386
44
14
港铁长沙湾站 C2 出口, 步行约6分钟 继续阅读
电话号码
23883668
开饭介绍
装修走波希米亚风,选用白色为主调,清新舒适。主打多国菜,卖相精致,配搭特别,如香煎带子西瓜沙律、香煎比目鱼扒配芒果莎莎。 继续阅读
营业时间
今日营业
11:00 - 16:30
18:00 - 22:00
星期一至日
11:00 - 16:30
18:00 - 22:00
公众假期
11:00 - 22:00
公众假期前夕
11:00 - 22:00
付款方式
Visa Master AlipayHK 支付宝 现金 八达通
其他资料
网上订座
Wi-Fi
酒精饮料
自带酒水
切蛋糕费
电话订座
赏订座积分
加一服务费
当面支付
有关奖赏计划
食记 (477)
等级4 2021-08-27
635 浏览
最近深水埗区真系开咗好多文青店,版图仲越来越阔,今日就去远少少嘅长沙湾试吓呢间规模相对地大啲啲嘅Boholic扮吓文青打吓卡。一入门口已经有一个好靓嘅打卡位,最适合攞住杯咖啡伪文青一番。午市时间仲有午餐供应,价钱都唔算太贵。饮品方面都几多选择,最特别嘅系有泰式奶茶,仲有含酒精嘅饮品,另外甜品就当然唔少得啦!见到其中一个餐有牛扒又有虾都只不过系$138 ,就一於试吓呢个香煎慢煮纽西兰牛柳配琵琶虾,纽西兰牛柳经过慢煮之後肉质非常嫩滑,切开仍然粉嫩,而琵琶虾经过烤焗後变得更香口,而且餐厅已经处理过琵琶虾,所以简单用刀叉已经可以起出虾肉,非常贴心。至於配菜方面,就系一份大概1/8嘅椰菜,以我所见佢系将椰菜直接烧烤一下,都几特别,而我就比较欣赏旁边嘅南瓜蓉,够哂creamy。另外朋友就拣咗16小时慢煮烤鸭脾配泰式酸梅酱,泰式酸梅酱令烤鸭脾变得更惹味,配菜方面除咗有另一碟都出现过嘅烤椰菜同南瓜蓉外,仲配有新薯粒,口感非常丰富。嚟cafe当然要叫杯咖啡,另外仲叫咗非常特色嘅泰式奶茶,午市跟餐就可以半价品嚐。Mocha拉花超靓,而且佢面头嘅奶泡非常香滑,轻轻用嘴唇点一下,就能感受到佢嘅奶泡有几细腻。冇谂过喺Cafe都可以叫到泰式奶茶,而且佢仲加咗cream喺上面,呢个配搭好特别,无论味道定影相打卡都一流!最後拣番个甜品,红茶戚风蛋糕配无花果泡沫嘅蛋糕充满淡淡的茶香,旁边亦有无花果,整体配搭得宜。呢度嘅环境确系唔错,下次要搵个周末嘅下午再嚟慢活一番。 继续阅读
(以上食记乃用户个人意见 , 并不代表OpenRice之观点。)
呢一间出名环境正食物更正我梗系要来打卡啦!专登11:30就到避免要排长龙!香煎慢煮纽西兰牛柳配琵琶虾除咗多士、面包、甜品,呢间咖啡厅更加提供扒类。用慢煮嘅烹调方法,能够锁上牛柳嘅肉汁,边位略有鞋口同过於有韧劲,但中间部份不俗!琵琶虾亦都画龙点睛,有小量虾膏,肉质爽口弹牙,拌菜仲有南瓜酱、薯仔粒、烧椰菜同焦糖爆谷。南瓜酱令小编超级回味,软绵绵得来又好滑。Boholic 非凡早餐比起一般嘅全日早餐来得丰富,有芝士焗龙虾、黑松露炒蛋、烟三文鱼、香草肠、牛油果、沙律菜、茄汁豆同薯角。炒蛋非常滑嫩,不过油份落咗垫低既酸种面包到,令面包口感缺少咗一份松软感;芝士焗龙虾既表皮焗得好靓,容易离壳;沙律菜亦都加上左藜麦,整份早餐嘅营养爆晒标!芝士奶盖半熟梳乎里厚班戟配鲜蓝莓酱打卡首选,超大份超厚!梳乎里好松软,里面暖冧冧而且蛋香好浓厚 ,外皮有小小焦黑但不影响口感。淋上不太杰身嘅芝士奶盖同时为整件蛋糕带来甜度和咸度,蓝莓酱同士多啤梨既酸令到整件甜品既腻感降低木瓜芒果奶昔感觉非常健康,碎冰打得非常细腻,反而觉得木瓜比芒果嘅口感更出,而且间唔中能够食到好细粒嘅果肉果蓉。Caramel Latte 入口奶味好浓,焦糖嘅甜度唔会过量,惜未太能品尝到咖啡豆的味道。👍🏻👍🏻环境装横见心思,主打波希米亚风,打卡影靓相一流!💡去嘅当日食brunch ,啱啱起身唔太啱时候饮酒(´・_・`)不过餐厅嘅酒精饮品类选择都唔少! 继续阅读
(以上食记乃用户个人意见 , 并不代表OpenRice之观点。)
朋友推介左呢间波希米亚风既cafe比我~听闻食物既摆盘好靓,而且食物质素都唔差,好期待~有lunch set, dessert 同drink menu望落都几吸引Boholic非凡全日早餐超级正既组合!!有芝士焗龙虾,烟三文鱼,松露炒蛋,香草肠,茄子,蕃茄,酸种面包等等。劲丰富!见到都开心😆芝士焗龙虾落左好多芝士,焗到劲香,龙虾肉亦好新鲜弹牙。松露炒蛋都颇滑。酸种面包最好既地方就系湿左都仲系咁有咬口同弹牙,所以我又系好钟意食~~~香煎慢煮澳洲板腱牛扒伴琵琶虾牛扒无选几成熟,但质素都比我想像中好。牛扒都有唔错既牛香味,肉质厚实但唔会难咬同乾。琵琶虾又系够新鲜爽口~特别要赞下个南瓜蓉,够creamy,有好香既奶味同牛油香味,好好食!Passion Kissmenu上面除左有milk shake同咖啡之外,仲有酒精饮品。但个人认为menu需要改一改,因为而家既menu无写任何flavor,斋睇名会好难选择饮品。而我地今次点呢杯系bartender主动介绍,用vodka,梅酒,passion fruit,lemon组合而成。味道酸酸甜甜,易入口又唔会太甜腻,推荐~~~ 继续阅读
(以上食记乃用户个人意见 , 并不代表OpenRice之观点。)
等级4 2021-06-06
3117 浏览
星期六又系去搵间Cafe坐下消磨时间嘅日子啦,今次拣咗长沙湾呢间人气打卡Cafe,都开咗一段时间,而家星期六日晏昼冇咁多人,嚟到就有位啦。餐厅行波希米亚风格,一入门口就有个位俾人坐低影相。佢亦都有户外位置,见到有人带埋宠物一齐嚟食🐱🐶🔸Boholic 非凡全日早餐🌞见到全日早餐竟然有龙虾,就一於试吓。松露炒蛋配烘酸种面包同芝士波士顿焗龙虾都几好食,烟三文鱼、香草肠、烤蕃茄、茄子、炸薯角、沙律菜就正常啦😛🔸日式焙茶麻薯窝夫🧇配酸忌廉豆乳雪糕🍦焙茶味窝夫几香浓,不过如果中间多啲麻糬就好,好锺意烟烟韧韧嘅感觉!有四片窝夫,好厚身,两个人分绝对够食,雪糕系豆乳味,窝夫点雪糕或者忌廉食都几好食。🔸Iced Fresh Fruit Tea🍹呢杯朋友叫既,正正常常啦,唔系好多水果个种水果茶,都好既,可以饮多啲😜🔸Fresh Lime Cucumber Soda 🍸青瓜梳打特别清新,佢真系有一片片新鲜嘅青瓜,可以食埋唔好嘥😋 继续阅读
(以上食记乃用户个人意见 , 并不代表OpenRice之观点。)
等级4 2021-06-05
2552 浏览
终於来到非常IGable的Boholic吃晚餐~环境真的很疗癒,门口就是打卡位了😝 在落地玻璃窗旁有自然光徐徐洒落,很美呢。我们点了一份Dinner Set A,前菜、餐汤、主食和甜品一应俱全。值得一赞的是餐厅上菜有序,一道接一道,不错的用餐体验。前菜是风乾巴马火腿配时令水果,一片油润的火腿夹一块清甜的蜜瓜,一咸一甜恰到好处,非常适合夏天的开胃小菜南瓜蟹肉忌廉汤配自家制香草蒜茸包,连是日餐汤的摆盘都很精致呢,加了蟹肉增添了鲜甜的滋味。蒜茸包烘得脆脆的,有浓郁蒜蓉香主菜方面,我们选了慢煮八爪鱼墨汁意大利面和慢煮美国牛板腱伴鲜野菌配黑松露烧汁。慢煮八爪鱼墨汁意大利面上面放了芝士脆片的装饰,除了卖相吸引之外,味道也不错~慢煮八爪鱼煮得软淋又鲜味,加上香浓弹牙的墨汁意大利面,口感很有层次而慢煮美国牛板腱伴鲜野菌配黑松露烧汁也放了点食用鲜花作点缀,和周遭的田园风很配合🌸 牛板腱很厚,份量十足,底下有黑松露烧汁和香甜绵滑的南瓜泥,沾不同的酱汁来吃也有不同的惊喜!甜品是意大利果醋烩荷兰啤梨配甜酒沙巴翁忌廉汁,啤梨的果肉熟软,味道清甜 继续阅读
(以上食记乃用户个人意见 , 并不代表OpenRice之观点。)