影片
港铁铜锣湾站 F1 出口, 步行约2分钟
继续阅读
电话号码
23451990
营业时间
今日营业
08:00 - 21:00
星期一至五
08:00 - 21:00
星期六至日
11:00 - 21:00
公众假期
11:00 - 21:00
以上资料只供参考，请与餐厅确认详情
相关文章
当初知道香港开咗间朱古力博物馆，觉得好吸引，佢仲系一站式，除有展区外，亦有商品贩卖区，出售香港制造的朱古力。至于食物、饮品，除可外卖，亦能堂食。食、买、观赏样样齐，可谓一应俱全。今次咁啱喺湾仔食饭，就过嚟睇下。到达舖头附近，就见到人龙，讲真有啲令人却步。呢条人龙系排烘焙产品，如果只想买朱古力产品或饮杯嘢，就毋须排队，可直接入店内拣选同俾钱。店员话，由于星期六、日有好多人排队买面包、千层挞，所以就算惠顾朱古力产品/饮品，亦唔可以「偷鸡」顺手搭单买饼，所以，如果要试烘焙食物，咁冇办法，排队啦~70%黑朱古力千层蛋挞：人人都冲住呢个$10挞而嚟；排到我时，刚好新鲜出炉；千层酥皮劲脆，咬开即时逐层散落，食落口同揸上手亦唔觉好油腻，只有少量油光反射；蛋挞饀较少，底部有少少黑朱古力，只系味道唔突出；蛋浆的蛋味唔算浓，胜在饀料少甜，加上酥皮酥而不「漏」，食晒成件挞仍然感觉轻盈，唔易滞；呢个挞只卖$10，性价比极高（我唔特别钟情蛋挞），加埋可拎上1楼堂食，该区提供即弃竹餐具，能够坐低慢慢叹，仲边有得弹？可可茶：$28；店员提醒要等一阵、浸耐啲先饮，但就冇提要等几耐；贪快饮一啖，觉得好似饮紧有色的水，虽然闻落有少少可可味，但味觉上就完全系淡而无味；不过，等耐啲、焗耐啲，可可味真系出好多，颜色亦深咗；作为茶饮，只能讲佢系普普通通，唔特别吸引，配合挞同面包，应该有少少解腻效果椰子包：唔记得呢款包的名；店员推介系新鲜出炉，仲猛赞好好食，加上佢焗起时大大个，只$20，最后买咗嚟试；面包松软，质感同一般面包舖的面包差唔多，但味道唔突出，面粉香一般；唔试亦冇损失呢度喺香港算几iconic，值得到此一𨘋同支持。 70%黑朱古力千层蛋挞值得排队，始终只系$10/个，而且摊冻晒，佢的酥皮仍然脆到不得了。店内提供朱古力产品试食，咖啡黑朱古力同100%黑朱古力仲好好食添。堂食区系自助服务，流转快，揾位易，坐得几舒服。2楼展区所展出的资讯唔系好丰富，原本设有的朱古力品尝区，听店员讲亦冇service。
继续阅读
Cacaolab的朱古力葡挞以其独特的风味和精致的外观吸引了不少目光。挞皮呈现出酥脆的口感，层次分明，烘焙得恰到好处，不会过硬或过软。内馅则是浓郁的朱古力蛋奶，质地滑顺，甜度适中，不会让人感到腻口。朱古力的苦甜味道与蛋奶的香气融合得宜，带来一种温暖而舒适的味觉体验。不过，对于喜好浓烈朱古力风味的人来说，内馅的朱古力味道可能稍显温和，未能完全突出。此外，挞的份量适中，适合搭配一杯咖啡或茶作为下午茶点心。Cacaolab的朱古力牛角包在外观上颇具吸引力，金黄色的表层散发著淡淡的牛油香气，令人垂涎。撕开后，内部结构松软且有层次，口感轻盈而不失嚼劲。朱古力馅料分布均匀，甜度适中，带有微微的苦涩，与牛角包的奶香形成不错的平衡。然而，部分人可能会觉得朱古力馅料的量稍嫌不足，未能完全满足对浓郁朱古力口味的期待。此外，牛角包在常温下放置一段时间后，表层的酥脆感会有所减弱。Cacaolab’s chocolate Portuguese tart impresses with its unique flavor and elegant look. The crisp, well-layered tart shell is perfectly baked, while the smooth chocolate custard filling offers moderate sweetness and a comforting blend of bittersweet chocolate and creamy custard. Though the chocolate might feel mild for some, its portion is ideal for afternoon tea with coffee. Meanwhile, their chocolate croissant boasts a golden, buttery exterior and soft, layered interior, with balanced chocolate filling, best enjoyed fresh.
继续阅读
🤦🏻♀️伏到喊1-10分如果可以比负分呢个挞应该要负分难食到咁可以卖比人食？倒贴$10都唔想再食70%黑朱古力千层挞$10啲朱古力少到基乎食唔到，食第4啖先映到有少少🤏🏻每只挞啲蛋浆都系凹嫁Hashtag b已经少蛋浆做得差估唔到呢间比hashtag b 差5倍以上Lunch time 时间即场食只挞系冻嘅最离谱系个千层！硬之外冇酥皮嘅层次仲要系果啲隔夜食物漏气果种咁！我食第一啖就想掉垃圾桶⋯⋯个店员亚姐仲要不停咳又唔带口罩😷劲后悔$10买左件垃圾食
继续阅读
近日铜锣湾有间人气烘焙店，出名超抵$10一件既朱古力千层蛋挞。今日行过见无乜人排队，立即买个黎试下，果然无令我失望😍🍫70%黑朱古力千层蛋挞 $10啱啱出炉嘅蛋挞，热辣辣之如又够松脆🤤咬落去每一啖都有‘咔嚓’声，绝对冇夸张。黑朱古力酱唔会过多，保留到蛋香，亦同时食到黑朱古力既甘苦，以哩个价钱，真系值得一试😋🥐黑朱古力夹心牛角包 $20牛角包size较一般既大，表面撒左层可可粉，包内有朱古力酱。包既外层都算酥脆，不过中意重口味既我略嫌朱古力味唔系好够。相比蛋挞，牛角包较逊色。
继续阅读
试试铜锣湾人气⭐️70%朱古力千层酥皮蛋挞$10 👍🏻外层口感好似薯片咁 劲脆👌🏻最底会有少少朱古力 甜度啱啱好 唔会太甜.仲有其他口味 例如开心果 玫瑰荔枝味$15再试试⭐️70%朱古力玫瑰荔枝千层蛋挞👌🏻表面劲多果酱 味道系劲重玫瑰荔枝糖浆香味👌🏻呢款相对甜好多 未必个个钟意最有惊喜会系⭐️可可巴斯克芝士千层蛋挞$15👍🏻真系好似食紧巴斯克蛋糕咁 唔系好甜👍🏻而且芝士味都几明显🥰估唔到蛋糕同埋蛋挞融合 都咁夹.#hkfunfoodrecord穷游香港#hkfunfoodrecord_铜锣湾.#CACAOLAB (铜锣湾)地址：铜锣湾白沙道20号地舖.#hkfoodie #foodiehk #hkfoodblogger #hkblogger #hkfoodies #hongkongfood #食评 #天后美食 #天后必食 #铜锣湾美食 #铜锣湾必食 #天后 #铜锣湾 #湾仔美食 #湾仔必食 #日本餐厅 #蛋挞 #烘焙店 #千层酥皮蛋挞
继续阅读