影片
港铁鲗鱼涌站 A 出口, 步行约5分钟
继续阅读
营业时间
星期一至五
07:00 - 20:00
星期六
全日休息
星期日
11:00 - 20:00
公众假期
11:00 - 20:00
以上资料只供参考，请与餐厅确认详情
食家推介
招牌菜
黎到鲗鱼涌既Burger Mix，呢间唔止有Burger，仲有本人钟意既铁扒肥牛，正，所以决定黎试一试。环境方面店舖就唔算大，数埋得10张4人枱度，如果一班同事黎就应该无位，而且待应系唔会帮客人调位，所以果有2张4人枱，都坐左1个人，又有4人想入黎，佢会同你讲无位。安排好唔人性化，尤其系多人既午市。食物方面今次试左佢个铁扒黑椒肥牛餐，食落几有镬气，个铁扒够黑，炒埋d饭度，非常惹味，正。推荐大家黎试下
继续阅读
今日同朋友黎到食晚餐，我地点左一个鸡肉铁板饭同一个蘑菇牛肉汉堡，汉堡系好食嘅，牛肉嘅肉汁都唔少，口感唔错。但系个铁板饭真系好一般，同系paper lunch食嘅冇分别...整体而言，都系不过不失啦。
继续阅读
鲗鱼涌呢间汉堡店, 店面细细, 但汉堡款式有成十几款除左汉堡, 餐厅重供应铁板饭独爱牛堡嘅我, 谂都唔洗谂就拣左呢个经典和牛安格斯牛肉汉堡, 套餐可跟薯角/粟米, 虽然见薯角炸得几靓, 好吸引但近排太热气, 都系忍痛转左粟米。餐饮竟然可以拣柚子茶, like简单经典嘅配搭, 踏实唔花巧。汉堡扒肉厚多汁, 个包完全吸收晒佢嘅精华, 配上新鲜爽口嘅生菜同大片蕃茄, 食落唔会太腻。特别欣赏佢嘅芝麻包面, 轻轻烘干左表面, 咬落外脆内软, 重好香芝麻味 真系令人一啖接住一啖, 停唔到口呀
继续阅读
放假，买左汉堡coupon, 屋企附近，当散步行下，吾算难揾，但系就真系只可做衔方生意，在小街，冇乜人流，怪不得明明汉堡主打都要做埋茶记早餐同下午茶。装修几特别，有一盏大水晶吊灯，气派加分。团购买了2份×$55黑松露安格斯汉堡，附薯格及热饮。侍应EE好有礼貌，招呼我地坐低，对面有班年青人话要调台，侍应EE年纪起马5O+，主动替班年青客搬台拍埋少台，侍应EE一流。汉堡即叫即整，等左10多分钟到。汉堡包新鲜软熟，微微烤熟，芝麻香味和暖暖的包感增加食欲。新鲜番茄厚切，原块芝士可呃称，沙律酱混多多黑松露，彼此配合味道提升，最怕低价黑松露腥臭味，呢度冇！安格斯牛大大块，头啖有小小筋，年味和黑松露配搭不错，整体好满意，$55你仲想点，小店的确有诚意有良心。薯格超大盆又大大件，外皮非常香脆可口，水份又保存锁住里面，一流，有酒店水准。饮品有热桃汁蜜桃汁拣，若有多D选择更好。呢个餐用团购买，省下最多只有$10，就算原价都扺食。
继续阅读
一向好少去 鲗鱼涌嘅我，今日因为又事在身经过一间好有美国风嘅汉堡包店，即管入去试一试。睇咗一阵餐牌我决定叫咗个安格斯芝士汉堡包配脆脆薯皇，仲有罐装可乐，成为57蚊 。先讲 个汉堡包，重牛肉味，芝士溶化在口里，加 番茄生菜好足料，薯皇比平时薯条粗好多好饱肚，快餐店只会用汽水机今次我就有罐装成件事非常满足。
继续阅读