Ben哥米線

营业中

休息中

諗住清清哋食個米線所以叫咗芫荽清湯，豬紅，墨丸同魚皮餃每一啖都咸到食唔到，無論係成個湯定啲餸菜都係超級鹹。啲墨丸正常睇落都似就咁清湯烚熟就係，就算係超市嘅墨丸烚熟都唔會咁樣嘅調味。幾年前係觀塘食過都唔係咁，但做到咁難食嘅就點都唔會再俾機會。跟餐叫一罐烏龍茶，一路食一路飲哂成罐都唔掂。唔會有下次，食個咁嘅米線都$64，無價值可言。連餐飲都唔想留港消費。最續係我個晚食完米線，即刻喉嚨劇痛，當晚發高燒，病足幾日

📍Ben哥米線🇭🇰 將軍澳唐俊街18號The Parkside Mall 1樓木馬工房A10號舖將軍澳終於有譚仔以外嘅米線🥹超級感動作為米線關注組嘅一份子 當然要去試試佢😋 時令藥膳麻辣湯底(小辣) $35唐生菜 +$7啫喱豬軟骨 +$14包飲品(汽水)有驚喜! 佢呢隻麻辣係重口味個種麻辣偏油嘅～ 但係好夠麻我個人就係偏愛呢種重口味米線🤣米線都ok 芽菜 芫荽個啲都足可惜配菜唔算多 豬軟骨得幾舊細嘅朋友食豬紅都唔錯

本身鍾意食米線，見到有藥膳麻辣湯底，真係幾特別，呢隻湯底好值得一試，揀左小小辣，仲有蕃茄湯底同埋藥膳唔辣湯底！可以揀餸都有好多款，豬軟骨好軟滑入味，蜂巢豆腐都係出面少有的，食落去可以索買啲汁👍🏻, 餐肉夠大塊，有豬大腸、豬紅、蘿白…米線都算夠多！加左碟油菜，菜心、娃娃菜!小食都有好多種，麻辣墨魚頭爽脆！其他鋪頭好似少見啲，下次可以試吓雞翼尖尖椒皮蛋！鍾意佢有汽水送! 食辣有個免費可樂🥤正！喺張飛度有個印，下次可以送個免費小食！

嗌左藥膳麻辣湯底小辣茶餐廳辣椒油溝出黎既湯咁 加幾粒杞子當藥膳 一啲藥材味都冇餸嗌左秘製腩肉同花枝卷腩肉食唔到有何秘製 切到好厚 sip晒牙縫花枝卷係ok既盛惠$60 食唔出個價值唔會有下次

麻辣同茄湯都不錯 茄湯好濃郁 麻辣麻夠爽 係略嫌餸量較少 但麵底大份 豬耳幾入味 腐竹正常 腩肉正常唔辣 另外叫咗份牛展 肉唔硬 但係冇乜汁 建議撈咗先出菜 有六七塊 但38蚊偏貴 有得揀礦泉水做野飲幾好 經過會再食

我係第一次寫食評，估唔到係因為太難食，所以要寫…..我頭先去到大約7:00，成個場人影都冇隻。行到買鋪頭前面睇餐牌，睇咗成分鐘… 舖頭三個夥計都淨係喺度打牙骹….. 算….外賣叫咗推薦嘅藥膳麻辣湯底大辣，配雞肉同午餐肉。返到屋企個湯仲好熱，但已經覺得冇乜香味同麻辣味。然後試一啖米線嚇親我… 佢個湯底淡到好似水咁。係辣呀，但啲辣味同個湯底同米線完全係分開嘅….然後啲米線淋到咩咁！從來都冇食過咁難食嘅米線…希望將軍澳人唔好中伏！

成日經過見到開左間新米線，聽朋友講食過觀塘分店唔好食，不過見成個場都冇乜人，同老婆今日又少趕咪諗住食完拿拿林出發，我嗌左個荽茜菠菜湯米線加嫩雞同牛𦟌，盛惠$57，一睇青青地好似正常，食落你老闆個湯底幾乎冇味，係得少少咸味，個荽茜只係面頭果堆用黎裝飾既荽茜比多少少咁解，嫩雞鞋到pk，米線煮到勁淋，加上冇味既湯，我真係唔知自己食緊啲咩，嬲到我，係得果三塊薄薄牛𦟌叫有啲滷水味，是但食都feel到對食材係幾咁求其，一啲心機都冇，我差唔多成碗冇食過，我好少寫食評，但必須要反映呢間真係唔好黎。

湯底濃厚米線店Ben哥米線一條友食lunch其實真係米線係首選，食老譚又食到悶悶地，今次決定行遠啲食下Ben哥米線先😋藥膳麻辣湯底配米線 $34平時食米線都係食酸辣或者麻辣，呢度就有幾款特別口味，而我就試藥膳麻辣湯底，味道都幾濃厚，重口味人士必選！豬軟骨 $12豬軟骨表現十分不錯，夠淋夠入味，一份有三件都幾大件，抵食之選！肥牛 $1010蚊來講佢都算係大份，最少都有5-6片而且都唔細片，性價比都係不錯！

食米線當然一定湯底要掂，這個藥膳麻辣湯底非常好，不太辣，又有適量的酒味，真是配合得天衣無縫。蔬菜麵非常特別， 剛剛食落去口感良好，麵質煙韌，可能我食得慢，最後幾注麵開始有些‘’林‘’， 但都值得推介。墨魚頭非常爽脆，係一個超級美味的小食。一定會再幫襯，特別多謝老闆的細心及誠意，新店剛開張便介紹了幾款推介美食，一個<正>字！

今日經開parkside，原來上面有間新開既米線我地試左藥膳麻辣湯底小辣，配大腸、蝦餅同蘿蔔，估唔到幾好食喎😋大腸又淋又入味、蝦餅都好彈牙、蘿蔔就正常野佢個湯仲幾好飲，我差啲飲哂啲湯呀😆另外叫左小食麻辣墨魚頭、蒜香雞翼尖、油菜麻辣墨魚頭 真係好好食，又爽脆鮮味，呢個真係值得一試蒜香雞翼尖呢個都好入味，唔差油菜菜芯無渣淋甜，因為平時出面食好多都有渣的，呢度無👍🏻未食之前諗住都係同其他米線鋪差唔多味，原來唔係架，同之前食開既麻辣好唔同，下次有機會試吓其他湯底先🥰

同事帶我到這間位於將軍澳站天晉商場的Ben Sir米線吃午餐。先說這個商場位置相對隱蔽，平時路過絕對不會留意到。商場地下是街市，上到一樓是一個剛剛裝修好的Food Court ，暫時只得此家食肆營業。這家食肆以米線為主打，朋友點了藥膳麻辣米線，配料包括豬軟骨及豬潤；而我就選擇了麻辣米線，配料是豬腩肉及韓式魚蛋，我們還分享了一個墨魚頭小食。雲南米線最重視湯底是否地道，我和同事都很滿意兩個米線湯底，辣度適中，配料亦不俗，豬軟骨及豬潤尤其美味。最有驚喜的是墨魚頭，醬汁微辣，墨魚頭新鮮爽脆，吃完還想繼續食。套餐可以免費配礦泉水、汽水或或加錢改其他飲料，每人大概只付了70多元，價錢算是合理。總括來說，我喜歡這米線的味道也會再來光顧。希望Food Court營運之後，小店會有更多客人。