影片
以上资料只供参考，请与餐厅确认详情
相关文章
近日疫情严峻，本地单日确诊数目已破万宗，但政府嘅政策都令市民感到无奈与不愤。尽管外国已经开始放宽，而香港相反地收紧，小店也要面对结业的现实，呢间良心店亦都唔例外。而作为食评人嘅我，当然要趁最后机会去冲刺啦。 C+Burgers原身叫做Burger Guys，2017年开业至今也支持与陪伴香港人共度难关。店舖由两位大学生打理，由落单煎肉至洗碗都由佢哋一手包办。辛苦就当然架啦，但换来嘅系新鲜嘅汉堡同食客嘅口碑。不过如今面对不了疫情的挑战，真令人惋惜。 店舖面积细小，装修简约，厨房一眼睇哂。店外只有四张櫈，主要做附近大专生嘅外卖生意。汉堡有八款，唔食牛肉嘅可以免费转鸡肉，亦都有素食选，而配菜并唔只得有薯条。 黑松露芝士汉堡$46 (配套餐D加$32) 价钱可算非常之抵，套餐就有少少贵咗D。当日大部分店外等候的人都系叫外卖，得我系堂食，好多人就喺度围住望住我食野咁。 欣赏餐厅有提供手套，唔洗食到成手都系油。面包有轻微烘过，外层有好多面粉，唔钟意呢样野嘅人就要留意一吓。面包品质附合价钱定位，松软而且有香气。 汉堡扒据传统介绍系结合了美国牛肩扒等部位搅成。牛肉就非常之厚身，外层有微微嘅焦香脆皮，内里仲系粉红色而有肉汁，口感较有嚼头。虽然瘦肉部分较多，但都有适量肉味，只是缺乏了调味。 黑松露酱完全覆盖芝士表面，价钱都说明了一切，为汉堡增添了一层菌香，冇任何石油气味已经很好。 芝士预期会有热溶过，但系冇，店员已经忙到爆，没有抱怨。酱汁系自制千岛酱，酸甜香滑，唔会过于突出。加上唔多水嘅蕃茄，有清洗过而唔腥嘅紫洋葱，都算不俗。 炸鱼手指 见好耐都冇食过，就叫黎回忆一下童年，但只有三小条，唔太值lor。外皮金黄诱人，酥脆香口，内里鱼肉水嫩白滑，但就冇鱼味，而配上嘅酸味千岛酱却是添味剂。 依家见住一间又一间嘅小店都挨唔住，个人都感到无奈。希望大家多多支持小店，呢段时间佢哋系最需要大家去帮忙，外卖/堂食/平嘅/贵嘅乜都好，唔好令疫情完结之后得返D大集团响度，令成个香港都没有色彩。
继续阅读
系咁既时势, 做饮食业真系唔容易 (其实行行都唔易 sad) 听到食开既💛小店话要结业真系好心up, 今日会向大家推介既汉堡小店 🥰💬欧陆汉堡欧陆入面有 生菜, 蕃茄, 洋葱做配料, 汉堡扒上有烟肉加溶芝士好好味 😍😍十分juicy最特别系有流心蛋, 令到成个包都好多汁, 不过建议即食不然流心蛋会熟咗啲 😂📢想食既朋友就要衬28/2中午前试喇🥺🥺 同埋佢哋一般都系售完就会关门架, 建议可以打去外卖再去拎 ❤️❤️
继续阅读
若干年前作为fm入到hku，无论个日上堂定走堂都会落水街揾嘢食。小店只得零丁几个室外位置，某年盛夏同友人系小店外一边被一丝丝热空气同油烟包围、一边大啖大啖食汉堡、一边抱怨温唔切mid term、一边提出转头一齐去智华温书、一边心谂都系翻hall瞓觉好啲⋯简单又零碎嘅记忆，系2022年嘅香港都变成不可重现的美好了ᜊﬞﬞ ❝黑松露芝士汉堡❞ ($46)一打开纸袋就会闻到黑松露香气扑鼻，攞出黎会发现汉堡包大大份男仔食都绝对够饱，另外最平加$18就有薯条+汽水/咖啡套餐，不过今日嘅薯条有少少炸得稍微太过硬身 𖦹ࡇ𖦹 半熟手打汉堡肉汁丰富，牛味浓郁，面包无芝麻（啱我口味），有预先以牛油烘过，比一般汉堡更烟烟韧韧好咬口。依个价钱食到黑松露汉堡真系无办法抗拒～～𓂃𓈒 𓂂𓏸 用餐提示 𓏸𓂂 𓈒𓂃由于小店就嚟闭店，好多人专程黎支持，今日喺非午饭繁忙时段到访，由排队落单到攞到餐点大概都要75分钟，比定心理准备想趁最后机会支持下嘅大家～如果想一到埗就攞到餐点可以预早打电话（60108431 / 53397900）落单先。另外今日到访见3pm后汉堡包就卖哂啦～想食嘅话记住早少少黎！𖤐𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐点味道 | ♥︎♥︎♥︎♥︎♥︎♥︎♥︎♥︎♡♡抵食指数 | ♥︎♥︎♥︎♥︎♥︎♥︎♥︎♥︎♥︎♥︎店舖环境 | ✄✄✄✄✄✄✄✄✄✄用餐体验 | ✄✄✄✄✄✄✄✄✄✄推荐程度 | ♥︎♥︎♥︎♥︎♥︎♥︎♥︎♥︎♥︎♡适合场景 | 休闲用餐
继续阅读
个日系差唔多4 5点去食 完全有冇人等位个burger系即叫即整 等咗差唔多十五分钟就有得食🙈个汉堡睇落去都好大 份量都好足料 一个女仔唔食小食都够饱😗▪️经典汉堡$42 （转鸡）（生菜，蕃茄，鸡肉，芝士，洋葱）个鸡扒都几有肉汁，鸡肉都鲜嫩☺️汉堡都焗到好脆 同埋都几厚 好饱🤢芝士就未溶晒 个人认为再溶啲会好啲😬唯一不足嘅就系佢酱汁偏少 食落成个burger有啲干🤥跟餐加$18就有薯条同埋汽水🥤薯条系粗身嘅 啱啱炸起就几好食😋份量都好多 自己一个食都惊会食唔晒😯share嘅话就啱啱好👍🏽
继续阅读
今日去香港大学开会，在第三街食了一间小店专做汉堡。落单俾钱收货在一边，另一边小 bar 台，得4张圆櫈，坐街边食。汉堡即叫即煎，预左要等 10-15分钟。叫了一个双层牛肉汉堡，因为我好钟意食牛。平时都会去吉之岛买芝士和牛汉堡煎来食。睇著厨师煎，焗热个包，感觉很 raw。我买包时有3位客人食紧。一边等，一边有街坊来叫外卖。汉堡煎得很香，肉质有咬口，多汁。包是热和微微脆皮。加$18 有薯条和汽水。薯条也是即炸，热辣辣。记得小时候食大排档也是在街边，以前的卫生环境不理想，但回忆里的食物总是又香又美味。
继续阅读