影片
港铁铜锣湾站 F 出口, 步行约4分钟
继续阅读
开饭介绍
来自台湾的人气甜品店，主打朱古力蛋糕，另有数款季节性蛋糕。朱古力味浓郁，加上型格包装，足以令一众朱古力迷神魂颠倒。
继续阅读
营业时间
星期一至日
11:00 - 21:00
以上资料只供参考，请与餐厅确认详情
食家推介
相关文章
想试左好耐，结果无令人失望。可能对某啲人嚟讲佢苦左啲，但喜欢dark chocolate嘅人会好欣赏，因为佢嘅苦味自然浓郁带一点点酸。蛋糕同朱古力比例刚好，而且蛋糕好湿润，唯一缺点系真系贵左少少，因为个size都真细，大约40会比较合理。
继续阅读
喜欢食朱古力嘅人 系会有一种执著的甜度 浓度 香滑度等等 对小妹而言 black as chocolate完全满足到我真系好喜欢佢地黑白简约嘅装修有一种冷冷嘅感觉😌之前已经食过佢地6寸大嘅蛋糕 不过坚饱睇OP知佢出左迷李款 岩晒我自私食😂焦糖香蕉朱古力蛋糕 喜欢佢一圈一圈嘅焦糖浓浓嘅朱古力蛋糕夹著香蕉粒粒微微嘅甜带著香蕉味道 蕉迷大爱另外㨂左个黑加仑子草莓朱古力蛋糕 蛋糕表面平平无奇 中间夹有黑加仑子味嘅啫喱重有酸酸甜甜嘅鲜草莓 口感立即丰富起来蛋糕质感样软熟 朱古力迷嘅我表示满意😙
继续阅读
Black as Chocolate喺台湾多个地方都有店舖，但偏偏上次去台北就因为附近冇得泊车而去唔到，既然铜锣湾都开咗咯，咁就去铜锣湾呢间试吓啦。成间店舖冇花巧嘅装饰，以黑白为主调，有魔鬼＆天使嘅意思咁解。蛋糕盒系黑色，够晒型格又神秘，附送恶魔叉或天使匙羹焦糖香蕉朱古力蛋糕 ($54)一打开个盒，朱古力香浓嘅味道已经涌过嚟，切起来可以见到入面一层一层嘅香蕉及朱古力蛋糕，够晒层次；朱古力味道虽然冇经典巧克力蛋糕咁浓郁，不过有啲抢咗香蕉嘅味道，可惜...经典朱古力蛋糕 ($48)选用12年全熟可可树嘅可可豆，传闻一个6吋蛋糕用咗300粒钮扣朱古力，咁我呢个系2吋，即系应该都用咗100粒啦？！成个蛋糕由外到内都系朱古力，所以每一口都有浓郁嘅口感；朱古力浆外层好似识发光咁，但食落软绵细滑，味道非常浓醇带微甘又唔会超甜；海绵质地嘅蛋糕就好湿润，中间再夹多一层劲厚嘅朱古力酱，虽然蛋糕半身冇乜朱古力味道，但加上朱古力酱之后就朱古力山洪暴发咁喇，钟意食朱古力嘅朋友一定开心到不得了
继续阅读
一早已听过BLACK AS CHOCOLATE的大名，它的品牌形象有点像几年前同样风魔不少朱古力控的AWFULLY，所以都有点好奇两者味道上的分别。不过3间BLACK AS CHOCOLATE的分店都离元朗有点远。碰巧是日有事出铜锣湾，就来朝圣一下。店内装潢颇有型格，而黑白为主题，还摆了几张櫈，让顾客可以即场享用。我就打算外卖回家，蛋糕需冷藏，职员话可以在室温保持2HR，所以真的要行快两步回家才行XDD所有蛋糕都有2个SIZE，2寸和6寸。爱尝试新东西的我们当然选了2寸，务求预留多点位置给胃。是日5：30PM去到，出名的香蕉朱古力味已经售罄，不禁有点失望。－－－－－－－－－－－－－－－－－－－－－－－－－－－－选了店内招牌"榛果朱古力蛋糕"（$52），朱古力十分优质，味道非常Rich，少少苦，约70%，浓而不漏，完全是我喜欢的浓度！因为朱古力蛋糕与榛子朱古力酱层层相隔，所以蛋糕也能保持湿润绵密，上面还加了脆脆，增加口感。黑加仑草莓朱古力蛋糕（$54）和榛果朱古力蛋糕有点相似，只是中间变了黑加仑子味忌廉夹士多啤梨果肉。蛋糕一样松软湿润，蛋糕甜度适中，我个人觉得这个更有惊喜，黑加仑子忌廉酸酸甜甜令蛋糕更加清新（也没那么邪恶XD），蛋糕整体的口感也更加丰富和有层次。不知是否职员见我买2个蛋糕，所以她直接给了我恶魔叉和天使匙羹呢！！十分有趣的餐具，大爱！蛋糕质素确实高，我觉得BLACK AS CHOCOLATE 没AWFULLY那么济（不过都有可能是因为上次吃大SIZE），好好吃！！吃完都已经心思思想试埋另外两款呢～可惜价钱的确略贵
继续阅读
1089 浏览
大肥爸爸因要注意饮食，不宜外出，适逢妈咪同小肥生日月份也得留在家中庆祝。 大肥要戒口，寿星仔女就决定第一炮先拣食爸爸一向唔多钟意食o既朱古力口味，等佢冇得食都可以好过少少 。朱古力蛋糕购自台湾过江龙「Black As Chocolate」铜锣湾分店，离公司步行都唔洗十分钟，对细佬黎讲真系够哂方便。店舖黑白色o既装潢同之前去过𠮶间太古城分店都有七分相似，两款大小蛋糕模型及配上不同颜色丝带o既礼盒造型陈列喺正门旁o既木柜上，极之当眼 。墙上贴有四款主打蛋糕，亦即「经典朱古力蛋糕」（$368/六吋）、「榛果朱古力蛋糕」（$388/六吋）、「焦糖香蕉朱古力蛋糕」（$398/六吋）、及「黑加仑草莓朱古力蛋糕」（$418/六吋）o既靓相。妈咪最爱黑加仑子，所以唔洗多谂就拣咗个六吋「黑加仑草莓朱古力蛋糕」 。随蛋糕附送自选恶魔叉或天使汤匙一套、蛋糕刀、及金蜡烛，全部都巧妙地收喺蛋糕底o既暗格内。庆生当然系要拣条鲜艳啲o既粉红色丝带啦，妹妹仔以九秒九高速捆绑好礼盒 ，效果好时效率又高，并细心叮嘱蛋糕有尝味限期，而且必需冷藏，喺室温最多只可保存两小时，最好都系即日内食完。因外出正落紧微微雨，为怕蛋糕盒途中被淋湿，所以就应妹妹仔建议，加$25要咗个透明防水胶袋，攞返屋企时妈咪见到都大赞有品味 ，美观又实用。中国人生日都爱见鲜美o既颜色，深啡色面o既朱古力蛋糕真系未必人人会受落，为咗要吸引大众以朱古力蛋糕贺寿，品牌其实可以花啲心思美化一吓糕面 ，最起码都要提供朱古力生日牌服务，并从生日牌设计上落啲功夫，添返少少色彩。三层高o既「黑加仑草莓朱古力蛋糕」底层同面层同为松软湿润，香浓醇厚o既微甜朱古力蛋糕 。中层粉紫色o既黑加仑子味忌廉清香软滑 ，夹入新鲜爽甜o既日本草莓极之轻巧健康，芳香甜美！台湾名店「Black As Chocolate」出品o既朱古力蛋糕水准高企 ，$418看似昂贵，但糕品质高美味，包装精美实用，个人觉得绝对物有所值！
继续阅读