳豬手飯就叫一份（實在好鍾意食豬手）。街坊冇講錯，咖喱汁夠香濃帶微辣，香氣別樹一格得嚟唔霸道，麵條冇煮到過爛（硬啲會更好），咖喱汁份量剛好。跟住食豬手飯，南乳味好住家 feel，豬手夠晒林同入味，肉就唔夠佐敦源興美食的豬手多，不過呢個南乳味真係極討好。食得興起，買個叉燒滑蛋菠蘿包。點諗到好戲在後頭，呢個包，皮脆饀多，包身夠軟熟。蛋炒得唔老，剛好包住叉燒，食得大滿足。

假日瞓飽飽就出動再去坑尾村搵食。食堂透過落地玻璃及大鏡的反映顯得光猛乾淨，座位寬敞。以自助式為主，自行去收銀處睇menu及落單付款，隨後坐定定等食。原來此餐廳分3個時段，3批不同的廚師整食物，由於到達時是11:30，早餐時段剛過，原先最想試的牛角包無，連特別推介的粉麵都話未準備好，好失望心諗係咪做生意架最後唯有叫左個麻辣豬扒煎蛋飯+凍奶茶。雖然係碟頭飯，但半生熟的太陽蛋蛋黃煎得金黃，仲陣騰騰咁，食慾返曬黎豬扒肉質軟腍，少少麻麻辣辣咁，煎得香口入味，意外地又幾好味喎整體來說，服務麻麻，食物選擇又不多，但基於食物好味且價錢合理，期望下次在適當的時段嘗到我想食的。

Cafe 123有進步，終於有套餐供應，唔使單點！！！今次係我第一次嗌佢個咖哩雞翼米粉，超正！！！米粉索晒咖哩汁變撈麵又幾好味。不過作為一個男人，更係唔會咁快飽，我又嗌多左包食，你地睇下塊叉燒蛋幾足料，同個牛油脆豬包又夾到。豬扒牛角包同屏山老地方差唔多，件豬扒剛熟唔過火。值得一試，加上份量都算大份，好抵食最差係雞扒麵，塊雞扒好似抽咗筋咁縮晒一舊，煎得太耐勁鞋口。飲品中規中舉，冇意見。

屏山我們來過很多次了，今次來試試鄧達智的私房菜，介紹幾個很滿意的菜式這個烏頭魚，實在是絕頂好吃，同枱的沒人不讚好雞炒飯，打開蓋香氣撲鼻，好吃肥仔肉餅，唔好睇少呢個肉餅，兩面煎的很香脆，內裡鬆軟，很正神仙鴨，呢度獨有的菜式，鴨肉軟滑有酒和果皮的香味，鴨汁很好飲不只這些，其他菜式也好吃，而且每碟都很大碟，份量十足，實在很滿足，食物選材質素高，很有家的感覺，服務慇懃，鄧生還親自招呼，全程都吃得很開心

昨晚的豐富晚餐至今仍然未完全消化，一碗簡單的粉麵作午餐其實已經滿足。位於元朗的123 cafe 是我今天的選擇，她的款式簡單，沒有複雜的菜式，製作時間是快，最適合追求快捷的都市人，味道算不錯，不要抱太高要求，相信光顧過的顧客會再次光臨。其中一款是我誠意推介「豬排烏冬」豬排軟鬆滑，入口鬆化，外香不算脆乾，只是輕輕的煎熟，肉質仍存肉汁。豬扒味道不錯，沒有什麼冰鮮味，相信醃製功夫做足，散發淡淡蔥花味道。烏冬較厚身，粉腍質感，軟腍腍，但用筷子一夾不易斷開，味道可口。我在這家cafe 渡過一個愉快的中午。

試新店，位置跟地圖有點出入，正確為屏山文物徑及屏廈路交界位，覲廷書室過馬路斜對面，還未入村。鮮黃色外觀，好易搵。附近泊車位不多，泊路邊，或者泊入屏山文物徑內的車場。今次食午餐，自己搵位，收銀處落柯打，會有人叫號碼送餐到你枱面，似乎相當隨意但有序。 每天餐牌或許有啲不同，應都有肉餅、雞、魚等多款選擇，餐飲只有咖啡奶茶檸水x凍或熱。是日揀了台式鹵肉飯 及 黑椒煙肉肉餅飯。喜愛肥肉的，揀鹵肉最啱。 鹵水汁有陳年的味道，肥肉很軟稔不油膩，但食太多會有點滯，如果你喜愛肥肉或有人一同分享，一定一件不漏。肉餅味道不太驚喜，勝在有肉質有咬口，沒太多肥肉，煎得頗香口。以$40以下一餐午餐來說，算不錯。