影片
呢间野系我楼下，耐唔耐都会去食下野食就不过不失，对得住个价钱既，重点系个个中年女waitress, 态度十级差串过马L，有几次差D想开佢波，唔知佢打工定老板但因为佢，唔想再帮衬今时今日比钱仲要睇面色食饭，几好食都假啦重有你地杯冻啡10级难饮，仲要加8蚊，要改善下
继续阅读
今日中午经过该店，叫左个日式厚切猪扒饭，食左一半发现有块约5cm胶片，通知侍应小姐，佢拎左入厨房之后若无其事出返黎👍完全冇交待事件后续，可惜即时冇影相做个纪录留为纪念，唔会再去🤗
继续阅读
比较西式餐厅，环境装修唔错，又见到早餐有菠萝包，入去试吓。职员主动，服务态度好。早餐都快到，麦皮还可以，甜度可以；菠萝包个皮就未够脆，包算热，但包未够松软。即磨咖啡值得一试。本身想像嘅菠萝包，未如理想，有少少失望。但环境舒适，都算不错。
继续阅读
向来钟意帮衬小店的我睇到IG有人介绍翠宁花园有间西餐厅，定价良心，出品不错；入开屯门就过嚟试下同支持小店位于转角位置，呈V形间格；简约装修以白色为主调，木系台櫈，感觉和谐舒适提供早午晚餐；逢星期三休息点咗两个晚餐，包饮品==========🔹忌廉喇沙大虾意粉/宽面 $75配以芽菜及豆卜，洒上香茜及芝士粉卖相是不错的，但食落非常失望3只大虾尚算爽口；豆卜及宽面即使挂汁但味道依然很淡喇沙及忌廉味道淡薄，调味太轻推介指数：4/10==========🔹烧猪肋骨配烧烤汁 $133自选两款配菜：松露薯条/松露薯蓉/蕃薯条/ 香辣薯角/ 香辣鸡锤/秘制黄画饭/ 什菜/ 蒜蓉菠菜拣咗香辣鸡锤同蒜蓉菠菜蒜蓉菠菜非常细嫩，可惜调味太淡香辣鸡锤炸得香脆，酸辣酱开胃主菜烧猪肋骨煮得有点过火令肉质有点偏干，味道正常但未有惊喜推介指数：6.5/10==========🔹冻奶茶 +$5无论奶味及茶味皆偏淡，唯一优点是甜度不高🔹热柠水水完全不热，只属室温；柠檬欠缺香味，新鲜度一般==========免加一服务费整体用餐体验只属一般，食物质素平平，有非常大的改善空间服务方面，店员亲切友善，为加分位
继续阅读
其实我身为屯门人又成日四围食，好多身边嘅朋友都会问我屯门有咩好食推介？我之前成日都拗爆头谂唔到有乜嘢好值得推介嘅餐厅🤔反而元朗我就谂到好多间，介绍得比人，希望人哋去食完都想佢哋有个好嘅体验，最近我终于揾到一间系嘅屯门超高质嘅西餐厅，真心有惊喜☺️话说我前几日同朋友去咗兆麟试左呢间开咗冇耐嘅西餐厅, 佢系开响翠宁花园入面，屋苑入面有间几靓嘅西餐厅感觉系有少少格格不入，本身以为会唔会好贵，但睇返啲价钱都合理，晚餐价格介乎$60几蚊至到百几蚊都有，点知试完之后，发现佢原来唔算贵，可以话系性价比超高添吖👍入面嘅装修都几有格调，光线充足柔和，环境都几舒服，我同朋友坐咗入卡位都几适合吹水聊聊天。佢晚餐都几多嘢食，我见到样样都好想食😍 就点左几款我同朋友都想食嘅嘢，谂住咩都试下，全部卖相好似好吸引咁😍同埋佢加$18就可以配餐汤同黑糖面包，佢嘅餐汤真系新鲜打嘅粟米汤，饮得出同出面嘅罐头汤好唔同，好Creamy好似喺日本饮𠮶啲浓汤咁甜😍 个黑糖面包又系好正，同Outback𠮶啲有啲唔同，佢嘅黑糖面包冇咁甜但好香好松软，唔使搽牛油都会好想食哂，我净系饮完个汤，食完个沙律同黑糖面包已经feel到佢哋好用心制作，所以劲期待跟住嘅主菜。1️⃣温泉蛋卡邦尼宽条面（$80）呢个见到个样已经好想食🥰因为佢上面嘅温泉蛋浪下浪下，好似系咁引诱我笃爆佢咁，而且下面嘅每一条嘅宽条面都俾满满嘅芝士同烟肉包裹住，超级浓郁，加埋温泉蛋嘅蛋浆每一口宽条面都超幸福🥰2️⃣自家制泰式酸辣酱配慢煮半只鸡配炸春卷及扒菜 （$90）呢个嘅卖相简直好似系高级餐厅摆盘一样，好赏心悦目😚半只鸡嘅份量都好多，重点佢系先慢煮再煎令到佢嘅肉质保持非常细嫩，连鸡胸都嫩👍真系高手，佢个自家制泰式酸辣酱喺度画龙点睛嘅作用，好少食到一个咁特别嘅泰式酸辣酱，佢有少少辣少少酸甜，唔会话好重口味，会令我好想系咁用佢嚟点鸡同埋春卷，点上咗瘾😜唔知点解，我想讲佢哋连啲配菜西兰花同埋翠玉瓜都煮得零舍好食，好一丝不苟👍3️⃣香煎三文鱼配烧烤汁（$133）呢款佢可以再加多两个配搭，我哋拣咗松露薯条同埋蒜蓉菠菜，同样系唔会令我哋失望。首先佢块三文鱼扒本身已经夹好咗先得外脆入面啱啱好，同样摆盘精美👍佢嘅松露薯条上面嘅松露酱一啲都唔吝啬，而且佢嘅炸薯条炸得啱啱好金黄香脆，冻左都好食𠮶只👍蒜蓉菠菜亦够入味。总之我哋随机咁样点左几款主菜都食得出大厨嘅水准同埋心思，真系每一道都色香味俱全，真心正！我真系好耐冇试过全餐饭边食边赞，系全部煮得啱啱好色香味俱全𠮶只，我真系好想问吓大厨到底发生了什么事？要喺呢度屋苑内开间咁高质嘅西餐厅嘅🍴？关于呢个答案我系最后都问到，因为我好唔知丑咁样八到🤣原来呢间餐厅系有一对年轻嘅小情侣一齐开嘅，系外场好热情招待嘅就系老板嘅女朋友，同佢倾多几句，知道原来老板就系大厨，佢之前喺好多唔同出名嘅酒店同埋餐厅做过厨师，啱啱出嚟开餐厅创业，所以难怪我可以食到啲咁高水准嘅西餐，原来系出自经验大厨之手👍后来我见到老板，原来佢都系十分年轻，同佢哋倾多咗两句，知道原来佢哋选择系屯门翠宁花园开呢间餐厅有个理念，就系希望将一啲高质嘅西餐带到屋苑同埋平民嘅地方，将美食同更多人去分享。我听完之后真系十分感动，一来见到佢哋小两口子咁投入同埋认真去创业去追梦，二来见到佢哋带啲咁高质嘅美食俾大家𠮶份坚持✊我点会唔支持？加上我真系好耐冇喺屯门食到咁正嘅西餐，难得揾到屯门嘅好嘢食，所以我决定要打长文支持下佢哋！大家如果喺屯门街坊都可以去支持吓佢哋，如果唔系住喺屯门咁啱入开去都可以帮衬吓，真心正，好少咁推介😋我食咗一次就已经成为咗佢哋嘅fans了，相信好快我会再返去帮衬㗎啦🤣希望佢哋继续加油！俾更多人认识✊店名：BESTIE 地址：屯门丰安街2号翠宁花园地下19号舖（轻铁兆麟站旁）
继续阅读