Cafe首爾

营业中

休息中

本來計劃去街市世記走轉，奈何居然落雨唯有轉去首爾登陸，黃昏的早餐完成。人家專登想黎食秋刀魚，竟被取消了﹗十分慳電兼環保，關掉冷氣及音樂，熱熱侷侷靜蠅蠅，極具深圳風。沒有阿豬媽只有陸大媽，尋找阿豬媽，換來全部都是陸大媽。第 2 次幫襯，第 1 次已經係 7 年前。說好的阿豬媽呢？ 首次遇到真正阿豬媽主廚，緣份到！侍應陸大媽講廣東話、廚房阿豬媽都講廣東話，偏偏兩個香港學生妹要係度講國語？學校規定著住校服只可以講國語嗎？泡菜，食落正常，但聞落有股難受宿味。大豆芽，少少爽脆少少汁，再肥美一點更高興。個個韓妹都苗條動人，我都食多點泡菜先得！到底是否任食泡菜大豆芽呢？韓式海鮮豆醬湯鍋，吱吱喳喳冒著煙送到，滾到燙嘴照飲可也，越熱越快樂﹗淺嚐一口使人懷念的味道，多年前韓遊的感覺及畫面出晒黎﹗用料豐富無欺場無偷工減料，脆肉瓜、蘿蔔、薯仔、魷魚、海蝦、沙蜆、豆腐、青椒、等等。豆醬味香濃滋味，越飲越起勁﹗落點白飯索索湯立即起動﹗黏黏飽滿的飯粒吸盡湯汁，滾燙灌入肚仔暖笠笠舒服極了﹗發現美味的秘密﹗黑色肯定唔係我，我灰色頭髮的，好彩我眼利係密密白飯中拔出來。香煎蔬菜餅，感覺多星期無食過菜，試試蔬菜餅吧﹗滿以為係

之前去呢間餐廳一直都係食韓式拌飯今次想試下佢哋嘅水冷麵🤤去到餐廳嘅時候 客人唔太多所以好快就煮好👍🏻水冷麵嘅汁係酸酸辣辣好開胃👍🏻而且佢哋嘅水冷麵係真係會放冰如果喺夏天食嘅話 就超級涼爽👍🏻小菜都好食 泡菜係真辣

講真，係大埔嘅這間韓國餐廳食咗個發現，好正宗又抵食㗎！先講講佢哋個傳統紫菜卷，賣相滿滿的，色澤簡直靚到喊，入口即是鮮味爆炸🤤；而家講佢個牛肋骨湯，啲湯清甜到不得咗，溫暖晒成個心窩，啲牛肋骨腍得滑得，真係每一啖都舒服到不得了😌。個韓式豬手，份量足料豐富，啲皮脆嘅、肉嘅口感啱啱好，加埋特製醬汁，唔係單講得出口味，真係會念念不忘㗎！唔止嘢食抵讚，服務亦都一流，D員工嘅態度親切，感覺真係賓至如歸。試過嘅朋友都話好，下次過尋味再約埋三五知己，傾下計，歎下美食，再嚟一轉！🎉🥢🍲

今次去食既係位於大埔既韓國餐廳，呢間餐廳唔算好大，座位亦唔多，我地平日既lunch time黎食，好快有位，坐得都舒服，一坐低佢地就先送上熱茶同前菜👍🏻 餐具佢地係用韓式風格既筷子，即係好簿好平果種鐵筷子，有牙籤提供，可惜就冇紙巾提供😗平日午市有個特價餐牌，價錢唔貴，所有餐都係$55以下，飯類仲有個湯送，餐飲就要加錢，主餐牌亦唔算好貴，同樣都係飯類會送湯👏👏今餐總共食左5樣野，韓式牛肉飯（$55），泡菜豬肉飯（$50），呢兩個飯類感覺係普通既碟頭飯，我期望會用鐵板上，見餐牌個樣好似有一個黑色鐵板咁，所以呢兩個飯感覺都係麻麻地😐 另一個我點左主餐牌既韓式辣汁牛肉湯（$80），佢係配一碗白飯，呢個餐就真係比到我食韓國野既feel😍 今次個湯就用鐵鍋裝，睇相都見滾到起曬泡，呢個湯餸飯一流，就算直接飲都唔會太辣太咸，呢個餐好滿意😛仲有一個主食我叫左咖喱牛肉湯麵（$47），個咖喱偏淡，麵就適中，唔會太淋，亦都係一個好普通既餐🤨最後就係牛肉紫菜卷（$65），呢個係有韓式風味既小食，賣相同味都我都覺得好好😋 但價錢感覺偏貴，比一個午餐仲要貴🥲呢間餐廳絕對係一分錢一分貨，主餐牌既食物比特價餐既好食好多

夜晚個阿姐安排入坐，亂咁嚟，多人冇得座，少人就入座先，間鋪都唔係多人，仲有唔少孖位，呢位真係好員工，幫公司倒米，未食都已經一肚氣，唔怪得越來越少人幫襯，趕客。冇下次。價錢又貴左，服務又差，係食物都還可以。

呢間餐廳係朋友推介，食完一次已經變左常客😂😂好好食啊又抵!!!🤹🏻‍♂️🗺環境方面：呢間餐廳係小店，所以唔係好闊落，亦都需要等😙啲Staff都好有禮貌，仲有個韓國叔叔同我講韓文🤣🍕🥂野食方面：一食落去已經覺得好正宗，我哋叫咗韓式年糕、kimbab、仲有炸雞，佢嘅份量對於2個女仔黎講啱啱好!! 不過男仔食就可能要再叫多啲喇🤣🤣 韓式芝士年糕真係極推介，又有拉芝，年糕又煙靭🥹最緊要係，價錢抵!!

太和既首爾，喺同一條街換過又換既餐廳入面都算屹立不倒。呢頭食韓國野，都係諗起佢。野食選擇唔少，就算係心目中標準既配搭，都有幾款可以換下。今晚就食左三款澱粉質既match。飯卷。整整齊齊靚靚仔仔，唔會實得得又唔會切完一夾就散哂。餡料標準，味道穩定，家常但就係好食。年糕湯。天氣凍，整番個年糕就岩哂。牛骨味湯底，餃子唔多但夠大隻。粉絲餡易煮爛，但廚師當然唔會犯呢種低級錯誤。年糕煙韌，牛肉塊細塊但數量唔少，口感偏韌但食得出牛味，唔錯。泡菜煎餅。外皮香脆，軟熟同煙韌做到平衡，裙加上酸爽既泡菜味道，冇咩好挑剔。

呢間都算係太和元老級餐廳但一路都好少食 ，因為個環境又黑又多蚊，食餐飯狂比蚊咬….裝修完見佢開咗光咁就去試下。外賣堂食都有試。結論來講，原味炸雞最好。 甜辣蜂蜜都還好，平時一定唔會叫原味，一來有醬抵食好多，二來原味應該冇乜味。但呢到嘅原味反而好過有醬料的，證明了佢嘅醬冇錦上添花，都係可有可無。炸醬飯啲薯仔好吃，但配飯真係好唔夾，唔該還番個面比佢。炒粉絲正正常常，無突出無挑剔之處。喺太和想食炸雞可以一試想講佢芽菜好食咗好多！

太和我有兩間想試嘅韓式餐廳，一間係首爾，另一間係直街，但直街果間晚市比午市貴左唔少，都係留番午市先試，所以最後揀左首爾。小菜 – 泡菜、芽菜泡菜好酸好難食😣，建議咁酸嘅泡菜留番黎整泡菜湯；芽菜唔夠麻油香。無骨甜辣炸雞 $75對比起其他韓式餐廳，大家一樣入貨，但呢度嘅售價卻平一半，難怪幾乎每枱客人都會點。雞粒新鮮炸出黎，雖然沾上醬汁，但仍然有脆口感；醬汁偏甜，辣味微弱，唔食得辣嘅朋友都可以食。炸醬麵 $65由於友人每次去韓國都會食，所以當見到唔少食評推介嘅時間，不禁抱有期望。可惜，呢度個炸醬並唔係佢杯茶。麵條煙韌，類似扁烏冬，而唔係用黎整炸醬麵嘅麵條；炸醬配料有薯粒、煮到好淋嘅洋蔥、好多翠肉瓜粒、少量肉碎。有別於韓國食到嘅爽口且大量洋蔥同肉碎嘅炸醬。水冷麵 $68我喺韓國無食過，因為覺得好普通，但後來見到一位韓國廚師介紹，先知道個湯其實係牛骨湯，而且製作繁複，好後悔喺韓國無食過😫。之後係香港有特登試，而呢度個麵同我係香港其他餐廳食嘅味道差唔多，但價錢卻平好多。估唔到呢個價錢居然有D湯冰，價錢比佢貴嘅都未必有。另外，個湯因為浸住泡菜蘿蔔而有淡淡泡菜味、少少酸，整體幾合我心意；麵條好幼、好煙

餐廳老闆係韓國人，中英文都唔係好好，咁我就拿張menu 指住話要D2牛肉餐， 讀埋出來，但個老闆聽錯，入左B2 豬肉餐比我。佢入左單後，沒比張收據我。我開口問佢拿，佢搞左一陣，再比張單我。我一睇到張單，就立刻話我要的是D2，唔係B2請幫我轉。個老闆自己入錯單，竟然一句sorry都沒，仲同我講”No, it’s already cooking!” 我真係對呢間餐廳好失望！ 老闆自己聽錯，亂咁入單，又沒有即時覆述我張單，又唔比收據我。到我發現左，佢又話已經過左幾分鐘，已經煮緊，沒得改張單。最後屈我買左一個錯的餐。我以後不會再去這間餐廳。

Cafe Seoul 太和隱世韓國菜🤤諗唔到食乜lunchie嘅時候就會揀呢間正正子韓國餐廳仔1. 韓式辣汁牛肉湯｜6.5/10夏天熱辣辣就最啱食又熱又辣嘅湯飯^ ^石鍋上嘅關係，一上枱個陣仲係bulubulu滾熱辣㗎(˶‾᷄ ⁻̫ ‾᷅˵)味道方面偏鹹但飲到香濃嘅肉味，唔似某啲hea99死鹹味精湯料都算足，有東粉、芽菜、蕨菜乾、洋蔥同牛肉( ̀⌄ ́) 值得一讚係佢哋又落蕨菜，喺香港好似唔係咁常見，覺得應該係偏向正宗㗎喇好可惜地啲肉質又乾又鞋，應該係偏瘦嘅牛腩絲，同埋牛嘅份量有啲少（汗）陰公，差啲唔夠蛋白質2. 韓式蜆蛤豆腐湯煲｜8/10超好味的湯頭！比起頭先嘅牛肉湯，呢個加咗蜆肉所以好鮮甜！配埋嫩豆腐真係無敵地巧痴ಥ_ಥ 又重口味又辣好好送飯，想食少啲澱粉質嘅版主平時想半碗飯㗎咋，但係食呢個豆腐湯有衝動想加多個白飯！但佢係偏鹹的，個扣分位係食完有啲驚水腫（未到要生腎石好彩）3. 韓式野芝麻豆腐湯｜8.5/10隆重介紹世一野芝麻湯（如果唔係佢賣相唔太上鏡，我會擺佢係第一張㗎嗚嗚）一直無聽過呢個菜式，直到同事不斷賣命狂推之後先上網checkcheck佢乜料(⊙_⊙)原來佢係韓國係好common會

今日落嚟叫咗個外賣，簡簡單單四樣嘢，一份紫菜卷 + 炒粉絲 + 水冷麵 +泡菜炒飯，19:08 落單，足足等咗50分鐘先拎到。😅😅外賣到手時間是20:00，有相為證⋯⋯不少外賣哥哥都接咗張單一齊苦苦呆等，遲吓應該冇人敢接單了⋯⋯

「WFH 唔食爆佢就 WTF」系列之望住「阿渣c」食韓食居家工作咁耐加上早前疫情嚴重, 都好耐冇出去尋尋覓覓搵好野食。無得去旅行, 就去下久違的韓國餐廳搵「阿渣C」啦。呢間餐廳係大埔開左好多年, 我都好幾年冇黎過, 2022 年就黎同你食+寫出新一篇~ 泡菜 + 芽菜是免費既餐前開胃菜, 一食就知冇落味精, 泡菜酸辣 (但唔會太辣), 加上充滿麻油味既芽菜, 淡淡既開胃菜, 唔需要味精黎帶動味之衝擊, 食得好舒服傳統紫菜飯卷一來到就暖暖地, 好明顯係即叫即做, 面頭散上炒芝麻, 樸實無華令人飽肚既住家飯卷, 贊! 芝士炒韓式年糕, 真係值得推介, 因為係小食所以份量唔算大, 芝士好香濃, 溶落去啲辣炒年糕, 再拌黎一齊食, 哇~ 好食到爆, 辣醬唔會太辣, 同年糕好夾, 但記住要趁熱食, 一凍左少少年糕就會開始硬炸醬麵我想食好耐, 但總係食唔到, 今次終於可以試到啦! 撈暈之後開餐, 個醬唔會太咸, 呢樣野都係我好欣賞呢間餐廳既原因, 佢既食物全部唔會偏咸同冇味精之餘, 仍然食到食物既原味同菜式想表達既味道。講返個麵, 碎肉、薯仔配炸醬, 加上煙韌既韓式麵條, 味道同濃郁口感都配搭得剛

中午食Lunch揀左尼間係大埔人口中知名度幾高既一間韓國餐廳, 餐廳外觀睇落普普通通, 12點半入坐時餐廳內都只有2-3枱入坐, 初時我朋友仲同我講以為尼間餐廳冇乜人食, 點知過左一陣, 大批既學生入左黎, 即刻坐滿哂, 出面仲開始現人龍等入坐。佢有lunch menu, 不過我同朋友都想食湯飯, 最後大家都各自單點。1️⃣韓式牛肋骨湯+飯 – 真係勁勁勁熱咁拎上枱, 影左幾張先影吾到D煙! 牛肋骨份量好多, 食極都仲有!!!而且肉質滑口感淋, 濃湯好好飲, 淡淡牛肋骨D肉味, 配埋蔥花, 飲哂都吾會覺得好膩2️⃣韓式蜆蛤豆腐湯煲+飯 – 一上枱就勁香辣味, 佢D蜆肉係底同埋甩哂殼, 所以面頭個D都係豆腐&蜆, 豆腐已經吸哂湯既精華, 食落去勁香勁濃又有D海鮮既蜆味!其實個湯吾會辣, 所以都好適合食得小小辣既朋友仔~整體黎講, 價錢非常合理同親民, 而且味道好得, 吾會偏咸, 我食完之後一路都冇追過水飲, 證明佢D食材調味都冇落過味精等等既野~! 冬天食尼D一流呀!

7月份食過一次,啲阿姐態度好差,個湯唔夠熱。原本諗住永遠放棄,點知上星期食完發現有進步。海鮮煎餅今次好好食,個醬都唔差,今次個湯好滾,飲品方面反而好普通,似港式茶餐廳味到。其實都冇乜挑剔地方。只係檯面太細 放唔到好多嘢食。隱約聽到廚房係講韓文 所以食物都幾正宗。服務態度唔差有個靚妹粉紅頭髮幾靚,禮貌幾好,相反經驗老到嘅阿姐好似爭佢好多錢咁..差過食大排檔...總括而言 間中都會去食下.希望佢哋啲嘢食會更加有進步