C Square Cafe (已結業)

家姐生日，因為限聚令不能一家人出外慶祝，三人組就搵咗呢間小店食餐便飯。呢度個地理位置非常方便，食完飯我哋又可以去吉之島shopping。講返呢間cafe，雖然空間細小，容納大約20人，但每張枱佢哋都會擺放紙巾同搓手液，而服務同食物水準都幾好，環境又舒服，價錢又親民，下次我會再去幫襯。🍴椒鹽雞軟骨 $48⭐️⭐️軟骨太細粒又硬咗dd，炸得又唔夠香脆，口感一般。🍴雜菜沙律+牛扒 $88⭐️⭐️⭐️牛扒有醃過，肉質鬆軟juicy，沙律菜新鮮，配醋汁非常開胃。🍴青醬煙三文魚意大利粉 $158⭐️⭐️⭐️⭐️⭐️近排都鍾意食羅勒醬，呢度個汁調較得恰到好處，香滑得嚟唔會太稀亦唔會太杰，食到淡淡羅勒香，意粉煙韌度又適中，什菌同煙三文魚又非常見食，推介！🍴黑松露白菌意大利飯 $148⭐️⭐️⭐️⭐️佢哋非常細心，落單時會問d飯要唔要煮腍身少少，因為有啲人會嫌正統意大利飯太有咬口，咁啱媽咪鍾意較腍身，佢哋真係煮到好啱我哋心水，黑松露配白菌一定無得輸，好好味！🍴紫蘇紅桑子蛋糕 $35 + 焦糖咖啡蛋糕 $35⭐️⭐️⭐️⭐️⭐️叫咗兩款小蛋糕當慶祝，前一日打去問當天蛋糕款式，佢哋不厭其煩講解，又主動問要唔要寫字响碟，當日主角見到都非常surprise。至於蛋糕，係佢哋當日即整唔係買返嚟，兩款都超靚超好味，紫蘇紅桑子豬仔造型非常可愛，紅桑子味道好香唔會酸，mousse非常滑，而焦糖咖啡雖然賣相一般，但焦糖流心效果同味道都好正，整體又唔會太甜，咖啡味香濃，我哋三個極力推介呢款蛋糕。三人共消費：$320 (網上平台訂座，主餐牌單點食物半價，飲品／甜品除外)…查看更多

現在的工廈通常都會有水準不錯的店這家也是很不錯的和另一搵食app看到有50% off 但最後選的是set dinner, 更抵的感覺😂Carbonara 🍝很不錯，很creamy手打牛肉漢堡🍔也很好吃，薯條是熱辣辣的，牛肉也很嫩菠菜湯也ok甜品那柚子芝士蛋糕我反而覺得失色了一點，就是柚子+芝士，沒有融合到的感覺。然後我以為那蝴蝶🦋是威化紙，但咬下去卻不會溶化，害我都不知道是否能吃的...Tiramisu coffee 好喝，就是甜蜜柑梳打也好喝我訂了6:30的晚飯，到接近8點走也只有我們一枱客，完全是包場了😅 在疫情下對我作為食客來說其實會更安心…查看更多

👩🏼‍🍳喺疫情期間開業嘅小店真係要支持下卡邦尼溫泉蛋意粉$88擺盤好靚🤩意粉軟硬程度啱啱好😉個忌廉汁偏向流質😗煙肉炒得幾香👍🏻如果覺得意粉唔夠經濟實惠佢哋仲有啲50幾蚊嘅扒飯🐷朋友有食味道唔錯的!…查看更多

沉默的師傅，卻做出高水準的risotto ，吃得出是用正宗的arborio rice. 意大利粉好al dente，手藝、用料和調味好出色，份量剛好，不是那些細細份的，啱啱一人份量。當日餐湯是南瓜湯，本是平平無奇，但入口知道用料足，南瓜像是先焗才煮湯，洋溢著一股濃香的南瓜味。上甜品時，驚為天人，做型什可愛，少甜帶微酸的紅桑子慕司。…查看更多

同朋友兩個人去咗食晚飯叫咗一個dinner set+小食+意粉+蛋糕Dinner set包括湯, main, drink, 甜品(+$22升級做蛋糕) $132+10%service charge蘑菇湯: 非常香, 蘑菇味突出又creamy卡邦尼意粉: cream味夠香, 配料分量充足, 雞蛋生熟度剛剛好, 整體味道很好, 份量夠多奶茶: 味道比較一般, 係全餐之中唯一缺點, 下次會是叫凍檸茶雲朵型蛋糕: 外型很靚, 味道唔會太甜, 性價比高小食-黑松露薯條: 份量很多, 黑松露醬調味好食, 薯條剛炸好非常香脆 $48+10%service charge意粉-黑松露蘑菇意粉: 朋友表示味道很好, 我眼見分量同卡幫你意粉差唔多, 感覺非常飽肚 $138+10%service charge漸變色蛋糕: Oero香蕉蛋糕, 一樣味道唔會太甜, 性價比高 $35+10%service charge值得一提嘅係員工態度好, 朋友冇點餐飲都會主動offer水, 喺小型餐廳來講非常難得, 連門口免費贈送嘅蛋白餅小食都非常好食, 個人認為區內冇其他餐廳(or我未發現到)有佢嘅水準同埋價錢相宜, 今日set以外仲有7折, 所以非常推薦大家去食, 我自己都會繼續幫襯…查看更多

琴晚本來想去隔離食點知無位仲要比呀姐嚇親，之後無意中發現呢間野！點知真係有驚喜！我兩個人叫咗兩個dinner set, 一個三文魚意粉另一個burger! 又有湯野飲，同埋甜品食！總括來講，下次再都會反去食！…查看更多

同區蛋糕店都差唔多試過晒..所以真係無咩選擇，幾間都麻麻地..見到有豬豬蛋糕加上我家姐生日，我就買黎試下.. 我係社交平台pm佢地，估唔到佢地都好快回覆，仲要問咩答，比晒圖我睇..... 價錢等等都不厭其煩咁同我講... 未食已經有好印象..去到cafe訂蛋糕，都有好幾款味比我揀，豆腐，焦糖，朱古力，芝士等等.. 店員都有幫我去諗埋顏色襯唔襯..最後揀左豆腐蛋糕，上面放隻豬仔，係紫蘇紅桑子味.. 仲可以免費加生日牌，真係唔錯仲有一支長同一支短蠟燭，好貼心~豆腐味雪糕食得多，蛋糕真係少之有少... 最估唔到係豆腐味係好重，又唔會好甜... 口感好好，好滑，唔會好實... 超正!!!!!!紫蘇紅桑子我就唔岩食，但係屋企人覺得好好味，呢隻味既蛋糕又係好少.. 酸酸味味咁，紫蘇味都不失..個比例好好，兩隻味都可以同時出現..好難得我屋企人會覺得岩食，食得好快..(佢地本身好少食甜野，唔太like甜)第二次就係坐低食lunch，加$22有蛋糕.. 剛剛好母親節正日，唔知係店員定店主，係碟畫畫寫字，超靚我地叫左個香蕉oreo，其實佢地都係唔食oreo.. 但係佢地因為上次個蛋糕，所以都好有信心，佢地都想試.. 香蕉味重係正常，oreo味係唔出，但係有種講唔出口既好味....... 見到d cream係有好多oreo，oreo都係食口感.. 兩樣材料夾埋，有個化學作用，超好味~~~~~P.S. 佢個蛋白餅都幾好食.. 我本身都鐘意食蛋白餅.. 幾欣賞佢整得唔錯…查看更多

再貪心嘅人都必定可以係 C Square Cafe 搵齊哂你想要嘅蛋糕味道！話說本人有選擇困難症，望住佢款款唔同造型同味道嘅蛋糕，真係好難揀，所以只有4個人但訂咗6件蛋糕。點知今日攞嘅時候，老闆話因為薑汁撞奶嘅造型轉咗牛奶鳥結糖味，所以就送多咗個俾我~~ 啲蛋糕除咗樣靚之外仲好好味。特別推介：豬仔樣嘅紫蘇紅桑子，超可愛之餘亦酸酸哋好清新；灰紫色雞蛋樣嘅芝麻慕絲味道濃郁，底部仲有朱古力脆脆；有 Melty Kiss 造型嘅焦糖咖啡，好似食緊好香咖啡味雪糕，加埋甜甜嘅焦糖醬，真係冇得輸！…查看更多

呢間新開既樓上Cafe係開放式廚房，燈光溫和，播緊80年代既歌，80年代出生既我突然想起那些年第一眼見到餐牌外賣自取有85折咁抵，原本想拎走食，但係又入到去個環境又幾舒服所以最後決定都係堂食，我點左個雞扒飯配餐肉、火腿跟個推介蔥油醬汁，$48個餐有野飲仲有甜品，我覺得好抵食難怪個蔥油係推介，果然好岩我口味，如果鍾意食蔥油既一定要試🤤🤤原本有個甜品送既，但係我見到個餅櫃既蛋糕好吸引，所以加錢(跟餐加$22，原價$35)轉左個芝麻mousse cake,個蛋糕唔太甜，芝麻味好香👍食完咸野食番個甜品真係超滿足!🥰🥰同店主傾左幾句原來呢度仲可以訂蛋糕🎂我下次訂蛋糕都多個選擇😎下次再試下呢間d意粉先😁…查看更多

價錢優惠， 服務態度很好！ 店內佈置簡潔！ 同朋友嘆下午茶傾計一流！ 極力推薦高智縣柚子撻！ 味道比平時食既檸檬撻更清新酸酸甜甜咁仲有豬仔cake 又得意問老闆入面係咩味道竟然係紫蘇紅桑子。…查看更多

今日同朋友經過太古城冇咩做想搵間cafe 坐低傾下計！ 見到open rice 搵到呢間就上去試一試。點知咁都發現驚喜！雖然地方唔大但係五臟俱全！午餐既蔥油飯簡直無懈可擊仲有咖啡☕️同cake ！ 同老闆傾計仲發現d cake 全部都係自己親手整好有heart …查看更多

疫情下，東達中心竟然有新開餐廳😳店內只有2-3位年青人主理，談話中得知只開了數天😮😮餐廳以簡潔裝修，少許自助形式餐廳內只有數張枱下次早啲黎💪💪今日開完會食左佢珍寶熱狗餐份量夠店主仲送左個甜品仔我食今日好滿足呀多啲支持小店，難得勇敢地係疫市下開店除左下午茶餐，我見午餐有大碗飯系列下次挑戰下先另外有意大利意粉供應，見店主推薦卡邦尼溫泉蛋意粉 $88,外賣自取有85折我見到有得意造型甜品，但要上社交平台 睇…查看更多