影片
以上资料只供参考，请与餐厅确认详情
食家推介
有friend生日一齐出黎饮野，揾到中环有间饮野加shisha开到零晨两点。入到去少女心爆发，因为全部粉红色。有live DJ，有卓球。星期六晚都爆哂场，好多人。不过个场唔系好岩倾计，因为好嘈，第朝发现自己喉咙痛。其实都唔记得叫左咩野饮，总之唔同cocktail，甜野饮。shisha都ok，叫左个好creamy嘅味。Waiter全部都几nice。我地打烂左杯野饮（吊住摇摇下个杯），都换左杯新比我地。
继续阅读
之前已经听过呢个餐厅好多次㗎啦今次终于可以试happy hour真系好开心呀成间野都粉红色靓到不得了然后staff 有影相你哋嘅薯条nachos 真系几好食嘅我哋一致认为一定会再反去
继续阅读
装修好靓好Pink嘅酒吧餐厅，极岩爱打卡同充满少女心嘅人💞坐位间够松动，可以舒舒服服咁同闺蜜一边倾偈，一边Chill 住叹Shisha。 Shisha味道几好亦够long lasting，但最有惊喜嘅系食物😂 一般对 Shisha Bar 食物唔会有太大期待，但呢间嘅野食出乎预期嘅卖相靓又好味。🔹🍔🍝Cream mushroom spaghetti in bread bowl面包够香，重点系佢同个忌廉非常Creamy又Yummy嘅蘑菇汁非常夹，超美味😋🔹🐤Mexican Buffalo Wings单骨食起黎方便，算入味，等得比较耐，应该系即叫即做嘅🔸🍹Amour红火龙果＋姜＋乌龙茶＋ Vodka，味道清新🔸🥃Smoky Eyes黑朱古力威士忌＋橙＋栗子＋坚果， 甜甜地， 如果多啲酒味就更👍🤣
继续阅读
我知道中环H Code就有一系列既华丽格局既餐厅、酒吧林立，连接住兰桂坊同埋苏豪区既重要核心地段，打造最具潮流特色既新地标。而系H Code里面就有一间以粉色主题既酒吧「Blush」，基乎每个角落都系打卡位，一大片都系粉红色既梳化，加上搭配一系列创意Cocktail，绝对可以称得上2020打卡热点！👇📌C o c k t a i l s - ▪ Amour - $128▫ 以玫瑰主题既特色Cocktail，用左Pink Vodka做底，混合火龙果、姜汁、乌龙茶混合，再放系精致既玻璃球入面。粉红色既外表配搭透光度，加上干花同碎叶既配衬，吊系空中瞬间有种梦幻般既感觉。饮落有淡淡既茶香，同时酒味相对较浓郁，但相当顺喉，几好饮。▪ I’m Pink - $118▫ 创造粉红时代既时刻要来了，同酒吧主题完美切合既Cocktail，用左Rose Gin做底，加入士多啤梨、Citrus、鸡蛋混合。饮落口感细腻，带少少酸酸地既味道，反而酒味无咁浓，散发住清新既果香，几易入口。两杯Cocktail既卖相够哂IGable，迷倒一众少女心呀。📌S h i s h a -♦️Blush Signature - ▪ First Kiss - $430 (+30) ▫ 由Staff推荐呢款比较易入口，唔太重身既flavor，比较适合食shisha既新手。而当中呢只signature会用左Dark Leaf既烟膏，所以香味特别，加上有淡淡既Lime味，成个感觉好舒服，唔会太呛，唔错。
继续阅读
好闺蜜嘅咪带我嚟中环有间佢话必到嘅粉红色酒吧happy hour 食下嘢饮下嘢一入到去地方唔算话好大 但成个装修都系以粉红色为主题 每一个座位都系相当阔落 打卡影相完全冇问题😛 Waygu beef bolognese牛肉酱味道好浓郁 意粉 湿度啱啱好 唔会唔够酱干争争 亦都唔会话太湿润影响口感 面条弹牙 仲有香浓嘅芝士味😋Kimchi and ham grilled cheese一上菜嘅时候吓咗一跳 因为份量都有啲惊人！ 薯条炸得热辣辣脆卜卜 而且调味适中 唔会好似出面食开嘅咁咸 多士表面烘到香脆 口感松化 有落去有热溶咗嘅芝士同埋韩式泡菜 好似揾款唔同嘅嘢但味道却意外地 match 而且食落去仲减少咗油腻感👍🏻 Coffee or me上面系绵滑嘅cream 底下嘅咖啡酒香醇味甜 钟意饮咖啡嘅人应该几钟意 连衬托嘅棉花糖烤到焦香 入口即融 😋Amour单睇外型已经非常之靓 悬吊嘅cocktail 味道系有少少似火龙果 饮落去果味清新 唔会死甜 唔会好劲酒精 啱晒女仔饮🥰
继续阅读