Burger Joys (君悅居)

营业中

休息中

今次去左灣仔搵好野食 呢一間餐廳平時夜晚都好多人 所以今次特登係中午lunch hour 去 相對地冇咁多人唔洗排隊主要以burger 為主食 再加上一些基本小食 好似薯條咁 我地叫左兩個漢堡 一個係魚堡一個係素菇堡先講魚堡 塊魚同包一樣咁大， 仲要係即炸好香好脆口 加上基本配料 芝士 蕃茄等等 味道同口感都好正！美中不足就係 burger size 唔算大 ， 所以未必夠飽。另一個素包都好好味， 個菇係用左好多種唔同菇去壓制而成， 一咬好香菇味， 雖然冇肉食 但完全可以滿足到食漢堡既口感。我地仲叫左一個套餐加40 蚊有 薯條同啤酒而一個午餐黎講都已經滿足晒 加上環境似bar 令人放鬆都係一個好選擇。

放暑假無無聊聊，朋友突然間問我去邊度食漢堡包正，於是就同佢即興衝咗去灣仔食Burger Joy! 點知原來lunch嘅時候都好爆滿！ 好彩侍應見到好快手安排兩個位俾我哋坐。👍🏻芝士牛肉漢堡漢堡包即叫即製，咬落嘅時候仲熱辣辣，好正😋牛肉厚實，再加上芝士、生菜、番茄等，有着不同的口感。芝士薯條其實除咗漢堡包，呢個芝士薯條都係必食，芝士醬好香濃，薯條炸得香脆，溫馨提示記得要趁熱食！經典水牛雞翼辣辣地，好開胃！雞翼size 適中，外皮有少少香脆，雞肉嫩滑。今日唯一可惜嘅地方係竟然冇得叫smoothie！希望下次嚟可以飲到，因為真係好正！

去動漫節前做足準備，搵間靚餐廳食下。我地5:55分到，咁岩可以買到openrice既$109蚊coupon，一個飽、一份薯條同可樂叫左兩個芝士牛肉漢堡，一場黎到，都想試下佢最出名既牛扒1.麵包🥯有烘過底，外脆內軟，十分鬆軟牛扒亦有煎香，脆身有牛肉味，搭配爽脆生菜、蕃茄、醬、酸瓜等配料，洋蔥爽口，真係好正好好味。每件都係薄身又食得出好新鮮。2. 薯條係幼身，送到係熱辣辣同脆卜卜，脆口唔油膩，不過就無乜薯仔味。飲埋罐凍冰冰既可樂，真係好解暑。份量唔算食到好飽，但女仔都食得晒～

　星期六lunch突然好想啤啤佢 所以簡左去食burger 😚😚😚😚室內環境唔算大 ～ 大約坐到12-16人左右 所有漢堡加41蚊轉combo 配個regular fries and drink🥰 佢仲有其他款既薯條簡 ～ 如黑松露，蒜味，辣味，芝士等等既口味🤣 但我就prefer 原汁原味😋哈哈 薯條係屬於幼薯 好似幼到無咩咬口同口感🥲🥲 還好.. 漢堡都係有牛呀雞呀魚呀同菇類🥰 叫左個雜菇漢堡！ 一黎到已經流哂口水！ 個塊菇其實就係用左唔同既菇粒炸埋一齊 好脆口同好多菇味 唔會好單調！ 🥰 加埋lettuce and tomato 中和左炸物既油膩！ 好好食 整體好特別 好好食🥰🥰🥰😍 面包屬於軟身個隻 👍🏻友人叫左個魚堡 話塊魚係即炸仲著緊煙👻 好脆口 同好香魚味 ～ 配料大致上都差唔多 ～ 都係唔錯既選擇✊🏻 要讚一讚 佢下面個紙盒令你唔會食到d配料飛哂出黎 同埋成個堡唔會過厚 一啖都咬得哂 唔會食到好呢hea!!! 最後緊係飲返杯啤酒 作完美完結👏🏻👏🏻👏🏻 以後想食burger都會再黎👏🏻👏🏻

係香港想食個有質素的burger，可能都要二百蚊左右，食的可能就係環境裝修，係灣仔最international 的駱克道的Burger Joy, 裝潢未必係最豪華最eye-catching 但食物質素同環境都會比你一種係外國的感覺。Double cheese burger 濃濃的cheese加埋煎得香口的牛肉真係大滿足。牛肉絕對唔係好易散開個啲低質貨，牛味好濃郁。我哋兩個人食waitress 仲好主動咁問要唔要cut 開，服務好貼心👍Garlic chicken wings有驚喜的一碟，以為佢出名做burger ，wings會做得一般，點知佢的wings 焗得出色過出面好多間以wings 做主打的餐廳！外脆內軟juicy 香口，真心冇誇張到。咬開後入面的雞肉係仲有汁, 完全唔柴唔乾。Garlic 味唔會過濃cover 左雞味😎Drink食burger 肯係要凍一凍佢: Coconut water 同ginger Ale, 爽！

我同朋友各叫左份cheeseburger 套餐唔知佢整果陣係咪倒瀉樽鹽落塊牛到，咸都到放唔入口，仲要啖啖都食到明顯既鹽粒，食左幾啖已經頂唔順食唔到。薯條又m記質素，又淋晒，朋友個薯粒都好啲係即炸，但無乜特別。面包又凍又無烘過，唔知係咪擺左好耐咁既價錢我寧願去食m記仲好唯一正常係得杯milkshake，但都唔係平要加成31蚊，唔明點解咁多人吹捧呢間野。嬲到我專登開ac去寫食評，激死我果剩係掛住做外賣生意唔理堂食質素？

位於灣仔君悅居既人氣漢堡包店「Burger joys」！今日去開附近終於有機會黎試下！餐牌主要以漢堡為主，有魚、牛、雞及素菇選擇另有多款薯條、雞翼、沙律等小食！我地試了最具人氣既雙層芝士漢堡及單層芝士漢堡，即點即做架，麵包用牛油烘過，帶有牛油香及特別香脆！芝士濃郁惹味！牛肉邊位煎得香脆，內裡就充滿肉汁，肉味濃郁外賣盒設計很好，回家打開完全沒有變型，亦無好似快餐店果d咁痴埋一餅完全保持跟堂食一樣賣相吸引

假日6點呢啲時間黎到冇咩人唔駛等位~之後都好快坐full左之前睇報導話店主用左過百萬買左個麵包食譜的確挺身得黎又好鬆軟~用牛油煎過 不過我覺得牛油味過重搶左漢堡既味 有少少扣分我特別鍾意個半紙盒包裝 方便拎上手而且唔會焗住個包搞到濕哂我叫左個魚柳漢堡魚柳好厚生勁足料! 同時魚肉重KEEP到嫩滑 炸粉亦唔會太厚 讚!而朋友就叫左芝士牛肉漢堡 佢話牛肉好味但牛油味搶左味薯條係幼薯 幾脆口唔油膩😶p.s. 當時冇咩客但店員態度都有點COOL堂食用即棄餐具too bad

見有800幾個like先去，叫左個all day breakfast,炸到條腸同煙肉燶曬，杯橙汁冰多過汁，個漢堡包又細又唔係特別好食，包皮勁厚，叫咖啡冇咖啡，要辣粉薯條又冇唔會再黎 我第一個食評就拎左黎彈佢

𝕝𝕚𝕗𝕖 𝕚𝕤 𝕥𝕠𝕠 𝕤𝕙𝕠𝕣𝕥 𝕥𝕠 𝕞𝕚𝕤𝕤 𝕠𝕦𝕥 𝕠𝕟 𝕕𝕠𝕦𝕓𝕝𝕖 𝕔𝕙𝕖𝕖𝕤𝕖𝕓𝕦𝕣𝕘𝕖𝕣𝕤🍔🍔鍾意食burger嘅一定聽過呢一間位於灣仔嘅全球Top5️⃣0️⃣漢堡包店😋唔好睇間餐廳好似細細間咁呀~其實裏面有好多種食物同漢堡包可以選擇❣️今次我就叫咗兩款唔同嘅漢堡包🍔 兩個都份量十足✨🐟Fish Burger ($89)塊魚柳比起其他快餐店或者漢堡包店但係好多~足足有成隻手掌咁大，而且炸到脆卜卜🤍 配埋蕃茄生菜食好有層次👍🏻🧀Signature Double Cheese Burger Combo ($139)嚟到頂級嘅漢堡包店就梗係要試吓佢哋嘅signature burger✨佢哋嘅招牌雙層芝士漢堡真係極邪惡🤤牛嘅味道好濃郁，而且好juicy💓隨此之外我哋仲加咗$41要Combo套餐🍟 配埋1/2 Pint Beer 同芝士薯條，真係食到好滿足呀🥰Burger Joys (灣仔)📍灣仔駱克道42-50號君悅居地下E舖

久不久就有想去吃burger 既衝動、趕放工又來到灣仔著名漢堡店Burger Joy。點了推介的芝士牛肉漢堡$109 、喜歡它的漢堡包塗上牛油烤過好香、牛肉結實得來沒有嚡口還保持著肉汁、爽脆的生菜及半溶芝士配搭在一起好美味！轉配的芝士薯條趁熱吃好正啊、還在半溶狀態的～不過一定要堂食。沒有最邪惡只有更邪惡的Orea milkshake, 勁大杯、幼滑的milkshake咬到點點Oreo bits 配burger 一流!

It's burger day and I got my free burger! But it's not cheap burger! Very tasty and juicy! The beef is not any regular burger you get from other stores. You can tell it is very high quality beef burger served fresh from the grill! Thanks for the yummy burger! Enjoyed it so so much! The staff are extremely nice and helpful!

行完Art Central 見附近有出名的Burger 店，買了個外賣回家分享。店內全部滿座，店外間中有人等位，人氣十足。好欣賞它的外賣包裝，用紙盒蓋著加條橡筋，不會把漢堡壓扁，回到家中依然美味的。芝士牛肉漢堡 | $109一打開外賣盒子已經香氣迫人，大大個漢堡好正。牛肉中間未全熟，食起來不會太韌，肉質比較實。芝士半溶，生菜好大塊。Combo | +$41跟餐有薯條，可再選汽水或啤酒。薯條雖是幼身，但食到有薯仔蓉，餐廳好貼心提供了兩隻叉來食薯條，可以避免用手食。牛肉漢堡 | $99牛肉漢堡跟芝士漢堡相約，沒有芝士也有另一番味道，特出了紫洋蔥的甜味，麵包鬆軟。食完漢堡真的好滿足。餐廳另有提供impossible burger，同行有素食朋友也可試試。

下班跟友人到這裏吃漢堡餐。這裏有大型電視播放着足球節目，是下班後消遣的地方。牆上掛着各人享用漢堡的開心相片，很符合餐廳的名字。魚柳漢堡($89)，從相中已看到魚柳比一般漢堡店的大塊得多，比一般魚柳更厚身，厚身的魚柳更突顯外脆內軟的口感和魚肉的軟滑。配料也不馬虎，新鮮多汁的蕃茄片、爽脆洋蔥圈和生菜，為軟嫩的魚肉加上不同層次的口感和蔬果的新鮮。肉類往往是漢堡的主要食材，但在這裏，素食者也能享用漢堡。雜菌蘑菇芝士漢堡($89)，以雜菌蘑菇取代中間的漢堡，比漢堡健康之餘，口感變成爽脆的雜菌蘑菇，不但外型與漢堡相若，與一般漢堡同樣厚身的菇肉也能成功取替漢堡。沒有了肉類，這個漢堡彷彿多了一點清新和健康。點了一個套餐(COMBO)($41)，選了零系可口可樂和洋蔥圈。COMBO並不只如圖中的薯條可選，還可選洋蔥圈、薯堡或扭扭薯條。香熱的洋蔥圈不僅有外脆內軟的口感，有時候還能將內裏的洋蔥圈拉出來，猶如拉絲的效果。零系可口可樂搭配漢堡是絕配，一口充滿氣體的汽水，一口鬆軟的漢堡，是一件樂事，難怪幾乎每枱都點COMBO。最後點了一杯檸檬茶($49)，檸檬茶可免費添飲，茶味跟上次喝的有點不同。這次我們沒有加糖

最近發現了一家隱藏在中環的漢堡店，店面很小，味道卻很棒！工作日的晚上竟然都要排隊，大概等了二十分鐘才進去，菜單種類不算特別多，有四五種漢堡，加上各種鸡翅和薯條。我們點了一個牛堡，一個鸡堡，這個漢堡的麵包很特別，比普通的更加鬆軟，鸡肉堡的醬料是黃色的芥末，味道很特別，但是我最愛的還是那個土豆做的一粒一粒的小吃，名叫薯堡，你們一定要試試！飲料肯定必須是奶昔和可樂，美式飲食必不可少的兩樣！他家的奶昔也是絲滑，推薦cookies cream