影片
以上资料只供参考，请与餐厅确认详情
今日出到南昌做嘢，lunch拣咗依间海南鸡试试，店内以蓝色为主调，午市套餐选择多，多达16款选择，款式都颇多。今日试咗lunch set A9冬阴公叻沙赞岐乌冬配慢煮新加坡无骨海南鸡 $92跟餐+$3 冻柠檬茶海南鸡无骨真系好爽，慢煮海南鸡特别嫩滑，香滑鸡肉蘸上秘制辣酱，味道浓郁。传统海南鸡饭食腻咗，唔想食饭朋友，仲可以拣汤河，米线，油面同其他掺掺款式，个人钟意乌冬，加上味道较浓嘅冬阴公汤底，好醒胃又好味，食完非常满足。
继续阅读
原来南昌V Walk有唔少优惠比住喺附近嘅街坊，见到食下午茶好著数，于是去试一试。喺南昌V Walk间Bugis，下午茶食够$100，就送迷你海鲜叻沙。2个人刚好啦！大满足迷你海南鸡饭拼叁峇肉燥乌冬配虾头抽银芽 $62一个餐满足哂3个愿望，有齐鸡，菜，饭，乌冬，无骨海南鸡髀好嫩滑，而油饭好香姜，葱同香茅味，乌冬好惹味，芽菜就好开胃。鲜牛油咖央吐司 $38吐司烤得好香脆，咖央酱好地道，而且夹住好邪恶嘅厚口油，好啱下午茶时间食。迷你海鲜叻沙 $0 （原价$60）因为有住址证明，所以以免费，就算系迷你，都非常足料，有虾，鱼蛋，鱿鱼，蛋、豆卜等，汤底香浓，有椰奶香，辣度刚好，面底掺掺，份量刚好，食完好满足，埋单唔驶加一，只系$106，CP值真心高，又抵食又好食！
继续阅读
V Walk有一间BUGIS@叻沙、海南鸡鸡，见到店舖座位都舒服，唔需要等位即刻入座，坐咗近门口卡位。慢煮海南鸡饭🐥海南鸡无骨容易食，鸡肉嫰滑，鸡皮下面有层薄薄嘅啫喱，油饭香够干爽，鸡汤一般，有三个酱汁，黑酱油、甜酸酱同姜蓉。海鲜叻沙掺掺叻沙汤底香甜浓郁，有虾🍤带子、鱿鱼🦑鱼蛋、豆卜同鸡蛋🥚，掺掺即系面底油面同米粉，大大碗好丰富。冬荫公叻沙配慢煮海南鸡呢个餐可以食到叻沙同海南鸡，系一个好好选择嘅餐
继续阅读
通常嚟南昌V·Walk商场，间中都会嚟呢间餐厅食饭。基本上每次过嚟都会食喇沙！因为呢间嘅喇沙够惹味又香而且汤底仲会有花生酱嘅味道！今日突发奇想，试吓个海南鸡饭海南鸡系去咗骨的，食落去啖啖肉鸡嚟讲算滑溜，亦都唔系10分肥整体嚟讲海南鸡系中上水平如果套餐配嘅系油饭，咁就更加Perfect 始终少昨鸡油嘅香味带动，饭系争啲嘅而且饭嘅咬口偏硬，个人觉得唔太满意！除餐附送嘅汤，反而有啲惊喜，饮落去味精唔多，所以都唔会口渴午市仲会送一杯冻嘅嘢饮。整体嚟讲唔使$100 ，算系唔错嘅选择不过下次再嚟，应该都系会拣返喇沙！
继续阅读
去到南昌站个商场好肚饿，一上电梯就见到呢间，装修亮丽清洁，新加坡菜㖞！试吓先，菜单都唔多睇，点个推介无死喇！🥢慢煮新加波无骨海南鸡饭配私房老火汤$80:汤够热味浓，唔错；鸡，有鸡味但唔够滑，而且肥羔几多，不过都叫食得；碟旁有啲酸菜俾你解吓油腻又否送吓饭，想法体贴；全个餐败点系碗饭，细碗都算，但一啲鸡油香味都无，而且仲有一阵「行」味，应该系好旧嘅米，老实讲唔我要求泰国米，但都唔好贪平用啲品质咁差嘅米，粒粒散开，唔信自己试吓，失败！
继续阅读