Bove (已結業)

之前喺屯門市中心嘅 food court食過呢間，佢啲雞蛋仔都幾好味幾脆最近行開yoho原來呢度都新開咗呢間雞蛋仔 而家雞蛋仔真係唔喺周圍有今次叫咗紫薯味麻糬雪糕窩芙窩芙暖笠笠，外脆內軟 😋😋 加埋冰凍嘅 movepick雪糕超正 🤤🤤 不過價錢黎講，要$42定唔記得$46，都真係幾貴 🙈🙈 不過見佢個雪糕牌子係movepick 咁都值啲嘅，間唔中食下ok 🙈🙈 如果叫返雞蛋仔個價錢會正常啲，平啲，大約$2x 就有啦。…查看更多

今日去左元朗yoho 既foodcourt 內食晚飯，食完晚飯覺得唔係好夠飽，想食埋甜品😝見到有間Bove,之前係屯門市中心見到已經想食，今日試試佢！-心太軟雪糕窩夫套餐（$78)大概等左5分鐘就有喇，本身套餐包左4件窩夫，一件心太軟，一球雪糕，唔知係咪因為接近收工時間呢，店員話送多一球雪糕俾我，超級好😝個窩夫好好食，做得夠脆，如果可以再多少少醬就好喇個心太軟反而冇乜特別出色，佢入邊係有做到少少留心嘅，但係都係一般call貨嘅心太軟味道，個朱古力醬濃度有啲嗆口。雪糕就唔使講啦， 選用Movenpick，不嬲都一致好評👍🏻…查看更多

價錢不算太貴可以接受，但是非常之難吃！冇蛋味，冇朱古力味，一陣已經淋晒，服務員態度差到一個極點😖😖😖😖 等得久請不要詢出爐時間，中伏！以後都不會幫襯他們。extremely bad service, and not good taste at all. Waiting time can be very very long, and you are not allow to ask if food is coming even waited for nearly 30 minutes.…查看更多

這個蘋果肉桂格仔餅，真係好味到不得了。蘋果切得粒粒分明，肉桂味又唔會太搶鏡，兩者就咁完美咁融合埋一齊。食落去既酥脆又唔會太甜，啱哂任何時間點都食得。就算係平日匆匆嘅早晨，或者悠閒嘅下午茶時光，呢塊格仔餅都能夠為你嘅一日添上一份小小嘅幸福感。試吓新嘢，有時候就係咁簡單，一塊特別啲嘅格仔餅，就可以為你帶來全新嘅體驗同滿足感。以$32蚊黎講，大大份，一份夠晒2個人食。不妨試下呢款格仔餅，可能會係你新嘅最愛呢！…查看更多

同friend打完波，一般都會坐低食啲嘢，跟住先慢慢Hea 返屋企，不過9點幾food court好多舖頭都已經準備閂舖，行咗一圈 得bove仲接受落單。咁就意外地幫襯左，發掘左一間幾好食嘅雞蛋仔舖頭。😆 見到個餐牌，諗都冇諗，即刻嗌咗斑斕雞蛋仔($23)，發現斑斕雞蛋仔真係好少舖頭有得賣，好開心可以喺呢度見到佢🥹🥹，全部雞蛋仔都係即叫即整，大概等咗10分鐘就有得食，攞上手仲係溫熱嘅，雖然斑斕味唔算好濃郁，但係好容易令人一粒一粒咁樣接着食落去，側邊嘅位脆脆哋，中間嘅位就比較軟熟。😋…查看更多

元朗人一定食過但係有選擇困難症一定好苦惱因為太多款式、有鹹有甜任君選擇🥚宇治抹茶麻糬雞蛋仔🌟我記得第一次食依間雞蛋仔係揀咗鹹味[雙重芝士雞蛋仔]，一試難忘，個味道其他地方真係搵唔到🤤今次食佢大受歡迎嘅宇治抹茶麻糬雞蛋仔，每一粒都有麻糬，仲可以拉絲，有得食有得玩，不過就偏甜，但係甜品如果唔甜又點會好食呢？😆…查看更多

你食過淋嘅雞蛋仔未??呢次經驗真係令人難忘,唔可 以唔同大家分享我個人意見。 見佢餐牌寫隻特選,幅畫 個個樣正正常常,咁咪試下囉,點咗份芝士雞蛋仔,點知 中大伏。成$30幾淋過條毛巾,連基本雞蛋仔嘅樣都無, 咁都可以賣比人,真係好厚面皮,個店員拎上手都知衰咗 啦。可唔可以比反少少水準,憑咩話自己特選。勁難食, 真係永遠唔會再幫襯。剩見個樣都失望,咬一啖會一秒 火起! 無謂浪費金錢,仲要浪費時間等佢製作!!垃圾!!!…查看更多

講真睇個樣好似好食咁價錢都合理但叫既時候啲態度差到xx啲嘢食仲要凍唔想做既咪唔好做落單啲態度都x到咁仲要咁難食之前經過仲見到佢哋鬧客仲以為係啲客問題好得意佢地道歉會好大聲講對唔住勁大聲唉真係揼錢落鹹水海食啲咁嘅嘢……………………………………………………………………………… …查看更多

#bove#阿華田脆脆雞蛋仔 #元朗香噴噴熱辣辣既雞蛋仔粒粒都咁軟熟同煙韌好好𡁻口唯一敗筆係華田脆脆略嫌太甜個人口味不同～見到佢movepick雪糕$69可以有四個口味下次再試先 今次趕時間又無得外賣雪糕🥲#懷舊小食#多款選擇#雞蛋仔#instafood#instafoodie#hkig#hkfood#18區搵食#小食#雪糕#阿華田#foodporn …查看更多

食完晚餐 見媽媽好踴躍話想食呢間甜品🍦🍨而我阿妹都話阿媽喺度食嘢一定會嗌呢間甜品咁我就抱着好奇嘅心態去睇吓呢間舖頭係咩料見到佢有幾個窩夫雪糕嘅組合🧇🍨心諗呢啲甜品周街都係喎 有咩咁特別不過都照嗌咗個爆炸窩夫雪糕套餐 咁佢有得揀兩球Movenpick雪糕同三件窩夫 雪糕方面，就揀咗朱古力同士多啤梨 窩夫方面，佢問我哋想要乜嘢醬 花生醬定朱古力醬 個姐姐好好人，話花生醬好食啲 所以就揀咗花生醬 而且可能媽媽天生麗質嘅關係 佢再送多一球雪糕俾佢 🫣媽媽真係好可愛🤣🤣佢一上碟嘅時候已經見到佢個擺盤好靚 求其打卡，都非常吸引眼球 佢個窩夫係外脆內軟 而且有花生醬同煉奶 有一種食街邊格仔餅嘅感覺 不過佢面頭再灑咗少少士多啤梨粉 令到香味十足 熱辣辣嘅窩夫 加上香濃奶滑嘅雪糕 凍熱嘅溫度喺口腔入邊交融 令到成個甜品昇華左唔少😋😋 完全覺得值回票價 推介！！…查看更多

Throwback 食評✍🏻Bove@yoho mall試食指數⭐⭐店舖衛生⭐⭐侍應態度⭐⭐((每項5⭐️為滿分)) ·最早期全男班bove最正而家轉手後多咗唔同種類食品出品差咗好多·雞蛋仔又乾又冇味格仔餅中規中矩·無論大鋪小店我哋都會盡試盡講Follow我哋bw.foodie…查看更多

I have been craving for egg puff for a while and today I found it in this food court so I certainly buy that and take a picture with this nice and crispy egg puff. I recommend to eat it asap, otherwise the crunchiness will be lower down. Not only egg puff, there are also some spaghetti and soup options. The price is acceptable too呢間之前都係食pancke多 但呢到就主要食雞蛋仔 見到人地件窩夫係勁厚 都真係下次有興趣想再試一下…查看更多

是咁的，我仔放左學經過yoho, 突然又想食個下午茶，就去左美食廣場入面既bove, 發現佢餐牌多左野食揀喎，有雞蛋仔、窩夫、麻糬窩夫，仲可以加雪糕添😍我仔就揀咗個爆炸糖朱古力雪糕窩夫，加多幾蚊，就可以混合味道既窩夫（我揀左原味拼朱古力），3球雪糕分別係士多啤梨、雲呢拿同埋朱古力。加多條巨形爆炸糖嘅朱古力百力滋，簡直係中哂小朋友既喜好。食完都飽晒，唔使食晚飯lu~…查看更多

買左底原味朱古力，要25蚊。即食已經係淋嘅，無蛋味，完全唔香。啲朱古力死甜。同媽咪雞蛋仔差好遠，人地整完拎到返屋企都係脆嘅，唔知係bove 啲粉漿難定吹得唔夠凍。一底兩個大人分都食唔晒，嘥左啲quota，同埋食完勁口渴，可能因為死甜嘅關係。同埋佢兩個阿姐做，一邊收完錢無洗手就去整買食，兩個阿姐仲要好似唔熟手咁，搵支竹籤仔撩下撩下個雞蛋仔器。同埋我見啲人拎走，阿姐都唔肯比多個紙袋仔笠住啲雞蛋仔。態度都幾差。唔會再幫襯。落返元朗市中心好多好食同抵食過佢。 …查看更多

落大雨，又想食下午茶，就search 下樓下Yoho Mall 有咩食。見到有人話Foodeli 入面有雞蛋仔食，都有人like 下，就買黎試下啦～4點左右去到沒人，所以唔洗等。個人偏好沒咁甜既口味，所以就揀左Earl Grey 味。即叫即做，5分鐘唔洗就有。即場食左幾粒試下先，Earl Grey 味都幾出，但係蛋味就沒乜。個面都脆脆地既，偏薄身，沒咩咬口嗰種。之後就拎番屋企先再食，由於凍左，先用氣炸鍋翻熱番先食，竟然仲脆身過現場即刻食🤭🤭…查看更多