影片
以上资料只供参考，请与餐厅确认详情
相关文章
Ben Ben 厨房@benben.kitchen大埔南盛街16号南盛大厦地下1号舖今日黎到一间大埔区好重人情味嘅小店「Ben Ben厨房」！我唔系吹奏佢，系因为佢会定期派饭比老人家同提供义剪的，值得赞赏。之前都有外卖过佢d炒粉面，又真心几好食，所以今次就黎试下佢d晚市野食。今次叫左蒜香骨、海鲜豆腐煲同埋煎蚝饼。1.蒜香骨炸蒜十足，d骨入味，整得够晒香口，食落啖啖肉，唔会只系得骨！如果唔系要返工，我一定叫支啤酒黎送🤤🤤2.海鲜豆腐煲材料十足！虾同鱿鱼火喉控制得宜，绝对冇over cook!味道岩岩好，唔会话大浓味遮左食物本身味道。收汁都收得好好，d汁挂到系食身本身上面，煲底唔会话水汪汪。不过d菇就有少少苦涩味。3.煎蚝饼好耐冇食过煎蚝饼，对上一次已经系d走鬼档到食！坊间好多蚝饼都系炸到好似入面冇野咁，蚝又细，个d我只能叫炸粉浆！但依到嘅做法就应该系做半煎炸，所以先做到真系有「饼」嘅效果，而且d蚝又大粒d又唔会腥！不过如果可以厚多少少，口感真会更加fit了😋整体黎讲，食物质素良好，环境企理干净，坐都舒服！系一间值得一去嘅小店。#大埔美食 #香港美食 #hkfood #港式 #人情味
继续阅读
知道呢间餐厅的存在已经有一段时间，但由于在社交平台的地区group内很经常的有人讲佢赞佢，感觉系promotion,觉得好烦，反而唔想去。不过由于近日有人讲佢个汤，我又好钟意饮汤，所以咪去试吓。八九十蚊一个蒸饭加汤set,喺大埔黎讲，系偏贵的。但试完就知佢绝对对得住呢个价。先讲个汤，份量超级足，两个人都够。汤料好足，粗略数有：数块乌鸡，两只鸡脚，一块大一块小的一字猪骨。呢个炖汤，真系大满足！到个蒸饭，大埔有不少店有蒸饭，但呢度个蒸饭质素真系好，饭香，不太亁也不太湿，鸡有鸡味，佢系贵过人地，但质素真系比人地高㖞！好高兴有间提供有质素食物的茶餐厅；毕竟大埔已经有很多不太贵但不太好食的茶餐厅了，不用再有更多。有一些地方是希望改善的：椅子很焗，未到夏天，已觉得很焗有点热；音乐也有点太大声了。
继续阅读
经过见到佢个装修已经好吸引，用好靓嘅霓虹灯做装饰❤️原来系新开就入去食下啦！劲多款式，搞到我都有选择困难症🤣老板推介食个蒸饭配炖汤！云耳蒸鸡饭，鸡肉够香嫩，腌得好香👍🏻虾酱蒸肉片饭，超级香呀，捞饭超正炖汤好味到唔记得影相，入面劲足料💯
继续阅读
我都唔想做Ben Ben 打手（foxd历史上应该只有两间餐厅试过岀3个post 或以上），但我次次黎亲都有惊喜，加上呢排又无乜机会岀去食饭，唔帮你写多2个post 都唔得啦吓话~话说Ben Ben 有龙虾食唔系今日先知，几日前黎到谂住食个快lunch 继续番屋企扮工，就畀隔离枱碟龙虾吸引左，心谂有无咁痴线呀？茶记lunch 有芝士龙虾伊面食？😆🦞开边波士顿龙虾(芝士伊面底) $➊➎➑闻名不如见面，叫碟黎食吓最实际。148蚊一只开边波士顿龙虾都几好肉㖞，鲜味爽口仲带微微黄油👍🏻龙虾钳都扑开左完全唔洗用手就食到。芝士伊面够哂香浓同大份，1个人食就太heavy，2个人嗌一碟再搭多份下午茶share 就刚刚好。系今时今日嘅香港，咩娱乐都无，想食餐好都咁难，畀你揾到间畀到咁多surprise 客人嘅茶餐厅，2个人畀百几蚊可以食到龙虾午餐仲要咁好食，真系加倍珍惜呀大家😌📍Ben Ben 厨房大埔南盛街16号南盛大厦地下1号舖
继续阅读
来到大埔梗系要帮衬黄店啦一间真正金黄黄金嘅黄店 一定系这一间半只鸡啖啖肉鸡有鸡味未一个餐非常抵食净系睇张相都已经够晒看头啦 真系劲真系冇得顶㗎福建炒饭非常足料有晒镬气钟意食风味餐馆嘅朋友一定唔可以错过呢度仲有各式各样唔同配搭嘅餐粉面饭都有大埔人有几多个新落脚嘅地方啊见到呢一度个装修都知道一定系自己友啦系唔系先嚟到依度一定唔怕揾唔到舖头因为行到街头已经听到老细把声够晒热闹香港人最钟意热闹自己人一齐食餐饭先至开心㗎嘛真香港人一定要来帮衬嘅真香港人地方BEN BEN BEN
继续阅读