Bittersweet

营业中

休息中

私心推薦呢間喺聯和墟好多年嘅小店，住開呢頭嘅朋友應該都知，好抵食，而且好味，仲好有心，佢地嘅Menu都係人手畫，非常cute~Tea嚟講好推薦鬆餅餐，之前都試過香蕉朱古力鬆餅，今次再encore，食落外乾內軟，面頭有D nuts，香蕉同朱古力味都好出，配埋杯伯爵茶Latte非常正，鍾意試佢地嘅特色Latte，好多唔同選擇~比較推薦嘅有：黑芝麻Latte、海鹽焦糖Latte、紅豆Latte，平時出面閒閒地都$3/40一杯，佢地只要加$8就飲到，仲要係好飲嘅Latte！煙肉焗薯蓉第一次叫，都係好食，多士上面都好多牛油蒜茸醬，暫時未搵到性價比高過佢嘅caféP.S. 而家開鋪唔容易，每隔一段時間嚟都會見到佢地推出新餐，由原本brunch set到有埋lunch set，後尾仲日頭做café，夜晚做串燒，好欣賞佢地咁有諗頭，經過都可以支持下佢地~

今日過嚟聯和墟陪阿囡食lunch，唔知食咩好，又唔想去茶餐廳同人搭枱，行行下見到呢間Cafe唔係好多人，諗住求其食個午飯就入去試下，打開 menu都幾啱我同阿囡口味，叫咗咖哩豬扒、牛油果雞肉多士、雲尼拿雪糕熱香餅同飲品，整體味道唔錯，服務態度都好好，唔錯。

叫外賣又唔係平過堂食，等外賣嗰陣完全唔畀你坐喺度等，但係明明有好多吉位，起碼有四五張吉枱，都要趕我哋出去！好喇，企喺門口入面等都唔比，一定要企喺門口出面，大熱天時三四十度，入面又唔係人多！同佢理論話其實我個餐冇平到，點解唔畀坐喺度等，完全唔識轉彎！咁我話，如果而家即刻話堂食咪可以喺度坐囉？！佢唔知係聽唔明，定扮聽唔明，依然同一句說話就係，話外賣所以冇得坐。食物質素好一般，又唔係平，咁嘅服務態度，真係搵鬼幫襯。附近今日發現已經有四間執咗笠，應該他朝君體也相同！

服務一 '流'平安日放假想外出行吓及食吓嘢，去到粉嶺雄泰休息，就去附近搵食。11：5xam 入去，睇咗餐牌落 order，想點午餐話十二點鐘先可以落單，但係以人座時間計，所以只可以單點，或者叫早餐。我問如果係咁，點解入嚟你唔同我哋先講清楚，佢就全程黑面不作回應，我哋再看餐牌，個個矮矮瘦瘦面有惡痣嘅女人就話就快連早餐都冇得叫！食物一般，正正常常，不太差也不太好。嗰杯鮮奶咖啡，非常淡口，冇乜咖啡味，有冇乜奶味！食完之後，家人話其實一早想起身走，唔x想喺度食，並且全部人都話一定永不回頭！在聯和墟 fb 出 post 後，大部份回應都係負面，特別係服務差，香港現在食嘢唔好話要什麼服務，想平平靜靜吃一餐也不容易🤮

由原先舊地址開始食起，每次都要排隊😝老闆人情味濃，我們已經是常客☺️加上住喺附近，唔想出太遠，又想食合格嘅all day，推介呢一間，性價比極高 ，而且選擇眾多可以自由配搭，另外，咖啡好飲過連鎖適應店

Bittersweet 以我理解，苦中甜，苦中作樂😊🍂秋天假日懶洋洋，瞓到自然醒😅下午茶☕️時段去了bittersweet 吃下午茶，2 人點了2 份All Day Breakfasts:-1. 煙三文魚，蛋沙律🥗，菜沙律🥗、乳酪配 貝果🥯 bagel 煙三文魚好味，乳酪份量同味道ok, 菜沙律🥗有生菜，粟米🌽粒、紫椰菜🥬配沙律醬 ； 如果改用黑醋及加車厘茄, 我覺得會好啲。飲品加 $8 轉了 Rock salted caramel latte 岩鹽焦糖咖啡☕️， 味道洽道好，啱啱好👍🏻👍🏻👍🏻2. 煙肉🥓，雞肉腸，蛋沙律🥗，菜沙律🥗，乳酪配牛角包🥐熱葷煙肉🥓及雞肉腸都好味😋，其他沙律🥗配菜已在項目1 評了，要改善的地方。飲品加 $8 轉了玫瑰🌹牛奶咖啡☕️，Rose Latte, Um. 咖啡味出，呢間小店咖啡豆估是用料，所以兩杯都啱啱好👍🏻 但如果Rose Latte 加返1-2 粒玫瑰🌹花襯托就更加好😉以上2 份 All day breakfast ， 食物🥘整體來說ok, But 貝果🥯 是全部食物中，冇想到是最差😕👎，好多餐廳食肆多是訂購其他麵包/ 烘焙供應商，如果是，請考慮及了解

繼上次買咗杯外賣咖啡，覺得比之前好飲咗，今次短時間再返去試吓個下午茶。呢日下午茶時間見有啲餓，除咗飲咖啡之外都想食啲嘢，於是睇吓menu有咩食～見到有個吞拿魚蛋沙律牛角包，連野飲都係$42。本身無諗過咁大份，以為下午茶時間應該細細份，點知嚟到係用大牛角包，入面仲要各一球雪糕球咁大嘅吞拿魚同埋蛋沙律，非常有驚喜！（食食吓先記得影相😂影得樣衰咗少少🤏🏻）不過相對上杯咖啡就細杯啲，不過呢個價錢細杯啲咖啡都合理～如果有得加錢，要埋杯大咖啡就正喇🤭

上回提要，平時去開聯和墟嗰間Cafe無咗，於是開始試返其他咖啡店。上次試咗另一間，都係外賣，但杯咖啡太細杯，今次再試另一間！Bittersweet未搬舖之前已經幫襯過，但一直以來覺得佢啲咖啡偏苦，所以少去。今次再試外賣，有size分，大杯裝$38，個杯比平常咖啡杯再高身啲，呢個價錢都幾好喎。今次買返屋企飲，咦，無咁苦喎，咖啡味都幾香，而且呢隻大杯size好開心，個份量先夠飲😆😆 可以encore喇～

All day breakfast ：剩係All day breakfast都有好多款選擇，花多眼亂，我揀咗有：全部都我鍾意食嘅：蒜蓉多士、水果乳酪、炒蛋、煙三文魚。炒蛋幾滑，整體偏向住家菜感覺，沒有味精。擺盤漂亮，好吸引。冷泡茶：是桂花味冰凍冷泡茶，無糖健康，而且好大支。

青醬雞肉意粉/意粉軟硬適中。雞肉好柴無脂肪，適合減肥人士。青醬突出。本來配有沙律，但店員話賣哂，所以無，但點餐既時候又無同我講，意粉到咗 就話無沙律。我認為無沙律至少都要俾其他補償。熱latte/咖啡味濃，奶泡沫也多，香濃幼滑。

話說我有好多新界牛嘅朋友我放假冇乜嘢做就會北上搵佢哋開早餐會😂呢一間Cafe提供好多款式嘅早餐價錢親民款式繁多味道水準之上令到我哋早餐會encore咗好多次我哋通常都係叫呢一個百搭早餐⤵️厚多士🍞/全麥多士🌾/牛角包🥐/班戟🥞/Bagel🥯配下列任選三款:炒滑蛋🍳/煙肉🥓/香腸🌭/雜菜沙律🥗/火腿🐷/粟米🌽/生果🍌/蛋沙律🥚/吞拿魚🐟/豬柳🥩/乳酪杯🍦/茄汁豆🥫配鮮奶咖啡☕️/冷泡茶🫖/柚子茶🍹首先佢嘅上菜速度係幾快可能因為係食早餐嘅關係啲材料全部都唔係太過需要烹調佢嘅炒滑蛋係幾出色應該落咗牛油同牛奶幼滑有蛋香個吞拿魚係加咗沙律醬同埋粟米用雪糕勺一球咁筆出嚟我本人唔係太過喜歡沙律醬但係佢呢個吞拿魚拿捏得個味道係啱啱好好鮮甜唔覺得有酸餿嘅沙律醬味道非常可觀沙律菜亦都新鮮份量都好多係我必點之選不過我見如果係揀生果就會係幾粒香蕉加幾粒火龍果份量比較少所以我唔建議大家揀生果😂再配埋個Pancake都只係$43🤯但係佢個Bagel就要加$15有啲貴喺IKEA買一個都只係$10🙄嘢飲方面佢嘅鮮奶咖啡係幾出色唔使加錢仲有埋拉花極度適合打卡為美好嘅一天節揭開序幕Aloha!😘呢間Cafe真的私心推介希望大

📍Bittersweet (粉嶺)粉嶺聯和墟聯興街31號地舖體驗：狗狗可以坐於店內半露天地方，活動空間不太多，大約可放3張枱。沒有狗狗menu , 只可以陪坐陪食：）1. 牛油果炒蛋貝高包 牛油果蓉很香滑配以沙律菜及香滑炒蛋 很夾雖然經常食到，但係牛油果肉很用心成為果蓉，大小合一，滑中帶香。 值得試❤️❤️❤️2. 烤杏仁咖啡 杏仁味香口，每片炒得很香加試奶味重的咖啡，感覺可以帶出杏仁香，未試過這款飲品可以試❤️❤️❤️❤️3.焙茶咖啡焙茶味濃郁配合咖啡味很夾飲下去，很舒服，沒有苦澀味可以一試❤️❤️❤️