C3 (已結業)

見好多人比負評，拉埋朋友一心諗住去試伏😂😂😂點知食落比想像中好😳甚至覺得好好味同好抵食！西餐黎講，性價比算高！我同朋友各自叫左一個主食，一意大利飯一意粉，每人$75落樓，有南瓜湯、脆卜卜蒜蓉包、主食同free冷/熱飲，朋友另外自己叫左杯特飲$20，今次食完絕對會推介比朋友及再返頭食。今時今日真係好難搵到味道okay但平價既西餐，通常都過$100先有得落樓，份量我女仔食係幾好！唯一美中不足係佢無小食，menu係全主食（意大利飯/意粉），如果有埋小食就更好！…查看更多

呢間食店我之前都嚟過嘅，之前都唔係覺得咁差，不過今次啲食物感覺真係好差，今次分別叫咗三個餐，白汁吞拿魚意大利粉，龍蝦汁蟹肉意大利飯，仲有就係鮮白菌黑松露意粉，個吞拿魚意粉同蟹肉飯還可以接受，但個白菌黑松露意粉同個蘑菇湯就真係接受唔到，個湯冇乜味嘅同時就好似開水咁，個鮮白菌黑松露意粉，剩係見到啲意粉，摷晒成碟意粉，個白菌加埋都冇一粒白菌咁夠！明白市道低迷物價高漲生意難做，但係都唔好俾啲咁嘅食物俾客人食🙈⋯⋯…查看更多

見呢間餐廳午餐只要五六十蚊，都幾抵，就試吓。我叫既係蒲燒鰻魚意大利粉，汁味濃，份量大。但燒汁同意大利粉味道唔係好match, 而且食得多有點油膩口。 同行朋友既三文魚意大利粉都係有同樣問題。總之，係可以便宜食飽既一餐。…查看更多

喺社交媒體網站見過幾次foodie推薦 影到好吸引一直記喺心入面諗住有機會去試下咁岩夜晚8點經過附近就嚟試下門口keep住有人排隊等 好好生意環境好茶座feel 諗住咁嘅環境都咁多人排隊食食物質素一定好高結果係極之失望 首先出餐勁慢 但其實一邊等 坐下傾下計都幾好問題係店內冷氣好細 空氣又唔流通 人又多 等到好辛苦叫左2個餐 等左35分鐘蘑菇湯其實調味幾好 但太稀太淡蒜蓉包凍嘅 應該擺左一段時間叫左一個帆立貝墨汁意大利粉 另外加$48要一件鵝肝，一個鵝肝黑松露意大利飯帆立貝唔新鮮 霉嘅而家一般平民西餐廳嗌件鵝肝多士都係$38加$48件鵝肝仲薄過紫菜😂煎得又唔好 對比上網睇啲相賣相差極遠個鵝肝黑松露意大利飯 稀到好似粥咁 唔係白飯求其溝啲白汁就叫義大利飯自己屋企煮好過$146個咁嘅質素意大利飯 我寧願食薩莉亞同樣價位西餐廳元朗有好多選擇 嗰附近例如法國小屋，鳳琴街都好多好選擇成餐飯唯一可取嘅就係佢跟餐飲品好大杯…查看更多

趁住假期同屋企人難得去大西北諗住幫襯下啲小店振興一下首先餐牌上面無寫明要求每位入座的人士需要叫一個餐 我地5個人 其中一個係小朋友嗌左4個餐 諗住大家share 食 叫咗兩個南瓜湯同兩個蘑菇湯嗌完無幾耐 全間店舖唯一一個侍應生埋嚟同我哋講廚房話需要每人嗌一個餐 所以你哋要嗌多個 咁我哋合作 叫多一個餐 餐湯未到主食先到 我哋問佢有冇碟仔比我地 因為我哋share食 點知侍應一句答 唔會有碟仔供應你哋用返飲湯個碗去食 心諗咁慳呀 碟都無隻比人餐湯尼到 唔係一碗碗派 而係一疊高 自己分一打開全部都係蘑菇湯 我地再問個侍應 一句答南瓜湯冇晒你哋嘅蘑菇湯啦 成件事完全係夾硬嚟冇南瓜湯係咪應該都講聲 我地都算數點知啲湯淡而無味 同飲水冇分別 我哋其中一位係完全飲唔落 要求倒左佢 因為佢地要我哋要用個碗嚟食野侍應生一臉驚嚇 覺得點解我地會覺得難飲 食物更加唔使講 完全係難食 叫咗個蠔意大利飯 嗰三隻蠔勁燶 食落去有苦味聲稱意大利飯 根本就唔係餐飲一樣淡而無味 熱飲無比湯匙同糖 問佢拎 又黑晒面 講真要求唔多 但基本都應該要俾客人掛到俾錢諗住俾電子支付 一句答只收現金但成間餐廳又係冇寫明只收現金 成間餐廳根本就夾硬嚟 無賴賤格 食完一吐氣…查看更多

落單之後等成半粒鐘都未有嘢食，嘢食到咗點知鵝肝同蠔都係未熟嘅，成個場得三個人，一個廚師，一個水吧，一個樓面，每台客都係咁吹，落咗單成半粒鐘先講啲飯冇晒，再等嘅話要等多半個鐘，轉左意粉，意粉又冇味嘅，求吓你哋千祈唔好去食，一定會後悔，都唔明點解門口咁多人等。。。…查看更多

一人廚房出菜要等一個鐘味道符合呢個較平價錢但落錯單 會勸你食咗佢，如果唔係有排等但係我哋唔食鵝肝，所以都係要求要返原本嘅蠔而落錯單嘅鵝肝亦會加落張單度要你俾錢(唔攞單睇係唔會覺)到我問返嘅時候先話: “係呀，咁俾返錢你囉”非常無賴…查看更多

C3其實係少數唔使含淚嘅良心店係我喺元朗食西式快餐嘅首選食物:鵝肝外脆內軟Juicy,黑松露飯香滑味濃，飯偏軟，唔正宗但啱香港人口味墨魚汁飯/意粉濃郁香滑甘甜，意粉一樣偏淋服務:通常廚房一個人，樓面一個人，上餐時間都算合理。意粉通常快d,鵝肝即叫即慢火煎係要d時間。但上Main之前有餐湯蒜蓉包餐茶，都算合理時間。樓面哥哥(C經理)一眼關七，基本嘢都做足小記:今日大概得12度，有位送貨嘅伯伯嚟到，有位送蔬菜嘅嬸嬸，樓面哥哥廚房姐姐都會問佢哋著得夠唔夠衫，傍邊聽到都會覺得暖一暖PS:餐廳隔離有大量錶位，方便泊車…查看更多

今日兩點幾，同兩個朋友加bb&bb車入去食野，因為朋友已食左野，所以只係我一個叫左餐，一個朋友叫左杯即磨咖啡（入餐廳前我地都專登望過無寫明每人最低消費，而且餐廳又有多吉位，亦無人等位）一坐低我地就落單，點知廚房入面疑似老闆娘同職員講，等埋一次過先落單（即係要等埋我地剩低果個朋友落單）我地落完單就無理繼續傾計等左一陣，未黎野食，職員走黎問我地諗到加咩野食未，我地話係咁多啦，無野加，之後就開始上野食，即係頭先真係無幫我地落單😒然後成餐飯，果個疑似老闆娘不停啤住我地，又擺到明咁望住我地枱再同另一職員吱吱針，態度差到出晒面，驚死我地唔知咁我地食完個餐，飲晒杯野飲就走啦，成餐飯都俾佢啤住晒😒佢又無寫最低消費，餐廳又唔係有人等位，又有吉枱吉位，我地又唔係食得耐，食左45分鐘都無，我唔係好明佢啤咩野😒態度極差😠:(…查看更多

1. 出餐要25分鐘，兩個意粉者，都要搞甘耐。2. 隔離枱要杯水就即俾，我要2杯水就話呢度無水俾，最搞笑係我問第三次先話無水俾，第一次問果時，仲問我要咩溫度既水？！對唔住，真係無下次。各位真係信下食評啦。…查看更多

其實好少上嚟寫食評，間鋪夾埋有30個位左右，當時6點已經唔係繁忙時間，total有9個客，由6:10等到6:40，一份餐都仲未出，煮兩個意粉等勁耐，出咗餐包餐湯，餐具第一支匙羹有咖喱漬，第二支有黑色唔知乜嘢污跡，勁污糟。我約咗人七點，搞到時間完完全全唔夠，最後變咗外賣，最搞笑係外賣盒要加$3，埋單先知，叫佢轉外賣嗰陣時冇同我哋講過。其實好心人手唔夠就唔好開咁大間舖，未食俾人體驗都已經咁差，收得又貴服務又唔好。成件事錯晒。…查看更多

好少寫差食評， 但第一次體驗嚇親人食lunch上了餐湯，那碗是破爛不堪的， 因怕小朋友會鎅親小朋友口，可以想像接觸口的碗邊沒有一忽是完整的， 希望換過一個碗，但已經被黑面了小朋友想share一碟食物，想要多一個碗，竟然說他們不夠碗碟，隨即拿起我們吃完的碗去洗手間朗一朗就攞返俾我哋用食物方面，其實是還可以的，但這次碗碟經歷真是太嚇人了…查看更多

之前平日食過一次覺得質素都幾好，諗住今次再encore。點知中哂伏，同朋友星期六下午1:00左右去食，2個人其中一個意粉好快嚟咗，但另一個等咗25分鐘都未有，問店員追下個意粉諗住順便落埋飲品，店員話一陣先再落。最後食物等多10分鐘左右出咗，叫「菠菜汁三文魚意粉」，個汁完全冇味，好似食梗齋意粉咁。都仲未落番飲品，等多咗10分鐘先落番飲品，又如是者等咗15分鐘都仲未有飲品，我哋趕時間話飲品轉外賣，店員都冇聽就問茶水吧個個仲未出飲品，最後埋埋單都仲未有飲品，又係等多咗10分鐘內先有。另外，明明睇到張menu 寫梳打+$2，點知埋單收$20一杯，拎起另一張meun 見到原來係$2（個0字勁淺色）唔覺意睇錯真係以為+$2 only😪明明上一次幾好體驗，今次食物+服務態度真係應該唔會再有下一次😪…查看更多

一間樸素小店，員工友善，只有意粉和意大利飯。手寫餐牌，字體好靚，一人煮理，講到明要耐心等候。一次黃昏偶遇，6：15pm剛開店就入座，唔夠15分鐘，半間小店已坐滿人，7點離開已客滿。雖是小店，都有三十幾個位。口味比較家庭式，性價比高。🍽️每個餐點都有🍄磨菇湯或南瓜湯+🥖焗蒜蓉包，不過蒜蓉包係送完即止🥲兩個湯都試過，都係鐘意磨菇湯，鐘意有口感；南瓜湯就淡啲滑啲。🍝鮮茄蓉蝦仁帶子意粉 $62雖說是蝦仁，但見到實物應該係正常大小，一啲都唔細隻。反而帶子屬BB級，應該改口叫帶子仔🤣。意粉煮得剛好，真係食到鮮茄味，蕃茄味好濃郁，有4隻蝦，幾粒帶子BB，份量正常，唔夠食可以加底。🍝菠菜汁煙三文魚意粉 $62菠菜汁比較青淡，伴著煙三魚咸香，總體都係淡口，當然煙三文魚只有2片，係唔夠喉🤣。🍝墨魚汁魷魚圏蟹籽意粉 $62墨魚汁做得好夠味，以前食過較稀和較淡。呢間做得剛好，夠咸味，夠濃郁，每條麵都被汁包裹住。蟹籽夾雜係意粉中好有趣，突然有一啖咸香脆係當中。☕餐飲熱檸茶，茶較淡，唔係茶餐廳果啲濃茶。🍹見隔離枱叫凍飲，個杯大到似啤酒杯，好誇張囉，凍飲都係+$2，抵👍。…查看更多

食物係落單即煮，落單後都要等好一陣子。但係因為室內俾冷氣唔夠，加上通風系統一般，等湯其間已經不停流汗😅… 是日order 左份鮮茄蓉蝦仁帶子意粉套餐配蘑菇湯 + 凍咖啡少甜。蘑菇湯味道偏淡，都算正常。凍啡完全冇咖啡味… 鮮茄意粉味道好似用蕃茄醬煮，帶子細粒到食左都唔知。 而家算唔算貴，但係都唔會想再幫襯😬 …查看更多