影片
食家推介
招牌菜
食记 (28)
Weekend训到晏一晏先落街揾食！走左去鲗鱼涌太古坊果边，经过呢间小店，见到门口张餐牌整得好有心思好特别，所以停低左望下，本来都系埋去望下个餐牌，点知老板娘见到我地企喺门口望，就走左出黎介绍，推介左几款午餐，见老板娘咁有诚意，午餐嘅价钱又唔贵就走入去试下。餐厅好细，唔够十张枱，但系环境亦算不错，唔会太迫，感觉骨子，整体亦干净整洁。我叫左秘制马来肉骨茶配烧猪仔脾同白饭，老公就拣左招牌龙虾浓汤配原只海虾、免治鸡肉同野菜泡饭。order 午餐可以以半价加点饮品，我拣左水蜜桃茶，老板娘好细心主动问我需唔需要少冰或者走冰，有时候就系呢d细微嘅位令客人记住呢间餐厅呢！肉骨茶系马来西亚式，药材味浓，但隐隐约约亦食到少少新加坡式肉骨茶嘅胡椒味，听老板娘(其实佢并冇话过自己系，只系我同老公都当佢系！哈哈！）讲佢地系综合左马来西亚同新加坡嘅口味，不过唔理佢咩味，最紧要系好好味就得啦！饮完肉骨茶真系成个人暖哂，好舒服！猪仔脾腌得唔错，咬落亦唔会太硬，肉好容易离骨，确实唔错！点知老公嘅泡饭原来比我嘅肉骨茶更加出色，大大只海虾爽口弹牙，绝不欺场！最正系个龙虾汤底！真心甜加鲜味，绝唔会过咸，老板娘话系每一日用波士顿龙虾新鲜肴制，再加上大量五颜六色嘅蔬菜，又好味又有营养！最重要系食饱之后完全唔口渴，对于对味精非常敏感嘅我黎讲绝对系非常好！香港地已经愈来愈少家庭式经营嘅小店，好多都系连锁式食肆，所以身为百分百香港人嘅人都一定会支持支持！更可况食物质素确系高呢！我同老公都话一定会翻兜呢！
继续阅读
「梦」与「爱情」从来都是密不可分的，爱情为追梦旅程缔造原动力，点点滴滴交织成梦想的天梯。 踏入海堤街的太古坊小苏豪，蕴藏著由夫妻档经营的温馨小店，由老公下厨，老婆试味，完美展现爱与梦想的交替，多年来努力不懈实现心愿，满足味蕾之余，顿时心里泛起一丝暖意。 Bistro Lobby小店大厨绝对名不虚传，大厨Kelvin为星级大厨Harlan G的弟子，曾任著名五星级酒店大厨，小店食物质素具五星级酒店水准，热情有礼的老板娘贴心照料著每桌来宾，难怪电视台美食节目争相推介Bistro Lobby，两口子暖心追梦情怀真教人羡慕！ 海堤街旺中带静，两旁布满特色小店，难得市区中享受片刻宁静，Bistro Lobby装潢简洁雅致中带个性品味，门面平凡不花巧，甫进门便感受到回家的感觉，属香港难得的慢活优闲私房餐厅，让人身心放松。 砂煲焗海鲜饭 ($78) 大厨Kelvin不断钻研新菜式，小店必吃菜式当然包括砂煲焗海鲜饭，发挥创意利用煲仔饭crossover西班牙海鲜饭，中西合璧刺激味蕾。砂煲焗海鲜饭用棕色砂煲盛载著，老板娘细心提示砂煲烫热要小心，卖相精致亮丽，砂煲可保留焗海鲜饭余温，热气令米饭更吸收海鲜精华。 砂煲焗海鲜饭的亮点是浓厚杰稠的茄酱，大厨专程利用茄膏加上新鲜蕃茄煮成，质感零舍浓厚，品尝到原汁原味的茄酱味道，渗透入每粒米饭当中，令西班牙海鲜饭层次升华到另一层次。砂煲焗海鲜饭入炉前于顶层铺上芝士，焗至金黄色令人垂涎欲滴，瞬间飘出阵阵芝士香气，海鲜份量十足，半溶化芝士埋藏著青口、带子、墨鱼仔、虾、蟹拑、鱿鱼，用料绝对不欺场。 法式干邑龙虾忌廉汤配迷你脆多士 ($42) 龙虾忌廉汤确是大厨心血之作，每日用以大量龙虾头熬制汤底，秘诀就是加上龙虾膏共同熬煮，用料讲究每天鲜制，一入口便品尝到自家制的独特魅力。龙虾忌廉汤面层细心放置迷你脆多士，卖相相当具备心思，迷你多士咬落香脆爆发蒜蓉香，与龙虾忌廉汤有互相辉映之效。 细心品尝新鲜熬制而成的龙虾汤，首先舌尖上感受到一股浓烈鲜味，继而散发出啖啖龙虾膏香气，之后喉咙爆发浓郁的干邑酒香，口感异常滑溜甘香，味道层次感丰富无比，确实属上好的龙虾汤，令人一试难忘！ 美式烤猪肋骨伴蜜糖烟烤酱 ($168) 美式烤猪肋骨份量十足，上枱顿时散发浓厚烧烤香气，令人嗅觉味觉为之一振！美式烤猪肋骨的重点在于自家秘制的蜜糖BBQ酱，甘甜中带有点点烤香，顶层涂上厚厚的一层蜜糖，反映大厨对酱汁的一丝不苟精神，完美勾画出烤猪肋骨独特鲜味，实属大师作品！烤猪肋骨火候控制得恰到好处，完美锁紧肉汁，散发香浓焦香肉味，骨肉轻易分离，肉质非常鲜嫩多汁，毫无难嚼之感，不愧为出色之作！ 印尼巴东咖哩牛肉饭 ($55) 巴东咖哩牛肉饭这个菜式真的不得不提，肉质嫩滑程度直教人惊叹，牛肉做到嫩而具嚼劲，入味而保留牛肉原始鲜香，确实令人难以忘怀！印尼巴东咖哩酱汁飘散香料味道，惹味中带点辣香，重点是酱汁与牛肉融为一体，渗透到牛肉筋腱底层，配上入口既溶化的鲜嫩口感，绝对属不可多得的佳作！ 日式照烧乳鸽 (需预订) 大厨Kelvin创新利用日式照烧汁烹调中式乳鸽，烹煮过程绝对非常考功架，首先利用慢火煮至八成熟，最后两成用高温把乳鸽表面焦糖化，所以完美锁住肉汁，营造到外脆内嫩的效果！重点加上自家秘制酱料，品尝到日本照烧汁风味，烧汁与乳鸽肉汁互相辉映，面头散发一丝甜意，绝对是不可多得的心思佳作！ 法式脆焦糖炖蛋 ($36) 一顿完美的法式西餐怎可缺少甜点呢？法式脆焦糖炖蛋乃小店镇店之宝，当然要专程品尝大师级之作品，以Crème brûlée作结！法式脆焦糖炖蛋用木盘盛载著，精致地以玻璃碟呈上，Crème brûlée中间挤上忌廉，再细心以蓝莓作点缀，炖蛋上的焦糖烤至金黄色，卖相简单吸引，令人按奈不住！ 轻轻用匙羹敲破面层焦糖，烤香焦糖非常香脆透薄，瞬间与炖蛋融为一体。浅尝一口，Crème brûlée质感非常creamy幼滑，入口秒速融化于口中，渗出阵阵浓厚蛋香，香郁忌廉味不停在口腔内徘徊，口感丰腴十足，原来大厨用上比例较多的忌廉，不计成本务求达致完美口感，忌廉和奶形成黄金比例，味道浓郁之余又不会过腻，果真令人难以忘怀！ 意式咖啡Baileys甜酒奶冻 ($34) 再品尝意式咖啡Baileys甜酒奶冻，确实令人喜出望外！奶冻面层细心倒上Baileys甜酒，轻轻盛载一口，液体的Baileys与固体的奶冻在口中互相辉映，入口溶化并黏于口中，顿时爆发浓厚酒香，甘韵荡漾，咖啡配上酒香迅速飘到喉咙，加上粒粒咖啡啫喱，好吃程度确实令人非常惊喜！ 美食刺激味蕾感受之余，最令人感动的是夫妻档温馨情怀，抱著一份对美食的执著，不断钻研创新菜式，凭热诚努力追梦，难怪获美食节目一致好评，绝对值得支持！ 「最佳的调味料，莫过于心灵情怀！」
继续阅读
星期五当然要同同事出去食番餐好少少既，就拣左呢间好家庭feel既餐厅~由于星期五既关系，真系好多人，基本上一到lunch time成条街都系人，我地等左差唔多10分钟就有位~其实见到餐牌样样都好想食，但个乌冬我记得好似系铁胆黎，次次都有既，所以今次就试下其他~日式黑芝麻咖哩豚肉杂菜饭，开头食以为只系少少辣，点知愈食愈辣，好彩都顶得顺肉好嫩，加上有好多菜，感觉好健康~呢个就系经常系menu见到既叉烧猪骨浓汤讃岐乌冬，有一大堆菜系面，另外都有好多粟米，乌冬都好烟un~朋友就叫左原只盐焗胡椒纸包鸡腿饭~一打开即刻闻到好香~而已鸡腿都好大只整体黎讲，食物质素不错，系逼左少少，但老板娘都好nice，哈哈
继续阅读
已经食过差唔多10次，因为好好食。🍲😋以往在星期日lunch time，有时都要等位，因为成班人去⋯⋯今日（星期五）可能☔️关系，竟然唔洗等，😁推介：虎虾汤饭 🍲👍🏻👍🏻👍🏻极上海鲜乌冬都好好。用心做嘅 fusion dishes. 🍜 很欣赏。老板娘服务态度好、有效率、细心！👍🏻👍🏻👍🏻另外，不能错过 bailey's pudding 🍮It is so GOOD!!!I'll be back!!! (again)
继续阅读
最近开左open rice 嘅account 学人写下食评刚刚经过楼下呢间小店令我记起好多年前嘅经历好想喺呢度分享....当时我刚搬进鲗鱼涌发现呢间小店，夜晚同屋企人食过几次，食物唔错起码唔会hea 煮,服务态度几好，觉得可以长期帮衬。之后有次星期六下午见到佢地有午餐,谂住夜晚食过几次都ok,就试下午餐啦应该唔差得去边。首先唔讲食物质素,我同妈咪坐低点餐嘅时候冇留意原来指定左餐茶，唔记得系桃茶定乜，我就讲左句：热奶茶吖唔该（自己谂住最普通野), 点知𠮶个老板娘即时黑面劲倔答我：冇得拣呀!! 指定左架喇!! (语气似系有野比你饮仲拣!) 重点系好黑面，我个心离一离点解态度同夜晚180度唔同?!唔通因为午餐平D你就当我乞衣?我点餐时态度仲好好冇野得罪佢㖞，我睇漏眼你都唔洗咁嘅态度..当时亦只系得两枱客好清闲，食物质素就麻麻喇。我仲记得𠮶日好大雨，佢开左度门见到出面有人企喺度避雨，突然佢又大好人咁笑晒口对住佢地,但我地喺入面帮衬紧你嘅反而要受气？呢个女人好奇怪我觉得。我都有谂可能我谂多左啫,点知到埋单时佢找番$比我地时一样,一手掉低D钱多谢冇句keep 住黑面，我心谂你觉得咁蚀就唔好做下午啦，我唔肯定今时今日星期六佢地仲有冇午餐,只系知道weekday 有但行过见到好似其他人负责招呼，唔系佢隔左都有一年，有次夜晚放工我屋企人想食西式野，冇乜选择下再食呢间贪佢近又唔太贵，佢又变番笑晒口对我地同上次午餐嘅佢完全系两个人！我冇夸张架，但𠮶次亦系最后一次帮衬。亦唔会再帮衬喇..我觉得做生意唔系咁啰，午餐就算赚少D人地都系比紧$食野，唔系免费架，呢D就系人格嘅高低喇..如果唔系𠮶次经验，我都会一直觉得佢几好人好热诚正如其他食客一样。早排见过佢星期六下午时候企喺门口sell 路人，佢望住我地笑笑口（可能认得下我地）但我地冇理佢喇....相信佢自己都唔记得好耐之前曾经露过真面目对人又比人记得喇
继续阅读