C3 (已結業)

我其實好鐘意食西餐🍽同飲湯，但通常出面食親西餐都唔平😫，但係C3既存在對我黎講簡直係恩物🥺，而且佢係元朗仲要有兩間舖🥳一個餐連湯 🍲 連餐包🍞連野飲🍹都只係四十幾蚊！🤩 （當然你有錢可以比貴少少再揀啲高級餐😂）不得不提佢杯凍檸茶真係好大杯，同我塊面差唔多大🤭，同行友人杯凍檸茶雖然係normal size,但店員表示佢個size可以續飲🥤,真係好抵呀🥺食物方面不過不失，南瓜湯做得幾濃唔會稀，麵包都烘得好脆😆，唔洗怕糧尾冇啖好食🤣------------------------------😋菜色推介：A2. 卡邦尼意粉（$42）曾經試過叫貴少少既餐，但覺得冇話特別驚喜😟，而且呢間主要都係用平做賣點，所以都係A餐系列最抵食🙈！而試過大部分既A系列，始終覺得卡邦尼意粉既汁最濃最好味😋 （頭盔：純粹個人喜好👷🏻‍♀️）

得壹個侍應，一個廚師，坐成半個鐘先來意粉。都算啦，仲要一大浸燶味，撩下啲意粉，有好多都係有焦既！令人十分失望等咗半個鐘，如果叫你換過又唔知要等幾耐，最後食兩啖就頂唔順，當我黑仔。但永不光顧！係平，但咁既質素？！不了！而家個口仲好大浸燶味！！！配料少到可憐！得一舊蘑菇，兩三塊煙肉。以前都稱得上平靚正，而家我會話唔洗錢，我都唔會食。等半個鐘食燶嘢，料又少，食兩啖都食唔落！嘥時間又嘥錢！十分十分失望！！

因為試過好味啲嗰間，見到喺永年士多嗰邊又開咗間所以特登試吓，但係有啲失望。呢間地方唔係好大，我哋有六個人，坐咗係最入，拍埋左啲枱坐，其實都幾逼上菜速度唔係好快，味道其實一般，不過份量夠食的，但係對男仔來講就唔係好夠食，同埋呢邊裝修麻麻地，感覺亦都坐得唔係好舒服

中午有事入元朗經過c3，雖然唔大間得7張枱，但望落幾企理，感覺ok。嗌左一個set，有香煎鵝肝黑松露意大利飯，一塊蒜蓉包，一客蘑菇湯同一杯熱華田。牆上貼左張紙，寫住「一人製作，請用心等候」，有哂心理準備，好彩唔趕時間。可能差唔多完lunch hour，啲人走得七七八八，過左十五分鐘左就所有野上齊哂，都唔係等左好耐。蒜蓉包同蘑菇湯冇咩特別，但係香煎鵝肝黑松露意大利飯好得！啲鵝肝皮脆肉滑，啲飯好重黑松露味，勁入味，碟飯仲大到食唔哂！食得好開心，加多杯凍白桃梳打，大滿足。

愉快的週日！一家人開開心心去C3食價廉物美的午餐，叫了三客午市套餐包括黑椒牛柳絲意粉、白汁吞拿魚意粉及招牌卡邦尼意粉，全部均附送餐湯蒜蓉包同飲品，非常超值！但很快就出事了！最先到來的黑椒牛柳絲意粉炒得非常燶，牛肉同意粉都變黑了，要逐條逐條揀出來不能吃！差不多有一小碗揀了出來最後忍不住問店員，炒燶了的牛肉及意粉是否就是黑椒？店員誠實地回答：『不是！是燶了！』，當然$42一客套餐是不能有甚麼要求了！不再來就是了😅價廉物美確是夢！

元朗友應該都好熟呢間c3餐廳都係因為價廉物美 4個字食最平既意粉餐包嘢飲、餐湯同包都係42蚊涷飲加2蚊就大大杯唔係話好好食 但都足料正常味所以我食過十幾次啦直到一次就決定以後唔去了佢人手安排十分不足一個煮意粉一個水吧一個樓面個樓面既要安排位又要落單送餐執枱收錢根本完全做唔切同樣，出意粉既速度好慢佢舖頭有張紙寫住一人製作 請耐心等候我明呀 過往一般都係等20至30分鐘我預咗但嗰次我等咗45分鐘後第一次吹單話整緊好快然後到1個鐘啦都未有 我話走啦 先上意粉比我唔係客人食得慢 翻枱慢係你嘢食都唔上( ̀⌄ ́)於是就再無下次

呢間意粉小店價錢便到你唔信之餘，份量亦都非常之大，男仔都一定夠食，值得大家一去！唯一可以挑剔既係店內座位唔多，坐得比較逼，同埋只有一個樓面，看能會有甩漏，但見到佢已經好盡力！香蒜火腿雞絲意粉 連餐飲 ＄42 （＋＄2 凍飲）呢個意粉比Pizza Hut 既名菜更加濕身，唔係完全乾炒，但就味道同埋用料而言，絕對唔會比下去，離遠都聞到蒜香味，非常吸引。黑椒牛柳意粉 ＄42 （＋＄2 凍飲）當日食既另一個意粉係黑椒牛柳意粉，份量同樣好多，以四十幾蚊黎講，味道同埋份量絕對係物超所值。佢既黑椒為意粉帶離微辣，牛柳絲無咩特別，但勝在份量足夠。

c3係一間主打食意粉，同埋意大利飯嘅餐廳。而且午市同晚市嘅menu係一樣，所以感覺上價錢非常之超值。今日難得收早見冇乜人排隊，就選擇咗喱一間餐廳。次次望親佢個menu，都有啲選擇困難症出現咗。最後就同男朋友決定叫一個意粉，一個意大利飯。每一個餐都會包埋飲品，餐湯同埋蒜蓉包。不過好可惜佢，話今日冇曬蒜蓉包。由於係一人廚房關係，所以所有嘢都係即叫即整，因此就要等比較長嘅時間下。意粉嘅質感係屬於中等，唔係好硬亦都唔會太林。汁嘅份量夠多，唯一要挑剔嘅就可能係冇乜餸菜。但係佢呢個價錢呢我覺得已經係差唔多。等咗好耐之後，另一個意大利飯終於上枱。雖然意大利飯嘅價錢係貴啲，但係真係好食好多。龍蝦汁意大利飯味道甜甜地，好特別。而且食得出好有海鮮嘅鮮味。另外我哋仲加咗40蚊，加多兩隻廣島蠔，都係脹卜卜好鮮甜。結果最後埋單都係二百蚊左右，希望不久嘅將來佢會可以更新多啲個menu啦。

食左個卡邦尼意粉飲阿華田兩樣都夠大份同大杯兩樣野都無味既😥😥但係都係勁淡 完全係無味意粉係得煙肉有少少味湯同蒜蓉包ok既真係唔會有下次啦或者下次都係去返另一間食

😋第一次黎到C3食晚餐，雖然啲risotto好似幾吸引，但唔想夜晚食飯就同男友嗌左意粉。😋有蘑菇湯同南瓜湯揀，我地就嗌左蘑菇湯，無影到但好好味，絕對唔係罐頭湯！有好濃蘑菇味❤️❤️野食都黎得好快😋卡夫芝士意粉（無影到menu😭類似係呢個名🙈）男友表示係預料之外既好食👍🏼👍🏼😋中意食海鮮既我嗌左蝦仁帶子意粉，menu亦標示左呢款係辣既🌶，食落有少少辣味反而令我更加有胃口👍🏼

同行朋友話想食意粉就帶左佢黎呢間野 其實呢間野我食過幾次架啦覺得佢性價比係好高平均每人唔洗$50就食到意粉 有西湯多士 同勁大杯野飲朋友叫左個吞拿魚意粉 好正 本新朋友鍾意食吞拿魚 我叫左個肉丸意粉 好重蕃茹味 好開胃重埋杯野飲勁大杯 朋友埋完單已經約定下星期再食

每一次經過C3都已經係食飽左，次次經過見到都覺得佢好抵但係次次都已經食唔落。今日特登行過嚟食，終於試到佢地嘅意粉。最平嘅意粉餐唔洗50蚊已經有一個，又有餐湯又有蒜蓉包仲有餐飲，晚餐嚟計感覺上已經好抵食。今日嘅餐湯係南瓜湯，甜甜地唔太稀，味道都唔錯嘅。蒜蓉包都幾脆，仲有d暖唔會話淋晒嘅，餐飲正正常常無咩特別啦。叫左個蒜味素食意粉，有粟米粒又有青椒仲有d菇。蒜香意粉又好濃嘅蒜味，略嫌濃左少少重口味左d d，如果鍾意食重口味應該會覺得幾惹味嘅，我自己就鍾意淡番少少。另一個係黑椒牛柳絲意粉，呢個就真係好有茶餐廳feel。味道好濃好有黑椒味，又夠晒辣，好開胃。可惜我有d 喉嚨痛食唔到太辣，所以試左一啖就無再試。意粉size唔細而且無話將貨就價，呢個價錢真係好抵食，希望佢做得住啦。

實在認唔住，第一次要記低係因為哩間野真係太污漕。第一次去附近急住揾野食，入去坐低見到張枱同墻身已經唔好印象，兩大兩小，枱凳當然唔岩小朋友又頂腳，我要用背囊浪高俾小朋友坐。後來要左兩個碗仔俾小朋友，哩個真係令人噁心🤮...絕對相信上手用完冇洗過🙈. 本來對食物冇特別要求但咁真係食唔落，本來好想即時離開，咁樣好似唔太好、唯有嗱嗱聲食完走人。食物得個鹹，倉完飲左幾支水。杯凍奶茶係大杯但叫左少冰依舊好多冰，飲左三分一已冇曬茶味，好似水咁

一個閒日嘅12點左右，我入到餐廳只係得我一個人，好似啱啱開門，我坐咗喺張二人枱背住個門口。我叫咗鵝肝黑松露意大利飯，蒜蓉包同南瓜湯，餐湯我見有蘑菇湯同南瓜，而本身我係想叫蘑菇，不過唔知老闆定侍應話不如南瓜湯，唔知係啱啱開蘑菇湯未準備好定咩，咁我都冇所謂，個包同湯都ok，未至於好好味，喺我等緊個飯嚟果陣，果個唔知係老闆定侍應嘅男人安排咗個男人坐咗喺我同枱對面嘅位置，我即刻望一望我四周圍係咪坐滿人，全場連埋我得4個客，1個坐咗喺另一張二人枱，一個坐咗張四枱，全場成廿幾個位，係咪一定要咁安排呢？！我自問唔係麻煩客，但我比得呢個價位食呢個午餐我覺得個安排可以好啲，唔需要咁，我食一個$98我冇記錯應該係最貴嘅午餐，我唔認為我可以當四五十蚊快餐咁食，如果餐廳係滿座，或者半滿我都算，明白做生意想揾多啲，但全場得4個人，有需要做到咁？！仲要張二人枱係好細，我覺得我仲衰過去食車仔麵搭枱，個飯未嚟已經黑面唔想食，如果我係被安排搭枱果個人我會唔食去過第二間，但我係被搭枱叫晒嘢走唔到，我好想出聲但個飯未嚟唔知應唔應該出聲，但已經好嬲，飯嚟到，講真，亦冇想像中咁好食，鵝肝好薄，啲飯偏硬，入面啲蘑菇都係偏硬/生生

星期六落樓搵野食，見到依間當時應該未正式開鋪的吧，個招鋪仲係遮住咗。店入面係已經full晒，見到門口有兩張枱就即刻坐低咗先。好快另一張枱都有人坐埋，之後再黎既人就要拎飛仔等位了。見佢啲意粉唔算貴，$42仲包埋湯、餐包、熱飲(凍飲+$2，都幾抵。叫咗兩款意粉餐，餐牌寫湯有蘑菇湯同南瓜湯，但佢話無晒南瓜湯，唯有兩個都要蘑菇啦。叫完之後，一直坐坐坐，坐咗好耐都未有湯。等咗十幾分鐘，期間催過一次，之後嚟咗一個湯，又再隔5-10分鐘先嚟第二個湯。  蘑茹湯好香，望落都好靚，不過可惜唔夠熱，唔明點解等咗咁耐唔係應該啱啱煲起出爐咩?咁都可以唔熱....  另外個餐包都有啲失望，好薄、凍、唔脆、唔香，好似無烤過咁。意粉係唔錯的，叫咗一個係卡邦尼，一個係白汁吞拿魚。我食嗰個卡邦尼非常夠汁，熱度足 (我好重視依樣野)，啲茹好新鮮、好清新，面既硬度亦剛剛好。老公食既白汁吞拿魚啲吞拿魚亦非常香，都好足料！另外值得一提既係+$2變凍飲係非常抵飲既，老公杯凍奶茶非常大杯，我戒咗飲凍野見到都有少少後悔自己無要凍飲。總括黎講咁既價錢都係非常不錯了。而且啱啱開業，店面只有兩個後生女仔做野，好似有少少手忙腳亂。不過我會再