影片
以上资料只供参考，请与餐厅确认详情
相关文章
早前去大埔踩单车时食过一次觉得好好食, 见公司附近有分店梗系要再encore啦😋中午时间系app落定单, 准时lunch time一落去就有得拎招牌热狗跟餐配洋葱圈同coke zero, 价钱唔算特别平但份量绝对系十足十!洋葱圈虽然炸得干左少少, 不过胜在面衣唔算厚所以都ok. 招牌热狗内馅有自家制辣牛肉酱、酸忌廉、杂芝士碎再配埋条巨型热狗肠, 其实斋食热狗都已经够饱😂唯一美中不足既系因为外卖关系热气令到舖面既粟米脆片冧左, 好彩都唔系好大问题, 依然都系好食又满足既一餐☺️
继续阅读
今日lunch想食下邪恶既汉堡热狗，于是黎到位于湾仔地铁站附近既bull dog hot dog买热狗。依到既热狗种类繁多，令人眼花缭乱。由于第一次黎依到食，我就点咗客最大路既招牌热狗。落单不出五分钟，热狗就到手啦！望落好大份，馅料劲丰富。一啖咬落去，面包外皮松脆，可惜面包内里质感好似食紧薯蓉咁。可能系食材含水量较高，又或者酱汁多得济，搅到面包入面好似糊仔质感。我仲食到少少肉碎， 应该系餐厅自家制既辣肉酱，我比较偏好重口味，唔太食得出有辣味。只热狗仲落左酸忌廉同埋粟米脆片，令到热狗味道层次更为丰富。 酸忌廉嘅酸味反衬出面包自身带有既微甜味， 呢个配搭都几好。
继续阅读
琴日去湾仔做嘢, 搞到两点几都未食晏昼, 喺附近买咗个热狗餐<特浓芝士热狗套餐>平时嗌热狗跟餐有少少贵, 但系喺十一点到三点期间有优惠午餐, 成个套餐加埋嘅价钱同平时单嗌热狗差唔多大食妹就嗌咗特浓芝士热狗套餐特浓芝士热狗超大份, 足够两个女仔食, 里面嘅芝士有厚度, 虽然因为外卖摆太耐芝士结咗, 但味道依然唔错薯条份量都算多, 盐同茄汁都系另外上, 想落几多任君选择唯一可惜嘅系, 外卖返到屋企真系淋晒建议返到屋企用焗炉再焗返热
继续阅读
过海到湾仔买蛋卷，行下行下就到bulldog hotdog 见到有之前就谂住想试既黑糖苹果手撕猪同墨西哥卷，咁无理由唔买就返屋企㖞😍用保温袋装住但一路时不时有热狗香味飘出黎真系好难顶🤣返屋企快快影完开动，个包新鲜烘过松软略带焦香，肠够大条有滋味又唔会咸，猪肉丝份量均匀口感嫩滑，同糖渍苹果一起甜咸交叠味道好特别～不过可能个肠的味道比较重，所以猪肉虽然都好好食但味道就被盖咗少少🤏墨西哥卷睇落细细一包，但打开个内容相当丰富😃我就拣咗美式辣鸡Cajun Chicken，啖啖都食到满满鸡肉😋微辣Cajun好惹味，连埋配菜同少少酱汁，整体感觉好清爽好健康🥬饼皮亦都唔会因为车程变淋，有面香又少少韧，有机会再试其他味道😁黑糖苹果手撕猪热狗 7.0/9美式辣鸡墨西哥卷 7.5/9OVERALL 7.5/9人哋话一个热狗就超饱，我一个可以食一个热狗加一个墨西哥卷，点解会咁⋯⋯一定系因为太好食🤣🤣
继续阅读
唔好以为面包类嘅嘢就求求其其，我可以讲，呢间嘅热狗🌭️，每一个部位都好出众🤩舖前有张小bar枱可以立食。热狗非常大只，配料有焦糖洋葱、安格斯牛肉、马苏利拉芝士、宝伐朗烟芝士、橙车打芝士、炸蒜。先讲包身，虽然系喺本地面包厂入货，而都非常讲究，佢似系法包质地，外脆内软，烟烟韧韧，带有麦香。香肠有成8寸长，长过个包，听闻都系本地货，咁本土嘢嚟讲都非常出色，唔死咸，juicy, 脆皮！牛肉份量唔算多，而好彩唔太韧，咬得开嘅，最怕一大块好柴嘅肉然后咬唔开，食得劲尴尬。酱汁份量适中，配搭得宜唔会抢咗fo 我系2人share食嘅，只热狗大只到食一只当正餐都得👍🏻
继续阅读