Bunny Churros (GO PARK)

营业中

休息中

帶寵物同BB去西沙玩，意外搵到間提供Paws Gelato嘅甜品雪糕店 ʙᴜɴɴʏ ᴄʜᴜʀʀᴏs 🐰🍨寵物雪糕由純天然食材士多啤梨🍓製造，無乳糖成份，仲有淡淡清香😍狗狗超開心竟然佢都有份食雪糕🥰佢勁快食完杯雪糕唔夠，仲眼甘甘睺住人類杯Smoothie ，職員見到都笑，請咗佢食細細份無添加純水果嘅Smoothie😍超好囉，真係好pet-friendly 🫶🏻人類杯smoothie 都超好味，水果超足料啜到啖啜果肉，仲要即叫即整😍飲落超冰涼又唔會太甜，消暑一流🧊尼間店得到人類BB同Mocha高度喜愛🤣兩個都唔捨得走。

西沙Bunny Churros推出咗無乳糖寵物雪糕呀🍓依家天氣咁熱🥵食杯雪糕消吓暑就啱晒啦😆呢度嘅寵物雪糕無乳糖可以放心俾狗狗食士多啤梨味都好受🐶歡迎睇吓毛毛食到咁就知啱佢心水🤣而人嘅嘢食方面除咗人氣churros，仲有gelato、smoothie同其他小食飲品🥤🥐今次👩🏻就試咗佢哋嘅smoothie🍍真材實料好好飲㗎👍🏻大家嚟開Go Park不妨去bunnychurros 試吓佢哋嘅產品😋

夏日炎炎，去go park玩最需要就係透心涼既飲品同雪糕！Go park都開左bunny churros一段日子，咁岩今次同狗狗去go park玩，就去試埋，但今次冇食churros，咁熱揀左莓果盛會水果冰沙🍓士多啤梨做主調，唔太酸又唔太甜，岩岩好🤏🤏份量都算大杯，咁熱既天氣可以一試仲Order左杯士多啤梨味無乳糖雪糕比狗狗食，食完涼哂，狗都冇咁熱見佢仲有gelato食，下次再去會試埋！留意番如果同狗狗去要坐戶外位～

今日去西沙Go Park見到有Bunny Churros🐰！ 佢哋新推出咗款無乳糖寵物士多啤梨味雪糕🍓 成份天然無乳糖適合狗狗食用~另外嘆咗杯smoothies🥤，熱帶雨林水果沙冰：芒果+菠蘿+梨同埋蜂蜜🤤🤤沙冰質地超級細滑，頭調有芒果濃郁嘅甜香🥭尾調有菠蘿嘅微酸🍍，咁清爽嘅配搭啱晒夏天解渴☀️去GO PARK嘅朋友仔去 Bunny Churros🐰食GELATO 毛孩們都可以坐隔離食無乳糖寵物雪糕啦🍧

炎炎夏日、人類飲杯熱帶雨林水果沙冰真係冇得頂！夠晒冰涼、甜度啱啱好！毛孩都有份㗎！佢哋有專為寵物而設嘅乳酪雪糕、我哋今次試咗士多啤梨乳酪味、秒殺⋯⋯搞到我都冇機會影低佢個食相、不過記得食完要抹咀🤪

諗住放假去西沙行下第一次去 天氣好 熱熱地 諗住去食杯雪糕見到有Gelato 食 想試下叫左2杯 @ $45/杯1. 北海道3.6牛乳配可可脆2.雲呢拿北海道： 本身以為係Gelato 點知原來係雪糕 冇Gelato 嗰種口感 即刻勁失望 點知味道都好一般 普通貨色 完全唔值$45 但份量係ok嘅 但有得揀 我都係想食返觀塘嗰間雲呢拿一樣 味道勁普通

今日難得假期一家大細去咗Bunny Churros Go Park個度食雪糕 叫咗三樣甜點Churros ss, Gelato ss, 牛奶可可Gelato, 由開始買就話西班牙油條要等幾分鐘 一路等 一路等 就聽到有職員話 整燶咗唔成功 要重新做過 跟住繼續等 其中一杯雪糕其實只係放落隻杯度都要等成半個鐘有多 比我嘅時候 啲雪糕整到成個杯邊都係 同一時間 又見到另一職員抹一抹張枱 再用同一隻手攞餅乾放落去雪糕度比其他顧客 最後一杯咖啡雪糕 等極都等唔到 結果我問職員嘅時候佢哋先開始整 一杯雪糕要兩個職員合作做 結果出黎令小朋友非常失望 因為佢覺得好肉酸 感覺貨不對版

今日嚟到 Bunny Churros，一間位於西沙 Go Park 附近嘅小店，專門提供正宗嘅西班牙油炸鬼（Churros）。一入到餐廳，就被佢悠閒嘅環境同帶有外國風情嘅氣氛吸引住。呢度同西沙 Go Park 嘅綠意互相呼應，坐低一刻就感覺好放鬆，好似置身於外國嘅小鎮，遠離城市嘅繁囂，真係一個 Chill 吓嘅好地方。今次我點咗佢哋嘅招牌菜 — 經典西班牙油炸鬼（配港式奶醬）。油炸鬼一黎到，香氣即刻撲鼻，金黃色嘅外皮望落已經好吸引。咬落去，外脆內軟，鬆脆嘅口感加上「卡滋卡滋」嘅聲音，熱辣辣嘅質感真係好滿足。油炸鬼本身帶有淡淡嘅肉桂香，甜度啱啱好，唔會過膩，令人一試難忘。配搭嘅 港式奶醬 更加係一大亮點！奶醬濃郁香滑，甜度適中，唔會蓋過油炸鬼嘅味道，反而同佢互相提升。將油炸鬼沾上奶醬，香脆同 Creamy 嘅口感完美融合，每啖都係享受，味道和諧又豐富，食完真係回味無窮。

天氣好同埋契女入去新商場go park玩,小朋友扭食雪糕，入咗依間兔仔試吓。 仲有西班牙油炸鬼。 雪糕有幾款味揀，試食咗士多啤梨正正常常，最後揀咗榛子咖啡！好好食唔會好甜。仲要有埋塊餅仔好有口感個油炸鬼超鬆脆，唔會油腍腍，加埋個雜莓醬，酸酸甜甜好好食。店家仲好貼心有埋張牛油紙俾你唔會整污糟對手。間舖頭裝修都好靚，好啱打卡。如果下次再去會試埋個開心果味雪糕。題外話，呢個商場真係好啱帶小朋友同埋放狗。唔係好多間食肆，估唔到味千拉麵仲有未執笠。

第一次嚟Go Park新商場 諗住睇下有咩好食睇中咗呢間有Gelato、Churros、Milkshake等等嘅Bunny Churros葵廣都有間分店好hit本身都bookmark咗想食 今次終於可以一試😋😋Menu:兩個人食 叫咗Gelato+Churros開心果Gelato $45整體雪糕都好味😋但冇話好驚喜若果開心果碎再多d會開心dChurros $48 可以揀一款醬汁佢係新鮮熱辣辣整出嚟！星期日去都多人幫襯 所以都係keep住新鮮整大約等左5-10分鐘有得食

📌馬鞍山今次平民食堂黎到馬鞍山新地標(？)GO PARK趁墟，順便黎支持下葵廣名物 一 Bunny Churros @bunnychurros 位於 西沙GO PARK 既分店🍨經典西班牙油炸鬼套餐 $78西班牙油炸鬼即嗌即炸，西班牙油炸鬼外脆內軟，沾滿玉桂糖，選配香濃朱古力醬同軟滑既意式雪糕😋👍🏻👍🏻📍Bunny Churros 地址：馬鞍山西沙GO PARK G樓G17號舖#馬鞍山 #BunnyChurros #撐小店 #西沙 #西沙GOPARK #平民食堂 #平民美食 #意式雪糕 #自費食評 #小店系列 #葵廣名物 #葵廣美食 #星星帶你食 #馬鞍山美食 #西班牙油條 #馬鞍山食咩好 #西班牙油炸鬼 #經典西班牙油炸鬼套餐#gelato #churros#foodie #hkfood #hkfoodie #foodiehk

同朋友仔帶埋小朋友去新開冇耐既西沙GO PARK 玩，玩完就去食雪糕，真係開心都不得了🥳時間有啲晏既關係，部分雪糕已經售罄。所以我哋揀咗開心果同埋焙茶味，在跟餐買賣西班牙油炸鬼🤭開心果雪糕嘅味道超級濃鬱，面頭仲有少少開心果碎👍好正🤤焙茶味亦都好好食，茶味好出眾，對比開心果味仲冇咁甜添✨西班牙油炸鬼一條大約有手掌咁長，店員啱啱炸出嚟沾上肉桂粉，仲可以揀一款醬料。我哋揀咗雜莓醬同埋海鹽焦糖醬。雜莓醬酸酸甜甜好啱小朋友嘅口味。😊而海鹽焦糖醬，估唔到一啲都唔甜，鹹甜味道啱啱好平衡到，配埋油炸鬼卜卜脆好好食。👍👍👍西沙GO PARK 分店就遠左啲，不過近近地原來葵廣都分店架，想食就唔使嚟馬鞍山咁遠啦！😊🤑性價比：7/10🤤色香味：9/10🐖邪惡度：9.5/10🤗推薦度：9/10

平時食開迪士尼嘅西班牙油條，第一次食正宗嘅西班牙油條，一試返唔到轉頭！老闆及店員好friendly，可以好似朋友咁傾計😆而且好好禮貌👍🏻會主動介紹menu，更驚訝嘅係，竟然有寵物食得嘅雪糕！十分欣賞店舖嘅細心😊聽講老闆娘係親自去西班牙取經，試哂西班牙唔同嘅churros，再喺香港自己試做👍🏻更去咗試當地岀名Affoato店帶黎香港👍🏻👍🏻西利！另外值得一提嘅係，舖頭裝修得好靚👍🏻

在西沙品嚐Bunny Churros嘅黑巧克力Gelato，真係一種無敵享受！酥脆嘅Churros配埋濃郁絲滑嘅黑朱Gelato，呢個味道層次，簡直係perfect match！😋🤍😍😍🤍佢哋嘅店鋪氛圍超正，舖頭明亮，以白色為主調嘅設計，貫徹咗佢哋葵廣嘅設計風格！白色紅色綠色嘅美式風格復古設計，唔單止可以食嘢，仲可以享受一個開心嘅環境，伋同朋友一起chill緊嘅理想場所😍😍😍🐰放假一定要嚟玩！