家姐生日，因为限聚令不能一家人出外庆祝，三人组就揾咗呢间小店食餐便饭。呢度个地理位置非常方便，食完饭我哋又可以去吉之岛shopping。讲返呢间cafe，虽然空间细小，容纳大约20人，但每张枱佢哋都会摆放纸巾同搓手液，而服务同食物水准都几好，环境又舒服，价钱又亲民，下次我会再去帮衬。🍴椒盐鸡软骨 $48⭐️⭐️软骨太细粒又硬咗dd，炸得又唔够香脆，口感一般。🍴杂菜沙律+牛扒 $88⭐️⭐️⭐️牛扒有腌过，肉质松软juicy，沙律菜新鲜，配醋汁非常开胃。🍴青酱烟三文鱼意大利粉 $158⭐️⭐️⭐️⭐️⭐️近排都钟意食罗勒酱，呢度个汁调较得恰到好处，香滑得嚟唔会太稀亦唔会太杰，食到淡淡罗勒香，意粉烟韧度又适中，什菌同烟三文鱼又非常见食，推介！🍴黑松露白菌意大利饭 $148⭐️⭐️⭐️⭐️佢哋非常细心，落单时会问d饭要唔要煮腍身少少，因为有啲人会嫌正统意大利饭太有咬口，咁啱妈咪钟意较腍身，佢哋真系煮到好啱我哋心水，黑松露配白菌一定无得输，好好味！🍴紫苏红桑子蛋糕 $35 + 焦糖咖啡蛋糕 $35⭐️⭐️⭐️⭐️⭐️叫咗两款小蛋糕当庆祝，前一日打去问当天蛋糕款式，佢哋不厌其烦讲解，又主动问要唔要写字响碟，当日主角见到都非常surprise。至于蛋糕，系佢哋当日即整唔系买返嚟，两款都超靓超好味，紫苏红桑子猪仔造型非常可爱，红桑子味道好香唔会酸，mousse非常滑，而焦糖咖啡虽然卖相一般，但焦糖流心效果同味道都好正，整体又唔会太甜，咖啡味香浓，我哋三个极力推介呢款蛋糕。三人共消费：$320 (网上平台订座，主餐牌单点食物半价，饮品／甜品除外)…查看更多
