Bestow

营业中

休息中

期待非常的烏龍茶芝士蛋糕味道普通，完全冇茶味，絕對不值$60。我們點了3個蛋糕，兩杯咖啡、Latte, 全部味道麻麻，大概人均消費$118，不推介。順帶一提，同前面部份人留言一樣，感覺服務人員態度不太好，本來見評分高特意去試的cafe, 令人非望。

之前已經介紹過呢間旺角嘅甜品Cafe，主打精緻甜點同精品咖啡，環境舒服，打卡又靚✨最近見到佢哋出咗全新夏季限定芭菲，完全中我心😆即刻約朋友再去試返幾款甜品！🍊夏旬の柑橘・澄黃芭菲 $140呢杯芭菲簡直係夏天嘅代表作🍋佛手柑雪酪酸酸哋，好清新醒胃，第一啖已經令人refresh哂；中層柚子乳酪甘酒雪糕質感好滑，帶微微酒香🍶，又唔會搶味。最驚喜係上面脆脆嘅玄米茶蛋白餅，濃郁茶香中和咗其他層次嘅酸甜感，超出預期！底層仲有日向柑、果凍同蜂蜜雪糕，口感豐富多變，食完唔覺heavy，真係值得一試🍮焦糖布丁配白蘭地雪糕 $68白蘭地雪糕一出嚟已經聞到酒香🍷，但食落唔會辛，酒味融合咗奶香，好順口；焦糖布丁口感結實中帶滑，蛋香明顯，焦糖味微苦，有啲成熟感，唔係得甜咁簡單👍🍈日本北海道夕張蜜瓜鮮奶油蛋糕 $68蛋糕海綿質地好鬆軟，鮮奶油非常輕盈冇負擔，但夕張蜜瓜果肉就偏少，夾層只係薄薄一片，略嫌唔夠驚喜，未能完全展現到夕張蜜瓜應有嘅甜香。Bestow Coffee依然係一間非常高質嘅甜品店，尤其今次夏季芭菲真係有創意又清新，非常適合炎炎夏日嚟一杯！焦糖布丁都值得推介，而蜜瓜蛋糕就可能期望過高有少少落差。不過

Bestow always have some stunning season parfaits and this season was strawberry matcha.The parfait came and it was such a visual pleaser. Despite it being so large, in view of its matcha and berry based flavors, 1 person definitely can finish this with ease. The contrasting textures of each layer made the parfait more fun to eat. My favorite was definitely their Sorbet. Besides the strawberry flavor, there was a hint of sake to it making it even more refreshing.  Looking forward to their next se

啲嘢幾好食，幫襯過好多次，但係啲店員真係好西口西面，我已經好好禮貌佢哋都咁😓唔明咁西係為乜。。希望店主留意返叫啲員工改善吓，因為真係幾好食都好影響成個用餐感受

一直想試呢間Cafe嘅芭菲杯好耐，今次見到係抹茶同草莓嘅組合就真係忍唔住要約朋友去試喇😍 ⭐️ 冬の莓・抹茶草莓芭菲 ($155)❤️9.0芭菲杯有勁多層次，配料同雪糕雪酪都店內全手工製作，真係好有心思！ 而且睇落勁賞心悅目，味道仲令我諗起喺大阪食過嘅芭菲，完全冇令人失望💕日本草莓大吟釀雪酪同宇治抹茶雪榚單食都已經好好食，兩者味道濃郁，特別係草莓雪落好清新✨ 配上黑糖麻糬煙煙韌韌好正🥰 仲有抹茶曲奇同海綿蛋糕、牛奶寒天、草莓蛋白餅同埋草莓脆片等等，真係每一啖都充滿口感同味道嘅層次，超級享受🥹 一大杯兩個人分享就啱晒啦💕⭐️ 蜜柑鏡餅慕絲蛋糕 ($68)❤️7.8可能因為芭菲杯太令人經驗，所以呢個慕絲蛋糕就相對普通少少～但其實佢都唔錯㗎！ 首先外型超得意，外層係薄脆嘅朱古力，入面係牛奶慕絲、椰子慕絲、日本蜜柑凍同埋開心果甘納許等，味道走淡麗路線，但都食得出當中嘅層次同埋心思✨

入到去放低野諗住出去order，男店員問完堂食定外賣，就一句「堂食拎張menu返去睇」車埋嚟，態度極差，全程西口西面，好似我地欠咗佢咁🤣🤣無謂比錢買難受🙏幫襯前請三思😅

上次喺threads分享呢間Bestow Coffee，特別推介過佢哋嘅季節限定芭菲🍨，以當季食材做主題，非常有心思。前幾日終於食到而家冬季嘅草莓芭菲🍓絕對係心機之作！✨冬の莓·抹茶草莓芭菲 $155賣相非常精緻，層次豐富鮮明，多達16款配料，全部都係店內人手製作，絕對唔簡單好有誠意！草莓大吟釀雪酪有驚喜，淡淡酒香，非常清新👍🏻宇治抹茶雪糕茶味濃郁，配埋其他草莓製品同黑糖麻糬可以中和甘苦味。幾鍾意草莓脆餅、蛋白脆同朱古力脆，口感豐富，平時亦都少機會食到😋中層嘅抹茶風乾蛋糕都好特別，好似曲奇嘅口感。下層嘅寒天味道較淡，適合做芭菲嘅收尾。✨草莓烏龍茶麻糬巴斯克芝士蛋糕 $65面層草莓奶凍質感輕盈，味道香甜，同烏龍茶好夾。茶味突出、有回甘🍵又唔會蓋過芝士味，平衡得啱啱好。蛋糕質地偏紮實，唔係軟滑嗰種。略嫌麻糬太軟身，如果可以軟韌多少少就好啦已經第7 8次回訪Bestow🫶🏻甜品水準真係冇得輸，期待佢地下季嘅甜品🤩

這次是我第三次吃Bestow Coffee的出品，目標明確，今次是為了草莓季限定的”冬の莓抹茶草莓芭菲”而來，不負眾望的，芭菲讓人一見傾心，外觀非常精緻，透明的杯子裡堆疊著層層分明的食材，面層分別有蛋白脆餅、草莓朱古力脆脆、水晶脆糖、草莓脆片，除了必備的抹茶雪糕，還有一球日本草莓大吟釀雪酪，少不了新鮮的草莓片。一口下去，抹茶的濃郁甘甜，與雪糕的綿密口感完美融合。草莓的酸甜恰到好處，每一口都充滿驚喜。比較特別的吃到中間一層，還有風乾的抹茶蛋糕片，口感有點硬脆像曲奇，分隔開底層的抹茶寒天/牛奶寒天，新鮮的食材與精緻的擺盤，絕對值得每一分，實在好難得香港有這麼出麼出色的芭菲杯。冬の莓抹茶草莓芭菲 $155後記: 因為這個芭菲是季節限定，剛好朋友仔從美國回來，好驚食唔到，謝謝店員讓我在ig預留🥰

旺角嘅街道一向熱鬧，但喺人潮中總想搵個清靜嘅地方歇一歇，Bestow Cafe就係我已經去過四五次嘅心水之選。今日想同大家分享嘅玄米茶豆腐慕絲蛋糕，真係值得推薦！蛋糕嘅豆腐慕絲滑到極致✨，入口即溶，帶住陣陣豆腐清香，細膩又唔膩口。而內層玄米茶濃郁茶香係甜品嘅亮點，回甘悠長，完美配搭慕絲層，整體味道輕盈，食完毫無負擔感，令人回味無窮。呢間高質日系甜品Cafe喺旺角鬧市中顯得特別珍貴，環境清靜舒服，好啱喺行街行到攰嘅時候上去休息一下。甜品精緻好食，每次嚟旺角我都忍唔住再去光顧！評分：9/10🌟非常推薦俾鐘意日系甜品嘅朋友！

見有好多Foodie都介紹佢既聖誕蛋糕，而我上年都有幫襯過佢食一次，平心而論野食係好食嘅，但店員態度真係差到一個點。今次諗住book放工速食件聖誕cake啦，自問有禮貌咁問佢book 18:30旺角店啦，個店員一句得埋黎，「旺角店18:00 last order, 18:30 close ok?」。我以為自己睇錯時間啦，但呢間野又真係無論openrice同ig都係寫自己19:30 close喎，咁係我對香港嘅時間有誤解定佢有時差？好啦佢發現自己柒左，仲話自己係友善提醒提客人係唔係足夠時間用餐喎。可能你地覺得自己唔休做啦，又有好多foodie幫你地賣廣告，所以覺得自己有本錢串得起。想打卡食野大家黎呢間係絕對無問題，但溫馨提示你地係要受埋氣架喎😊

有別於旺角區嘅cafe裝修簡約同光明杯碟每一樣都用心賣相好靚之餘儀式感滿分今次杯cappuccino太多泡了感覺一般牛奶卷唔算太出色抹茶歌劇院蛋糕味道好濃都幾好食同埋呢度坐低飲嘢傾計一流

由於本人是個桃控🍑當然不會錯過這家café推出的原個🍑山梨水蜜桃甜點這次一次過點了芭菲跟果撻！要看到實物才知道有多巨大震撼！😍🍑夏至の桃‧花菓芭菲 $150這杯芭菲，光是用看的已經賞心悅目✨主角🍑原個山梨縣水蜜桃真的又大顆又多汁，桃香四溢切下去才發現桃核已經完美地去除，並以輕盈的鮮奶油填滿；同時外貌絲毫無損，到底是怎麼做到的？！桃子底下像是一輪花邊裝飾的是白桃紅桑子碎蛋白脆餅，香脆而沒有過甜再底下的是一球乳酪雪糕，比傳統的雪糕多添酸味更加開胃看似粉紅色波堤甜甜圈的是軟滑的白桃慕絲配上爽口晶瑩的梅酒寒天、脆口的紅桑子脆脆及粒粒米香，增添口感綿密的伯爵茶海綿蛋糕伴上白桃鮮奶油散發香氣最底層的是白桃果醋凍與白桃果蓉，酸甜配搭正好取得平衡整個芭菲以多種材料交織而成，層次豐富但絕不會too much，吃到最後也不覺負擔果然是適合夏日品嚐的甜點🎐🍑日本山梨縣もも撻 $108這款選用了🍑原個山梨縣大糖領水蜜桃，香甜多汁程度自然不由分說跟芭菲一樣，桃核的位置以鮮奶油填滿酥皮撻底酥脆之餘有濃濃的焦糖香味，配上幼滑的香草卡士達醬雖然材料跟味道都很純粹，但組合起來卻令人很滿足🤤最重要的是吃罷兩個巨大水蜜桃甜

到旺角聚會，同行者提議嚟呢間cafe。cafe佔據咗登打士廣場的5樓全層，走出電梯後，右面係cafe ，左面似係做一啲display之類。兩邊都以白色做主色，感覺清新，尤其登打士廣場位於鬧市，食肆眾多，人煙稠密，所以當電梯門打開的剎那，當眼前出現呢間cafe時，真係令人感覺眼前一亮，佢帶到一種獨特的氛圍出嚟，好療癒，洗滌心靈。嚟呢度如果只係坐低飲杯嘢的話，消費算親民，我點的latte $40，冇加一。

平時旺角樓上cafe比我感覺係輕鬆溫馨，有啲board game玩下咁。但呢間整個裝修都好高級，簡約設計幾靚幾打卡able!玄米茶豆腐慕絲蛋糕 首先外層豆腐好綿滑，食落好重豆腐味，入面微流心嘅玄米茶散發淡淡茶味，唔會太重蓋過豆腐味，兩者夾埋意外地夾，幾清新🫶🏻House Lemonade 好fresh嘅一杯嘢飲，酸酸甜甜，飲到好重好新鮮嘅檸檬味，飲前記得先攪拌均勻！The Grain 本身聽個名唔係好知係咩嘢飲，聽店員講係酸酸甜甜，有檸檬汁等材料，就嗌咗試下！飲落反而無想像中咁酸，但有少少薑味咁。個人認為夏天消暑嘅話lemonade會好啲🤣

Order 野食要去櫃枱叫，戴眼鏡肥肥地男店員態度不耐煩，脾氣大，只係問下有冇咩menu上既缺貨，就手指指，冇直面回覆，見佢咁我地都覺得唔係好舒服當時同我地，全店得兩枱客，四個人，又唔忙，唔知佢躁咩底，對比價位同服務，唔理食物質素，其實真係唔會再去受個男店員既氣去過兩次，2次都係佢接客，食物質素係合理，對得住價錢，但服務真係要改下，男店員真係唔知想點，好影響客人情緒，好似有人得罪佢咁，店主留意番下員工問題吧！！